Malakaus 1
1
Yauhas Tus Uas Muab Neeg Ua Kevcai Rausdej Tej Lus Qhuabqhia
(Mathais 3:1-12; Lukas 3:1-18; Yauhas 1:19-28)
1Ntawm no yog Txoj Moo Zoo hais txog Yexus Khetos uas yog Vajtswv tus Tub.#1:1: Tej phau ntawv qub uas xuas tes sau tsis muaj Vajtswv tug Tub. 2Nws chiv rawsli Yaxayas uas yog tus xibhwb cev Vajtswv lus tau sau tseg hais tias:
“Vajtswv hais tias, ‘Kuv yuav txib kuv tus tubtxib ua koj ntej
mus kho kev tos koj.’ #Math 3:1
3Muaj ib tug hais nrov-nrov tom roob mojsab qhua hais tias,
‘Ciali kho kev tos tus Tswv;
kho kev kom ncaj rau Nws tau taug!’ ” #Yaxaya 40:3 (LXX)
4Yauhas tawm tom roob mojsab qhua los, nws muab neeg ua kevcai rausdej thiab qhuabqhia#1:4: Yauhas tawm tom roob mojsab qhua los, nws muab neeg ua kevcai rausdej thiab qhuabqhia; tej phau ntawv qub uas xuas tes sau, muaj Yauhas tus uas muab neeg ua kevcai rausdej tawm tom roob mojsab qhua los, nws qhuabqhia. hais tias, “Nej yuavtsum tso nej tej kev txhaum tseg thiab ua kevcai rausdej, Vajtswv thiajli zam nej lub txim.” 5Cov neeg uas nyob hauv lub xeev Yudas thiab hauv lub nroog Yeluxalees, sawvdaws tuaj mloog Yauhas qhia. Lawv nyias lees nyias lub txim, thiab nws muab lawv ua kevcai rausdej hauv tus dej Yauladees.
6Yauhas hnav tej ristsho uas muab plaub ntxhuav ua, nws sia ib txoj siv tawv ntawm duav, thiab nws tej zaub-mov yog kooj thiab zib ntab. #1Vaj 1:8 7Yauhas qhia hais tias, “Tus uas tseem yuav lawv kuv qab los, Nws muaj hwjchim loj dua kuv, txawm yog Nws nkawm khau xwb los kuv twb tsis tsimnyog khoov mus daws txoj nyuag hlua. 8Kuv muab nej raus rau hauv dej, tiamsis Nws yuav muab nej raus hauv Vaj Ntsujplig tus Dawbhuv.”
Yexus Ua Kevcai Rausdej Thiab Raug Ntxwgnyoog Simsiab
(Mathais 3:13—4:11; Lukas 3:21-22; 4:1-13)
9Tomqab ntawd tsis ntev Yexus txawm tuaj pem lub zos Naxalev uas nyob hauv xeev Kalilais tuaj thiab ua kevcai rausdej ntawm Yauhas hauv tus dej Yauladees. 10Thaum Yexus sawv kiag hauv dej los, tamsim ntawd Nws txawm pom roojntug qhib plho thiab pom Vaj Ntsujplig zooli ib tug nquab los rau saum Yexus. 11Thiab muaj ib lub suab hais saum ntuj tuaj hais tias, “Koj yog Kuv tus Tub uas Kuv hlub, Kuv txaussiab rau Koj heev.”
12Tamsim ntawd Vaj Ntsujplig coj kiag Yexus mus rau tom roob mojsab qhua. 13Yexus nyob tod tau plaubcaug hnub, Nws raug Xatas simsiab. Yexus nrog tej tsiaj qus nyob tiamsis muaj ib cov timtswv ceebtsheej tau los tu Nws.
Yexus Hu Plaub Tus Neeg Ntaus Ntses
(Mathais 4:12-22; Lukas 4:14-15; 5:1-11)
14Thaum Yauhas raug kaw lawm, Yexus txawm mus rau pem Kalilais thiab qhia Vajtswv Txoj Moo Zoo. 15Yexus qhia hais tias, “Twb txog sijhawm thiab Vajtswv lub Tebchaws twb los ze lawm! Nej ciali tso nej tej kev txhaum tseg thiab los ntseeg Txoj Moo Zoo!”
16Thaum Yexus tabtom taug kev ntawm ntug dej Hiavtxwv Kalilais, Nws pom ob tug neeg nrhiav ntses uas yog Ximoos thiab nws tus kwv Asnrus, tabtom xuas vas ntaus ntses hauv hiavtxwv. 17Yexus hais rau nkawd tias, “Neb ciali nrog Kuv mus, Kuv yuav qhia kom neb paub mus nrhiav neeg.” 18Tamsim ntawd nkawd txawm tso plhuav vas tseg thiab nrog Nws mus.
