Tes Haujlwm 12
12
Cov Ntseeg Yexus Raug Kev Tsimtxom Ntxiv
1Lub sijhawm ntawd Vajntxwv Helauj#12:1: Vajntxwv Helauj: Yog Helauj Akipas tus thib Ib uas kav tagnrho tebchaws Yixalayees. tau pib muab qeeleej uas nyob hauv pawg ntseeg coj mus tsimtxom. 2Nws tau muab ntaj tua Yakaunpaus uas yog Yauhas tus tijlaug povtseg. 3Thaum nws pom tias qhov uas nws ua ntawd haum cov Yudais siab, nws txawm ntes Petus thiab. (Thaum ntawd yog lub sijhawm uas ua Kevcai Noj Ncuav Tsis Xyaw Keeb.) 4Tomqab ntes tau Petus lawm, lawv coj nws mus kaw rau hauv tsev lojcuj thiab kom plaub pab tubrog zov nws, ib pab twg muaj plaub leeg. Helauj xav tias, tomqab uas ua kevcai Hla Dhau tag, nws yuav coj Petus los txiavtxim tabmeeg cov pejxeem. #Khiav 12:1-27 5Tiamsis thaum Petus tseem raug kaw hauv tsev lojcuj, cov ntseeg kubsiab lug thov Vajtswv pab nws.
Petus Dim Hauv Tsev Lojcuj
6Hmo uas uantej Helauj yuav coj Petus los rau cov pejxeem, Petus pw tsaugzog hauv ob tug tubrog kis nruabnrab. Luag muab ob txoj saw hlau khi nws thiab yeej muaj tubrog zov ntawm lub qhovrooj uas nkag rau hauv lub tsev lojcuj huv tibsi. 7Tamsim ntawd tus Tswv ib tug timtswv txawm los sawv rau ntawd, thiab muaj duab ci lamlug rau hauv chav tsev ntawd. Tus timtswv tuav nkaus Petus xubpwg diaj kom nws tsim thiab hais tias, “Tsuag-tsuag! Ciali sawv!” Ces tamsim ntawd ob txoj saw hlau uas khi Petus ob txhais tes txawm plam plaws lawm.
8Tus timtswv hais rau Petus hais tias, “Ciali sia siv khovkho thiab rau khau.” Petus txawm ua li ntawd. Tus timtswv hais ntxiv tias, “Ciali muab koj lub tsho ntev hnav thiab lawv kuv qab.” 9Petus txawm lawv tus timtswv qab tawm mus rau sabnraud. Petus tsis paub tias xyov qhov uas tus timtswv ua ntawd puas yog tseeb tiag; nws xav tias ntshe yog nws ua yogtoog pom dabtsi xwb. 10Nkawd mus dhau thawj pab tubrog thiab mus dhau pab thib ob, ces txawm mus txog ntawm lub roojvag hlau uas yuav mus rau hauv lub nroog. Lub roojvag nws txawm ciali qhib nws rau nkawd, ces nkawd thiaj tawm mus lawm. Nkawd taug kev mus mentsis ces tus timtswv txawm ciali ploj ntshis ntawm Petus mus lawm.
11Thaum ntawd Petus thiaj feeb meej thiab nws hais tias, “Zaumno kuv paub tseeb hais tias Vajtswv txib Nws tus timtswv los cawm kuv dim ntawm Helauj txhais tes thiab dim ntawm txhua yam uas cov Yudais yuav ua rau kuv.”
12Thaum Petus paub li ntawd, nws thiaj mus rau tom Malis, uas yog Yauhas Malakaus niam, lub tsev. Muaj neeg coob-coob tau tuaj nyob uake rau hauv thiab thov Vajtswv. 13Petus khob lub qhovrooj sabnraud, ces ib tug nkaujqhe hu ua Laudas txawm los xauj seb yog leejtwg. 14Thaum nws nco tau hais tias yog Petus lub suab, nws zoosiab heev, nws tsis nco qhib qhovrooj, nws txawm ciali khiav rov mus qhia rau sawvdaws hais tias Petus tabtom sawv sabnraud. 15Lawv hais rau nws hais tias, “Koj vwm lawm vob!” Tiamsis nws hais tias yeej yog Petus tiag-tiag li. Lawv txawm hais tias, “Ntshe yog Petus tus timtswv xwb.”
16Petus tseem rausiab ntso khob qhovrooj. Thaum kawg lawv thiajli qhib qhovrooj, thaum lawv pom nws lawm, lawv xav tsis thoob li. 17Petus co tes kom sawvdaws nyob twjywm, ces nws txawm qhia seb tus Tswv coj nws tawm licas hauv tsev lojcuj los rau lawv mloog. Thiab nws hais rau lawv hais tias, “Nej ciali mus qhia tej no rau Yakaunpaus thiab cov ntseeg sawvdaws paub,” ces nws txawm mus rau lwmqhov lawm.
