Levis Kevcai 14
14
Kev Ntxuav Tomqab Tej Ruas Zoo
1Tus TSWV hais rau Mauxes tias, 2“Ntawm no yog txoj kevcai rau tus neeg mob ruas,#14:2: mob ruas Saib ntawm tshooj 13. hnub uas nws ua kevcai ntxuav: Yuavtsum coj nws mus cuag tus povthawj hlob, #Math 8:4; Malak 1:44; Lukas 5:14; 17:14 3tus povthawj hlob mam coj nws mus rau nraum ntug yeej thiab tshuaj nws. Yog nws tej mob zoo lawm, 4ces tus povthawj hlob yuav tau hais kom nws nqa ob tug noog ciaj uas huv, nrog ib daim ntoo ciab, ib txoj xov paj liab, thiab ib re nplooj hixauv nrog nws tuaj. 5Tus povthawj hlob yuav tau xaaj kom muab ib tug noog tua rau saum lub tais av uas ntim cov dej ntshiab uas cug hauv havdej los. 6Ces nws mam muab tus noog uas tseem ciaj, nrog daim ntoo ciab, txoj xov paj liab, thiab re nplooj hixauv, mus raus rau hauv tus noog uas muab tua lawm cov ntshav hauv lub tais. 7Nws yuavtsum muab cov ntshav noog coj mus nchos xya zaus rau tus neeg uas ua kevcai ntxuav nws tej mob ruas, thiab qhia hais tias nws yog tus neeg huv lawm. Tomqab ntawd tus povthawj hlob mamli muab tus noog uas tseem ciaj tso ya mus rau tom tiajnrag.
8“Tus neeg ntawd yuavtsum muab nws tej khaubncaws ntxhua, chais nws cov plaub, thiab da dej, mas nws thiajli yuav huv. Tomqab ntawd nws muaj cai mus tau rau hauv lub yeej, tiamsis nws yuavtsum nyob sabnraud ntawm nws lub tsevntaub xya hnub. 9Hnub thib xya nws yuavtsum rov chais nws cov plaubhau, hwjtxwv, plaubmuag, thiab tagnrho tej plaub uas tuaj thoobplaws nws lub cev; nws yuavtsum ntxhua nws tej ristsho thiab da dej, mas nws thiajli yuav huv.
10“Hnub thib yim nws yuavtsum coj ob tug thav yaj thiab ib tug xyuas yaj hnubnyoog ib xyoos uas tsis muaj ib qho phem li thiab peb kilus hmoov nplej uas ntse xyaw roj txivntoo, thiab ib feem peb ntawm ib liv roj txivntoo tuaj. 11Tus povthawj hlob yuav coj tus neeg ntawd thiab cov khoom fij mus rau ntawm lub qhovrooj uas mus rau hauv lub Tsevntaub Sibntsib.
12“Ces tus povthawj hlob muab ib tug thav yaj nrog cov roj txivntoo coj mus ua khoom fij daws txim. Nws muab cov khoom ntawd coj mus yom fij ua ib yam khoom tshwjxeeb rau tus TSWV. 13Tus povthawj hlob yuavtsum muab tus thav yaj ntawd tua rau ntawm qhov chaw dawbhuv uas ibtxwm tua tej tsiaj fij daws txim thiab hlawv fij. Nws yuavtsum ua li no, rauqhov cov khoom fij daws kev txhaum zoo ib yam li cov khoom fij daws txim, uas puavleej yog tus povthawj hlob tug thiab yog yam uas dawbhuv heev. 14Tus povthawj hlob yuavtsum muab mentsis ntshav yaj pleev tus neeg uas tuaj ua kevcai ntxuav ntawd sab taubntseg xis, pleev rau sab taubtes xis, thiab sab taubtaws xis, mas thiaj yuav suav tau hais tias nws yog neeg huv lawm. 15Tus povthawj hlob muab cov roj txivntoo hliv mentsis rau hauv nws lub xibteg sab laug, 16muab nws tus ntivtes sab xis tub cov roj uas nyob hauv nws lub xibteg sab laug, nchos tabmeeg tus TSWV xya zaus. 17Nws yuavtsum muab cov roj hauv nws lub xibteg thiab cov ntshav yaj coj mus pleev rau tus neeg uas tuaj ua kevcai ntxuav ntawd sab taubntseg xis, pleev rau sab taubtes xis, thiab sab taubtaws xis, mas thiaj yuav suav tau hais tias nws yog neeg huv lawm. 18Tus povthawj hlob yuavtsum muab cov roj uas tseem nyob hauv nws lub xibteg coj mus pleev rau saum tus neeg ntawd lub taubhau. Qhov uas nws ua li no yog nws ua kevcai ntxuav rau tus neeg ntawd kom huv tabmeeg tus TSWV.
