Efexaus 3
3
Paulus Tes Haujlwm Uas Ua Pab Rau Lwm Haivneeg
1Twb yog vimli no kuv, uas yog Paulus, tus uas raug kaw rau hauv tsev lojcuj vim kuv ua Yexus Khetos tes haujlwm pab nej cov uas yog Lwm Haivneeg, kuv thiaj thov Vajtswv pab nej. 2Nej yeej hnov meej-meej lawm hais tias Vajtswv tus uas muaj txoj hmoovhlub tau muab tes haujlwm no rau kuv ua pab nej. 3Vajtswv tau qhia tej uas Nws muab zais cia lawm rau kuv paub. (Kuv twb sau mentsis hais txog zaj no lawm, 4yog nej nyeem tej uas kuv tau sau ntawd, nej yuav paub tias kuv totaub licas txog Yexus Khetos zaj uas tau muab zais cia lawm.) 5Yav tas los yeej tsis tau muab zaj no qhia rau leejtwg paub li, tiamsis nimno Vaj Ntsujplig twb qhia rau cov timthawj uas dawbhuv thiab cov xibhwb cev Vajtswv lus lawm. 6Zaj uas tau muab zais cia ntawd yog qhia hais tias, los ntawm Txoj Moo Zoo, cov uas yog Lwm Haivneeg muaj feem nrog cov Yudais tau txais Vajtswv tej koobhmoov ib yam nkaus. Ob pab puavleej zwm rau tiblub cev, thiab sawvdaws puavleej yuav tau tej uas Vajtswv coglus tseg lawm hais tias Nws yuav pub rau cov uas ntseeg Yexus Khetos. #Kaulx 1:26-27
7Kuv tau raug tsa los ua ib tug tubtxib qhia Txoj Moo Zoo, twb yog vim Vajtswv txoj koobhmoov uas Nws tau muab rau kuv, uas yog Nws lub hwjchim uas tabtom ua haujlwm nyob rau hauv kuv. 8Txawm yog kuv yog tus uas muaj hwjchim yau dua txhua tus uas muaj hwjchim yau kawg nkaus hauv Vajtswv haivneeg los Vajtswv tseem muab tes haujlwm qhia Txoj Moo Zoo uas hais txog Yexus Khetos txoj koobhmoov uas tsis paub xaus rau kuv coj mus qhia Lwm Haivneeg thiab, 9kom sawvdaws pom meej-meej tias Vajtswv yuav ua licas rau tes haujlwm uas Vajtswv tau muab zais cia lawm kom tiav. Vajtswv tus uas tsim txhua yam huv tibsi tau muab zaj ntawd zais cia ib txheej dhau rau ib txheej los lawm, 10kom niajhnub nimno cov timtswv ceebtsheej thiab cov uas muaj hwjchim kav saum ntuj thiajli paub txog txhua yam uas yog Vajtswv lub hwjchim ua nyob rau hauv pawg ntseeg. 11Tej uas Vajtswv ua no yog rawsli Vajtswv lub homphiaj uas Nws twb xub npaj tseg thaum ub los; lub homphiaj ntawd tau ua tiav nyob rau hauv peb tus Tswv Yexus Khetos. 12Los ntawm qhov uas peb koomxeeb nrog Khetos thiab los ntawm peb txoj kev ntseeg Nws, peb thiaj muaj kev ruajsiab thiab muaj cuabkav mus cuag tau Vajtswv. 13Yogli ntawd, kuv thov kom nej tsis txhob qaugzog vim qhov uas kuv raug kev txomnyem pab nej; qhov uas kuv raug li no yog ua kom muajnqis rau nej xwb.
Khetos Txoj Kev Hlub
14Twb yog vimli no kuv thiaj txhoscaug ntua ntawm Leejtxiv lub xubntiag, 15tus uas txhua tsev neeg saum ntuj ceebtsheej thiab hauv ntiajteb no hu hais tias, Leejtxiv. 16Kuv thov Vajtswv tus uas muaj koobhmoov nplua-mias pub hwjchim rau nej los ntawm Nws tus Ntsujplig kom nej muaj lub siab tawv, 17thiab kuv thov kom Khetos los nyob hauv nej lub siab los ntawm txoj kev ntseeg. Kuv thov Vajtswv pab kom nej cog cag kom ruaj-khov rau hauv txoj kev hlub, 18kom nej thiab Vajtswv haivneeg txhua tus thiaj yuav muaj peevxwm totaub hais tias Yexus Khetos txoj kev hlub dav licas, ntev licas, siab licas thiab tob licas. 19Thiab kom nej paub Nws txoj kev hlub uas tob tshaj li qhov uas neeg yuav paub txog, kom nej thiajli yuav puvnpo Vajtswv tus yamntxwv.
20Peb ciali ua Vajtswv tsaug, rauqhov Vajtswv lub hwjchim uas ua haujlwm nyob hauv peb lub siab, muaj peevxwm ua tau ntau tshaj li tej uas peb thov thiab tej uas peb xav. 21Thov kom Vajtswv tau koobmeej nyob hauv pawg ntseeg thiab nyob hauv Yexus Khetos ib tiam dhau ib tiam, mus tag ibtxhiab ibtxhis li! Amees.
ទើបបានជ្រើសរើសហើយ៖
Efexaus 3: MWW2022
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2022 United Bible Societies. All rights reserved.
