Loos 6
6
Tuag Rau Kev Txhaum Tiamsis Nrog Khetos Koom Ib Txojsia
1Yogli ntawd, peb yuav hais licas? Peb yuav hais tias cia peb rausiab ntso ua txhaum kom Vajtswv txoj hmoovhlub hajyam loj ntxiv no lov? 2Tsis yog li ntawd! Peb twb tuag rau txoj kev txhaum lawm, peb yuav ua licas ua neej nyob rau hauv txoj kev txhaum mus ntxiv? 3Nej tsis paub tias peb txhua tus uas tau ua kevcai rausdej rau hauv Yexus Khetos lawm, yog peb ua kevcai rausdej rau hauv Nws txoj kev tuag no lov? 4Yogli ntawd, peb thiaj raug muab log nrog Nws thiab koom Nws txoj kev tuag los ntawm qhov uas peb ua kevcai rausdej, kom thaum Leejtxiv tsa Khetos sawv hauv qhovtuag rovqab los, los ntawm Nws tus tshwjchim, peb thiaj yuav muaj dua lub neej tshiab thiab. #Kaulx 2:12
5Peb tau koomxeeb nrog Nws txoj kev tuag licas, peb yuav koomxeeb nrog Nws sawv hauv qhovtuag rov los muaj txojsia ib yam li ntawd thiab. 6Peb paub tias peb tus neeg qub twb raug muab ntsia nrog Khetos rau saum Nws tus ntoo khaublig lawm, kom lub cev uas txawj ua kev txhaum puastsuaj mus, kom peb thiaj tsis tau ua txoj kev txhaum qhev ntxiv. 7Rauqhov tus neeg uas tuag lawm, nws twb dim ntawm txoj kev txhaum lub hwjchim lawm.
8Yog peb tuag nrog Khetos, peb ntseeg tias peb yuav muaj txojsia nrog Nws nyob uake thiab. 9Peb paub tias Vajtswv twb tsa Khetos sawv hauv qhovtuag rovqab los thiab Nws yuav tsis tuag li lawm; txoj kev tuag yuav tsis muaj hwjchim kav Nws ntxiv lawm. 10Qhov uas Nws tuag, Nws tsuas tuag tibzaug rau txoj kev txhaum xwb; nimno Nws muaj sia nyob, yog Nws nyob pub rau Vajtswv. 11Ib yam li ntawd, nej yuavtsum suav hais tias nej twb tuag rau txoj kev txhaum thiab twb muaj txojsia rau ntawm Vajtswv nyob rau hauv Yexus Khetos lawm.
12Yogli ntawd, tsis txhob cia txoj kev txhaum kav nej lub cev uas txawj tuag ntxiv lawm, kom nej thiaj yuav tsis mus ua rawsli nej lub siab nyiam. 13Tsis txhob pub ib feem ntawm nej lub cev rau kev txhaum coj mus siv ua phem ua qias. Tiamsis ciali muab nej lub cev pub rau Vajtswv zooli cov neeg uas twb sawv hauv qhovtuag rovqab los lawm, thiab ciali muab hlo nej lub cev pub rau Vajtswv siv ua qhov ncajncees. 14Txoj kev txhaum yuav tsis ua tus kav nej lawm; rauqhov nej tsis yog nyob hauvqab txoj kevcai, tiamsis yog nyob hauvqab Vajtswv txoj hmoovhlub lawm.
