1 Kauleethaus 7
7
Tej Lus Nug Txog Kev Sibyuav
1Zaumno, hais txog tej uas nej tau sau ntawv tuaj nug kuv.
Ib tug txivneej uas tsis yuav pojniam kiag li kuj yog ib qhov zoo.#7:1: Ib tug txivneej uas tsis yuav pojniam kiag li kuj yog ib qhov zoo; lossis Nej hais tias ib tug txivneej uas tsis yuav pojniam kiag li kuj yog ib qhov zoo. 2Tiamsis vim muaj kev nkauj kev nraug ntau heev, yogli ntawd txhua tus txivneej nyias yuavtsum muaj nyias ib tug pojniam, thiab txhua tus pojniam nyias yuavtsum muaj nyias ib tug txiv. 3Tus txiv yuavtsum muab nws tuskheej rau nws tus pojniam, thiab tus pojniam los yuavtsum muab nws tuskheej rau nws tus txiv. 4Tus pojniam tsis yog tus tswv rau nws lub cev, tiamsis nws tus txiv yog tus tswv; ib yam nkaus li ntawd, tus txiv tsis yog tus tswv rau nws lub cev, tiamsis nws tus pojniam yog tus tswv. 5Neb tsis txhob cais chaw pw uantej uas neb tsis tau hais haum. Yog yuav cais, cia cais hmo puav kom neb muaj sijhawm thov Vajtswv xwb; tomqab ntawd, neb yuavtsum rov los pw uake. Qhov ntawd neb thiaj yuav tsis ntog rau Xatas txoj kev simsiab vim neb tswj tsis tau neb lub siab.
6Qhov kuv hais li no tsuas yog kuv xav tsocai xwb, tsis yog kuv yuav yuam. 7Tseeb tiag, kuv xav kom txhua tus ua tau li kuv; tiamsis nyias tau nyias ib qhov koobhmoov los ntawm Vajtswv, ib tug tau yam no, ib tug ho tau yam tod.
8Zaumno, kuv hais rau cov uas tseem tsis tau sibyuav thiab cov pojntsuam hais tias, yog lawv nyob ib leeg ib yam li kuv es tsis txhob sibyuav li los kuj yog ib qhov uas zoo. 9Tiamsis yog lawv tswj tsis tau lawv lub siab, lawv ciali sibyuav. Vim tias qhov sibyuav ntawd yuav zoo dua qhov uas txoj kev ntshaw pheej hlawv lawv lub siab kublug.
10Kuv hais ib los rau cov uas twb sibyuav lawm, tej lus no tsis yog kuv hais, tiamsis yog tus Tswv hais, tus pojniam yuavtsum tsis txhob tso nws tus txiv tseg; 11tiamsis yog nws muab nws tus txiv tsotseg, nws yuavtsum tsis txhob mus yuav dua txiv tshiab, yog nws xav yuav, ces kom nws ciali rovqab los yuav nws tus txiv qub xwb; thiab tus txiv los yuavtsum tsis txhob muab nws tus pojniam nrauj. #Math 5:32; 19:9; Malak 10:11-12; Lukas 16:18
12Dua li cov, kuv hais li no (hais li kuv hais, tsis yog tus Tswv hais): yog muaj ib tug txivneej ntseeg uas nws tus pojniam tsis ntseeg, tiamsis tus pojniam ntawd yeej txaussiab nrog nws nyob, nws yuavtsum tsis txhob muab tus pojniam ntawd nrauj. 13Thiab yog muaj ib tug pojniam ntseeg uas nws tus txiv tsis ntseeg, tiamsis tus txiv ntawd yeej txaussiab nrog nws nyob, nws yuavtsum tsis txhob muab tus txiv ntawd nrauj. 14Rauqhov tus txiv uas tsis ntseeg ntawd twb raug Vajtswv ntxuav los ntawm nws tus pojniam, thiab tus pojniam uas tsis ntseeg ntawd twb raug Vajtswv ntxuav los ntawm nws tus txiv uas ntseeg lawm. Yog tsis yogli ntawd, nej cov menyuam yuav tsis dawbhuv, tiamsis qhov tseeb yogli no, nej cov menyuam yeej dawbhuv.