19“Ces tus povthawj hlob yuavtsum muab cov khoom fij daws txim coj mus fij thiab ua kevcai ntxuav tus neeg ntawd tej kev tsis huv kom nws huv. Tomqab ntawd, tus povthawj hlob yuavtsum muab tus tsiaj los tua hlawv fij 20nrog tej hmoov nplej rau saum lub thaj. Tus povthawj hlob yuavtsum ua kevcai ntxuav li no, tus neeg ntawd thiajli yuav huv.
21“Yog tus neeg ntawd pluag thiab fabpeem tsis tau li los xij, nws yuavtsum coj ib tug thav yaj tuaj rau tus povthawj hlob muab tua yom fij ua ib yam khoom tshwjxeeb rau tus TSWV daws nws lub txim. Nws yuavtsum nqa 1 kilus hmoov nplej uas ntse xyaw roj txivntoo thiab ib feem peb ntawm 1 liv roj txivntoo tuaj ua khoom fij. 22Nws yuavtsum nqa ob tug nquab taug lossis ob tug nquab nyeg tuaj, muab ib tug tua fij daws txim thiab ib tug tua hlawv fij.
23“Hnub thib yim nws yuavtsum coj tej khoom no tuaj cob rau tus povthawj hlob ntawm lub qhovrooj uas mus rau hauv lub Tsevntaub Sibntsib. 24Ces tus povthawj hlob mamli coj tus yaj thiab cov roj txivntoo mus yom fij ua ib yam khoom tshwjxeeb rau tus TSWV. 25Tus povthawj hlob muab tus thav yaj tua thiab muab mentsis ntshav los pleev tus neeg uas ua kevcai ntxuav ntawd lub taubntseg sab xis, pleev rau tus taubtes sab xis, thiab tus taubtaws sab xis. 26Tus povthawj hlob muab mentsis roj txivntoo hliv rau hauv nws lub xibteg sab laug, 27thiab muab nws tus ntivtes sab xis tub cov roj ntawd mus nchos tabmeeg tus TSWV xya zaus. 28Tus povthawj hlob muab mentsis roj mus pleev rau tibqho chaw uas nws muab cov ntshav pleev: pleev ntawm sab taubntseg xis, sab taubtes xis, thiab sab taubtaws xis. 29Cov roj uas seem hauv tus povthawj hlob lub xibteg, nws yuavtsum muab pleev tus neeg uas ua kevcai ntxuav ntawd lub taubhau thiab ua kevcai ntxuav nws lub txim tabmeeg tus TSWV. 30Ces nws mamli muab ib tug nquab taug lossis ib tug nquab nyeg fij daws txim rawsli tus neeg ntawd muaj, 31muab ib tug tua daws txim thiab muab dua ib tug tua hlawv fij nrog cov hmoov nplej uake, thiab tus povthawj hlob ua kevcai ntxuav tus neeg ntawd lub txim kom huv tabmeeg tus TSWV.”
32Nov yog txoj kevcai rau tus neeg mob ruas uas fabpeem tsis tau tej khoom mus fij rawsli kevcai ntxuav.
Tuajpwm Hauv Tej Tsev
33Tus TSWV hais rau Mauxes thiab Aloos tias, 34“Thaum nej mus txog hauv lub tebchaws Kana-as uas Kuv muab rau nej ua nej tug, yog Kuv tso tej pwm los rau hauv lub tsev twg uas nyob hauv lub tebchaws, 35ces tus tswvtsev yuavtsum mus qhia rau tus povthawj hlob hais tias, ‘Kuv pom zooli muaj tej pwm tshwm rau hauv kuv tsev.’ 36Ces tus povthawj hlob yuavtsum xaaj kom lawv muab txhua yam khoom hauv tsev ntsaig tawm kom tag uantej nws mus tshuaj tej pwm ntawd. Yog tsis li ntawd ces txhua yam khoom uas nyob hauv tsev yuav raug suav hais tias yog khoom tsis huv. Ces tus povthawj hlob yuav tau mus rau hauv lub tsev 37thiab mus tshuaj saib qhov tuajpwm ntawd. Yog cov pwm ntawd ciali ntsuab daj lossis liab daj lis thiab ciali mus noj tej phabntsa lawm, 38nws yuavtsum tawm hauv lub tsev ntawd mus thiab liaj qhovrooj cia xya hnub.
