Mathais 16
16
Thov Kom Ua Ib Yam Txujci Tseemceeb
(Malakaus 8:11-13; Lukas 12:54-56)
1Cov Falixais thiab cov Xadukais qeeleej tuaj cuag Yexus thiab lawv xav sim Nws; lawv txawm hais kom Nws ua ib yam txujci tseemceeb saum ntuj los rau lawv saib. #Math 12:38; Lukas 11:16 2Tiamsis Yexus teb lawv hais tias, “Thaum hnub yuav poobqho, nej hais tias, ‘Tagkis yuav tshavntuj, rauqhov qabntug liab-liab.’ 3Thaum kajntug, nej hais tias, ‘Yuav los nag, rauqhov hauvntuj liab tsaus nti.’ Nej txawj saib huab saib cua thiab txawj txhais hais tias yuav tshavntuj lossis yuav los nag, tiamsis nej ho tsis txawj txhais tej cim uas tshwmsim nyob rau niajhnub no.#16:3: Tej phau ntawv qub uas xuas tes sau tsis muaj Yexus cov lus uas nyob rau hauv nqe 2-3 no. 4Uacas cov neeg tiam no yuav ua phem thiab tsis ncajncees rau Vajtswv ualuaj li! Nej xav kom Kuv ua ib yam txujci tseemceeb rau nej saib no lov? Kuv yuav tsis ua! Tibqhov txujci tseemceeb uas nej yuav pom ces yog Yaunas nkaus xwb.”
Ces Yexus txawm tso lawv tseg thiab mus rau lwmqhov lawm. #Math 12:39; Lukas 11:29
Cov Falixais Thiab Xadukais Cov Keeb
(Malakaus 8:14-21)
5Thaum lawv caij nkoj hla hiavtxwv mus rau sab tim ub, cov thwjtim tsis ncoqab ntim mov mus. 6Yexus hais rau lawv tias, “Nej yuavtsum ceevfaj cov Falixais thiab Xadukais cov keeb.” #Lukas 12:1
7Ces cov thwjtim txawm sibtham hais tias, “Ntshe yog peb tsis ntim mov tuaj, Nws thiaj hais li ntawd.”
8Yexus twb paub tej uas lawv sibtham ntawd lawm, Nws txawm hais rau lawv tias, “Vim licas nej pheej sibtham txog qhov uas nej tsis ntim mov tuaj? Ua licas nej kev ntseeg yuav me ualuaj li! 9Nej tseem tsis tau totaub thiab lov? Nej tsis ncoqab thaum Kuv muab tsib lub ncuav ntais faib rau 5,000 leej noj lawm lov? Nej sau tej uas seem tau pestsawg tawb? #Math 14:17-21 10Thiab nej puas nco thaum Kuv muab xya lub ncuav ntais faib rau 4,000 leej noj? Nej sau tej uas seem tau pestsawg tawb? #Math 15:34-38 11Nej tsis totaub lov hais tias zaj uas Kuv hais rau nej ntawd tsis yog Kuv hais txog mov? Qhov Kuv hais ntawd yog Kuv hais kom nej ceevfaj cov Falixais thiab cov Xadukais cov keeb!”
12Thaum ntawd cov thwjtim thiaj totaub hais tias, Yexus tsis tau hais kom lawv ceevfaj tej keeb uas muab xyaw ncuav, tiamsis Nws hais kom lawv ceevfaj cov Falixais thiab cov Xadukais tej lus qhia.
Petus Hais Tias Yexus Yog Tus Mexiyas
(Malakaus 8:27-30; Lukas 9:18-21)
13Yexus mus rau ntawm cheebtsam uas nyob ze lub nroog Xixaleyas Filipis, Nws nug Nws cov thwjtim hais tias, “Tej neeg sawvdaws hais tias Neeg Leejtub yog leejtwg?”
14Lawv teb tias, “Muaj ibtxhia hais tias yog Yauhas tus uas muab neeg ua kevcai rausdej, ibtxhia hais tias yog Eliyas, ibtxhia hais tias yog Yelemis lossis yog ib tug xibhwb cev Vajtswv lus.” #Math 14:1-2; Malak 6:14-15; Lukas 9:7-8
15Yexus nug lawv hais tias, “Nej ne, nej ho hais tias Kuv yog leejtwg?”
