CORINTHMIKO KÜRAO 10
10
Isreal nhatsalü keta pü thaka thi kesü
1Sülebi zo mori, azüneko, I nekopo semo melo banyümo, dipü bide uponeko kemhü khrolü ta vo sheli, mu jükezho lü cuvo sheli. 2Mu uko metü Moses belü jülopü kemhülü mu jükezholü. 3Mu uko metü rüpülü themuti. 4Mu uko metü rüpülü jükra, rüpülü tsüro uko sameji ketao yo jükra, süo Khrista tsüro. 5Vele uko kekro Jihova po pünüyi mote, kekrelamori uko kha nhatsalü kelhu kevala. 6Tsüdo mhahiko khi uko la thaka pü thiba, mhakesuzhüko meho menyü mo ketola, uko kemenyü zhüko. 7Mori nekopo therümarheko reshü moketo, süko humibi, theju thopü kemeta, thümako mhati mhakra keyisa tosü rezhü ta. 8Mori uko keregükerezhü thimo lekhe, uko humi thi ketabi, mu uko tüsozho pü nha thüma nye mecüsü retuta (nye sü Ex. 32; 28). 9Mori humi Khrista medophi keta bi uko sizi mo lekhe, mu tenhi po uko medokhri kevabi. 10Mori humi panyo paro ketala neko panyo paro ta, mu kekalü uko mekava. 11Tsüdo mhahiko thaka thi tate, uko yo kethiko mu mha süko thopü ukola tarho kesüko la cejü pü thüla thi keta vori te. 12Süla mhakelümiko thayi te mo lize retu tari semo tila. 13Medo kephi neko yo khasümo, thüma metü zho zo kemosa, vele Jihova jüthozo, pü nepo hüyikeve kezüpü neko medophi süho, vele hüyikeveko lebi zoto, mu medokephi vori tice sheri chode phupü therü therayi keve thi süto, mu neko hüyikeve thi sü to. 14Süla akekhrü miko, marhe kereshülü tazo tate. 15I mhakese m ketsümi ce kepobi po süho, neko I dipüposü sheri lü medo bate.
Niepoo miz yo, kehu thi mekre keyi
16Tehe khapü uko kechothi kesü (jokesü) ce Khrista za la kehu ba mome? Tsükhri yo jo kesüce uko cephro kesü Khrista thi püpho la kehu ba mome? 17Uko thüma kekro tsükhri pü yozo, mu phopü zo, kekrelamori uko tsükhri pü keza ti kebala. 18Isreal uthiupho laco vo keta pesü te, uko themu ketiko rütho kethilü reshüba zü kerhü mome? 19Süsa I dipü po bata? Therü marhe sü mhapü zome? Mori reshü thipü therü marhe ce kesü mhapü zome? 20Vele a kepo therüna (judakemoko) rütho thikesüko thipü therükesuko ce süyo; mu thipü Jihova ce sü yomo; mu I nekopo therü kesuo zü ketekhre nyü mo. 21Neko Niepoo he kra mu therükesuko he sheri kra yi su; neko Niepoo zü kemekro (lütilüle) thi pü miz püyo mu therükesuko miz sheri püzü kemekro sizi yiho. 22Uko Niepoo lüda valapü püpo uro kene thisü tome? Neko püce ku meco ku teme?
Kekhrü zho, mha ketilü, mu kekralü
23Mha metü ala thezho zo; vele metü ala khimo kesu zomo; mhametü ala thezho tsüzo, vele metü mhathi kezüve sü yomo. 24Thümapü pori pütho pü zhozhü lü hite, vele thüma kekrepü cene lü sü te. 25Mha kehopüri ketukeholü zhu kesüko, mhaketila, pülü pütü püzho me moshi ketso zo mori ve. 26Kekrelamori cejüsü Niepoo zhüzo, mu sülü chupü keta metü sheri. 27Mhace uko humi melüyi kemomi nzü tavo npo tehü tehülü hino ncüta lize mu no tavota, lize mhakehopü sheri kha n mhüjülü kesüo tite, pütü püzho nlü ketsakhu ketsozo mori ve. 28Vele humi nce poti, mha hiohi rütho thipü therü marhe reshü ti zhüle zita lize, süo tihite po mese kevala, nlükelü ketsode n medo mo ketala; kekrelamori cejü sü Niepoo zhü mu sülü chupü keta metü. 29Kelü a kepo nla zomo, vele kekremila, atho amedo kethila kekremi lü kelü ketso bazota? 30Kekrelamori I ngokemezhelü kezüpü thita lize, I dipü la mhakesu poba ta pü kemeza kha sü keva kola? 31Neko mhati sheri, mori kra sheri, mori mhakehopü nekotho thizo sheri, metü Niepoo zapozale thi zote. 32Mipü sheri mejo nümo thiva hite; Jewsmiko yo sheri mori Gentilemi yo sheri; mori Jihova kehuce yo sheri. 33I sheri thüma metüko nüthi ta mhametülü, sübi I atho ala kemeve lü tamo, vele metüla kemeve, side uko po kelakeyi ngoyi ketola.
ទើបបានជ្រើសរើសហើយ៖
CORINTHMIKO KÜRAO 10: NAG5BSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chakhesang Chokri Naga New Testament © Bible Society of India, 2015. Used by permission. All rights reserved worldwide.
