Tes Haujlwm 18
18
Nyob Hauv Kauleethaus
1Tomqab ntawd Paulus txawm tawm hauv Athees mus rau tim lub nroog Kauleethaus. 2Thaum nws nyob hauv lub nroog ntawd, nws ntsib ib tug neeg Yudais hu ua Akhilas uas yug hauv tebchaws Pootus. Akhilas thiab nws tus pojniam Pixilas nkawd nyuamqhuav tuaj tim tebchaws Italis tuaj, rauqhov Huabtais Khaudius tau ntiab cov Yudais txhua tus kom khiav tawm hauv lub nroog Loos mus. Paulus txawm mus saib Akhilas nkawd, 3mus nrog nkawd nyob, thiab ua haujlwm uake, rauqhov nws txoj kev nrhiav noj nrhiav haus yog xaws tsevntaub ib yam li Akhilas nkawd thiab. 4Txhua hnub Xanpataus Paulus nrog neeg sibcav hauv tsev sablaj, nws yaum cov Yudais thiab cov neeg Kilis kom los ntseeg.
5Thaum Xilas thiab Timautes nkawd tuaj pem Makedaunias tuaj txog lawm, ces Paulus txawm siv tagnrho nws tej sijhawm los qhia Vajtswv Txojlus lawm xwb. Nws ua timkhawv rau cov Yudais hais tias Yexus yog tus Mexiyas. 6Thaum lawv tawmtsam thiab thuam nws, nws txawm muab nws tej tsoostsho nchos hmoov av thiab hais rau lawv hais tias, “Nej li ntshav mam lo nej taubhau! Ntawm kuv, kuv tsis muaj txim dabtsi. Txij no mus kuv yuav mus qhia Lwm Haivneeg lawm.” 7Ces Paulus txawm ncaim lawv mus; nws mus nrog ib tug txivneej uas yog Lwm Haivneeg uas hu ua Titius Yuxatus nyob. Nws yog ib tug uas hwm Vajtswv; nws lub tsev nyob npuab nkaus lub tsev sablaj. 8Khixapus uas yog tus thawj saib lub tsev sablaj, nws thiab tagnrho nws tsev neeg puavleej los ntseeg tus Tswv; thiab muaj ntau leej uas nyob hauv lub nroog Kauleethaus tau hnov Paulus qhia, lawv txawm los ntseeg thiab ua kevcai rausdej.
9Muaj ib hmos Paulus ua yogtoog pom tus Tswv los hais rau nws hais tias, “Koj tsis txhob ntshai, kavtsij qhia mus tsis txhob tsotseg, 10rauqhov Kuv nrog koj nyob. Tsis muaj leejtwg yuav ua tau phem rau koj, rauqhov coob leej uas nyob hauv lub nroog no yog Kuv cov neeg xwb.” 11Yogli ntawd, Paulus thiaj nyob hauv lub nroog ntawd tau ib xyoos thiab rau hli, qhia Vajtswv Txojlus rau sawvdaws.
12Lub sijhawm uas Nkali-aus los ua tus tswvxeev kav lub xeev Akhayas, cov Yudais txawm tuavhauv ntes Paulus coj mus rau hauv tsev hais plaub. 13Lawv hais tias, “Tus txivneej no yaum sawvdaws kom pehawm Vajtswv tsis rawsli peb txoj kevcai.”
14Thaum Paulus tseem tabtom yuav teb, Nkali-aus txawm hais rau cov Yudais hais tias, “Yog tias yam no yog ib qho kev txhaum uas hla kevcai loj heev lossis yog ib yam uas nws tau ua txhaum lawm, ces kuv yeej yuav ua siabntev mloog nej cov neeg Yudais tej lus. 15Tiamsis nws tsuas yog kev sibcav txog tej nyuag lus, tej nyuag npe, thiab nej tej kevcai xwb, kuv yuav tsis ua tus txiavtxim rau tej ntawd!” 16Ces nws txawm ntiab lawv tawm hauv lub tsev hais plaub mus. 17Lawv sawvdaws txawm mus ntes Xauthenes, uas yog tus thawj saib lub tsev sablaj, thiab muab nws ntaus tabmeeg sawvdaws hauv lub tsev hais plaub. Tiamsis Nkali-aus yeej tsis quavntsej li.