39“Hnub thib xya nws mamli rov mus tshuaj lub tsev dua ntxiv. Yog cov pwm huam ntxiv tuaj rau ntawm tej phabntsa lawm, 40nws yuavtsum hais kom muab cov pobzeb uas muaj pwm ntawd dawj mus povtseg rau tej qhov chaw tsis huv sabnraum ntug nroog. 41Tomqab ntawd nws yuavtsum hais kom muab tagnrho cov pwm ntawm phabntsa sabhauv nruabnrog kes tawm thiab muab tej hmoovsib ntawd coj mus povtseg rau qhov chaw tsis huv sabnraum ntug nroog. 42Ces muab dua ib co pobzeb los hloov rau cov uas tau muab dawj ntawd lawm, thiab muab cov hmoovsib tshiab los pleev rau cov phabntsa ntawd.
43“Yog tej pwm ntawd rov tshwm tuaj tomqab uas twb tshem cov pobzeb thiab twb muab tej hmoovsib uas pleev lub tsev ntawd kes tag lawm, 44tus povthawj hlob yuav tau rov mus tshuaj thiab saib dua, yog qhov tuajpwm ntawd huam tuaj dua, ces lub tsev ntawd yeej tsis huv. 45Yuavtsum muab lub tsev ntawd tsoo povtseg, thiab muab tej pobzeb, tej ntoo, thiab tagnrho tej hmoovsib uas xov lub tsev ntawd coj mus povtseg kom tag rau ntawm qhov chaw tsis huv sabnraum ntug nroog. 46Yog leejtwg mus rau hauv lub tsev ntawd thaum uas twb muab qhovrooj liaj lawm, tus ntawd yuav tsis huv mus txog thaum tsausntuj. 47Yog leejtwg mus pw lossis mus noj mov hauv lub tsev ntawd, nws yuavtsum muab nws cev ristsho coj mus ntxhua.
48“Yog tias, thaum tus povthawj hlob tuaj saib, tomqab uas pleev tej hmoovsib tshiab tag rau lub tsev ntawd tej qhov tuajpwm tsis rov tuajpwm lawm, tus povthawj hlob yuavtsum qhia hais tias lub tsev ntawd huv, rauqhov tej pwm twb ploj tag lawm. 49Nws yuavtsum coj ob tug noog, ib daim ntoo ciab, ib txoj xov liab, thiab ib re nplooj hixauv mus ua kevcai ntxuav lub tsev ntawd. 50Nws yuavtsum muab ib tug noog tua rau saum lub tais av uas ntim cov dej ntshiab uas cug hauv havdej los. 51Ces nws muab daim ntoo ciab, re nplooj hixauv, txoj xov liab, thiab tus noog uas tseem ciaj mus raus rau hauv tus noog uas muab tua lawm cov ntshav thiab cov dej ntshiab, thiab muab nchos xya zaus rau lub tsev ntawd. 52Qhov uas nws muab cov ntshav noog, cov dej ntshiab, tus noog uas tseem ciaj, daim ntoo ciab, re nplooj hixauv, thiab txoj xov liab los ua li no, twb yog nws ua kevcai ntxuav lub tsev ntawd kom huv. 53Ces nws mamli muab tus noog uas tseem ciaj tso ya hauv lub nroog mus rau tom tiajnrag. Nws yuavtsum ua kevcai ntxuav lub tsev ntawd li no, lub tsev thiaj yuav huv.”
54Tej no yog kevcai rau tej kab mob uas yog mob ruas, mob rwj, 55tuajpwm rau ntawm tej ristsho lossis tej tsev, 56thiab o tuaj lossis tawgpleb lossis dawb tej thaj. 57Tej kevcai no tsuas yog siv qhia tej yam uas huv thiab tsis huv xwb.
ទើបបានជ្រើសរើសហើយ៖
Levis Kevcai 14: MWW2022
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2022 United Bible Societies. All rights reserved.