15Tiamsis yog tias tus uas tsis ntseeg ho xav tawm ntawm tus ntseeg mus, los cia nws tawm mus. Yog tej qhov zooli no, tsis cheemtsum yuav muab nkawd khi cia uake, rauqhov Vajtswv yeej hu nej los ua lub neej kom nyob rau hauv kev thajyeeb. 16Koj tus uas yog pojniam, koj paub tau licas hais tias koj yuav cawm tau koj tus txiv? Lossis koj tus uas yog txiv, koj paub tau licas hais tias koj yuav cawm tau koj tus pojniam?
Ua Lub Neej Rawsli Vajtswv Tau Hu Koj
17Txawm licas los xij, txhua tus nyias yuavtsum ua nyias lub neej rawsli qhov uas tus Tswv tau muab rau nws, thiab rawsli lub neej thaum Vajtswv tau hu nws los. No yog txoj kevcai uas kuv qhia nyob rau txhua pawg ntseeg. 18Yog leejtwg tau ua kevcai txiav uantej uas Vajtswv hu nws los ntseeg, nws tsis txhob lam muab tej cawspliav uas qhia txog txoj kevcai txiav ntawd rho mus; yog Vajtswv hu leejtwg uas ho tsis tau ua kevcai txiav, tsis tag nws yuav ua kevcai txiav li lawm. 19Txawm yuav ua kevcai txiav thiab tsis ua los yeej tsis tseemceeb dabtsi; qhov tseemceeb tshajplaws yog qhov uas coj rawsli Vajtswv Txojlus.
20Txhua tus nyias yuavtsum ua nyias lub neej rawsli thaum Vajtswv hu nws los ntseeg. 21Thaum Vajtswv hu koj ntawd, koj puas tseem yog ib tug qhev? Koj tsis txhob nyuajsiab txog qhov ntawd, tiamsis yog koj muaj kev tawm tau los nyob ywjpheej, koj ciali tawm.#7:21: tiamsis yog koj muaj kev tawm tau los nyob ywjpheej, koj ciali tawm; lossis tiamsis yog koj muaj kev tawm tau los nyob ywjpheej, ciali xaiv yuav qhov uas yuav ua rau koj tau zoo nyob tshajplaws xwb, txawm koj tseem yog ib tug qhev los xij. 22Tus tubqhe uas tus Tswv hu nws, tus ntawd tau txais kev ywjpheej nyob rau hauv tus Tswv; ib yam nkaus li ntawd, tus uas muaj kev ywjpheej thaum Khetos hu nws los, nws yog Khetos tus qhev. 23Vajtswv tau txhiv nej los ntawm ib tug nqi uas kim kawg li; yogli ntawd nej tsis txhob mus ua neeg ntiajteb qhev. 24Cov kwvtij, nej txhua tus yuavtsum nrog Vajtswv sib raugzoo ib yam li thaum uas Vajtswv hu nej los ntseeg.
Tej Lus Nug Txog Cov Tsis Tau Muaj Txijnkawm Thiab Cov Pojntsuam Yawgntsuag
25Zaumno, hais txog ntawm cov tsis tau muaj txijnkawm: tej no tsis yog tus Tswv kom kuv hais, tiamsis kuv hais rawsli kuv txoj kev xav, uas yog ib tug uas tau txais tus Tswv txoj kev tabncuab uas lwmtus ciasiab tau rau kuv.
26Vim niajhnub no muaj kev ntxhovsiab heev, kuv thiaj xav tias cia nej nyias nyob nyias li tamsim no ntshe yuav zoo dua. 27Koj puas tau muaj pojniam? Yog koj muaj lawm, tsis txhob nrhiav kev muab nws tsotseg. Yog koj tsis tau muaj pojniam, koj tsis txhob nrhiav yuav pojniam. 28Tiamsis yog koj yuav pojniam lawm los yeej tsis txhaum dabtsi; thiab yog tus nkaujxwb yuav txiv, los yeej tsis txhaum dabtsi. Tiamsis kuv tsis xav kom nej muaj kev nyuajsiab li cov uas twb sibyuav lawm.