Rov Mus Rau Tim Ati-aukias
18Paulus nrog cov ntseeg nyob hauv lub nroog Kauleethaus tau ntau hnub ntxiv, ces nws txawm nrog Pixilas thiab Akhilas caij nkoj mus rau tim tebchaws Xilias. Uantej uas lawv yuav caij nkoj tawm hauv Kheekhias mus, Paulus txawm muab nws cov plaubhau chais, rauqhov nws twb coglus tseg cia lawm.#18:18: coglus tseg cia lawm: Qhov no yog ua rawsli cov Yudais txoj kevcai chais plaubhau uas ua lub cim qhia hais tias yus ua rawsli yus tau coglus tseg lawm. #Teev 6:18 19Thaum lawv mus txog rau Efexaus, Paulus txawm ncaim Pixilas thiab Akhilas nkawd. Nws mus rau hauv lub tsev sablaj thiab nrog cov Yudais sibcav. 20Lawv tau thov kom nws nrog lawv nyob ib ntus ntxiv, tiamsis nws tsis kam. 21Thaum nws yuav ncaim lawv mus, nws hais rau lawv hais tias, “Yog Vajtswv pomzoo, kuv yuav rovqab tuaj cuag nej dua.” Ces Paulus txawm caij nkoj tawm hauv lub nroog Efexaus mus lawm.
22Thaum nws mus txog rau Xixaleyas, nws txawm mus saib pawg ntseeg uas nyob rau nram lub nroog Yeluxalees. Dhau ntawd nws rov los rau pem lub nroog Ati-aukias. 23Nws nyob ntawd tau ib ntus, ces nws txawm tawm thiab hla ntawm cheebtsam Kalatias thiab Felinkias mus; nws ibke taug kev mus ibke txhawb cov ntseeg sawvdaws lub zog.
Apaulaus Qhia Hauv Efexaus Thiab Kauleethaus
24Thaum ntawd muaj ib tug txivneej Yudais hu ua Apaulaus, uas yug hauv lub nroog Alexadias, tau tuaj txog hauv lub nroog Efexaus. Nws yog ib tug uas txawj qhia kawg li thiab paub Vajtswv tej Lus zoo heev. 25Nws tau raug cobqhia txog tus Tswv txoj Kevcai. Nws kubsiab thiab qhia meej kawg nkaus txog Yexus zaj. Tiamsis nws tsuas paub txog txoj kevcai rausdej uas Yauhas qhia xwb. 26Nws muaj lub siab tawv qhia nyob hauv lub tsev sablaj. Thaum Pixilas thiab Akhilas nkawd mloog nws qhia tag, ces nkawd txawm coj nws mus rau tom nkawd tsev thiab qhia Vajtswv Txojlus kom nws paub zoo dua qub ntxiv.
27Thaum ntawd Apaulaus tau txiavtxim siab mus rau Akhayas, cov ntseeg uas nyob hauv lub nroog Efexaus tau sau ib tsab ntawv xa mus rau cov ntseeg uas nyob tid, nquahu kom lawv tostxais Apaulaus. Thaum Apaulaus mus txog tid, nws pab lawv kawg li, tshwjxeeb yog cov uas tau los ntseeg Vajtswv vim yog Vajtswv txoj hmoovhlub. 28Nws nrog cov Yudais sibcav hnyav heev thiab tau kovyeej lawv tabmeeg sawvdaws, los ntawm qhov uas nws muab Vajtswv tej Lus los ua povthawj qhia tias Yexus yog tus Mexiyas.
ទើបបានជ្រើសរើសហើយ៖
Tes Haujlwm 18: MWW2022
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2022 United Bible Societies. All rights reserved.