Levis Kevcai 14
14
Kev Ntxuav Tomqab Tej Ruas Zoo
1Tus TSWV hais rau Mauxes tias, 2“Ntawm no yog txoj kevcai rau tus neeg mob ruas,#14:2: mob ruas Saib ntawm tshooj 13. hnub uas nws ua kevcai ntxuav: Yuavtsum coj nws mus cuag tus povthawj hlob, #Math 8:4; Malak 1:44; Lukas 5:14; 17:14 3tus povthawj hlob mam coj nws mus rau nraum ntug yeej thiab tshuaj nws. Yog nws tej mob zoo lawm, 4ces tus povthawj hlob yuav tau hais kom nws nqa ob tug noog ciaj uas huv, nrog ib daim ntoo ciab, ib txoj xov paj liab, thiab ib re nplooj hixauv nrog nws tuaj. 5Tus povthawj hlob yuav tau xaaj kom muab ib tug noog tua rau saum lub tais av uas ntim cov dej ntshiab uas cug hauv havdej los. 6Ces nws mam muab tus noog uas tseem ciaj, nrog daim ntoo ciab, txoj xov paj liab, thiab re nplooj hixauv, mus raus rau hauv tus noog uas muab tua lawm cov ntshav hauv lub tais. 7Nws yuavtsum muab cov ntshav noog coj mus nchos xya zaus rau tus neeg uas ua kevcai ntxuav nws tej mob ruas, thiab qhia hais tias nws yog tus neeg huv lawm. Tomqab ntawd tus povthawj hlob mamli muab tus noog uas tseem ciaj tso ya mus rau tom tiajnrag.
8“Tus neeg ntawd yuavtsum muab nws tej khaubncaws ntxhua, chais nws cov plaub, thiab da dej, mas nws thiajli yuav huv. Tomqab ntawd nws muaj cai mus tau rau hauv lub yeej, tiamsis nws yuavtsum nyob sabnraud ntawm nws lub tsevntaub xya hnub. 9Hnub thib xya nws yuavtsum rov chais nws cov plaubhau, hwjtxwv, plaubmuag, thiab tagnrho tej plaub uas tuaj thoobplaws nws lub cev; nws yuavtsum ntxhua nws tej ristsho thiab da dej, mas nws thiajli yuav huv.
10“Hnub thib yim nws yuavtsum coj ob tug thav yaj thiab ib tug xyuas yaj hnubnyoog ib xyoos uas tsis muaj ib qho phem li thiab peb kilus hmoov nplej uas ntse xyaw roj txivntoo, thiab ib feem peb ntawm ib liv roj txivntoo tuaj. 11Tus povthawj hlob yuav coj tus neeg ntawd thiab cov khoom fij mus rau ntawm lub qhovrooj uas mus rau hauv lub Tsevntaub Sibntsib.
12“Ces tus povthawj hlob muab ib tug thav yaj nrog cov roj txivntoo coj mus ua khoom fij daws txim. Nws muab cov khoom ntawd coj mus yom fij ua ib yam khoom tshwjxeeb rau tus TSWV. 13Tus povthawj hlob yuavtsum muab tus thav yaj ntawd tua rau ntawm qhov chaw dawbhuv uas ibtxwm tua tej tsiaj fij daws txim thiab hlawv fij. Nws yuavtsum ua li no, rauqhov cov khoom fij daws kev txhaum zoo ib yam li cov khoom fij daws txim, uas puavleej yog tus povthawj hlob tug thiab yog yam uas dawbhuv heev. 14Tus povthawj hlob yuavtsum muab mentsis ntshav yaj pleev tus neeg uas tuaj ua kevcai ntxuav ntawd sab taubntseg xis, pleev rau sab taubtes xis, thiab sab taubtaws xis, mas thiaj yuav suav tau hais tias nws yog neeg huv lawm. 15Tus povthawj hlob muab cov roj txivntoo hliv mentsis rau hauv nws lub xibteg sab laug, 16muab nws tus ntivtes sab xis tub cov roj uas nyob hauv nws lub xibteg sab laug, nchos tabmeeg tus TSWV xya zaus. 17Nws yuavtsum muab cov roj hauv nws lub xibteg thiab cov ntshav yaj coj mus pleev rau tus neeg uas tuaj ua kevcai ntxuav ntawd sab taubntseg xis, pleev rau sab taubtes xis, thiab sab taubtaws xis, mas thiaj yuav suav tau hais tias nws yog neeg huv lawm. 18Tus povthawj hlob yuavtsum muab cov roj uas tseem nyob hauv nws lub xibteg coj mus pleev rau saum tus neeg ntawd lub taubhau. Qhov uas nws ua li no yog nws ua kevcai ntxuav rau tus neeg ntawd kom huv tabmeeg tus TSWV.