19Yexus mus tomntej mentsis, Nws txawm pom dua ob kwvtij uas yog Yakaunpaus thiab Yauhas, nkawd yog Xenpedais li tub. Nkawd tabtom ntxiv vas hauv nkoj. 20Tamsim ntawd Yexus txawm hu nkawd; nkawd txawm tso nkawd txiv Xenpedais thiab cov tubqhe tseg rau hauv lub nkoj, thiab nrog Yexus mus.
Tus Txivneej Raug Ntsujplig Phem
(Lukas 4:31-37)
21Yexus thiab Nws cov thwjtim mus txog hauv lub nroog Kapena-us, thaum txog hnub Xanpataus Yexus mus qhuabqhia hauv lub tsev sablaj. 22Cov neeg xav tsis thoob txog Yexus tej lus qhia, vim Nws qhia li ib tug uas muaj hwjchim heev, tsis thooj li cov xibhwb uas qhia Kevcai qhia.
23Tamsim ntawd muaj ib tug txivneej uas raug ib tug ntsujplig phem txawm nkag los rau hauv tsev sablaj thiab qw nrov-nrov hais tias, 24“Yexus uas yog neeg Naxalev, Koj tuaj tabkaum peb ua dabtsi? Koj yuav tuaj ua kom peb puastsuaj puas yog? Kuv paub tias Koj yog leejtwg, Koj yog Vajtswv tus tubtxib uas dawbhuv!”
25Yexus txwv tawv-tawv rau tus ntsujplig phem ntawd hais tias, “Koj tsis yeem haislus, koj ciali tawm kiag hauv tus txivneej no mus!”
26Tus ntsujplig phem txawm ua rau tus txivneej ntawd huam ib tshaj thiab qw nrov-nrov, ces dab txawm tawm plaws lawm. 27Cov neeg uas nyob ntawd xav tsis thoob li, lawv txawm sibtham zomzaws hais tias, “Tej no yog dabtsi? Puas yog ib yam kev qhia tshiab uas muaj hwjchim tiag-tiag li? Tus txivneej no muaj hwjchim ntiab tau cov ntsujplig phem no thiab lawv kuj mloog Nws lus!”
28Yogli ntawd, Yexus lub moo txawm nrov-ncha sai kawg li mus thoobplaws txhua qhov hauv xeev Kalilais.
Yexus Kho Ntau Leej
(Mathais 8:14-17; Lukas 4:38-41)
29Yexus thiab Nws cov thwjtim, nrog rau Yakaunpaus thiab Yauhas, tawm hauv tsev sablaj mus rau tom Ximoos thiab Asnrus tsev. 30Ximoos niamtais uanpaws thiab pw saum txaj, thaum Yexus mus txog ntua hauv tsev, muaj neeg los qhia rau Yexus txog Ximoos niamtais. 31Yexus txawm mus rau ntawm nws, tuav nkaus nws tes thiab pab tsa nws sawv. Ces nws tus npaws txawm tu thiab nws sawv los tiam lawv.
32Thaum hnub poobqho uas yuav tsausntuj, muaj neeg coj txhua tus uas muaj mob thiab tej neeg uas raug dab tuaj cuag Yexus. 33Tej neeg zejzog tuaj nyob puvnkaus nraum qhovrooj. 34Yexus kho txhua tus uas muaj mob zoo huv tibsi thiab Nws ntiab ntau tus dab tawm. Yexus txwv tsis pub cov dab ntawd hais ib lolus li, rauqhov lawv yeej paub tias Yexus yog leejtwg.
Yexus Qhuabqhia Hauv Kalilais
(Lukas 4:42-44)
35Hnub tomqab thaum tseem ntxov-ntxov uas tsis tau pomkev, Yexus sawv thiab tawm hauv tsev mus thov Vajtswv rau tom ib qhov chaw uas nyob ntsiagto. 36Ximoos thiab nws cov phoojywg txawm mus nrhiav Yexus, 37thaum lawv nrhiav tau Yexus lawm, lawv hais tias, “Muaj neeg coob-coob tuaj nrhiav Koj.”
38Yexus teb tias, “Peb yuavtsum mus rau lwm lub zos uas nyob ibncig no thiab, kom Kuv thiaj yuav tau qhuabqhia hauv tej zos ntawd, rauqhov Kuv yeej los yog ua tes haujlwm no ntag.”