Tes Haujlwm 18
18
Nyob Hauv Kauleethaus
1Tomqab ntawd Paulus txawm tawm hauv Athees mus rau tim lub nroog Kauleethaus. 2Thaum nws nyob hauv lub nroog ntawd, nws ntsib ib tug neeg Yudais hu ua Akhilas uas yug hauv tebchaws Pootus. Akhilas thiab nws tus pojniam Pixilas nkawd nyuamqhuav tuaj tim tebchaws Italis tuaj, rauqhov Huabtais Khaudius tau ntiab cov Yudais txhua tus kom khiav tawm hauv lub nroog Loos mus. Paulus txawm mus saib Akhilas nkawd, 3mus nrog nkawd nyob, thiab ua haujlwm uake, rauqhov nws txoj kev nrhiav noj nrhiav haus yog xaws tsevntaub ib yam li Akhilas nkawd thiab. 4Txhua hnub Xanpataus Paulus nrog neeg sibcav hauv tsev sablaj, nws yaum cov Yudais thiab cov neeg Kilis kom los ntseeg.
5Thaum Xilas thiab Timautes nkawd tuaj pem Makedaunias tuaj txog lawm, ces Paulus txawm siv tagnrho nws tej sijhawm los qhia Vajtswv Txojlus lawm xwb. Nws ua timkhawv rau cov Yudais hais tias Yexus yog tus Mexiyas. 6Thaum lawv tawmtsam thiab thuam nws, nws txawm muab nws tej tsoostsho nchos hmoov av thiab hais rau lawv hais tias, “Nej li ntshav mam lo nej taubhau! Ntawm kuv, kuv tsis muaj txim dabtsi. Txij no mus kuv yuav mus qhia Lwm Haivneeg lawm.” 7Ces Paulus txawm ncaim lawv mus; nws mus nrog ib tug txivneej uas yog Lwm Haivneeg uas hu ua Titius Yuxatus nyob. Nws yog ib tug uas hwm Vajtswv; nws lub tsev nyob npuab nkaus lub tsev sablaj. 8Khixapus uas yog tus thawj saib lub tsev sablaj, nws thiab tagnrho nws tsev neeg puavleej los ntseeg tus Tswv; thiab muaj ntau leej uas nyob hauv lub nroog Kauleethaus tau hnov Paulus qhia, lawv txawm los ntseeg thiab ua kevcai rausdej.
9Muaj ib hmos Paulus ua yogtoog pom tus Tswv los hais rau nws hais tias, “Koj tsis txhob ntshai, kavtsij qhia mus tsis txhob tsotseg, 10rauqhov Kuv nrog koj nyob. Tsis muaj leejtwg yuav ua tau phem rau koj, rauqhov coob leej uas nyob hauv lub nroog no yog Kuv cov neeg xwb.” 11Yogli ntawd, Paulus thiaj nyob hauv lub nroog ntawd tau ib xyoos thiab rau hli, qhia Vajtswv Txojlus rau sawvdaws.
12Lub sijhawm uas Nkali-aus los ua tus tswvxeev kav lub xeev Akhayas, cov Yudais txawm tuavhauv ntes Paulus coj mus rau hauv tsev hais plaub. 13Lawv hais tias, “Tus txivneej no yaum sawvdaws kom pehawm Vajtswv tsis rawsli peb txoj kevcai.”
14Thaum Paulus tseem tabtom yuav teb, Nkali-aus txawm hais rau cov Yudais hais tias, “Yog tias yam no yog ib qho kev txhaum uas hla kevcai loj heev lossis yog ib yam uas nws tau ua txhaum lawm, ces kuv yeej yuav ua siabntev mloog nej cov neeg Yudais tej lus. 15Tiamsis nws tsuas yog kev sibcav txog tej nyuag lus, tej nyuag npe, thiab nej tej kevcai xwb, kuv yuav tsis ua tus txiavtxim rau tej ntawd!” 16Ces nws txawm ntiab lawv tawm hauv lub tsev hais plaub mus. 17Lawv sawvdaws txawm mus ntes Xauthenes, uas yog tus thawj saib lub tsev sablaj, thiab muab nws ntaus tabmeeg sawvdaws hauv lub tsev hais plaub. Tiamsis Nkali-aus yeej tsis quavntsej li.