Ua Kev Ncajncees Qhev
15Yogli ntawd, peb yuav ua licas? Peb yuav ciali ua txhaum vim peb tsis nyob hauvqab txoj kevcai, tiamsis nyob hauvqab Vajtswv txoj hmoovhlub lov? Tsis yog li ntawd! 16Nej twb paub lawm hais tias thaum nej txaussiab hlo mloog ib tug twg lus, ces yog nej ua tus uas nej mloog nws lus ntawd qhev. Yog nej ua txoj kev txhaum qhev, thaum kawg nej yuav raug kev ploj kev tuag. Yog nej ua txoj kev mloog Vajtswv lus qhev, thaum kawg nej yuav yog neeg ncajncees. 17Tiamsis ua Vajtswv tsaug! Txawm yog yav tas los nej ua txoj kev txhaum qhev, los nimno nej kubsiab lug ua rawsli tej lus tseeb uas nej tau hnov lawm. 18Vajtswv twb tso nej dim ntawm txoj kev txhaum thiab nej twb peemtsheej los ua txoj kev ncajncees qhev lawm.
19(Kuv siv tej lus uas neeg niajhnub hais xwb, rauqhov nyuaj rau nej totaub.) Yav tas los, nej muab nej lub cev mus ua txoj kev txhaum thiab kev phem kev qias qhev licas lawm, nimno nej yuavtsum muab nej lub cev mus ua qhov ncajncees qhev ib yam li ntawd kom nej muaj lub neej uas dawbhuv.
20Thaum nej tseem ua txoj kev txhaum qhev, txoj kev ncajncees yeej tsis kav nej li. 21Tej uas nej ua tas los lawm, es nimno ua rau nej txajmuag, tej ntawd muaj qabhau dabtsi? Tej ntawd, thaum kawg yog kev ploj kev tuag xwb! 22Tiamsis nimno Vajtswv twb tso nej dim ntawm txoj kev txhaum los ua Nws cov qhev lawm. Qhov uas nej tau yog txoj kev raug ntxuav kom dawbhuv, thaum kawg yog txojsia ntev dhawv mus ibtxhis. 23Rauqhov nqizog ntawm txoj kev txhaum yog kev ploj kev tuag, tiamsis Vajtswv qhov khoomplig uas pub dawb yog txojsia ntev dhawv mus ibtxhis uas nyob rau hauv Yexus Khetos uas yog peb tus Tswv.
ទើបបានជ្រើសរើសហើយ៖
Loos 6: MWW2022
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2022 United Bible Societies. All rights reserved.
Loos 6
6
Tuag Rau Kev Txhaum Tiamsis Nrog Khetos Koom Ib Txojsia
1Yogli ntawd, peb yuav hais licas? Peb yuav hais tias cia peb rausiab ntso ua txhaum kom Vajtswv txoj hmoovhlub hajyam loj ntxiv no lov? 2Tsis yog li ntawd! Peb twb tuag rau txoj kev txhaum lawm, peb yuav ua licas ua neej nyob rau hauv txoj kev txhaum mus ntxiv? 3Nej tsis paub tias peb txhua tus uas tau ua kevcai rausdej rau hauv Yexus Khetos lawm, yog peb ua kevcai rausdej rau hauv Nws txoj kev tuag no lov? 4Yogli ntawd, peb thiaj raug muab log nrog Nws thiab koom Nws txoj kev tuag los ntawm qhov uas peb ua kevcai rausdej, kom thaum Leejtxiv tsa Khetos sawv hauv qhovtuag rovqab los, los ntawm Nws tus tshwjchim, peb thiaj yuav muaj dua lub neej tshiab thiab. #Kaulx 2:12
5Peb tau koomxeeb nrog Nws txoj kev tuag licas, peb yuav koomxeeb nrog Nws sawv hauv qhovtuag rov los muaj txojsia ib yam li ntawd thiab. 6Peb paub tias peb tus neeg qub twb raug muab ntsia nrog Khetos rau saum Nws tus ntoo khaublig lawm, kom lub cev uas txawj ua kev txhaum puastsuaj mus, kom peb thiaj tsis tau ua txoj kev txhaum qhev ntxiv. 7Rauqhov tus neeg uas tuag lawm, nws twb dim ntawm txoj kev txhaum lub hwjchim lawm.