16Ximoos Petus teb tias, “Koj yog tus Mexiyas uas yog tus Vajtswv uas muaj txojsia nyob tus Tub.” #Yauh 6:68-69
17Yexus teb tias, “Yaunas tus tub Ximoos 'e, koj hmoov zoo heev, rauqhov tej lus no tsis yog neeg qhia rau koj, tiamsis yog Kuv Txiv uas nyob saum ntuj ceebtsheej qhia rau koj. 18Kuv hais rau koj tias, koj yog Petus; Kuv yuav tsa Kuv pawg ntseeg rau saum lub pobzeb no, thiab tej hwjchim ntawm txoj kev tuag yuav kov tsis yeej pawg ntseeg ntawd. 19Kuv yuav muab cov yuamsij uas qhib Vajtswv lub Ntuj Ceebtsheej rau koj; yam twg uas koj txwv hauv ntiajteb no, Vajtswv yuav txwv yam ntawd saum ntuj ceebtsheej. Yam twg uas koj tsocai hauv ntiajteb no, Vajtswv yuav tsocai yam ntawd saum ntuj Ceebtsheej.” #Math 18:18; Yauh 20:23
20Yexus txwv Nws cov thwjtim tsis pub lawv qhia rau leejtwg paub tias Nws yog tus Mexiyas.
Yexus Qhia Txog Nws Kev Txomnyem Thiab Kev Tuag
(Malakaus 8:31—9:1; Lukas 9:22-27)
21Txij thaum ntawd los Yexus txawm pib qhia meej-meej rau Nws cov thwjtim hais tias, “Kuv yuavtsum mus rau hauv lub nroog Yeluxalees thiab yuav raug tsimtxom ntau yam los ntawm cov txwjlaug, cov thawj povthawj hlob, thiab cov xibhwb uas qhia Kevcai. Kuv yuav raug luag tua, tiamsis peb hnub tomqab ntawd Kuv yuav ciajsia sawv rov los.”
22Petus txawm coj Yexus mus rau ibcag thiab txwv hais tias, “Tus Tswv, thov Vajtswv txwv kom tsis txhob muaj tej no los raug rau Koj hlo li!”
23Yexus tig los hais rau Petus hais tias, “Xatas, koj ciali khiav ntawm Kuv mus! Koj yog tus uas tav Kuv kev. Koj tej kev xav tsis yog rawsli Vajtswv lub siab, tiamsis yog rawsli neeg lub siab xwb.”
24Thaum ntawd Yexus thiaj hais rau Nws cov thwjtim tias, “Yog leejtwg xav nrog Kuv mus, nws yuavtsum txhob xav txog nws tuskheej, kwv nws tus ntoo khaublig, thiab raws Kuv qab. #Math 10:38; Lukas 14:27 25Rauqhov tus uas xav ceev nws txojsia, tus ntawd yuav plam txojsia; tiamsis tus uas yeem tuag rau Kuv, tus ntawd yuav tau txojsia. #Math 10:39; Lukas 17:33; Yauh 12:25 26Yog leejtwg tau tagnrho lub ntiajteb no los ua nws tug, tiamsis nws txojsia tu lawm, tej ntawd yuav muaj qabhau dabtsi rau nws? Yeej tsis muaj ib yam dabtsi uas nws yuav coj mus txhiv tau nws txojsia rovqab los! 27Thaum Neeg Leejtub los, Nws yuav nrog Leejtxiv tus tshwjchim uas ci ntsa-iab, thiab nrog Nws cov timtswv ceebtsheej los, thiab Nws yuav muab nqizog rau txhua tus rawsli tes haujlwm uas lawv tau ua lawm. #Math 25:31; Nnkauj 62:12; Loos 2:6 28Kuv qhia tseeb rau nej hais tias, nej cov uas nyob ntawm no muaj ibtxhia yuav tsis tau tuag uantej uas lawv pom Neeg Leejtub los li tus Vajntxwv los.”
ទើបបានជ្រើសរើសហើយ៖
Mathais 16: MWW2022
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2022 United Bible Societies. All rights reserved.
