2 Kauleethaus 10
10
Paulus Hais Daws Nws Tes Haujlwm
1Los ntawm Khetos lub siab mosmuag thiab siabzoo, kuv, uas yog Paulus, thov nej ua tibzoo mloog kuv tej lus. Thaum kuv nrog nej nyob kuv ua lub siab mosmuag, tiamsis thaum kuv tsis nrog nej nyob lawm kuv ua tawv rau nej kawg li. 2Thaum kuv tuaj saib nej, kuv thov kom nej tsis txhob ua rau kuv tau ua tawv rau nej, rauqhov kuv yeej muaj cuabkav ua tawv tau rau cov neeg uas thuam peb hais tias peb coj li neeg ntiajteb coj.
3Peb yeej nyob hauv ntiajteb no tiag, tiamsis peb tsis tawmtsam li ntiajteb tawmtsam. 4Tej cuabyeej uas peb siv los tawmtsam, tsis yog siv ntiajteb tej cuabyeej tiamsis yog siv Vajtswv tej cuabyeej uas muaj hwjchim. Peb rhuav tej lus sibcav uas cuav, 5peb rhuav txhua yam tswvyim thiab kev khavtheeb uas thaiv tsis pub sawvdaws paub Vajtswv; peb muab tau txhua tus tej kev xav thiab qhia kom lawv txawj tig los mloog Khetos lus. 6Thaum peb pom tias nej mlooglus lawm tiag, peb mamli rautxim rau txhua yam uas tsis mlooglus.
7Nej tsuas yog saib tej uas nyob sabnraum no xwb. Yog leejtwg ruajsiab hais tias nws yog Khetos tus lawm, kom tus ntawd rov ua tibzoo xav txog nws tuskheej, rauqhov peb yog Khetos cov ib yam nkaus li nws thiab. 8Txawm yog kuv khav ntau zog txog qhov uas tus Tswv pub hwjchim rau peb, los kuv yeej tsis txajmuag hlo li. Lub hwjchim ntawd yog lub uas tsa kom nej sawv, tsis yog yuav txo kom nej ntog. 9Kuv tsis xav kom zooli kuv pheej sau ntawv tuaj hem kom nej ntshai xwb. 10Yuav muaj qeeleej hais tias, “Paulus tej ntaub ntawv mas nws hais hnyav thiab tawv kawg li, tiamsis thaum nws tuaj txog kiag peb lawm mas nws ua tus nyuag tuag 'e, nws tej lus twb tsis muaj kuab hlo li!” 11Tus uas hais li ntawd, nws yuavtsum totaub hais tias tej lus uas peb sau thaum peb nyob deb nej thiab tej uas peb yuav ua thaum peb tuaj txog ntawm nej ntawd yeej tsis txawv qhovtwg li.
12Peb yuav tsis kam suav peb tuskheej lossis muab peb piv rau cov neeg uas lawv khav hais tias lawv zoo dua lwmtus. Cov neeg ntawd txujkum ruam! Lawv tsim lawv ib tug ciam los ntsuas lawv tuskheej, thiab lawv txiavtxim rau lawv los ntawm lawv tus ciam ntawd. 13Tiamsis peb cov, peb tsis lam khav dhau kev dhau cai; peb tsuas khav txij tej haujlwm uas Vajtswv muab rau peb ua xwb, suav txij tej uas peb tau ua pab nej ntawd huv tibsi. 14Vim nej nyob rau hauv tus ciam uas peb ua haujlwm, yogli ntawd, thaum peb tuaj saib nej thiab qhia Txoj Moo Zoo uas hais txog Khetos zaj rau nej, peb tsis tau ua dhau tus ciam ntawd.
15Peb yeej tsis tau hla dhau peb tus ciam uas yog muab lwmtus tes haujlwm coj los khav. Peb ciasiab hais tias thaum nej txoj kev ntseeg lojhlob tuaj lawm, peb tes haujlwm yuav nthuav dav mus rau hauv nej sawvdaws, 16kom peb thiaj yuav muaj peevxwm mus qhia Txoj Moo Zoo rau lwmqhov uas dhau ntawm nej no mus, kom peb thiaj tsis khav txog tej haujlwm uas lwmtus twb ua tiav nyob rau hauv lawv daim teb lawm.
17Tiamsis Vajtswv Txojlus hais tias, “Yog leejtwg xav khav, cia nws muab tus Tswv los khav.” #Yelemi 9:24 18Rauqhov tus uas nws rov qhuas nws tuskheej yeej tsis muaj leejtwg hwm nws, tiamsis tus uas tsimnyog hwm yog tus uas Vajtswv qhuas.
ទើបបានជ្រើសរើសហើយ៖
2 Kauleethaus 10: MWW2022
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2022 United Bible Societies. All rights reserved.