29Cov kwvtij, qhov uas kuv hais yog li no: vim lub sijhawm tshuav tsis ntau lawm, txij no mus cov uas twb muaj pojniam lawm, ciali ua lub neej zooli lawv tsis tau muaj; 30cov uas quajntsuag, ciali ua li uas tsis muaj kev quajntsuag; cov uas muaj kev zoosiab, ciali ua li uas tsis muaj kev zoosiab; cov uas muaj nyiaj yuav tau qhov txhia chaw, ciali ua li uas tej ntawd tsis yog lawv tus; 31cov uas siv tej khoom nyob hauv lub ntiajteb no, ciali ua li uas nws yeej tsis tau siv. Rauqhov lub ntiajteb tamsim no, tabtom ploj zujzus mus lawm.
32Kuv xav kom nej dim ntawm tej kev nyuajsiab. Tus uas tsis muaj pojniam, nws kubsiab lug rau tus Tswv tes haujlwm, rauqhov nws xav ua kom haum tus Tswv lub siab nyiam. 33Tiamsis tus uas muaj pojniam lawm, nws rausiab ntso khwv noj khwv haus hauv lub ntiajteb no, rauqhov nws xav ua kom haum nws tus pojniam lub siab nyiam; 34yogli ntawd, nws txoj kev ntshaw thiaj raug faib mus rau ob txojkev. Tus pojniam uas tsis tau muaj txiv lossis tus nkaujxwb, nws kubsiab lug ua tus Tswv tes haujlwm, vim nws xav muab nws lub cev thiab lub siab fij rau tus Tswv; tiamsis tus pojniam uas yuav txiv lawm, nws rausiab ntso khwv noj khwv haus hauv lub ntiajteb no, rauqhov nws xav ua kom haum nws tus txiv lub siab nyiam.
35Kuv hais li no, tsis yog kuv txwv nej, tiamsis yog kuv xav pab nej. Kuv xav kom nej ua qhov uas yog thiab ua qhov uas tsimnyog ua, uas yog kubsiab lug ua tus Tswv tes haujlwm tsis txhob ua neeg ywjfab ywjfwj.
36Yog tus tub thiab tus ntxhais twg uas twb sibqhaib lawm, tiamsis tus tub pom tias nws tuskheej coj tsis tshua tus rau tus ntxhais ntawd, thiab yog nws txoj kev hlub muajzog hwv lawm es nws xav tias nkawd yuavtsum sibyuav xwb, ces cia nws yuav rawsli nws txoj kev ntshaw.#7:36: Yog tus tub … txoj kev ntshaw; lossis Yog tus ntxhais leejtxiv pom tias tus tub coj tsis tshua tus rau tus ntxhais ntawd, thiab tus ntxhais ntawd yeej muaj hnubnyoog txaus lawm, ces leejtxiv yuav tau cia nws tus ntxhais yuav txiv rawsli nws txoj kev ntshaw. Qhov ntawd yeej tsis txhaum li. 37Tiamsis yog nws txiavtxim siab hais tias nws yuav tsis yuav pojniam,#7:37: tsis yuav pojniam; lossis tsis cia nws tus ntxhais mus yuav txiv. uas yeej tsis yog leejtwg yuam nws; yog nws tswj tau nws lub siab thiab ua tau rawsli nws xav, hais tias nws yuav tsis yuav tus hluasnkauj#7:37: tus hluasnkauj; lossis cia nws yuav txiv. ntawd, kuj yog nws ua tau zoo lawm. 38Yogli ntawd, tus uas yuav tus hluasnkauj ntawd#7:38: yuav tus hluasnkauj ntawd; lossis cia nws tus ntxhais yuav txiv., nws ua tau zoo lawm, tiamsis tus uas tsis yuav#7:38: tsis yuav; lossis tsis cia tus ntxhais mus yuav txiv. tseem hajyam ua tau zoo dua.
39Tus pojniam uas muaj txiv, yog nws tus txiv tseem ua neej nyob nws yuavtsum nrog nws tus txiv ntawd ua neej mus li. Tiamsis yog nws tus txiv tuag lawm, ces nws muaj cai mus yuav dua lwmtus rawsli nws lub siab nyiam, tiamsis tus txiv ntawd yuavtsum yog ib tug uas ntseeg Vajtswv. 40Kuv xav tias yog nws nyob taus ib leeg li ntawd mus, mas yuav kajsiab dua. Tej lus ntawd yog kuv qhov kev xav, tiamsis kuv yeej xav tias kuv muaj Vajtswv tus Ntsujplig nyob rau hauv kuv thiab.
ទើបបានជ្រើសរើសហើយ៖
1 Kauleethaus 7: MWW2022
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2022 United Bible Societies. All rights reserved.