18Thaum kajntug, cov fajxwm uas zov lub tsev lojcuj ntxhovsiab kawg nkaus li. Lawv sibnug zomzaws hais tias Petus dua twg lawm? 19Helauj txib neeg mus nrhiav Petus, tiamsis lawv nrhiav tsis tau Petus. Yogli ntawd nws thiaj hu cov fajxwm uas zov lub tsev lojcuj los nug thiab kom muab lawv coj mus tua povtseg.
Tomqab ntawd Helauj tawm hauv lub xeev Yudas mus nyob tau ib ntus pem lub nroog Xixaleyas.
Helauj Tuag
20Helauj chim heev rau cov neeg uas nyob hauv lub nroog Thailes thiab Xidoos, yogli ntawd lawv thiaj sibsau ib pab tuaj cuag nws. Lawv xub mus cuag Nplaxatus, uas yog tus saib Helauj lub tsev, kom nws pab lawv. Dhau ntawd, lawv mamli mus cuag Helauj thiab thov nws pub kev nyabxeeb rau lawv, rauqhov lawv txoj kev noj kev haus yog los ntawm Helauj lub tebchaws los xwb.
21Thaum txog hnub uas tau teem tseg lawm, Helauj hnav nws cev ristsho vajntxwv thiab nyob saum nws lub zwmtxwv haislus rau cov pejxeem. 22Cov pejxeem txawm qw nrov-nrov hais tias, “Tej lus no tsis yog neeg hais, tiamsis yog ib tug nyuag vajtswv hais!” 23Tamsim ntawd tus Tswv ib tug timtswv txawm los rautxim kiag rau Helauj, rauqhov nws tsis muab lub meejmom rau Vajtswv; nws thiaj raug kas muab nws noj ua rau nws tuag lawm.
24Tiamsis Vajtswv Txojlus niajhnub nthuav dav thiab lojhlob zujzus.
25Thaum Npananpas thiab Xaulaus nkawd ua tej haujlwm tiav rawsli tau npaj tseg lawm, nkawd thiaj tawm#12:25: tawm hauv lub nroog Yeluxalees mus; tej phau ntawv qub uas xuas tes sau, muaj rov mus rau hauv lub nroog Yeluxalees. hauv lub nroog Yeluxalees mus, thiab coj Yauhas Malakaus nrog nkawd mus.
ទើបបានជ្រើសរើសហើយ៖
Tes Haujlwm 12: MWW2022
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2022 United Bible Societies. All rights reserved.
Tes Haujlwm 12
12
Cov Ntseeg Yexus Raug Kev Tsimtxom Ntxiv
1Lub sijhawm ntawd Vajntxwv Helauj#12:1: Vajntxwv Helauj: Yog Helauj Akipas tus thib Ib uas kav tagnrho tebchaws Yixalayees. tau pib muab qeeleej uas nyob hauv pawg ntseeg coj mus tsimtxom. 2Nws tau muab ntaj tua Yakaunpaus uas yog Yauhas tus tijlaug povtseg. 3Thaum nws pom tias qhov uas nws ua ntawd haum cov Yudais siab, nws txawm ntes Petus thiab. (Thaum ntawd yog lub sijhawm uas ua Kevcai Noj Ncuav Tsis Xyaw Keeb.) 4Tomqab ntes tau Petus lawm, lawv coj nws mus kaw rau hauv tsev lojcuj thiab kom plaub pab tubrog zov nws, ib pab twg muaj plaub leeg. Helauj xav tias, tomqab uas ua kevcai Hla Dhau tag, nws yuav coj Petus los txiavtxim tabmeeg cov pejxeem. #Khiav 12:1-27 5Tiamsis thaum Petus tseem raug kaw hauv tsev lojcuj, cov ntseeg kubsiab lug thov Vajtswv pab nws.
Petus Dim Hauv Tsev Lojcuj
6Hmo uas uantej Helauj yuav coj Petus los rau cov pejxeem, Petus pw tsaugzog hauv ob tug tubrog kis nruabnrab. Luag muab ob txoj saw hlau khi nws thiab yeej muaj tubrog zov ntawm lub qhovrooj uas nkag rau hauv lub tsev lojcuj huv tibsi. 7Tamsim ntawd tus Tswv ib tug timtswv txawm los sawv rau ntawd, thiab muaj duab ci lamlug rau hauv chav tsev ntawd. Tus timtswv tuav nkaus Petus xubpwg diaj kom nws tsim thiab hais tias, “Tsuag-tsuag! Ciali sawv!” Ces tamsim ntawd ob txoj saw hlau uas khi Petus ob txhais tes txawm plam plaws lawm.