Mathais 16
16
Thov Kom Ua Ib Yam Txujci Tseemceeb
(Malakaus 8:11-13; Lukas 12:54-56)
1Cov Falixais thiab cov Xadukais qeeleej tuaj cuag Yexus thiab lawv xav sim Nws; lawv txawm hais kom Nws ua ib yam txujci tseemceeb saum ntuj los rau lawv saib. #Math 12:38; Lukas 11:16 2Tiamsis Yexus teb lawv hais tias, “Thaum hnub yuav poobqho, nej hais tias, ‘Tagkis yuav tshavntuj, rauqhov qabntug liab-liab.’ 3Thaum kajntug, nej hais tias, ‘Yuav los nag, rauqhov hauvntuj liab tsaus nti.’ Nej txawj saib huab saib cua thiab txawj txhais hais tias yuav tshavntuj lossis yuav los nag, tiamsis nej ho tsis txawj txhais tej cim uas tshwmsim nyob rau niajhnub no.#16:3: Tej phau ntawv qub uas xuas tes sau tsis muaj Yexus cov lus uas nyob rau hauv nqe 2-3 no. 4Uacas cov neeg tiam no yuav ua phem thiab tsis ncajncees rau Vajtswv ualuaj li! Nej xav kom Kuv ua ib yam txujci tseemceeb rau nej saib no lov? Kuv yuav tsis ua! Tibqhov txujci tseemceeb uas nej yuav pom ces yog Yaunas nkaus xwb.”
Ces Yexus txawm tso lawv tseg thiab mus rau lwmqhov lawm. #Math 12:39; Lukas 11:29
Cov Falixais Thiab Xadukais Cov Keeb
(Malakaus 8:14-21)
5Thaum lawv caij nkoj hla hiavtxwv mus rau sab tim ub, cov thwjtim tsis ncoqab ntim mov mus. 6Yexus hais rau lawv tias, “Nej yuavtsum ceevfaj cov Falixais thiab Xadukais cov keeb.” #Lukas 12:1
7Ces cov thwjtim txawm sibtham hais tias, “Ntshe yog peb tsis ntim mov tuaj, Nws thiaj hais li ntawd.”
8Yexus twb paub tej uas lawv sibtham ntawd lawm, Nws txawm hais rau lawv tias, “Vim licas nej pheej sibtham txog qhov uas nej tsis ntim mov tuaj? Ua licas nej kev ntseeg yuav me ualuaj li! 9Nej tseem tsis tau totaub thiab lov? Nej tsis ncoqab thaum Kuv muab tsib lub ncuav ntais faib rau 5,000 leej noj lawm lov? Nej sau tej uas seem tau pestsawg tawb? #Math 14:17-21 10Thiab nej puas nco thaum Kuv muab xya lub ncuav ntais faib rau 4,000 leej noj? Nej sau tej uas seem tau pestsawg tawb? #Math 15:34-38 11Nej tsis totaub lov hais tias zaj uas Kuv hais rau nej ntawd tsis yog Kuv hais txog mov? Qhov Kuv hais ntawd yog Kuv hais kom nej ceevfaj cov Falixais thiab cov Xadukais cov keeb!”
12Thaum ntawd cov thwjtim thiaj totaub hais tias, Yexus tsis tau hais kom lawv ceevfaj tej keeb uas muab xyaw ncuav, tiamsis Nws hais kom lawv ceevfaj cov Falixais thiab cov Xadukais tej lus qhia.
Petus Hais Tias Yexus Yog Tus Mexiyas
(Malakaus 8:27-30; Lukas 9:18-21)
13Yexus mus rau ntawm cheebtsam uas nyob ze lub nroog Xixaleyas Filipis, Nws nug Nws cov thwjtim hais tias, “Tej neeg sawvdaws hais tias Neeg Leejtub yog leejtwg?”
14Lawv teb tias, “Muaj ibtxhia hais tias yog Yauhas tus uas muab neeg ua kevcai rausdej, ibtxhia hais tias yog Eliyas, ibtxhia hais tias yog Yelemis lossis yog ib tug xibhwb cev Vajtswv lus.” #Math 14:1-2; Malak 6:14-15; Lukas 9:7-8
15Yexus nug lawv hais tias, “Nej ne, nej ho hais tias Kuv yog leejtwg?”