39Yogli ntawd, Yexus thiaj mus thoobplaws hauv xeev Kalilais, qhuabqhia hauv tej tsev sablaj, thiab Nws ntiab ntau tus dab tawm. #Math 4:23; 9:35
Yexus Kho Tus Txivneej Mob Ruas
(Mathais 8:1-4; Lukas 5:12-16)
40Muaj ib tug txivneej mob ruas#1:40: mob ruas: lus Kilis siv lolus no rau ntau yam kab mob uas yog mob phem-phem rau ntawm daim tawv nqaij, kuj yuav tsis yog kiag mob ruas thiab. tuaj cuag Yexus, nws txhoscaug ntua ntawm Yexus kotaw thiab thov hais tias, “Yog Koj txaussiab tiag, Koj yeej muaj peevxwm kho kom kuv zoo.”#1:40: kho kom kuv zoo: Yam mob no lawv suav hais tias yog ib yam uas ua rau neeg tsis huv rawsli lawv tej kevcai.
41Yexus tabncuab nws heev,#1:41: tabncuab; tej phau ntawv qub uas xuas tes sau, muaj chim. Nws txawm cev tes mus tuav tus txivneej ntawd thiab hais tias, “Kuv txaussiab pab koj, koj ciali zoo hlo!” 42Tamsim ntawd nws tej ruas txawm zoo tas huv tibsi lawm. 43Uantej uas nws yuav mus, Yexus txwv tawv-tawv rau nws hais tias, 44“Koj tsis txhob qhia zaj no rau leejtwg. Tiamsis koj ciali ncajnraim mus cuag tus povthawj hlob, kom nws tshuaj saib koj lub cev; thiab koj nqa khoom mus hlawv fij rau Vajtswv rawsli Mauxes tau qhia tseg, thiaj ua tau timkhawv rau sawvdaws hais tias koj twb zoo lawm.” #Levi 14:1-32
45Tiamsis nws mus qhia zaj no thoobplaws txhua qhov huv tibsi. Vimli no, thiaj ua rau Yexus mus tsis tau tabmeeg hauv tej nroog lawm. Txawm Yexus mus rau tom tej qhov chaw uas tsis muaj neeg nyob coob, los yeej tseem muaj neeg tuaj txhua qhov tuaj cuag Nws.
ទើបបានជ្រើសរើសហើយ៖
Malakaus 1: MWW2022
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2022 United Bible Societies. All rights reserved.
Malakaus 1
1
Yauhas Tus Uas Muab Neeg Ua Kevcai Rausdej Tej Lus Qhuabqhia
(Mathais 3:1-12; Lukas 3:1-18; Yauhas 1:19-28)
1Ntawm no yog Txoj Moo Zoo hais txog Yexus Khetos uas yog Vajtswv tus Tub.#1:1: Tej phau ntawv qub uas xuas tes sau tsis muaj Vajtswv tug Tub. 2Nws chiv rawsli Yaxayas uas yog tus xibhwb cev Vajtswv lus tau sau tseg hais tias:
“Vajtswv hais tias, ‘Kuv yuav txib kuv tus tubtxib ua koj ntej
mus kho kev tos koj.’ #Math 3:1
3Muaj ib tug hais nrov-nrov tom roob mojsab qhua hais tias,
‘Ciali kho kev tos tus Tswv;
kho kev kom ncaj rau Nws tau taug!’ ” #Yaxaya 40:3 (LXX)
4Yauhas tawm tom roob mojsab qhua los, nws muab neeg ua kevcai rausdej thiab qhuabqhia#1:4: Yauhas tawm tom roob mojsab qhua los, nws muab neeg ua kevcai rausdej thiab qhuabqhia; tej phau ntawv qub uas xuas tes sau, muaj Yauhas tus uas muab neeg ua kevcai rausdej tawm tom roob mojsab qhua los, nws qhuabqhia. hais tias, “Nej yuavtsum tso nej tej kev txhaum tseg thiab ua kevcai rausdej, Vajtswv thiajli zam nej lub txim.” 5Cov neeg uas nyob hauv lub xeev Yudas thiab hauv lub nroog Yeluxalees, sawvdaws tuaj mloog Yauhas qhia. Lawv nyias lees nyias lub txim, thiab nws muab lawv ua kevcai rausdej hauv tus dej Yauladees.
6Yauhas hnav tej ristsho uas muab plaub ntxhuav ua, nws sia ib txoj siv tawv ntawm duav, thiab nws tej zaub-mov yog kooj thiab zib ntab. #1Vaj 1:8 7Yauhas qhia hais tias, “Tus uas tseem yuav lawv kuv qab los, Nws muaj hwjchim loj dua kuv, txawm yog Nws nkawm khau xwb los kuv twb tsis tsimnyog khoov mus daws txoj nyuag hlua. 8Kuv muab nej raus rau hauv dej, tiamsis Nws yuav muab nej raus hauv Vaj Ntsujplig tus Dawbhuv.”
