Tes Haujlwm 15
15
Kev Sablaj Hauv Nroog Yeluxalees
1Muaj ob-peb tug txivneej tuaj nram xeev Yudas tuaj rau hauv lub nroog Ati-aukias, lawv txawm pib qhia cov ntseeg tias, “Yog nej tsis ua kevcai txiav rawsli Mauxes txoj Kevcai tau qhia tseg, nej yeej yuav tsis dim kiag li.” #Levi 12:3 2Paulus thiab Npananpas nrog lawv cov ntawd sibcav hnyav heev txog zaj no. Thaum kawg sawvdaws thiaj pomzoo cia Paulus thiab Npananpas thiab cov ntseeg qeeleej uas nyob hauv lub nroog Ati-aukias mus rau saum lub nroog Yeluxalees, mus nrog cov timthawj thiab cov txwjlaug sablaj txog zaj no.
3Pawg ntseeg thiaj xa lawv mus. Thaum lawv tabtom taug kev hla lub xeev Faunikias thiab xeev Xamalis, nkawd tau qhia txog qhov uas Lwm Haivneeg los ntseeg Vajtswv lawm rau cov ntseeg uas nyob hauv ob lub xeev ntawd mloog, ua rau lawv zoosiab kawg li. 4Thaum lawv mus txog rau Yeluxalees lawm, pawg ntseeg, cov timthawj, thiab cov txwjlaug sawvdaws tau tostxais lawv. Paulus nkawd thiaj piav txhua yam uas Vajtswv tau siv nkawd ua, rau lawv sawvdaws mloog. 5Tiamsis cov ntseeg uas yog cov Falixais pab, muaj qeeleej txawm sawv thiab hais tias, “Yuavtsum muab cov uas yog Lwm Haivneeg ntawd ua kevcai txiav, thiab kom lawv coj rawsli Mauxes txoj Kevcai.”
6Cov timthawj thiab cov txwjlaug txawm muab zaj no los sablaj seb yuav ua licas. 7Tomqab uas lawv sibcav ntev loo, Petus txawm sawvtsees thiab hais rau lawv hais tias, “Cov kwvtij, nej twb paub tias thaum chivthawj, peb cov uas nyob ntawm no, Vajtswv tau xaiv kuv ua tus qhia Txoj Moo Zoo rau Lwm Haivneeg kom lawv thiaj hnov thiab los ntseeg. #Teshl 10:1-43 8Thiab Vajtswv tus uas paub sawvdaws lub siab, tau pomzoo txais yuav Lwm Haivneeg los ntawm qhov uas Nws pub Vaj Ntsujplig tus Dawbhuv rau lawv ib yam li Nws tau pub rau peb lawm. #Teshl 10:44; Teshl 2:4 9Vajtswv suav hais tias Lwm Haivneeg thiab peb zoo tibyam nkaus; Nws zam lawv lub txim, vim lawv ntseeg Nws. 10Yogli ntawd, uacas nimno nej tseem yuav xav sim Vajtswv siab los ntawm qhov uas nej muab ib lub nra rau cov ntseeg ris? Txawm yog peb cov yawgkoob thiab peb los yeej ris tsis taus lub nra ntawd. 11Tsis txhob ua li ntawd! Peb ntseeg tias qhov uas peb dim peb lub txim, yog los ntawm tus Tswv Yexus txoj hmoovhlub, ib yam nkaus li lawv thiab xwb.”
12Sawvdaws txawm nyob ntsiagto mloog Npananpas thiab Paulus piav txog tej txujci loj thiab tseemceeb uas Vajtswv ua thaum nkawd mus qhia Lwm Haivneeg. 13Thaum nkawd qhia tag lawm, Yakaunpaus hais tias, “Cov kwvtij, nej ciali mloog kuv hais! 14Ximoos nyuamqhuav qhia hais tias thawjzaug uas Vajtswv qhia Nws txoj kev hlub tshua rau Lwm Haivneeg yog los ntawm qhov uas Nws tau coj lawv ib co los ua Nws haivneeg. 15Cov xibhwb cev Vajtswv lus puavleej hais ib yam nkaus txog zaj no, rawsli Vajtswv Txojlus tau sau tseg hais tias,
16“ ‘Tus Tswv hais tias, tomqab ntawd Kuv yuav rov los
muab Daviv lub tsev uas vau lawm ua dua tshiab.
