Khiav Dim 40
40
Mauxes Tsa Lub Tsevntaub Sibntsib
1Tus TSWV hais rau Mauxes tias, 2“Koj ciali tsa lub Tsevntaub Sibntsib rau lub ib hlis ntuj hnub xiab ib. 3Muab lub Phijxab Lus Cogtseg uas ntim Vajtswv tej lus cogtseg coj mus tso rau hauv lub Tsevntaub thiab muab daim ntaub dai thaiv lub phijxab ntawd. 4Nqa lub rooj los teeb rau hauv thiab muab tej cuabyeej tso rau saum lub rooj. Nqa tus ncej txawb teeb los thiab muab cov teeb los txawb rau saud.
5“Muab lub thaj kub uas hlawv hmoov tshuaj tswqab los teeb rau ntawm lub Phijxab Lus Cogtseg hauvntej thiab muab daim ntaub thaiv los dai rau ntawm lub qhovrooj Tsevntaub. 6Teeb ib lub thaj uas hlawv khoom fij rau ntawm lub Tsevntaub hauvntej. 7Muab lub phiab ntxuav tes ntxuav taw teeb rau kis nruabnrab ntawm tus TSWV lub Tsevntaub thiab lub thaj, thiab nqa dej los hliv rau kom puv. 8Xov vaj ncig thoobplaws lub tshavloog thiab muab daim ntaub los dai thaiv lub roojloog.
9“Muab cov roj txhawb meejthawj nchos rau lub Tsevntaub thiab tagnrho tej cuabyeej siv, kom lub tsevntaub thiab tej cuabyeej ntawd thiaj dawbhuv. 10Dua li ntawd, muab nchos rau lub thaj thiab tej cuabyeej uas siv saum lub thaj, kom txhua yam ntawd thiaj dawbhuv. 11Thiab muab nchos rau lub phiab ntxuav tes ntxuav taw thiab lub taw tiag phiab huv tibsi.
12“Coj Aloos thiab nws cov tub tuaj rau ntawm lub Tsevntaub Sibntsib lub qhovrooj, thiab muab dej los ntxuav lawv. 13Muab lub tsho povthawj hlob rau Aloos hnav thiab muab nws tsa ua povthawj hlob; nej ua li no thiaj yog nej muab nws fij thiab tsa ua povthawj hlob ua Kuv tes haujlwm. 14Coj Aloos cov tub tuaj thiab muab cov tsho loj rau lawv hnav. 15Muab roj pleev lawv ib yam li pleev rau lawv txiv, kom lawv thiaj ua tau cov povthawj hlob ua Kuv tes haujlwm. Txoj kev uas muab lawv tsa li no, yuav ua rau lawv ua tau povthawj hlob ib tiam rau ib tiam.”
16Mauxes ua txhua yam rawsli tus TSWV tau xaaj rau nws. 17Yogli ntawd, lub ib hlis ntuj hnub xiab ib uas yog xyoo thib ob, suav txij li thaum lawv khiav tawm hauv tebchaws Iziv los, yog hnub uas Mauxes tsa lub Tsevntaub. 18Mauxes cog cov tiag taw ncej, tsa cov ncej, muab cov las los yuam rau thiab txhos cov ncej. 19Nthuav ntaub vov lub Tsevntaub thiab nthuav daim tawv uas vov tuaj saud los vov lub tsev, rawsli tus TSWV tau xaaj lawm. 20Ces nws muab ob daim txiag zeb los tso rau hauv lub Phijxab Lus Cogtseg. Nws muab ob tug las ntxig rau ntawm lub Phijxab cov khawb thiab muab lub hau khwb lub phijxab. 21Nws muab lub Phijxab mus tso rau hauv lub Tsevntaub, thiab dai daim ntaub thaiv. Qhov uas nws ua li no tub yog muab daim ntaub thaiv lub Phijxab rawsli tus TSWV tau xaaj tseg lawm.
22Mauxes teeb lub rooj rau hauv lub Tsevntaub, uas yog sabnraud ntawm daim ntaub thaiv sab ped, 23thiab muab cov ncuav uas fij rau tus TSWV tib rau saum lub rooj, rawsli tus TSWV tau xaaj tseg rau nws lawm. 24Nws muab tus ncej txawb teeb mus txawb rau hauv lub Tsevntaub Sibntsib sab nrad, uas yog nyob ntawm lub rooj sab tod, 25thiab nws taws cov teeb ntawd rau hauv chav uas nrog tus TSWV sibntsib, rawsli tus TSWV tau xaaj tseg rau nws lawm.