Yexus Ua Kevcai Rausdej Thiab Raug Ntxwgnyoog Simsiab
(Mathais 3:13—4:11; Lukas 3:21-22; 4:1-13)
9Tomqab ntawd tsis ntev Yexus txawm tuaj pem lub zos Naxalev uas nyob hauv xeev Kalilais tuaj thiab ua kevcai rausdej ntawm Yauhas hauv tus dej Yauladees. 10Thaum Yexus sawv kiag hauv dej los, tamsim ntawd Nws txawm pom roojntug qhib plho thiab pom Vaj Ntsujplig zooli ib tug nquab los rau saum Yexus. 11Thiab muaj ib lub suab hais saum ntuj tuaj hais tias, “Koj yog Kuv tus Tub uas Kuv hlub, Kuv txaussiab rau Koj heev.”
12Tamsim ntawd Vaj Ntsujplig coj kiag Yexus mus rau tom roob mojsab qhua. 13Yexus nyob tod tau plaubcaug hnub, Nws raug Xatas simsiab. Yexus nrog tej tsiaj qus nyob tiamsis muaj ib cov timtswv ceebtsheej tau los tu Nws.
Yexus Hu Plaub Tus Neeg Ntaus Ntses
(Mathais 4:12-22; Lukas 4:14-15; 5:1-11)
14Thaum Yauhas raug kaw lawm, Yexus txawm mus rau pem Kalilais thiab qhia Vajtswv Txoj Moo Zoo. 15Yexus qhia hais tias, “Twb txog sijhawm thiab Vajtswv lub Tebchaws twb los ze lawm! Nej ciali tso nej tej kev txhaum tseg thiab los ntseeg Txoj Moo Zoo!”
16Thaum Yexus tabtom taug kev ntawm ntug dej Hiavtxwv Kalilais, Nws pom ob tug neeg nrhiav ntses uas yog Ximoos thiab nws tus kwv Asnrus, tabtom xuas vas ntaus ntses hauv hiavtxwv. 17Yexus hais rau nkawd tias, “Neb ciali nrog Kuv mus, Kuv yuav qhia kom neb paub mus nrhiav neeg.” 18Tamsim ntawd nkawd txawm tso plhuav vas tseg thiab nrog Nws mus.
19Yexus mus tomntej mentsis, Nws txawm pom dua ob kwvtij uas yog Yakaunpaus thiab Yauhas, nkawd yog Xenpedais li tub. Nkawd tabtom ntxiv vas hauv nkoj. 20Tamsim ntawd Yexus txawm hu nkawd; nkawd txawm tso nkawd txiv Xenpedais thiab cov tubqhe tseg rau hauv lub nkoj, thiab nrog Yexus mus.
Tus Txivneej Raug Ntsujplig Phem
(Lukas 4:31-37)
21Yexus thiab Nws cov thwjtim mus txog hauv lub nroog Kapena-us, thaum txog hnub Xanpataus Yexus mus qhuabqhia hauv lub tsev sablaj. 22Cov neeg xav tsis thoob txog Yexus tej lus qhia, vim Nws qhia li ib tug uas muaj hwjchim heev, tsis thooj li cov xibhwb uas qhia Kevcai qhia.
23Tamsim ntawd muaj ib tug txivneej uas raug ib tug ntsujplig phem txawm nkag los rau hauv tsev sablaj thiab qw nrov-nrov hais tias, 24“Yexus uas yog neeg Naxalev, Koj tuaj tabkaum peb ua dabtsi? Koj yuav tuaj ua kom peb puastsuaj puas yog? Kuv paub tias Koj yog leejtwg, Koj yog Vajtswv tus tubtxib uas dawbhuv!”
25Yexus txwv tawv-tawv rau tus ntsujplig phem ntawd hais tias, “Koj tsis yeem haislus, koj ciali tawm kiag hauv tus txivneej no mus!”
26Tus ntsujplig phem txawm ua rau tus txivneej ntawd huam ib tshaj thiab qw nrov-nrov, ces dab txawm tawm plaws lawm. 27Cov neeg uas nyob ntawd xav tsis thoob li, lawv txawm sibtham zomzaws hais tias, “Tej no yog dabtsi? Puas yog ib yam kev qhia tshiab uas muaj hwjchim tiag-tiag li? Tus txivneej no muaj hwjchim ntiab tau cov ntsujplig phem no thiab lawv kuj mloog Nws lus!”