Kuv yuav muab yam uas pob lawm kho dua tshiab
thiab yuav kho kom rov ruaj-khov tuaj. #Amaus 9:11-12 (LXX)
17Xwv txhua haivneeg thiaj yuav los nrhiav Kuv,
xam tagnrho txhua tus uas yog Lwm Haivneeg uas Kuv tau hu lawv los ua Kuv tug lawm thiab.
18Tus Tswv uas qhia zaj no rau sawvdaws paub thaum ub los lawm yog tus hais tej no.’ ”
19Yakaunpaus hais ntxiv tias, “Kuv xav tias, peb tsis txhob nyuajsiab rau Lwm Haivneeg uas tabtom tig los cuag Vajtswv. 20Tiamsis cia peb sau ntawv mus qhia rau lawv kom lawv tsis txhob noj tej zaub-mov uas luag muab fij rau tej mlom lawm, tsis txhob deev luag pojniam luag txiv, tsis txhob noj tej tsiaj uas hlua zawm cajdab tuag thiab tsis txhob noj ntshav. #Khiav 34:15-17; Levi 18:6-23; Levi 17:10-16 21Rauqhov thaum ub los, txhua hnub Xanpataus yeej muaj neeg nyeem Mauxes txoj Kevcai hauv tej tsev sablaj, thiab yeej muab nws tej lus ntawd qhia rau hauv txhua lub nroog.”
Tsab Ntawv Uas Xa Rau Lwm Haivneeg Uas Ntseeg Yexus
22Yogli ntawd, cov timthawj, cov txwjlaug thiab tagnrho pawg ntseeg, thiaj pomzoo xaiv qeeleej hauv lawv pab ntawd nrog Paulus thiab Npananpas mus rau pem lub nroog Ati-aukias. Lawv xaiv tau ob leeg uas cov ntseeg sawvdaws hwm kawg li; ib tug yog Yudas, uas muaj dua ib lub npe hu ua Npaxanpas, thiab ib tug yog Xilas. 23Tsab ntawv uas lawv sau rau nkawd nqa mus hais li no:
“Peb cov uas yog cov timthawj thiab cov txwjlaug, uas yog nej cov kwvtij, thov hwm txog cov kwvtij ntseeg txhua tus uas yog Lwm Haivneeg uas nyob hauv lub nroog Ati-aukias hauv tebchaws Xilias thiab hauv tebchaws Kilikias. 24Peb hnov tias peb cov muaj qeeleej tuaj hais tej yam uas ua rau nej ntxhovsiab heev. Tej uas lawv hais ntawd, yeej tsis yog peb kom lawv tuaj hais. 25Yogli ntawd peb thiaj sablaj thiab pomzoo cia peb xaiv tus puav nrog Npananpas thiab Paulus uas yog peb ob tug kwvtij uas peb hlub tuaj saib nej. 26Paulus nkawd yog ob tug uas nphavsiav ua peb tus Tswv Yexus Khetos tes haujlwm. 27Peb txib Yudas thiab Xilas tuaj cuag nej, nkawd yuav qhia kiag rau nej ntawm lub ncauj raws nraim li tej uas peb sau tuaj rau nej no. 28Vaj Ntsujplig tus Dawbhuv thiab peb tau pomzoo hais tias, cia peb tsis txhob muab lub nra uas tseem hnyav tshaj tej kevcai no rau nej ris, xwsli: 29tsis txhob noj tej zaub-mov uas luag muab fij rau tej mlom lawm, tsis txhob noj ntshav, tsis txhob noj tej tsiaj uas hlua zawm cajdab tuag thiab tsis txhob deev luag pojniam luag txiv. Yog nej ua tau li tej uas hais no ces yog nej ua tau zoo lawm. Thov kom nej tau nyob kajsiab lug.”
30Cov ntseeg thiaj xa Yudas thiab Xilas nkawd mus rau Ati-aukias. Thaum lawv mus txog lawm, lawv txawm hu cov ntseeg sawvdaws tuaj uake thiab muab tsab ntawv ntawd cob rau cov ntseeg. 31Thaum lawv nyeem tag, lawv sawvdaws zoosiab kawg li, rauqhov tsab ntawv ntawd txhawb lawv lub zog heev. 32Yudas thiab Xilas nkawd puavleej yog xibhwb uas cev Vajtswv lus. Nkawd siv sijhawm ntev loo los txhawb lawv lub zog thiab kom lawv nyob ruaj-khov rau ntawm txoj kev ntseeg. 33Tomqab uas nkawd nrog lawv nyob ntawd tau ib nyuag ntu, lawv thiaj xa nkawd rovqab mus rau cov ntseeg uas txib nkawd tuaj, los ntawm txoj kev kajsiab lug. 34#15:34: Tej phau ntawv qub uas xuas tes sau, ntxiv nqe 34 no rau: Tiamsis Xilas tau txiavtxim siab nrog lawv nyob ntawd ntxiv.
