Levis Kevcai 3
3
Fij Khoom Ua Kev Sib Raugzoo
1“Yog leejtwg muab nws ib tug tsiaj uas yog ib tug txiv nyuj lossis maum nyuj tua fij ua kev sib raugzoo, tus tsiaj ntawd yuavtsum yog ib tug uas tsis muaj ib qho phem hlo li. 2Nws yuavtsum tsa nws txhais tes rau saum tus nyuj lub taubhau thiab muab tus nyuj ntawd tua rau ntawm lub qhovrooj uas mus rau hauv lub Tsevntaub Sibntsib. Ces Aloos cov tub uas yog cov povthawj hlob mam muab cov ntshav coj mus hliv ywg thoobplaws lub thaj ntawd plaub sab huv tibsi 3thiab muab tus tsiaj ntawd tej nqaij li nram no coj mus fij ua khoom noj rau tus TSWV: tagnrho tej npluag roj uas npog tej plab hnyuv thiab siab-ntsws, 4ob lub raum thiab tej npluag roj uas npog ob lub raum ntawd, thiab nplooj siab uas zoo tshajplaws. 5Ces Aloos cov tub uas yog cov povthawj hlob yuav tau muab tagnrho tej ntawd hlawv rau saum lub thaj uas yog hlawv nrog tej khoom fij. Tej pa khoom noj uas muab fij no tswqab ntxiag ua rau tus TSWV txaussiab.
6“Yog muab ib tug yaj lossis ib tug tshis los ua khoom fij rau kev sib raugzoo, txawm muab tus txiv lossis tus maum los tau, tiamsis yuavtsum muab tus uas tsis muaj ib qho phem hlo li. 7Yog leejtwg muab ib tug yaj fij, 8nws yuavtsum tsa nws txhais tes rau saum tus yaj ntawd taubhau thiab muab tus yaj ntawd tua rau ntawm hauvntej lub Tsevntaub Sibntsib. Ces Aloos cov tub uas yog cov povthawj hlob mamli muab cov ntshav coj mus hliv ywg thoobplaws rau lub thaj ntawd plaub sab huv tibsi, 9thiab muab tus tsiaj ntawd tej nqaij li nram no coj mus ua khoom noj fij rau tus TSWV: tej pavywj, tus kotw nrog cov roj uas txiav ti nkaus ntawm tus pobtxha ntsag, tej npluag roj uas npog tej plab hnyuv thiab siab-ntsws, 10ob lub raum thiab tej npluag roj uas npog ob lub raum thiab nplais siab uas zoo tshajplaws. 11Tus povthawj hlob uas khiav haujlwm yuav tau muab tagnrho tej no mus hlawv rau saum lub thaj ua khoom noj fij rau tus TSWV.
12“Yog leejtwg muab ib tug tshis fij, 13nws yuavtsum tsa tes rau saum tus tshis ntawd lub taubhau thiab muab tus tshis ntawd tua rau ntawm hauvntej lub Tsevntaub Sibntsib. Ces Aloos cov tub uas yog cov povthawj hlob mamli muab cov ntshav coj mus hliv ywg thoobplaws lub thaj ntawd plaub sab huv tibsi, 14thiab muab tus tsiaj ntawd tej nqaij li nram no coj mus ua khoom noj fij rau tus TSWV: tagnrho tej npluag roj uas npog tej plab hnyuv thiab siab-ntsws, 15ob lub raum thiab tej npluag roj uas npog ob lub raum, thiab nplais siab uas zoo tshajplaws. 16Tus povthawj hlob yuav tau muab tagnrho tej no mus hlawv rau saum lub thaj ua khoom noj fij tswqab ntxiag rau tus TSWV. Tagnrho tej nqaij rog puavleej yog tus TSWV tug. 17Tsis pub cov Yixalayees noj tej nqaij rog lossis tej ntshav li; qhov no yog ib txoj kevcai rau txhua tus neeg Yixalayees uas nyob txhua qhov coj mus ibtxhis li.”
ទើបបានជ្រើសរើសហើយ៖
Levis Kevcai 3: MWW2022
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2022 United Bible Societies. All rights reserved.