8Yog peb tuag nrog Khetos, peb ntseeg tias peb yuav muaj txojsia nrog Nws nyob uake thiab. 9Peb paub tias Vajtswv twb tsa Khetos sawv hauv qhovtuag rovqab los thiab Nws yuav tsis tuag li lawm; txoj kev tuag yuav tsis muaj hwjchim kav Nws ntxiv lawm. 10Qhov uas Nws tuag, Nws tsuas tuag tibzaug rau txoj kev txhaum xwb; nimno Nws muaj sia nyob, yog Nws nyob pub rau Vajtswv. 11Ib yam li ntawd, nej yuavtsum suav hais tias nej twb tuag rau txoj kev txhaum thiab twb muaj txojsia rau ntawm Vajtswv nyob rau hauv Yexus Khetos lawm.
12Yogli ntawd, tsis txhob cia txoj kev txhaum kav nej lub cev uas txawj tuag ntxiv lawm, kom nej thiaj yuav tsis mus ua rawsli nej lub siab nyiam. 13Tsis txhob pub ib feem ntawm nej lub cev rau kev txhaum coj mus siv ua phem ua qias. Tiamsis ciali muab nej lub cev pub rau Vajtswv zooli cov neeg uas twb sawv hauv qhovtuag rovqab los lawm, thiab ciali muab hlo nej lub cev pub rau Vajtswv siv ua qhov ncajncees. 14Txoj kev txhaum yuav tsis ua tus kav nej lawm; rauqhov nej tsis yog nyob hauvqab txoj kevcai, tiamsis yog nyob hauvqab Vajtswv txoj hmoovhlub lawm.
Ua Kev Ncajncees Qhev
15Yogli ntawd, peb yuav ua licas? Peb yuav ciali ua txhaum vim peb tsis nyob hauvqab txoj kevcai, tiamsis nyob hauvqab Vajtswv txoj hmoovhlub lov? Tsis yog li ntawd! 16Nej twb paub lawm hais tias thaum nej txaussiab hlo mloog ib tug twg lus, ces yog nej ua tus uas nej mloog nws lus ntawd qhev. Yog nej ua txoj kev txhaum qhev, thaum kawg nej yuav raug kev ploj kev tuag. Yog nej ua txoj kev mloog Vajtswv lus qhev, thaum kawg nej yuav yog neeg ncajncees. 17Tiamsis ua Vajtswv tsaug! Txawm yog yav tas los nej ua txoj kev txhaum qhev, los nimno nej kubsiab lug ua rawsli tej lus tseeb uas nej tau hnov lawm. 18Vajtswv twb tso nej dim ntawm txoj kev txhaum thiab nej twb peemtsheej los ua txoj kev ncajncees qhev lawm.
19(Kuv siv tej lus uas neeg niajhnub hais xwb, rauqhov nyuaj rau nej totaub.) Yav tas los, nej muab nej lub cev mus ua txoj kev txhaum thiab kev phem kev qias qhev licas lawm, nimno nej yuavtsum muab nej lub cev mus ua qhov ncajncees qhev ib yam li ntawd kom nej muaj lub neej uas dawbhuv.
20Thaum nej tseem ua txoj kev txhaum qhev, txoj kev ncajncees yeej tsis kav nej li. 21Tej uas nej ua tas los lawm, es nimno ua rau nej txajmuag, tej ntawd muaj qabhau dabtsi? Tej ntawd, thaum kawg yog kev ploj kev tuag xwb! 22Tiamsis nimno Vajtswv twb tso nej dim ntawm txoj kev txhaum los ua Nws cov qhev lawm. Qhov uas nej tau yog txoj kev raug ntxuav kom dawbhuv, thaum kawg yog txojsia ntev dhawv mus ibtxhis. 23Rauqhov nqizog ntawm txoj kev txhaum yog kev ploj kev tuag, tiamsis Vajtswv qhov khoomplig uas pub dawb yog txojsia ntev dhawv mus ibtxhis uas nyob rau hauv Yexus Khetos uas yog peb tus Tswv.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2022 United Bible Societies. All rights reserved.