Efexaus 3
3
Paulus Tes Haujlwm Uas Ua Pab Rau Lwm Haivneeg
1Twb yog vimli no kuv, uas yog Paulus, tus uas raug kaw rau hauv tsev lojcuj vim kuv ua Yexus Khetos tes haujlwm pab nej cov uas yog Lwm Haivneeg, kuv thiaj thov Vajtswv pab nej. 2Nej yeej hnov meej-meej lawm hais tias Vajtswv tus uas muaj txoj hmoovhlub tau muab tes haujlwm no rau kuv ua pab nej. 3Vajtswv tau qhia tej uas Nws muab zais cia lawm rau kuv paub. (Kuv twb sau mentsis hais txog zaj no lawm, 4yog nej nyeem tej uas kuv tau sau ntawd, nej yuav paub tias kuv totaub licas txog Yexus Khetos zaj uas tau muab zais cia lawm.) 5Yav tas los yeej tsis tau muab zaj no qhia rau leejtwg paub li, tiamsis nimno Vaj Ntsujplig twb qhia rau cov timthawj uas dawbhuv thiab cov xibhwb cev Vajtswv lus lawm. 6Zaj uas tau muab zais cia ntawd yog qhia hais tias, los ntawm Txoj Moo Zoo, cov uas yog Lwm Haivneeg muaj feem nrog cov Yudais tau txais Vajtswv tej koobhmoov ib yam nkaus. Ob pab puavleej zwm rau tiblub cev, thiab sawvdaws puavleej yuav tau tej uas Vajtswv coglus tseg lawm hais tias Nws yuav pub rau cov uas ntseeg Yexus Khetos. #Kaulx 1:26-27
7Kuv tau raug tsa los ua ib tug tubtxib qhia Txoj Moo Zoo, twb yog vim Vajtswv txoj koobhmoov uas Nws tau muab rau kuv, uas yog Nws lub hwjchim uas tabtom ua haujlwm nyob rau hauv kuv. 8Txawm yog kuv yog tus uas muaj hwjchim yau dua txhua tus uas muaj hwjchim yau kawg nkaus hauv Vajtswv haivneeg los Vajtswv tseem muab tes haujlwm qhia Txoj Moo Zoo uas hais txog Yexus Khetos txoj koobhmoov uas tsis paub xaus rau kuv coj mus qhia Lwm Haivneeg thiab, 9kom sawvdaws pom meej-meej tias Vajtswv yuav ua licas rau tes haujlwm uas Vajtswv tau muab zais cia lawm kom tiav. Vajtswv tus uas tsim txhua yam huv tibsi tau muab zaj ntawd zais cia ib txheej dhau rau ib txheej los lawm, 10kom niajhnub nimno cov timtswv ceebtsheej thiab cov uas muaj hwjchim kav saum ntuj thiajli paub txog txhua yam uas yog Vajtswv lub hwjchim ua nyob rau hauv pawg ntseeg. 11Tej uas Vajtswv ua no yog rawsli Vajtswv lub homphiaj uas Nws twb xub npaj tseg thaum ub los; lub homphiaj ntawd tau ua tiav nyob rau hauv peb tus Tswv Yexus Khetos. 12Los ntawm qhov uas peb koomxeeb nrog Khetos thiab los ntawm peb txoj kev ntseeg Nws, peb thiaj muaj kev ruajsiab thiab muaj cuabkav mus cuag tau Vajtswv. 13Yogli ntawd, kuv thov kom nej tsis txhob qaugzog vim qhov uas kuv raug kev txomnyem pab nej; qhov uas kuv raug li no yog ua kom muajnqis rau nej xwb.
Khetos Txoj Kev Hlub
14Twb yog vimli no kuv thiaj txhoscaug ntua ntawm Leejtxiv lub xubntiag, 15tus uas txhua tsev neeg saum ntuj ceebtsheej thiab hauv ntiajteb no hu hais tias, Leejtxiv. 16Kuv thov Vajtswv tus uas muaj koobhmoov nplua-mias pub hwjchim rau nej los ntawm Nws tus Ntsujplig kom nej muaj lub siab tawv, 17thiab kuv thov kom Khetos los nyob hauv nej lub siab los ntawm txoj kev ntseeg. Kuv thov Vajtswv pab kom nej cog cag kom ruaj-khov rau hauv txoj kev hlub, 18kom nej thiab Vajtswv haivneeg txhua tus thiaj yuav muaj peevxwm totaub hais tias Yexus Khetos txoj kev hlub dav licas, ntev licas, siab licas thiab tob licas. 19Thiab kom nej paub Nws txoj kev hlub uas tob tshaj li qhov uas neeg yuav paub txog, kom nej thiajli yuav puvnpo Vajtswv tus yamntxwv.
20Peb ciali ua Vajtswv tsaug, rauqhov Vajtswv lub hwjchim uas ua haujlwm nyob hauv peb lub siab, muaj peevxwm ua tau ntau tshaj li tej uas peb thov thiab tej uas peb xav. 21Thov kom Vajtswv tau koobmeej nyob hauv pawg ntseeg thiab nyob hauv Yexus Khetos ib tiam dhau ib tiam, mus tag ibtxhiab ibtxhis li! Amees.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2022 United Bible Societies. All rights reserved.