Levis Kevcai 3
3
Fij Khoom Ua Kev Sib Raugzoo
1“Yog leejtwg muab nws ib tug tsiaj uas yog ib tug txiv nyuj lossis maum nyuj tua fij ua kev sib raugzoo, tus tsiaj ntawd yuavtsum yog ib tug uas tsis muaj ib qho phem hlo li. 2Nws yuavtsum tsa nws txhais tes rau saum tus nyuj lub taubhau thiab muab tus nyuj ntawd tua rau ntawm lub qhovrooj uas mus rau hauv lub Tsevntaub Sibntsib. Ces Aloos cov tub uas yog cov povthawj hlob mam muab cov ntshav coj mus hliv ywg thoobplaws lub thaj ntawd plaub sab huv tibsi 3thiab muab tus tsiaj ntawd tej nqaij li nram no coj mus fij ua khoom noj rau tus TSWV: tagnrho tej npluag roj uas npog tej plab hnyuv thiab siab-ntsws, 4ob lub raum thiab tej npluag roj uas npog ob lub raum ntawd, thiab nplooj siab uas zoo tshajplaws. 5Ces Aloos cov tub uas yog cov povthawj hlob yuav tau muab tagnrho tej ntawd hlawv rau saum lub thaj uas yog hlawv nrog tej khoom fij. Tej pa khoom noj uas muab fij no tswqab ntxiag ua rau tus TSWV txaussiab.
6“Yog muab ib tug yaj lossis ib tug tshis los ua khoom fij rau kev sib raugzoo, txawm muab tus txiv lossis tus maum los tau, tiamsis yuavtsum muab tus uas tsis muaj ib qho phem hlo li. 7Yog leejtwg muab ib tug yaj fij, 8nws yuavtsum tsa nws txhais tes rau saum tus yaj ntawd taubhau thiab muab tus yaj ntawd tua rau ntawm hauvntej lub Tsevntaub Sibntsib. Ces Aloos cov tub uas yog cov povthawj hlob mamli muab cov ntshav coj mus hliv ywg thoobplaws rau lub thaj ntawd plaub sab huv tibsi, 9thiab muab tus tsiaj ntawd tej nqaij li nram no coj mus ua khoom noj fij rau tus TSWV: tej pavywj, tus kotw nrog cov roj uas txiav ti nkaus ntawm tus pobtxha ntsag, tej npluag roj uas npog tej plab hnyuv thiab siab-ntsws, 10ob lub raum thiab tej npluag roj uas npog ob lub raum thiab nplais siab uas zoo tshajplaws. 11Tus povthawj hlob uas khiav haujlwm yuav tau muab tagnrho tej no mus hlawv rau saum lub thaj ua khoom noj fij rau tus TSWV.
12“Yog leejtwg muab ib tug tshis fij, 13nws yuavtsum tsa tes rau saum tus tshis ntawd lub taubhau thiab muab tus tshis ntawd tua rau ntawm hauvntej lub Tsevntaub Sibntsib. Ces Aloos cov tub uas yog cov povthawj hlob mamli muab cov ntshav coj mus hliv ywg thoobplaws lub thaj ntawd plaub sab huv tibsi, 14thiab muab tus tsiaj ntawd tej nqaij li nram no coj mus ua khoom noj fij rau tus TSWV: tagnrho tej npluag roj uas npog tej plab hnyuv thiab siab-ntsws, 15ob lub raum thiab tej npluag roj uas npog ob lub raum, thiab nplais siab uas zoo tshajplaws. 16Tus povthawj hlob yuav tau muab tagnrho tej no mus hlawv rau saum lub thaj ua khoom noj fij tswqab ntxiag rau tus TSWV. Tagnrho tej nqaij rog puavleej yog tus TSWV tug. 17Tsis pub cov Yixalayees noj tej nqaij rog lossis tej ntshav li; qhov no yog ib txoj kevcai rau txhua tus neeg Yixalayees uas nyob txhua qhov coj mus ibtxhis li.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2022 United Bible Societies. All rights reserved.