Rov Mus Rau Tim Ati-aukias
18Paulus nrog cov ntseeg nyob hauv lub nroog Kauleethaus tau ntau hnub ntxiv, ces nws txawm nrog Pixilas thiab Akhilas caij nkoj mus rau tim tebchaws Xilias. Uantej uas lawv yuav caij nkoj tawm hauv Kheekhias mus, Paulus txawm muab nws cov plaubhau chais, rauqhov nws twb coglus tseg cia lawm.#18:18: coglus tseg cia lawm: Qhov no yog ua rawsli cov Yudais txoj kevcai chais plaubhau uas ua lub cim qhia hais tias yus ua rawsli yus tau coglus tseg lawm. #Teev 6:18 19Thaum lawv mus txog rau Efexaus, Paulus txawm ncaim Pixilas thiab Akhilas nkawd. Nws mus rau hauv lub tsev sablaj thiab nrog cov Yudais sibcav. 20Lawv tau thov kom nws nrog lawv nyob ib ntus ntxiv, tiamsis nws tsis kam. 21Thaum nws yuav ncaim lawv mus, nws hais rau lawv hais tias, “Yog Vajtswv pomzoo, kuv yuav rovqab tuaj cuag nej dua.” Ces Paulus txawm caij nkoj tawm hauv lub nroog Efexaus mus lawm.
22Thaum nws mus txog rau Xixaleyas, nws txawm mus saib pawg ntseeg uas nyob rau nram lub nroog Yeluxalees. Dhau ntawd nws rov los rau pem lub nroog Ati-aukias. 23Nws nyob ntawd tau ib ntus, ces nws txawm tawm thiab hla ntawm cheebtsam Kalatias thiab Felinkias mus; nws ibke taug kev mus ibke txhawb cov ntseeg sawvdaws lub zog.
Apaulaus Qhia Hauv Efexaus Thiab Kauleethaus
24Thaum ntawd muaj ib tug txivneej Yudais hu ua Apaulaus, uas yug hauv lub nroog Alexadias, tau tuaj txog hauv lub nroog Efexaus. Nws yog ib tug uas txawj qhia kawg li thiab paub Vajtswv tej Lus zoo heev. 25Nws tau raug cobqhia txog tus Tswv txoj Kevcai. Nws kubsiab thiab qhia meej kawg nkaus txog Yexus zaj. Tiamsis nws tsuas paub txog txoj kevcai rausdej uas Yauhas qhia xwb. 26Nws muaj lub siab tawv qhia nyob hauv lub tsev sablaj. Thaum Pixilas thiab Akhilas nkawd mloog nws qhia tag, ces nkawd txawm coj nws mus rau tom nkawd tsev thiab qhia Vajtswv Txojlus kom nws paub zoo dua qub ntxiv.
27Thaum ntawd Apaulaus tau txiavtxim siab mus rau Akhayas, cov ntseeg uas nyob hauv lub nroog Efexaus tau sau ib tsab ntawv xa mus rau cov ntseeg uas nyob tid, nquahu kom lawv tostxais Apaulaus. Thaum Apaulaus mus txog tid, nws pab lawv kawg li, tshwjxeeb yog cov uas tau los ntseeg Vajtswv vim yog Vajtswv txoj hmoovhlub. 28Nws nrog cov Yudais sibcav hnyav heev thiab tau kovyeej lawv tabmeeg sawvdaws, los ntawm qhov uas nws muab Vajtswv tej Lus los ua povthawj qhia tias Yexus yog tus Mexiyas.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2022 United Bible Societies. All rights reserved.