16Ximoos Petus teb tias, “Koj yog tus Mexiyas uas yog tus Vajtswv uas muaj txojsia nyob tus Tub.” #Yauh 6:68-69
17Yexus teb tias, “Yaunas tus tub Ximoos 'e, koj hmoov zoo heev, rauqhov tej lus no tsis yog neeg qhia rau koj, tiamsis yog Kuv Txiv uas nyob saum ntuj ceebtsheej qhia rau koj. 18Kuv hais rau koj tias, koj yog Petus; Kuv yuav tsa Kuv pawg ntseeg rau saum lub pobzeb no, thiab tej hwjchim ntawm txoj kev tuag yuav kov tsis yeej pawg ntseeg ntawd. 19Kuv yuav muab cov yuamsij uas qhib Vajtswv lub Ntuj Ceebtsheej rau koj; yam twg uas koj txwv hauv ntiajteb no, Vajtswv yuav txwv yam ntawd saum ntuj ceebtsheej. Yam twg uas koj tsocai hauv ntiajteb no, Vajtswv yuav tsocai yam ntawd saum ntuj Ceebtsheej.” #Math 18:18; Yauh 20:23
20Yexus txwv Nws cov thwjtim tsis pub lawv qhia rau leejtwg paub tias Nws yog tus Mexiyas.
Yexus Qhia Txog Nws Kev Txomnyem Thiab Kev Tuag
(Malakaus 8:31—9:1; Lukas 9:22-27)
21Txij thaum ntawd los Yexus txawm pib qhia meej-meej rau Nws cov thwjtim hais tias, “Kuv yuavtsum mus rau hauv lub nroog Yeluxalees thiab yuav raug tsimtxom ntau yam los ntawm cov txwjlaug, cov thawj povthawj hlob, thiab cov xibhwb uas qhia Kevcai. Kuv yuav raug luag tua, tiamsis peb hnub tomqab ntawd Kuv yuav ciajsia sawv rov los.”
22Petus txawm coj Yexus mus rau ibcag thiab txwv hais tias, “Tus Tswv, thov Vajtswv txwv kom tsis txhob muaj tej no los raug rau Koj hlo li!”
23Yexus tig los hais rau Petus hais tias, “Xatas, koj ciali khiav ntawm Kuv mus! Koj yog tus uas tav Kuv kev. Koj tej kev xav tsis yog rawsli Vajtswv lub siab, tiamsis yog rawsli neeg lub siab xwb.”
24Thaum ntawd Yexus thiaj hais rau Nws cov thwjtim tias, “Yog leejtwg xav nrog Kuv mus, nws yuavtsum txhob xav txog nws tuskheej, kwv nws tus ntoo khaublig, thiab raws Kuv qab. #Math 10:38; Lukas 14:27 25Rauqhov tus uas xav ceev nws txojsia, tus ntawd yuav plam txojsia; tiamsis tus uas yeem tuag rau Kuv, tus ntawd yuav tau txojsia. #Math 10:39; Lukas 17:33; Yauh 12:25 26Yog leejtwg tau tagnrho lub ntiajteb no los ua nws tug, tiamsis nws txojsia tu lawm, tej ntawd yuav muaj qabhau dabtsi rau nws? Yeej tsis muaj ib yam dabtsi uas nws yuav coj mus txhiv tau nws txojsia rovqab los! 27Thaum Neeg Leejtub los, Nws yuav nrog Leejtxiv tus tshwjchim uas ci ntsa-iab, thiab nrog Nws cov timtswv ceebtsheej los, thiab Nws yuav muab nqizog rau txhua tus rawsli tes haujlwm uas lawv tau ua lawm. #Math 25:31; Nnkauj 62:12; Loos 2:6 28Kuv qhia tseeb rau nej hais tias, nej cov uas nyob ntawm no muaj ibtxhia yuav tsis tau tuag uantej uas lawv pom Neeg Leejtub los li tus Vajntxwv los.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2022 United Bible Societies. All rights reserved.