1 Kauleethaus 7
7
Tej Lus Nug Txog Kev Sibyuav
1Zaumno, hais txog tej uas nej tau sau ntawv tuaj nug kuv.
Ib tug txivneej uas tsis yuav pojniam kiag li kuj yog ib qhov zoo.#7:1: Ib tug txivneej uas tsis yuav pojniam kiag li kuj yog ib qhov zoo; lossis Nej hais tias ib tug txivneej uas tsis yuav pojniam kiag li kuj yog ib qhov zoo. 2Tiamsis vim muaj kev nkauj kev nraug ntau heev, yogli ntawd txhua tus txivneej nyias yuavtsum muaj nyias ib tug pojniam, thiab txhua tus pojniam nyias yuavtsum muaj nyias ib tug txiv. 3Tus txiv yuavtsum muab nws tuskheej rau nws tus pojniam, thiab tus pojniam los yuavtsum muab nws tuskheej rau nws tus txiv. 4Tus pojniam tsis yog tus tswv rau nws lub cev, tiamsis nws tus txiv yog tus tswv; ib yam nkaus li ntawd, tus txiv tsis yog tus tswv rau nws lub cev, tiamsis nws tus pojniam yog tus tswv. 5Neb tsis txhob cais chaw pw uantej uas neb tsis tau hais haum. Yog yuav cais, cia cais hmo puav kom neb muaj sijhawm thov Vajtswv xwb; tomqab ntawd, neb yuavtsum rov los pw uake. Qhov ntawd neb thiaj yuav tsis ntog rau Xatas txoj kev simsiab vim neb tswj tsis tau neb lub siab.
6Qhov kuv hais li no tsuas yog kuv xav tsocai xwb, tsis yog kuv yuav yuam. 7Tseeb tiag, kuv xav kom txhua tus ua tau li kuv; tiamsis nyias tau nyias ib qhov koobhmoov los ntawm Vajtswv, ib tug tau yam no, ib tug ho tau yam tod.
8Zaumno, kuv hais rau cov uas tseem tsis tau sibyuav thiab cov pojntsuam hais tias, yog lawv nyob ib leeg ib yam li kuv es tsis txhob sibyuav li los kuj yog ib qhov uas zoo. 9Tiamsis yog lawv tswj tsis tau lawv lub siab, lawv ciali sibyuav. Vim tias qhov sibyuav ntawd yuav zoo dua qhov uas txoj kev ntshaw pheej hlawv lawv lub siab kublug.
10Kuv hais ib los rau cov uas twb sibyuav lawm, tej lus no tsis yog kuv hais, tiamsis yog tus Tswv hais, tus pojniam yuavtsum tsis txhob tso nws tus txiv tseg; 11tiamsis yog nws muab nws tus txiv tsotseg, nws yuavtsum tsis txhob mus yuav dua txiv tshiab, yog nws xav yuav, ces kom nws ciali rovqab los yuav nws tus txiv qub xwb; thiab tus txiv los yuavtsum tsis txhob muab nws tus pojniam nrauj. #Math 5:32; 19:9; Malak 10:11-12; Lukas 16:18
12Dua li cov, kuv hais li no (hais li kuv hais, tsis yog tus Tswv hais): yog muaj ib tug txivneej ntseeg uas nws tus pojniam tsis ntseeg, tiamsis tus pojniam ntawd yeej txaussiab nrog nws nyob, nws yuavtsum tsis txhob muab tus pojniam ntawd nrauj. 13Thiab yog muaj ib tug pojniam ntseeg uas nws tus txiv tsis ntseeg, tiamsis tus txiv ntawd yeej txaussiab nrog nws nyob, nws yuavtsum tsis txhob muab tus txiv ntawd nrauj. 14Rauqhov tus txiv uas tsis ntseeg ntawd twb raug Vajtswv ntxuav los ntawm nws tus pojniam, thiab tus pojniam uas tsis ntseeg ntawd twb raug Vajtswv ntxuav los ntawm nws tus txiv uas ntseeg lawm. Yog tsis yogli ntawd, nej cov menyuam yuav tsis dawbhuv, tiamsis qhov tseeb yogli no, nej cov menyuam yeej dawbhuv.