35Paulus thiab Npananpas tseem nyob hauv lub nroog Ati-aukias tau ib ntus. Nkawd thiab muaj ntau leej sibpab qhia Vajtswv Txojlus.
Paulus Thiab Npananpas Sibncaim
36Tsis ntev tomqab ntawd Paulus txawm hais rau Npananpas hais tias, “Wb rov mus saib cov ntseeg hauv txhua lub nroog uas wb tau mus qhia Vajtswv Txojlus rau lawv lawm, seb sawvdaws nyob licas.” 37Npananpas xav coj Yauhas Malakaus nrog nkawd mus, 38tiamsis Paulus xav tias tsis tsimnyog yuav coj nws mus lawm, rauqhov zaum tas los uas lawv mus txog tim Pafilias, nws ciali muab nkawd tsotseg thiab khiav lawm, nws tsis nrog nkawd nyob ua haujlwm kom tiav. #Teshl 13:13 39Paulus thiab Npananpas nkawd tau sibcav hnyav heev, ua rau nkawd tau sibfaib nyias mus nyias lawm. Npananpas coj Malakaus nrog nws thiab nkawd caij nkoj mus rau tim lub povtxwv Xaipas. 40Tiamsis Paulus coj Xilas nrog nws mus, thiab cov ntseeg tau muab nkawd cob rau tus Tswv txoj hmoovhlub. 41Paulus mus txhawb cov pawg ntseeg lub zog thoobplaws hauv tebchaws Xilias thiab tebchaws Kilikias.
ទើបបានជ្រើសរើសហើយ៖
Tes Haujlwm 15: MWW2022
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2022 United Bible Societies. All rights reserved.
Tes Haujlwm 15
15
Kev Sablaj Hauv Nroog Yeluxalees
1Muaj ob-peb tug txivneej tuaj nram xeev Yudas tuaj rau hauv lub nroog Ati-aukias, lawv txawm pib qhia cov ntseeg tias, “Yog nej tsis ua kevcai txiav rawsli Mauxes txoj Kevcai tau qhia tseg, nej yeej yuav tsis dim kiag li.” #Levi 12:3 2Paulus thiab Npananpas nrog lawv cov ntawd sibcav hnyav heev txog zaj no. Thaum kawg sawvdaws thiaj pomzoo cia Paulus thiab Npananpas thiab cov ntseeg qeeleej uas nyob hauv lub nroog Ati-aukias mus rau saum lub nroog Yeluxalees, mus nrog cov timthawj thiab cov txwjlaug sablaj txog zaj no.
3Pawg ntseeg thiaj xa lawv mus. Thaum lawv tabtom taug kev hla lub xeev Faunikias thiab xeev Xamalis, nkawd tau qhia txog qhov uas Lwm Haivneeg los ntseeg Vajtswv lawm rau cov ntseeg uas nyob hauv ob lub xeev ntawd mloog, ua rau lawv zoosiab kawg li. 4Thaum lawv mus txog rau Yeluxalees lawm, pawg ntseeg, cov timthawj, thiab cov txwjlaug sawvdaws tau tostxais lawv. Paulus nkawd thiaj piav txhua yam uas Vajtswv tau siv nkawd ua, rau lawv sawvdaws mloog. 5Tiamsis cov ntseeg uas yog cov Falixais pab, muaj qeeleej txawm sawv thiab hais tias, “Yuavtsum muab cov uas yog Lwm Haivneeg ntawd ua kevcai txiav, thiab kom lawv coj rawsli Mauxes txoj Kevcai.”