26Nws muab lub thaj kub coj mus teeb rau hauv lub Tsevntaub Sibntsib ntawm daim ntaub uas kem lub tsev hauvntej, 27thiab hlawv tej hmoov tshuaj uas tswqab, rawsli tus TSWV tau xaaj tseg rau nws lawm. 28Ces nws thiaj dai daim ntaub thaiv lub qhovrooj Tsevntaub, 29thiab nws muab lub thaj hlawv khoom fij coj mus teeb rau ntawm hauvntej daim ntaub thaiv lub qhovrooj Tsevntaub Sibntsib. Nws coj tej khoom fij thiab tej qoobloo uas yog khoom fij coj mus hlawv huv tibsi rau saum lub thaj, rawsli tus TSWV tau xaaj tseg rau nws lawm.
30Nws muab lub phiab ntxuav tes ntxuav taw coj mus teeb rau kis nruabnrab ntawm tus TSWV lub Tsevntaub thiab lub thaj thiab nqa dej los hliv rau puvnkaus. 31Mauxes, Aloos, thiab Aloos cov tub ntxuav lawv tej tes thiab tej taw ntawm lub phiab ntawd, 32txhua zaus uas lawv mus rau hauv lub Tsevntaub Sibntsib lossis mus rau ntawm lub thaj, rawsli tus TSWV tau xaaj tseg rau nws lawm. 33Mauxes xov vaj ncig tej tshavloog ntawm lub Tsevntaub thiab lub thaj, thiab nws dai ib daim ntaub thaiv lub roojloog. Yogli ntawd, nws thiaj ua txhua yam tiav huv tibsi lawm.
Pos Huab Laum Nkaus Lub Tsevntaub Sibntsib
(Teev Npe 9:15-23)
34Ces tauv huab txawm los laum nkaus lub Tsevntaub Sibntsib thiab tus TSWV tus tshwjchim ci ntsa-iab hauv lub Tsevntaub ntawd. #1Vaj 8:10-11; Yaxaya 6:4; Exek 43:4-5; Tshwm 15:8 35Vimli ntawd, Mauxes thiaj mus tsis tau rau hauv lub Tsevntaub. 36Thaum tauv huab tshem tawm ntawm lub Tsevntaub lawm, cov Yixalayees thiaj tshais chaw tau mus rau lwmqhov. 37Thaum twg yog tauv huab tsis tshem, ces lawv yeej tsis tshais chaw mus rau lwmqhov li. 38Lub sijhawm uas lawv pheej ncig mus ncig los, nruabhnub lawv pom tus TSWV tauv huab thiab hmontuj lawv pom muaj nplaim tawg cig lamlug nyob rau saum lub Tsevntaub ntawd.
ទើបបានជ្រើសរើសហើយ៖
Khiav Dim 40: MWW2022
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2022 United Bible Societies. All rights reserved.
Khiav Dim 40
40
Mauxes Tsa Lub Tsevntaub Sibntsib
1Tus TSWV hais rau Mauxes tias, 2“Koj ciali tsa lub Tsevntaub Sibntsib rau lub ib hlis ntuj hnub xiab ib. 3Muab lub Phijxab Lus Cogtseg uas ntim Vajtswv tej lus cogtseg coj mus tso rau hauv lub Tsevntaub thiab muab daim ntaub dai thaiv lub phijxab ntawd. 4Nqa lub rooj los teeb rau hauv thiab muab tej cuabyeej tso rau saum lub rooj. Nqa tus ncej txawb teeb los thiab muab cov teeb los txawb rau saud.
5“Muab lub thaj kub uas hlawv hmoov tshuaj tswqab los teeb rau ntawm lub Phijxab Lus Cogtseg hauvntej thiab muab daim ntaub thaiv los dai rau ntawm lub qhovrooj Tsevntaub. 6Teeb ib lub thaj uas hlawv khoom fij rau ntawm lub Tsevntaub hauvntej. 7Muab lub phiab ntxuav tes ntxuav taw teeb rau kis nruabnrab ntawm tus TSWV lub Tsevntaub thiab lub thaj, thiab nqa dej los hliv rau kom puv. 8Xov vaj ncig thoobplaws lub tshavloog thiab muab daim ntaub los dai thaiv lub roojloog.
9“Muab cov roj txhawb meejthawj nchos rau lub Tsevntaub thiab tagnrho tej cuabyeej siv, kom lub tsevntaub thiab tej cuabyeej ntawd thiaj dawbhuv. 10Dua li ntawd, muab nchos rau lub thaj thiab tej cuabyeej uas siv saum lub thaj, kom txhua yam ntawd thiaj dawbhuv. 11Thiab muab nchos rau lub phiab ntxuav tes ntxuav taw thiab lub taw tiag phiab huv tibsi.
12“Coj Aloos thiab nws cov tub tuaj rau ntawm lub Tsevntaub Sibntsib lub qhovrooj, thiab muab dej los ntxuav lawv. 13Muab lub tsho povthawj hlob rau Aloos hnav thiab muab nws tsa ua povthawj hlob; nej ua li no thiaj yog nej muab nws fij thiab tsa ua povthawj hlob ua Kuv tes haujlwm. 14Coj Aloos cov tub tuaj thiab muab cov tsho loj rau lawv hnav. 15Muab roj pleev lawv ib yam li pleev rau lawv txiv, kom lawv thiaj ua tau cov povthawj hlob ua Kuv tes haujlwm. Txoj kev uas muab lawv tsa li no, yuav ua rau lawv ua tau povthawj hlob ib tiam rau ib tiam.”