CORINTHMIKO KÜRAO 10
10
Isreal nhatsalü keta pü thaka thi kesü
1Sülebi zo mori, azüneko, I nekopo semo melo banyümo, dipü bide uponeko kemhü khrolü ta vo sheli, mu jükezho lü cuvo sheli. 2Mu uko metü Moses belü jülopü kemhülü mu jükezholü. 3Mu uko metü rüpülü themuti. 4Mu uko metü rüpülü jükra, rüpülü tsüro uko sameji ketao yo jükra, süo Khrista tsüro. 5Vele uko kekro Jihova po pünüyi mote, kekrelamori uko kha nhatsalü kelhu kevala. 6Tsüdo mhahiko khi uko la thaka pü thiba, mhakesuzhüko meho menyü mo ketola, uko kemenyü zhüko. 7Mori nekopo therümarheko reshü moketo, süko humibi, theju thopü kemeta, thümako mhati mhakra keyisa tosü rezhü ta. 8Mori uko keregükerezhü thimo lekhe, uko humi thi ketabi, mu uko tüsozho pü nha thüma nye mecüsü retuta (nye sü Ex. 32; 28). 9Mori humi Khrista medophi keta bi uko sizi mo lekhe, mu tenhi po uko medokhri kevabi. 10Mori humi panyo paro ketala neko panyo paro ta, mu kekalü uko mekava. 11Tsüdo mhahiko thaka thi tate, uko yo kethiko mu mha süko thopü ukola tarho kesüko la cejü pü thüla thi keta vori te. 12Süla mhakelümiko thayi te mo lize retu tari semo tila. 13Medo kephi neko yo khasümo, thüma metü zho zo kemosa, vele Jihova jüthozo, pü nepo hüyikeve kezüpü neko medophi süho, vele hüyikeveko lebi zoto, mu medokephi vori tice sheri chode phupü therü therayi keve thi süto, mu neko hüyikeve thi sü to. 14Süla akekhrü miko, marhe kereshülü tazo tate. 15I mhakese m ketsümi ce kepobi po süho, neko I dipüposü sheri lü medo bate.
Niepoo miz yo, kehu thi mekre keyi
16Tehe khapü uko kechothi kesü (jokesü) ce Khrista za la kehu ba mome? Tsükhri yo jo kesüce uko cephro kesü Khrista thi püpho la kehu ba mome? 17Uko thüma kekro tsükhri pü yozo, mu phopü zo, kekrelamori uko tsükhri pü keza ti kebala. 18Isreal uthiupho laco vo keta pesü te, uko themu ketiko rütho kethilü reshüba zü kerhü mome? 19Süsa I dipü po bata? Therü marhe sü mhapü zome? Mori reshü thipü therü marhe ce kesü mhapü zome? 20Vele a kepo therüna (judakemoko) rütho thikesüko thipü therükesuko ce süyo; mu thipü Jihova ce sü yomo; mu I nekopo therü kesuo zü ketekhre nyü mo. 21Neko Niepoo he kra mu therükesuko he sheri kra yi su; neko Niepoo zü kemekro (lütilüle) thi pü miz püyo mu therükesuko miz sheri püzü kemekro sizi yiho. 22Uko Niepoo lüda valapü püpo uro kene thisü tome? Neko püce ku meco ku teme?
Kekhrü zho, mha ketilü, mu kekralü
23Mha metü ala thezho zo; vele metü ala khimo kesu zomo; mhametü ala thezho tsüzo, vele metü mhathi kezüve sü yomo. 24Thümapü pori pütho pü zhozhü lü hite, vele thüma kekrepü cene lü sü te. 25Mha kehopüri ketukeholü zhu kesüko, mhaketila, pülü pütü püzho me moshi ketso zo mori ve. 26Kekrelamori cejüsü Niepoo zhüzo, mu sülü chupü keta metü sheri. 27Mhace uko humi melüyi kemomi nzü tavo npo tehü tehülü hino ncüta lize mu no tavota, lize mhakehopü sheri kha n mhüjülü kesüo tite, pütü püzho nlü ketsakhu ketsozo mori ve. 28Vele humi nce poti, mha hiohi rütho thipü therü marhe reshü ti zhüle zita lize, süo tihite po mese kevala, nlükelü ketsode n medo mo ketala; kekrelamori cejü sü Niepoo zhü mu sülü chupü keta metü. 29Kelü a kepo nla zomo, vele kekremila, atho amedo kethila kekremi lü kelü ketso bazota? 30Kekrelamori I ngokemezhelü kezüpü thita lize, I dipü la mhakesu poba ta pü kemeza kha sü keva kola? 31Neko mhati sheri, mori kra sheri, mori mhakehopü nekotho thizo sheri, metü Niepoo zapozale thi zote. 32Mipü sheri mejo nümo thiva hite; Jewsmiko yo sheri mori Gentilemi yo sheri; mori Jihova kehuce yo sheri. 33I sheri thüma metüko nüthi ta mhametülü, sübi I atho ala kemeve lü tamo, vele metüla kemeve, side uko po kelakeyi ngoyi ketola.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chakhesang Chokri Naga New Testament © Bible Society of India, 2015. Used by permission. All rights reserved worldwide.