19“Ces tus povthawj hlob yuavtsum muab cov khoom fij daws txim coj mus fij thiab ua kevcai ntxuav tus neeg ntawd tej kev tsis huv kom nws huv. Tomqab ntawd, tus povthawj hlob yuavtsum muab tus tsiaj los tua hlawv fij 20nrog tej hmoov nplej rau saum lub thaj. Tus povthawj hlob yuavtsum ua kevcai ntxuav li no, tus neeg ntawd thiajli yuav huv.
21“Yog tus neeg ntawd pluag thiab fabpeem tsis tau li los xij, nws yuavtsum coj ib tug thav yaj tuaj rau tus povthawj hlob muab tua yom fij ua ib yam khoom tshwjxeeb rau tus TSWV daws nws lub txim. Nws yuavtsum nqa 1 kilus hmoov nplej uas ntse xyaw roj txivntoo thiab ib feem peb ntawm 1 liv roj txivntoo tuaj ua khoom fij. 22Nws yuavtsum nqa ob tug nquab taug lossis ob tug nquab nyeg tuaj, muab ib tug tua fij daws txim thiab ib tug tua hlawv fij.
23“Hnub thib yim nws yuavtsum coj tej khoom no tuaj cob rau tus povthawj hlob ntawm lub qhovrooj uas mus rau hauv lub Tsevntaub Sibntsib. 24Ces tus povthawj hlob mamli coj tus yaj thiab cov roj txivntoo mus yom fij ua ib yam khoom tshwjxeeb rau tus TSWV. 25Tus povthawj hlob muab tus thav yaj tua thiab muab mentsis ntshav los pleev tus neeg uas ua kevcai ntxuav ntawd lub taubntseg sab xis, pleev rau tus taubtes sab xis, thiab tus taubtaws sab xis. 26Tus povthawj hlob muab mentsis roj txivntoo hliv rau hauv nws lub xibteg sab laug, 27thiab muab nws tus ntivtes sab xis tub cov roj ntawd mus nchos tabmeeg tus TSWV xya zaus. 28Tus povthawj hlob muab mentsis roj mus pleev rau tibqho chaw uas nws muab cov ntshav pleev: pleev ntawm sab taubntseg xis, sab taubtes xis, thiab sab taubtaws xis. 29Cov roj uas seem hauv tus povthawj hlob lub xibteg, nws yuavtsum muab pleev tus neeg uas ua kevcai ntxuav ntawd lub taubhau thiab ua kevcai ntxuav nws lub txim tabmeeg tus TSWV. 30Ces nws mamli muab ib tug nquab taug lossis ib tug nquab nyeg fij daws txim rawsli tus neeg ntawd muaj, 31muab ib tug tua daws txim thiab muab dua ib tug tua hlawv fij nrog cov hmoov nplej uake, thiab tus povthawj hlob ua kevcai ntxuav tus neeg ntawd lub txim kom huv tabmeeg tus TSWV.”
32Nov yog txoj kevcai rau tus neeg mob ruas uas fabpeem tsis tau tej khoom mus fij rawsli kevcai ntxuav.
Tuajpwm Hauv Tej Tsev
33Tus TSWV hais rau Mauxes thiab Aloos tias, 34“Thaum nej mus txog hauv lub tebchaws Kana-as uas Kuv muab rau nej ua nej tug, yog Kuv tso tej pwm los rau hauv lub tsev twg uas nyob hauv lub tebchaws, 35ces tus tswvtsev yuavtsum mus qhia rau tus povthawj hlob hais tias, ‘Kuv pom zooli muaj tej pwm tshwm rau hauv kuv tsev.’ 36Ces tus povthawj hlob yuavtsum xaaj kom lawv muab txhua yam khoom hauv tsev ntsaig tawm kom tag uantej nws mus tshuaj tej pwm ntawd. Yog tsis li ntawd ces txhua yam khoom uas nyob hauv tsev yuav raug suav hais tias yog khoom tsis huv. Ces tus povthawj hlob yuav tau mus rau hauv lub tsev 37thiab mus tshuaj saib qhov tuajpwm ntawd. Yog cov pwm ntawd ciali ntsuab daj lossis liab daj lis thiab ciali mus noj tej phabntsa lawm, 38nws yuavtsum tawm hauv lub tsev ntawd mus thiab liaj qhovrooj cia xya hnub.