16Mauxes ua txhua yam rawsli tus TSWV tau xaaj rau nws. 17Yogli ntawd, lub ib hlis ntuj hnub xiab ib uas yog xyoo thib ob, suav txij li thaum lawv khiav tawm hauv tebchaws Iziv los, yog hnub uas Mauxes tsa lub Tsevntaub. 18Mauxes cog cov tiag taw ncej, tsa cov ncej, muab cov las los yuam rau thiab txhos cov ncej. 19Nthuav ntaub vov lub Tsevntaub thiab nthuav daim tawv uas vov tuaj saud los vov lub tsev, rawsli tus TSWV tau xaaj lawm. 20Ces nws muab ob daim txiag zeb los tso rau hauv lub Phijxab Lus Cogtseg. Nws muab ob tug las ntxig rau ntawm lub Phijxab cov khawb thiab muab lub hau khwb lub phijxab. 21Nws muab lub Phijxab mus tso rau hauv lub Tsevntaub, thiab dai daim ntaub thaiv. Qhov uas nws ua li no tub yog muab daim ntaub thaiv lub Phijxab rawsli tus TSWV tau xaaj tseg lawm.
22Mauxes teeb lub rooj rau hauv lub Tsevntaub, uas yog sabnraud ntawm daim ntaub thaiv sab ped, 23thiab muab cov ncuav uas fij rau tus TSWV tib rau saum lub rooj, rawsli tus TSWV tau xaaj tseg rau nws lawm. 24Nws muab tus ncej txawb teeb mus txawb rau hauv lub Tsevntaub Sibntsib sab nrad, uas yog nyob ntawm lub rooj sab tod, 25thiab nws taws cov teeb ntawd rau hauv chav uas nrog tus TSWV sibntsib, rawsli tus TSWV tau xaaj tseg rau nws lawm.
26Nws muab lub thaj kub coj mus teeb rau hauv lub Tsevntaub Sibntsib ntawm daim ntaub uas kem lub tsev hauvntej, 27thiab hlawv tej hmoov tshuaj uas tswqab, rawsli tus TSWV tau xaaj tseg rau nws lawm. 28Ces nws thiaj dai daim ntaub thaiv lub qhovrooj Tsevntaub, 29thiab nws muab lub thaj hlawv khoom fij coj mus teeb rau ntawm hauvntej daim ntaub thaiv lub qhovrooj Tsevntaub Sibntsib. Nws coj tej khoom fij thiab tej qoobloo uas yog khoom fij coj mus hlawv huv tibsi rau saum lub thaj, rawsli tus TSWV tau xaaj tseg rau nws lawm.
30Nws muab lub phiab ntxuav tes ntxuav taw coj mus teeb rau kis nruabnrab ntawm tus TSWV lub Tsevntaub thiab lub thaj thiab nqa dej los hliv rau puvnkaus. 31Mauxes, Aloos, thiab Aloos cov tub ntxuav lawv tej tes thiab tej taw ntawm lub phiab ntawd, 32txhua zaus uas lawv mus rau hauv lub Tsevntaub Sibntsib lossis mus rau ntawm lub thaj, rawsli tus TSWV tau xaaj tseg rau nws lawm. 33Mauxes xov vaj ncig tej tshavloog ntawm lub Tsevntaub thiab lub thaj, thiab nws dai ib daim ntaub thaiv lub roojloog. Yogli ntawd, nws thiaj ua txhua yam tiav huv tibsi lawm.
Pos Huab Laum Nkaus Lub Tsevntaub Sibntsib
(Teev Npe 9:15-23)
34Ces tauv huab txawm los laum nkaus lub Tsevntaub Sibntsib thiab tus TSWV tus tshwjchim ci ntsa-iab hauv lub Tsevntaub ntawd. #1Vaj 8:10-11; Yaxaya 6:4; Exek 43:4-5; Tshwm 15:8 35Vimli ntawd, Mauxes thiaj mus tsis tau rau hauv lub Tsevntaub. 36Thaum tauv huab tshem tawm ntawm lub Tsevntaub lawm, cov Yixalayees thiaj tshais chaw tau mus rau lwmqhov. 37Thaum twg yog tauv huab tsis tshem, ces lawv yeej tsis tshais chaw mus rau lwmqhov li. 38Lub sijhawm uas lawv pheej ncig mus ncig los, nruabhnub lawv pom tus TSWV tauv huab thiab hmontuj lawv pom muaj nplaim tawg cig lamlug nyob rau saum lub Tsevntaub ntawd.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2022 United Bible Societies. All rights reserved.