28Yogli ntawd, Yexus lub moo txawm nrov-ncha sai kawg li mus thoobplaws txhua qhov hauv xeev Kalilais.
Yexus Kho Ntau Leej
(Mathais 8:14-17; Lukas 4:38-41)
29Yexus thiab Nws cov thwjtim, nrog rau Yakaunpaus thiab Yauhas, tawm hauv tsev sablaj mus rau tom Ximoos thiab Asnrus tsev. 30Ximoos niamtais uanpaws thiab pw saum txaj, thaum Yexus mus txog ntua hauv tsev, muaj neeg los qhia rau Yexus txog Ximoos niamtais. 31Yexus txawm mus rau ntawm nws, tuav nkaus nws tes thiab pab tsa nws sawv. Ces nws tus npaws txawm tu thiab nws sawv los tiam lawv.
32Thaum hnub poobqho uas yuav tsausntuj, muaj neeg coj txhua tus uas muaj mob thiab tej neeg uas raug dab tuaj cuag Yexus. 33Tej neeg zejzog tuaj nyob puvnkaus nraum qhovrooj. 34Yexus kho txhua tus uas muaj mob zoo huv tibsi thiab Nws ntiab ntau tus dab tawm. Yexus txwv tsis pub cov dab ntawd hais ib lolus li, rauqhov lawv yeej paub tias Yexus yog leejtwg.
Yexus Qhuabqhia Hauv Kalilais
(Lukas 4:42-44)
35Hnub tomqab thaum tseem ntxov-ntxov uas tsis tau pomkev, Yexus sawv thiab tawm hauv tsev mus thov Vajtswv rau tom ib qhov chaw uas nyob ntsiagto. 36Ximoos thiab nws cov phoojywg txawm mus nrhiav Yexus, 37thaum lawv nrhiav tau Yexus lawm, lawv hais tias, “Muaj neeg coob-coob tuaj nrhiav Koj.”
38Yexus teb tias, “Peb yuavtsum mus rau lwm lub zos uas nyob ibncig no thiab, kom Kuv thiaj yuav tau qhuabqhia hauv tej zos ntawd, rauqhov Kuv yeej los yog ua tes haujlwm no ntag.”
39Yogli ntawd, Yexus thiaj mus thoobplaws hauv xeev Kalilais, qhuabqhia hauv tej tsev sablaj, thiab Nws ntiab ntau tus dab tawm. #Math 4:23; 9:35
Yexus Kho Tus Txivneej Mob Ruas
(Mathais 8:1-4; Lukas 5:12-16)
40Muaj ib tug txivneej mob ruas#1:40: mob ruas: lus Kilis siv lolus no rau ntau yam kab mob uas yog mob phem-phem rau ntawm daim tawv nqaij, kuj yuav tsis yog kiag mob ruas thiab. tuaj cuag Yexus, nws txhoscaug ntua ntawm Yexus kotaw thiab thov hais tias, “Yog Koj txaussiab tiag, Koj yeej muaj peevxwm kho kom kuv zoo.”#1:40: kho kom kuv zoo: Yam mob no lawv suav hais tias yog ib yam uas ua rau neeg tsis huv rawsli lawv tej kevcai.
41Yexus tabncuab nws heev,#1:41: tabncuab; tej phau ntawv qub uas xuas tes sau, muaj chim. Nws txawm cev tes mus tuav tus txivneej ntawd thiab hais tias, “Kuv txaussiab pab koj, koj ciali zoo hlo!” 42Tamsim ntawd nws tej ruas txawm zoo tas huv tibsi lawm. 43Uantej uas nws yuav mus, Yexus txwv tawv-tawv rau nws hais tias, 44“Koj tsis txhob qhia zaj no rau leejtwg. Tiamsis koj ciali ncajnraim mus cuag tus povthawj hlob, kom nws tshuaj saib koj lub cev; thiab koj nqa khoom mus hlawv fij rau Vajtswv rawsli Mauxes tau qhia tseg, thiaj ua tau timkhawv rau sawvdaws hais tias koj twb zoo lawm.” #Levi 14:1-32
45Tiamsis nws mus qhia zaj no thoobplaws txhua qhov huv tibsi. Vimli no, thiaj ua rau Yexus mus tsis tau tabmeeg hauv tej nroog lawm. Txawm Yexus mus rau tom tej qhov chaw uas tsis muaj neeg nyob coob, los yeej tseem muaj neeg tuaj txhua qhov tuaj cuag Nws.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2022 United Bible Societies. All rights reserved.