6Cov timthawj thiab cov txwjlaug txawm muab zaj no los sablaj seb yuav ua licas. 7Tomqab uas lawv sibcav ntev loo, Petus txawm sawvtsees thiab hais rau lawv hais tias, “Cov kwvtij, nej twb paub tias thaum chivthawj, peb cov uas nyob ntawm no, Vajtswv tau xaiv kuv ua tus qhia Txoj Moo Zoo rau Lwm Haivneeg kom lawv thiaj hnov thiab los ntseeg. #Teshl 10:1-43 8Thiab Vajtswv tus uas paub sawvdaws lub siab, tau pomzoo txais yuav Lwm Haivneeg los ntawm qhov uas Nws pub Vaj Ntsujplig tus Dawbhuv rau lawv ib yam li Nws tau pub rau peb lawm. #Teshl 10:44; Teshl 2:4 9Vajtswv suav hais tias Lwm Haivneeg thiab peb zoo tibyam nkaus; Nws zam lawv lub txim, vim lawv ntseeg Nws. 10Yogli ntawd, uacas nimno nej tseem yuav xav sim Vajtswv siab los ntawm qhov uas nej muab ib lub nra rau cov ntseeg ris? Txawm yog peb cov yawgkoob thiab peb los yeej ris tsis taus lub nra ntawd. 11Tsis txhob ua li ntawd! Peb ntseeg tias qhov uas peb dim peb lub txim, yog los ntawm tus Tswv Yexus txoj hmoovhlub, ib yam nkaus li lawv thiab xwb.”
12Sawvdaws txawm nyob ntsiagto mloog Npananpas thiab Paulus piav txog tej txujci loj thiab tseemceeb uas Vajtswv ua thaum nkawd mus qhia Lwm Haivneeg. 13Thaum nkawd qhia tag lawm, Yakaunpaus hais tias, “Cov kwvtij, nej ciali mloog kuv hais! 14Ximoos nyuamqhuav qhia hais tias thawjzaug uas Vajtswv qhia Nws txoj kev hlub tshua rau Lwm Haivneeg yog los ntawm qhov uas Nws tau coj lawv ib co los ua Nws haivneeg. 15Cov xibhwb cev Vajtswv lus puavleej hais ib yam nkaus txog zaj no, rawsli Vajtswv Txojlus tau sau tseg hais tias,
16“ ‘Tus Tswv hais tias, tomqab ntawd Kuv yuav rov los
muab Daviv lub tsev uas vau lawm ua dua tshiab.
Kuv yuav muab yam uas pob lawm kho dua tshiab
thiab yuav kho kom rov ruaj-khov tuaj. #Amaus 9:11-12 (LXX)
17Xwv txhua haivneeg thiaj yuav los nrhiav Kuv,
xam tagnrho txhua tus uas yog Lwm Haivneeg uas Kuv tau hu lawv los ua Kuv tug lawm thiab.
18Tus Tswv uas qhia zaj no rau sawvdaws paub thaum ub los lawm yog tus hais tej no.’ ”
19Yakaunpaus hais ntxiv tias, “Kuv xav tias, peb tsis txhob nyuajsiab rau Lwm Haivneeg uas tabtom tig los cuag Vajtswv. 20Tiamsis cia peb sau ntawv mus qhia rau lawv kom lawv tsis txhob noj tej zaub-mov uas luag muab fij rau tej mlom lawm, tsis txhob deev luag pojniam luag txiv, tsis txhob noj tej tsiaj uas hlua zawm cajdab tuag thiab tsis txhob noj ntshav. #Khiav 34:15-17; Levi 18:6-23; Levi 17:10-16 21Rauqhov thaum ub los, txhua hnub Xanpataus yeej muaj neeg nyeem Mauxes txoj Kevcai hauv tej tsev sablaj, thiab yeej muab nws tej lus ntawd qhia rau hauv txhua lub nroog.”