15Tiamsis yog tias tus uas tsis ntseeg ho xav tawm ntawm tus ntseeg mus, los cia nws tawm mus. Yog tej qhov zooli no, tsis cheemtsum yuav muab nkawd khi cia uake, rauqhov Vajtswv yeej hu nej los ua lub neej kom nyob rau hauv kev thajyeeb. 16Koj tus uas yog pojniam, koj paub tau licas hais tias koj yuav cawm tau koj tus txiv? Lossis koj tus uas yog txiv, koj paub tau licas hais tias koj yuav cawm tau koj tus pojniam?
Ua Lub Neej Rawsli Vajtswv Tau Hu Koj
17Txawm licas los xij, txhua tus nyias yuavtsum ua nyias lub neej rawsli qhov uas tus Tswv tau muab rau nws, thiab rawsli lub neej thaum Vajtswv tau hu nws los. No yog txoj kevcai uas kuv qhia nyob rau txhua pawg ntseeg. 18Yog leejtwg tau ua kevcai txiav uantej uas Vajtswv hu nws los ntseeg, nws tsis txhob lam muab tej cawspliav uas qhia txog txoj kevcai txiav ntawd rho mus; yog Vajtswv hu leejtwg uas ho tsis tau ua kevcai txiav, tsis tag nws yuav ua kevcai txiav li lawm. 19Txawm yuav ua kevcai txiav thiab tsis ua los yeej tsis tseemceeb dabtsi; qhov tseemceeb tshajplaws yog qhov uas coj rawsli Vajtswv Txojlus.
20Txhua tus nyias yuavtsum ua nyias lub neej rawsli thaum Vajtswv hu nws los ntseeg. 21Thaum Vajtswv hu koj ntawd, koj puas tseem yog ib tug qhev? Koj tsis txhob nyuajsiab txog qhov ntawd, tiamsis yog koj muaj kev tawm tau los nyob ywjpheej, koj ciali tawm.#7:21: tiamsis yog koj muaj kev tawm tau los nyob ywjpheej, koj ciali tawm; lossis tiamsis yog koj muaj kev tawm tau los nyob ywjpheej, ciali xaiv yuav qhov uas yuav ua rau koj tau zoo nyob tshajplaws xwb, txawm koj tseem yog ib tug qhev los xij. 22Tus tubqhe uas tus Tswv hu nws, tus ntawd tau txais kev ywjpheej nyob rau hauv tus Tswv; ib yam nkaus li ntawd, tus uas muaj kev ywjpheej thaum Khetos hu nws los, nws yog Khetos tus qhev. 23Vajtswv tau txhiv nej los ntawm ib tug nqi uas kim kawg li; yogli ntawd nej tsis txhob mus ua neeg ntiajteb qhev. 24Cov kwvtij, nej txhua tus yuavtsum nrog Vajtswv sib raugzoo ib yam li thaum uas Vajtswv hu nej los ntseeg.
Tej Lus Nug Txog Cov Tsis Tau Muaj Txijnkawm Thiab Cov Pojntsuam Yawgntsuag
25Zaumno, hais txog ntawm cov tsis tau muaj txijnkawm: tej no tsis yog tus Tswv kom kuv hais, tiamsis kuv hais rawsli kuv txoj kev xav, uas yog ib tug uas tau txais tus Tswv txoj kev tabncuab uas lwmtus ciasiab tau rau kuv.
26Vim niajhnub no muaj kev ntxhovsiab heev, kuv thiaj xav tias cia nej nyias nyob nyias li tamsim no ntshe yuav zoo dua. 27Koj puas tau muaj pojniam? Yog koj muaj lawm, tsis txhob nrhiav kev muab nws tsotseg. Yog koj tsis tau muaj pojniam, koj tsis txhob nrhiav yuav pojniam. 28Tiamsis yog koj yuav pojniam lawm los yeej tsis txhaum dabtsi; thiab yog tus nkaujxwb yuav txiv, los yeej tsis txhaum dabtsi. Tiamsis kuv tsis xav kom nej muaj kev nyuajsiab li cov uas twb sibyuav lawm.
