2 Kauleethaus 4
4
Yam Uas Muajnqis Nyob Hauv Tej Laujkaub Av
1Los ntawm Vajtswv txoj kev tabncuab, Nws thiaj muab tes haujlwm no rau peb ua, yogli ntawd peb thiaj tsis qaugzog. 2Peb yeej muab tej kev ua zais nkoos uas yog kev txajmuag tso povtseg tagnrho huvsi; peb yeej tsis dag-ntxias leejtwg, lossis peb yeej tsis hloov Vajtswv Txojlus. Peb yeej muab qhov tseeb los nthuav rau sawvdaws paub thiab npaj peb tuskheej rau sawvdaws pom tias peb yog neeg zoo licas tabmeeg ntawm Vajtswv.
3Rauqhov yog tias Txoj Moo Zoo uas peb qhia ntawd tseem raug muab zais cia thiab, ces yeej yog zais rau cov neeg uas tabtom yuav raug puastsuaj xwb. 4Lawv tsis ntseeg, rauqhov tus dab phem uas kav lub ntiajteb no tau ua rau lawv lub qhovmuag siab dig lawm. Nws ua rau lawv tsis pom qhov kaj los ntawm Txoj Moo Zoo uas qhia txog Khetos tus tshwjchim uas ci ntsa-iab; Yexus Khetos yog tus uas muaj hwvxyeej zooli Vajtswv.
5Peb yeej tsis qhia txog peb tuskheej, tiamsis peb tsuas qhia hais tias Yexus Khetos yog tus Tswv, thiab peb yog nej cov tubtxib ntawm Yexus lub npe. 6Rauqhov Vajtswv yog tus uas hais tias, “Cia qhov kaj ci tawm hauv qhov tsausntuj tuaj,” yog tus Vajtswv uas ua rau qhov kaj ci hauv peb lub siab kom peb paub txog Vajtswv tus tshwjchim uas ci ntsa-iab nyob rau ntawm Khetos lub ntsejmuag. #Chiv 1:3
7Tiamsis peb cov uas muaj khoom muajnqis no tsuas zooli tej laujkaub av xwb, kom sawvdaws thiaj pom tias lub hwjchim uas loj kawg nkaus yog los ntawm Vajtswv los, tsis yog los ntawm peb los. 8Teebmeem tuaj txhua fab tuaj raug peb, tiamsis kuj tsis txog qhov yuav puasntsoog; muaj qeezaus peb kawg tswvyim, tiamsis kuj tsis txog qhov twskev; 9peb raug tsimtxom, tiamsis tsis raug muab tsotseg, raug ntaus vau, tiamsis peb tsis tuag. 10Peb yeej ris rawv Yexus txoj kev tuag ntawm peb lub cev, kom sawvdaws thiaj pom tau Yexus lub neej nyob rau ntawm peb lub cev. 11Rauqhov thaum peb tseem muaj sia nyob, peb yeej raug muab nog rau txoj kev tuag tas mus li vim peb saib rau ntawm Yexus, kom sawvdaws thiaj pom Yexus lub neej nyob rau hauv peb lub cev uas txawj tuag no. 12Qhov no txhais tau hais tias txoj kev tuag tabtom ua haujlwm nyob rau hauv peb, tiamsis txojsia tabtom ua haujlwm nyob rau hauv nej.
13Vajtswv Txojlus hais tias, “Kuv ntseeg, kuv thiaj hais.” Peb yeej ntseeg ib yam nkaus li ntawd thiab, yogli ntawd peb thiaj hais. #Nnkauj 116:10 14Peb paub tias Vajtswv tus uas tsa Tswv Yexus sawv hauv qhovtuag rovqab los, Nws yuav tsa peb nrog Yexus sawv hauv qhovtuag rovqab los ib yam nkaus, Nws yuav coj peb thiab nej mus rau ntawm Nws lub xubntiag. 15Txhua yam no puavleej yog muajnqis rau nej xwb, kom thaum Vajtswv txoj hmoovhlub nthuav mus txog neeg coob zujzus lawm, yuav ua rau coob leej los ua Vajtswv tsaug thiab yuav ua rau Vajtswv tau ntsejmuag.
Ua Neej Los Ntawm Txoj Kev Ntseeg
16Twb yog vimli no peb thiaj tsis qaugzog. Txawm yog peb sab nqaijtawv sem zujzus mus lawm los peb sab ntsujplig tseem muajzog zujzus tuaj txhua hnub. 17Tej nyuag teebmeem me-me uas peb raug ib nyuag ntu no yuav ua rau peb tau txais tus tshwjchim ci ntsa-iab mus ibtxhis, uas tseem zoo tshaj tej teebmeem uas peb raug. 18Rauqhov tsis yog peb saib rau tej uas peb qhovmuag pom, tiamsis peb saib rau tej uas qhovmuag tsis pom. Tej uas qhovmuag pom, tsuas yog nyob ibvuag xwb, tiamsis tej uas qhovmuag tsis pom, yuav nyob mus ibtxhis.
ទើបបានជ្រើសរើសហើយ៖
2 Kauleethaus 4: MWW2022
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2022 United Bible Societies. All rights reserved.