Tsab Ntawv Uas Xa Rau Lwm Haivneeg Uas Ntseeg Yexus
22Yogli ntawd, cov timthawj, cov txwjlaug thiab tagnrho pawg ntseeg, thiaj pomzoo xaiv qeeleej hauv lawv pab ntawd nrog Paulus thiab Npananpas mus rau pem lub nroog Ati-aukias. Lawv xaiv tau ob leeg uas cov ntseeg sawvdaws hwm kawg li; ib tug yog Yudas, uas muaj dua ib lub npe hu ua Npaxanpas, thiab ib tug yog Xilas. 23Tsab ntawv uas lawv sau rau nkawd nqa mus hais li no:
“Peb cov uas yog cov timthawj thiab cov txwjlaug, uas yog nej cov kwvtij, thov hwm txog cov kwvtij ntseeg txhua tus uas yog Lwm Haivneeg uas nyob hauv lub nroog Ati-aukias hauv tebchaws Xilias thiab hauv tebchaws Kilikias. 24Peb hnov tias peb cov muaj qeeleej tuaj hais tej yam uas ua rau nej ntxhovsiab heev. Tej uas lawv hais ntawd, yeej tsis yog peb kom lawv tuaj hais. 25Yogli ntawd peb thiaj sablaj thiab pomzoo cia peb xaiv tus puav nrog Npananpas thiab Paulus uas yog peb ob tug kwvtij uas peb hlub tuaj saib nej. 26Paulus nkawd yog ob tug uas nphavsiav ua peb tus Tswv Yexus Khetos tes haujlwm. 27Peb txib Yudas thiab Xilas tuaj cuag nej, nkawd yuav qhia kiag rau nej ntawm lub ncauj raws nraim li tej uas peb sau tuaj rau nej no. 28Vaj Ntsujplig tus Dawbhuv thiab peb tau pomzoo hais tias, cia peb tsis txhob muab lub nra uas tseem hnyav tshaj tej kevcai no rau nej ris, xwsli: 29tsis txhob noj tej zaub-mov uas luag muab fij rau tej mlom lawm, tsis txhob noj ntshav, tsis txhob noj tej tsiaj uas hlua zawm cajdab tuag thiab tsis txhob deev luag pojniam luag txiv. Yog nej ua tau li tej uas hais no ces yog nej ua tau zoo lawm. Thov kom nej tau nyob kajsiab lug.”
30Cov ntseeg thiaj xa Yudas thiab Xilas nkawd mus rau Ati-aukias. Thaum lawv mus txog lawm, lawv txawm hu cov ntseeg sawvdaws tuaj uake thiab muab tsab ntawv ntawd cob rau cov ntseeg. 31Thaum lawv nyeem tag, lawv sawvdaws zoosiab kawg li, rauqhov tsab ntawv ntawd txhawb lawv lub zog heev. 32Yudas thiab Xilas nkawd puavleej yog xibhwb uas cev Vajtswv lus. Nkawd siv sijhawm ntev loo los txhawb lawv lub zog thiab kom lawv nyob ruaj-khov rau ntawm txoj kev ntseeg. 33Tomqab uas nkawd nrog lawv nyob ntawd tau ib nyuag ntu, lawv thiaj xa nkawd rovqab mus rau cov ntseeg uas txib nkawd tuaj, los ntawm txoj kev kajsiab lug. 34#15:34: Tej phau ntawv qub uas xuas tes sau, ntxiv nqe 34 no rau: Tiamsis Xilas tau txiavtxim siab nrog lawv nyob ntawd ntxiv.
35Paulus thiab Npananpas tseem nyob hauv lub nroog Ati-aukias tau ib ntus. Nkawd thiab muaj ntau leej sibpab qhia Vajtswv Txojlus.
Paulus Thiab Npananpas Sibncaim
36Tsis ntev tomqab ntawd Paulus txawm hais rau Npananpas hais tias, “Wb rov mus saib cov ntseeg hauv txhua lub nroog uas wb tau mus qhia Vajtswv Txojlus rau lawv lawm, seb sawvdaws nyob licas.” 37Npananpas xav coj Yauhas Malakaus nrog nkawd mus, 38tiamsis Paulus xav tias tsis tsimnyog yuav coj nws mus lawm, rauqhov zaum tas los uas lawv mus txog tim Pafilias, nws ciali muab nkawd tsotseg thiab khiav lawm, nws tsis nrog nkawd nyob ua haujlwm kom tiav. #Teshl 13:13 39Paulus thiab Npananpas nkawd tau sibcav hnyav heev, ua rau nkawd tau sibfaib nyias mus nyias lawm. Npananpas coj Malakaus nrog nws thiab nkawd caij nkoj mus rau tim lub povtxwv Xaipas. 40Tiamsis Paulus coj Xilas nrog nws mus, thiab cov ntseeg tau muab nkawd cob rau tus Tswv txoj hmoovhlub. 41Paulus mus txhawb cov pawg ntseeg lub zog thoobplaws hauv tebchaws Xilias thiab tebchaws Kilikias.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2022 United Bible Societies. All rights reserved.