39“Hnub thib xya nws mamli rov mus tshuaj lub tsev dua ntxiv. Yog cov pwm huam ntxiv tuaj rau ntawm tej phabntsa lawm, 40nws yuavtsum hais kom muab cov pobzeb uas muaj pwm ntawd dawj mus povtseg rau tej qhov chaw tsis huv sabnraum ntug nroog. 41Tomqab ntawd nws yuavtsum hais kom muab tagnrho cov pwm ntawm phabntsa sabhauv nruabnrog kes tawm thiab muab tej hmoovsib ntawd coj mus povtseg rau qhov chaw tsis huv sabnraum ntug nroog. 42Ces muab dua ib co pobzeb los hloov rau cov uas tau muab dawj ntawd lawm, thiab muab cov hmoovsib tshiab los pleev rau cov phabntsa ntawd.
43“Yog tej pwm ntawd rov tshwm tuaj tomqab uas twb tshem cov pobzeb thiab twb muab tej hmoovsib uas pleev lub tsev ntawd kes tag lawm, 44tus povthawj hlob yuav tau rov mus tshuaj thiab saib dua, yog qhov tuajpwm ntawd huam tuaj dua, ces lub tsev ntawd yeej tsis huv. 45Yuavtsum muab lub tsev ntawd tsoo povtseg, thiab muab tej pobzeb, tej ntoo, thiab tagnrho tej hmoovsib uas xov lub tsev ntawd coj mus povtseg kom tag rau ntawm qhov chaw tsis huv sabnraum ntug nroog. 46Yog leejtwg mus rau hauv lub tsev ntawd thaum uas twb muab qhovrooj liaj lawm, tus ntawd yuav tsis huv mus txog thaum tsausntuj. 47Yog leejtwg mus pw lossis mus noj mov hauv lub tsev ntawd, nws yuavtsum muab nws cev ristsho coj mus ntxhua.
48“Yog tias, thaum tus povthawj hlob tuaj saib, tomqab uas pleev tej hmoovsib tshiab tag rau lub tsev ntawd tej qhov tuajpwm tsis rov tuajpwm lawm, tus povthawj hlob yuavtsum qhia hais tias lub tsev ntawd huv, rauqhov tej pwm twb ploj tag lawm. 49Nws yuavtsum coj ob tug noog, ib daim ntoo ciab, ib txoj xov liab, thiab ib re nplooj hixauv mus ua kevcai ntxuav lub tsev ntawd. 50Nws yuavtsum muab ib tug noog tua rau saum lub tais av uas ntim cov dej ntshiab uas cug hauv havdej los. 51Ces nws muab daim ntoo ciab, re nplooj hixauv, txoj xov liab, thiab tus noog uas tseem ciaj mus raus rau hauv tus noog uas muab tua lawm cov ntshav thiab cov dej ntshiab, thiab muab nchos xya zaus rau lub tsev ntawd. 52Qhov uas nws muab cov ntshav noog, cov dej ntshiab, tus noog uas tseem ciaj, daim ntoo ciab, re nplooj hixauv, thiab txoj xov liab los ua li no, twb yog nws ua kevcai ntxuav lub tsev ntawd kom huv. 53Ces nws mamli muab tus noog uas tseem ciaj tso ya hauv lub nroog mus rau tom tiajnrag. Nws yuavtsum ua kevcai ntxuav lub tsev ntawd li no, lub tsev thiaj yuav huv.”
54Tej no yog kevcai rau tej kab mob uas yog mob ruas, mob rwj, 55tuajpwm rau ntawm tej ristsho lossis tej tsev, 56thiab o tuaj lossis tawgpleb lossis dawb tej thaj. 57Tej kevcai no tsuas yog siv qhia tej yam uas huv thiab tsis huv xwb.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2022 United Bible Societies. All rights reserved.