8Tus timtswv hais rau Petus hais tias, “Ciali sia siv khovkho thiab rau khau.” Petus txawm ua li ntawd. Tus timtswv hais ntxiv tias, “Ciali muab koj lub tsho ntev hnav thiab lawv kuv qab.” 9Petus txawm lawv tus timtswv qab tawm mus rau sabnraud. Petus tsis paub tias xyov qhov uas tus timtswv ua ntawd puas yog tseeb tiag; nws xav tias ntshe yog nws ua yogtoog pom dabtsi xwb. 10Nkawd mus dhau thawj pab tubrog thiab mus dhau pab thib ob, ces txawm mus txog ntawm lub roojvag hlau uas yuav mus rau hauv lub nroog. Lub roojvag nws txawm ciali qhib nws rau nkawd, ces nkawd thiaj tawm mus lawm. Nkawd taug kev mus mentsis ces tus timtswv txawm ciali ploj ntshis ntawm Petus mus lawm.
11Thaum ntawd Petus thiaj feeb meej thiab nws hais tias, “Zaumno kuv paub tseeb hais tias Vajtswv txib Nws tus timtswv los cawm kuv dim ntawm Helauj txhais tes thiab dim ntawm txhua yam uas cov Yudais yuav ua rau kuv.”
12Thaum Petus paub li ntawd, nws thiaj mus rau tom Malis, uas yog Yauhas Malakaus niam, lub tsev. Muaj neeg coob-coob tau tuaj nyob uake rau hauv thiab thov Vajtswv. 13Petus khob lub qhovrooj sabnraud, ces ib tug nkaujqhe hu ua Laudas txawm los xauj seb yog leejtwg. 14Thaum nws nco tau hais tias yog Petus lub suab, nws zoosiab heev, nws tsis nco qhib qhovrooj, nws txawm ciali khiav rov mus qhia rau sawvdaws hais tias Petus tabtom sawv sabnraud. 15Lawv hais rau nws hais tias, “Koj vwm lawm vob!” Tiamsis nws hais tias yeej yog Petus tiag-tiag li. Lawv txawm hais tias, “Ntshe yog Petus tus timtswv xwb.”
16Petus tseem rausiab ntso khob qhovrooj. Thaum kawg lawv thiajli qhib qhovrooj, thaum lawv pom nws lawm, lawv xav tsis thoob li. 17Petus co tes kom sawvdaws nyob twjywm, ces nws txawm qhia seb tus Tswv coj nws tawm licas hauv tsev lojcuj los rau lawv mloog. Thiab nws hais rau lawv hais tias, “Nej ciali mus qhia tej no rau Yakaunpaus thiab cov ntseeg sawvdaws paub,” ces nws txawm mus rau lwmqhov lawm.
18Thaum kajntug, cov fajxwm uas zov lub tsev lojcuj ntxhovsiab kawg nkaus li. Lawv sibnug zomzaws hais tias Petus dua twg lawm? 19Helauj txib neeg mus nrhiav Petus, tiamsis lawv nrhiav tsis tau Petus. Yogli ntawd nws thiaj hu cov fajxwm uas zov lub tsev lojcuj los nug thiab kom muab lawv coj mus tua povtseg.
Tomqab ntawd Helauj tawm hauv lub xeev Yudas mus nyob tau ib ntus pem lub nroog Xixaleyas.
Helauj Tuag
20Helauj chim heev rau cov neeg uas nyob hauv lub nroog Thailes thiab Xidoos, yogli ntawd lawv thiaj sibsau ib pab tuaj cuag nws. Lawv xub mus cuag Nplaxatus, uas yog tus saib Helauj lub tsev, kom nws pab lawv. Dhau ntawd, lawv mamli mus cuag Helauj thiab thov nws pub kev nyabxeeb rau lawv, rauqhov lawv txoj kev noj kev haus yog los ntawm Helauj lub tebchaws los xwb.
21Thaum txog hnub uas tau teem tseg lawm, Helauj hnav nws cev ristsho vajntxwv thiab nyob saum nws lub zwmtxwv haislus rau cov pejxeem. 22Cov pejxeem txawm qw nrov-nrov hais tias, “Tej lus no tsis yog neeg hais, tiamsis yog ib tug nyuag vajtswv hais!” 23Tamsim ntawd tus Tswv ib tug timtswv txawm los rautxim kiag rau Helauj, rauqhov nws tsis muab lub meejmom rau Vajtswv; nws thiaj raug kas muab nws noj ua rau nws tuag lawm.
24Tiamsis Vajtswv Txojlus niajhnub nthuav dav thiab lojhlob zujzus.
25Thaum Npananpas thiab Xaulaus nkawd ua tej haujlwm tiav rawsli tau npaj tseg lawm, nkawd thiaj tawm#12:25: tawm hauv lub nroog Yeluxalees mus; tej phau ntawv qub uas xuas tes sau, muaj rov mus rau hauv lub nroog Yeluxalees. hauv lub nroog Yeluxalees mus, thiab coj Yauhas Malakaus nrog nkawd mus.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2022 United Bible Societies. All rights reserved.