2 Kauleethaus 4
4
Yam Uas Muajnqis Nyob Hauv Tej Laujkaub Av
1Los ntawm Vajtswv txoj kev tabncuab, Nws thiaj muab tes haujlwm no rau peb ua, yogli ntawd peb thiaj tsis qaugzog. 2Peb yeej muab tej kev ua zais nkoos uas yog kev txajmuag tso povtseg tagnrho huvsi; peb yeej tsis dag-ntxias leejtwg, lossis peb yeej tsis hloov Vajtswv Txojlus. Peb yeej muab qhov tseeb los nthuav rau sawvdaws paub thiab npaj peb tuskheej rau sawvdaws pom tias peb yog neeg zoo licas tabmeeg ntawm Vajtswv.
3Rauqhov yog tias Txoj Moo Zoo uas peb qhia ntawd tseem raug muab zais cia thiab, ces yeej yog zais rau cov neeg uas tabtom yuav raug puastsuaj xwb. 4Lawv tsis ntseeg, rauqhov tus dab phem uas kav lub ntiajteb no tau ua rau lawv lub qhovmuag siab dig lawm. Nws ua rau lawv tsis pom qhov kaj los ntawm Txoj Moo Zoo uas qhia txog Khetos tus tshwjchim uas ci ntsa-iab; Yexus Khetos yog tus uas muaj hwvxyeej zooli Vajtswv.
5Peb yeej tsis qhia txog peb tuskheej, tiamsis peb tsuas qhia hais tias Yexus Khetos yog tus Tswv, thiab peb yog nej cov tubtxib ntawm Yexus lub npe. 6Rauqhov Vajtswv yog tus uas hais tias, “Cia qhov kaj ci tawm hauv qhov tsausntuj tuaj,” yog tus Vajtswv uas ua rau qhov kaj ci hauv peb lub siab kom peb paub txog Vajtswv tus tshwjchim uas ci ntsa-iab nyob rau ntawm Khetos lub ntsejmuag. #Chiv 1:3
7Tiamsis peb cov uas muaj khoom muajnqis no tsuas zooli tej laujkaub av xwb, kom sawvdaws thiaj pom tias lub hwjchim uas loj kawg nkaus yog los ntawm Vajtswv los, tsis yog los ntawm peb los. 8Teebmeem tuaj txhua fab tuaj raug peb, tiamsis kuj tsis txog qhov yuav puasntsoog; muaj qeezaus peb kawg tswvyim, tiamsis kuj tsis txog qhov twskev; 9peb raug tsimtxom, tiamsis tsis raug muab tsotseg, raug ntaus vau, tiamsis peb tsis tuag. 10Peb yeej ris rawv Yexus txoj kev tuag ntawm peb lub cev, kom sawvdaws thiaj pom tau Yexus lub neej nyob rau ntawm peb lub cev. 11Rauqhov thaum peb tseem muaj sia nyob, peb yeej raug muab nog rau txoj kev tuag tas mus li vim peb saib rau ntawm Yexus, kom sawvdaws thiaj pom Yexus lub neej nyob rau hauv peb lub cev uas txawj tuag no. 12Qhov no txhais tau hais tias txoj kev tuag tabtom ua haujlwm nyob rau hauv peb, tiamsis txojsia tabtom ua haujlwm nyob rau hauv nej.
13Vajtswv Txojlus hais tias, “Kuv ntseeg, kuv thiaj hais.” Peb yeej ntseeg ib yam nkaus li ntawd thiab, yogli ntawd peb thiaj hais. #Nnkauj 116:10 14Peb paub tias Vajtswv tus uas tsa Tswv Yexus sawv hauv qhovtuag rovqab los, Nws yuav tsa peb nrog Yexus sawv hauv qhovtuag rovqab los ib yam nkaus, Nws yuav coj peb thiab nej mus rau ntawm Nws lub xubntiag. 15Txhua yam no puavleej yog muajnqis rau nej xwb, kom thaum Vajtswv txoj hmoovhlub nthuav mus txog neeg coob zujzus lawm, yuav ua rau coob leej los ua Vajtswv tsaug thiab yuav ua rau Vajtswv tau ntsejmuag.
Ua Neej Los Ntawm Txoj Kev Ntseeg
16Twb yog vimli no peb thiaj tsis qaugzog. Txawm yog peb sab nqaijtawv sem zujzus mus lawm los peb sab ntsujplig tseem muajzog zujzus tuaj txhua hnub. 17Tej nyuag teebmeem me-me uas peb raug ib nyuag ntu no yuav ua rau peb tau txais tus tshwjchim ci ntsa-iab mus ibtxhis, uas tseem zoo tshaj tej teebmeem uas peb raug. 18Rauqhov tsis yog peb saib rau tej uas peb qhovmuag pom, tiamsis peb saib rau tej uas qhovmuag tsis pom. Tej uas qhovmuag pom, tsuas yog nyob ibvuag xwb, tiamsis tej uas qhovmuag tsis pom, yuav nyob mus ibtxhis.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2022 United Bible Societies. All rights reserved.