2 Kauleethaus 10
10
Paulus Hais Daws Nws Tes Haujlwm
1Los ntawm Khetos lub siab mosmuag thiab siabzoo, kuv, uas yog Paulus, thov nej ua tibzoo mloog kuv tej lus. Thaum kuv nrog nej nyob kuv ua lub siab mosmuag, tiamsis thaum kuv tsis nrog nej nyob lawm kuv ua tawv rau nej kawg li. 2Thaum kuv tuaj saib nej, kuv thov kom nej tsis txhob ua rau kuv tau ua tawv rau nej, rauqhov kuv yeej muaj cuabkav ua tawv tau rau cov neeg uas thuam peb hais tias peb coj li neeg ntiajteb coj.
3Peb yeej nyob hauv ntiajteb no tiag, tiamsis peb tsis tawmtsam li ntiajteb tawmtsam. 4Tej cuabyeej uas peb siv los tawmtsam, tsis yog siv ntiajteb tej cuabyeej tiamsis yog siv Vajtswv tej cuabyeej uas muaj hwjchim. Peb rhuav tej lus sibcav uas cuav, 5peb rhuav txhua yam tswvyim thiab kev khavtheeb uas thaiv tsis pub sawvdaws paub Vajtswv; peb muab tau txhua tus tej kev xav thiab qhia kom lawv txawj tig los mloog Khetos lus. 6Thaum peb pom tias nej mlooglus lawm tiag, peb mamli rautxim rau txhua yam uas tsis mlooglus.
7Nej tsuas yog saib tej uas nyob sabnraum no xwb. Yog leejtwg ruajsiab hais tias nws yog Khetos tus lawm, kom tus ntawd rov ua tibzoo xav txog nws tuskheej, rauqhov peb yog Khetos cov ib yam nkaus li nws thiab. 8Txawm yog kuv khav ntau zog txog qhov uas tus Tswv pub hwjchim rau peb, los kuv yeej tsis txajmuag hlo li. Lub hwjchim ntawd yog lub uas tsa kom nej sawv, tsis yog yuav txo kom nej ntog. 9Kuv tsis xav kom zooli kuv pheej sau ntawv tuaj hem kom nej ntshai xwb. 10Yuav muaj qeeleej hais tias, “Paulus tej ntaub ntawv mas nws hais hnyav thiab tawv kawg li, tiamsis thaum nws tuaj txog kiag peb lawm mas nws ua tus nyuag tuag 'e, nws tej lus twb tsis muaj kuab hlo li!” 11Tus uas hais li ntawd, nws yuavtsum totaub hais tias tej lus uas peb sau thaum peb nyob deb nej thiab tej uas peb yuav ua thaum peb tuaj txog ntawm nej ntawd yeej tsis txawv qhovtwg li.
12Peb yuav tsis kam suav peb tuskheej lossis muab peb piv rau cov neeg uas lawv khav hais tias lawv zoo dua lwmtus. Cov neeg ntawd txujkum ruam! Lawv tsim lawv ib tug ciam los ntsuas lawv tuskheej, thiab lawv txiavtxim rau lawv los ntawm lawv tus ciam ntawd. 13Tiamsis peb cov, peb tsis lam khav dhau kev dhau cai; peb tsuas khav txij tej haujlwm uas Vajtswv muab rau peb ua xwb, suav txij tej uas peb tau ua pab nej ntawd huv tibsi. 14Vim nej nyob rau hauv tus ciam uas peb ua haujlwm, yogli ntawd, thaum peb tuaj saib nej thiab qhia Txoj Moo Zoo uas hais txog Khetos zaj rau nej, peb tsis tau ua dhau tus ciam ntawd.
15Peb yeej tsis tau hla dhau peb tus ciam uas yog muab lwmtus tes haujlwm coj los khav. Peb ciasiab hais tias thaum nej txoj kev ntseeg lojhlob tuaj lawm, peb tes haujlwm yuav nthuav dav mus rau hauv nej sawvdaws, 16kom peb thiaj yuav muaj peevxwm mus qhia Txoj Moo Zoo rau lwmqhov uas dhau ntawm nej no mus, kom peb thiaj tsis khav txog tej haujlwm uas lwmtus twb ua tiav nyob rau hauv lawv daim teb lawm.
17Tiamsis Vajtswv Txojlus hais tias, “Yog leejtwg xav khav, cia nws muab tus Tswv los khav.” #Yelemi 9:24 18Rauqhov tus uas nws rov qhuas nws tuskheej yeej tsis muaj leejtwg hwm nws, tiamsis tus uas tsimnyog hwm yog tus uas Vajtswv qhuas.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2022 United Bible Societies. All rights reserved.