CORINTHMIKO KÜNAO 10
10
1I Paul Khrista zhoküve mu kümünü lü nieko ce poyo, nieko zü kübace mününui yo vele nieko zü bamo kütace nieko yo a dzü rüh tayo: 2I nieko ce choyo, süo apo nieko dülü küvoce apo a dzü rüh tamo küto mülü, I vo kütsü sa ha thinpho müdolü tatho no lüyo küzhoko yo poto küba bi. 3Hatho thinpho zü hü baluri thümari zhoo bi thithüri thiyo mo. 4Ha rinyie sühyo küzhoko ciedzüo rinyie bimo vele velotsühkütsü küku cohu ri dzürhüyiküve küku sühyo. 5Sü püh mi mhalü kühopühri u thi kürükrü sü Jihova mhashe mütüyo küzhoko nüda, sino ulüdoko tüpüvo Khrista dzüzü lü süyo. 6Nie dzüzü lü voyi kütasa dzüzü thi tsoyi mo kütako müjosü kütola ha küsüh pü bate. 7Niemhü püh nie mhüdzülü küngoko pesü yi, kühopühri Khista zhü küta mülükhro yo tsüsa, sümi po hari Khrista zhü küta lüyi te. 8Nyepoo apo nie thimüshüva mole nie phü müsü küsü küku kha atsü küsüo la I kümühari za tazori I münga tayi ho. 9I lüsi thopüh nieko kücieküru küto la mo. 10Uko po kütsü “pü lüsiko lü püdzü müshi mu kushu; vele mhütsu zotsü thathi mu püdzüpo mhapühri zo mo,” siyo 11Sümi po hi sheyi te, ha küdice lüsi lü po küsü bi ha küvoce ri sübin thizo to. 12Siyo hatho hathi mükre mori hapüh utho uchuhyo küzhomi zü kümüdeyo mo. Vele ukotho uko dolü kümüde mu huhu popüh kümüde süzi küzho uco she kümola. 13Vele ha kümüha küyeyi ho, Jihova che hatsü küsü hapo pühvo nie tsono küsü pi kümühayi ho. 14Ha niece vo kütsüce ta chuhküzü vori mo, mu ha Khrista dzüyiküveo püh niece vo küratho thizo. 15Sino hatho hachuh küyie tamo, kükremi mhatho lano; vele ha kümüri nie kümülü po ve kühü mu nie dülü ha mhatho po ma müzho küchüyi, 16Sino hapo dzüyiküveo po nie müchuh vo kükremi ceri voyi, süzino hapo mi mhathoko la kümüha tamo. 17Kühopühri kümüha küzhoo Nyepoo la kümühayi te. 18Thüma utho uchuh kütsüo yiyiyomo, vele Nyepoo püchuh küsüo uzho
ទើបបានជ្រើសរើសហើយ៖
CORINTHMIKO KÜNAO 10: NAG5BSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chakhesang Chokri Naga New Testament © Bible Society of India, 2015. Used by permission. All rights reserved worldwide.
CORINTHMIKO KÜNAO 10
10
1I Paul Khrista zhoküve mu kümünü lü nieko ce poyo, nieko zü kübace mününui yo vele nieko zü bamo kütace nieko yo a dzü rüh tayo: 2I nieko ce choyo, süo apo nieko dülü küvoce apo a dzü rüh tamo küto mülü, I vo kütsü sa ha thinpho müdolü tatho no lüyo küzhoko yo poto küba bi. 3Hatho thinpho zü hü baluri thümari zhoo bi thithüri thiyo mo. 4Ha rinyie sühyo küzhoko ciedzüo rinyie bimo vele velotsühkütsü küku cohu ri dzürhüyiküve küku sühyo. 5Sü püh mi mhalü kühopühri u thi kürükrü sü Jihova mhashe mütüyo küzhoko nüda, sino ulüdoko tüpüvo Khrista dzüzü lü süyo. 6Nie dzüzü lü voyi kütasa dzüzü thi tsoyi mo kütako müjosü kütola ha küsüh pü bate. 7Niemhü püh nie mhüdzülü küngoko pesü yi, kühopühri Khista zhü küta mülükhro yo tsüsa, sümi po hari Khrista zhü küta lüyi te. 8Nyepoo apo nie thimüshüva mole nie phü müsü küsü küku kha atsü küsüo la I kümühari za tazori I münga tayi ho. 9I lüsi thopüh nieko kücieküru küto la mo. 10Uko po kütsü “pü lüsiko lü püdzü müshi mu kushu; vele mhütsu zotsü thathi mu püdzüpo mhapühri zo mo,” siyo 11Sümi po hi sheyi te, ha küdice lüsi lü po küsü bi ha küvoce ri sübin thizo to. 12Siyo hatho hathi mükre mori hapüh utho uchuhyo küzhomi zü kümüdeyo mo. Vele ukotho uko dolü kümüde mu huhu popüh kümüde süzi küzho uco she kümola. 13Vele ha kümüha küyeyi ho, Jihova che hatsü küsü hapo pühvo nie tsono küsü pi kümühayi ho. 14Ha niece vo kütsüce ta chuhküzü vori mo, mu ha Khrista dzüyiküveo püh niece vo küratho thizo. 15Sino hatho hachuh küyie tamo, kükremi mhatho lano; vele ha kümüri nie kümülü po ve kühü mu nie dülü ha mhatho po ma müzho küchüyi, 16Sino hapo dzüyiküveo po nie müchuh vo kükremi ceri voyi, süzino hapo mi mhathoko la kümüha tamo. 17Kühopühri kümüha küzhoo Nyepoo la kümühayi te. 18Thüma utho uchuh kütsüo yiyiyomo, vele Nyepoo püchuh küsüo uzho
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chakhesang Chokri Naga New Testament © Bible Society of India, 2015. Used by permission. All rights reserved worldwide.