29Cov kwvtij, qhov uas kuv hais yog li no: vim lub sijhawm tshuav tsis ntau lawm, txij no mus cov uas twb muaj pojniam lawm, ciali ua lub neej zooli lawv tsis tau muaj; 30cov uas quajntsuag, ciali ua li uas tsis muaj kev quajntsuag; cov uas muaj kev zoosiab, ciali ua li uas tsis muaj kev zoosiab; cov uas muaj nyiaj yuav tau qhov txhia chaw, ciali ua li uas tej ntawd tsis yog lawv tus; 31cov uas siv tej khoom nyob hauv lub ntiajteb no, ciali ua li uas nws yeej tsis tau siv. Rauqhov lub ntiajteb tamsim no, tabtom ploj zujzus mus lawm.
32Kuv xav kom nej dim ntawm tej kev nyuajsiab. Tus uas tsis muaj pojniam, nws kubsiab lug rau tus Tswv tes haujlwm, rauqhov nws xav ua kom haum tus Tswv lub siab nyiam. 33Tiamsis tus uas muaj pojniam lawm, nws rausiab ntso khwv noj khwv haus hauv lub ntiajteb no, rauqhov nws xav ua kom haum nws tus pojniam lub siab nyiam; 34yogli ntawd, nws txoj kev ntshaw thiaj raug faib mus rau ob txojkev. Tus pojniam uas tsis tau muaj txiv lossis tus nkaujxwb, nws kubsiab lug ua tus Tswv tes haujlwm, vim nws xav muab nws lub cev thiab lub siab fij rau tus Tswv; tiamsis tus pojniam uas yuav txiv lawm, nws rausiab ntso khwv noj khwv haus hauv lub ntiajteb no, rauqhov nws xav ua kom haum nws tus txiv lub siab nyiam.
35Kuv hais li no, tsis yog kuv txwv nej, tiamsis yog kuv xav pab nej. Kuv xav kom nej ua qhov uas yog thiab ua qhov uas tsimnyog ua, uas yog kubsiab lug ua tus Tswv tes haujlwm tsis txhob ua neeg ywjfab ywjfwj.
36Yog tus tub thiab tus ntxhais twg uas twb sibqhaib lawm, tiamsis tus tub pom tias nws tuskheej coj tsis tshua tus rau tus ntxhais ntawd, thiab yog nws txoj kev hlub muajzog hwv lawm es nws xav tias nkawd yuavtsum sibyuav xwb, ces cia nws yuav rawsli nws txoj kev ntshaw.#7:36: Yog tus tub … txoj kev ntshaw; lossis Yog tus ntxhais leejtxiv pom tias tus tub coj tsis tshua tus rau tus ntxhais ntawd, thiab tus ntxhais ntawd yeej muaj hnubnyoog txaus lawm, ces leejtxiv yuav tau cia nws tus ntxhais yuav txiv rawsli nws txoj kev ntshaw. Qhov ntawd yeej tsis txhaum li. 37Tiamsis yog nws txiavtxim siab hais tias nws yuav tsis yuav pojniam,#7:37: tsis yuav pojniam; lossis tsis cia nws tus ntxhais mus yuav txiv. uas yeej tsis yog leejtwg yuam nws; yog nws tswj tau nws lub siab thiab ua tau rawsli nws xav, hais tias nws yuav tsis yuav tus hluasnkauj#7:37: tus hluasnkauj; lossis cia nws yuav txiv. ntawd, kuj yog nws ua tau zoo lawm. 38Yogli ntawd, tus uas yuav tus hluasnkauj ntawd#7:38: yuav tus hluasnkauj ntawd; lossis cia nws tus ntxhais yuav txiv., nws ua tau zoo lawm, tiamsis tus uas tsis yuav#7:38: tsis yuav; lossis tsis cia tus ntxhais mus yuav txiv. tseem hajyam ua tau zoo dua.
39Tus pojniam uas muaj txiv, yog nws tus txiv tseem ua neej nyob nws yuavtsum nrog nws tus txiv ntawd ua neej mus li. Tiamsis yog nws tus txiv tuag lawm, ces nws muaj cai mus yuav dua lwmtus rawsli nws lub siab nyiam, tiamsis tus txiv ntawd yuavtsum yog ib tug uas ntseeg Vajtswv. 40Kuv xav tias yog nws nyob taus ib leeg li ntawd mus, mas yuav kajsiab dua. Tej lus ntawd yog kuv qhov kev xav, tiamsis kuv yeej xav tias kuv muaj Vajtswv tus Ntsujplig nyob rau hauv kuv thiab.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2022 United Bible Societies. All rights reserved.