1 Kauleethaus 16
16
Pab Nyiaj Rau Cov Ntseeg Uas Tuncua
1Zaumno, hais txog tej nyiaj uas sau mus pab rau cov uas ntseeg Vajtswv: Nej ua ib yam li tej uas kuv qhia rau cov pawg ntseeg uas nyob hauv lub xeev Kalatias ua. #Loos 15:25-26 2Txhua Hnubkaj nej sawvdaws yuavtsum muab tej nyiaj uas nej khwv tau los tshwj mentsis cia rau ib qho, ntau thiab tsawg rawsli nws khwv tau, kom thaum kuv tuaj txog thiaj tsis tag yuav sau ntxiv lawm. 3Thaum kuv tuaj txog, kuv yuav sau ntawv qhia txog cov neeg uas nej twb pomzoo lawm thiab kom lawv coj cov nyiaj ntawd mus rau nram lub nroog Yeluxalees. 4Yog yeej tsimnyog uas kuv yuavtsum tau mus thiab, no los lawv mamli nrog kuv mus.
Paulus Tej Homphiaj
5Tomqab kuv mus dhau lub xeev Makedaunias lawm, kuv yuav tuaj saib nej, rauqhov kuv yuav tau hla lub xeev Makedaunias. #Teshl 19:21 6Tejzaum kuv yuav tuaj nrog nej nyob ib ntus lossis yuav nyob kom dhau lub caij ntuj no, tomqab ntawd kuv yuav mus qhovtwg los nej mamli pab xa kuv mus. 7Kuv tsis xav tuaj pom nej ibpliag xwb es txawmsiv yuav ncaim nej mus; yog tus Tswv pomzoo, kuv ciasiab hais tias yuav tau nrog nej nyob ib ntus.
8Tiamsis kuv yuav nyob hauv Efexaus no mus txog hnub Pheetekhos, #Levi 23:15-21; 2Kev 16:9-11 9rauqhov tabtom muaj qhovrooj qhib davfo uas zoo rau kuv ua haujlwm heev, txawm yog yuav muaj ntau leej tawmtsam kuv los xij. #Teshl 19:8-10
10Yog Timautes tuaj ntawm nej, ua tibzoo saib es tsis txhob ua rau nws ntxhovsiab thaum nws tseem nrog nej nyob, rauqhov nws kuj ua tus Tswv tes haujlwm ib yam li kuv ua thiab. #1Klt 4:17 11Yogli ntawd, tsis txhob pub ib tug twg saib tsis taus nws. Nej yuavtsum pab xa nws mus yam kajsiab lug kom nws thiaj yuav rov los rau ntawm kuv; rauqhov kuv yeej tosntsoov nws yuav nrog cov kwvtij ntseeg rov los.
12Zaumno, hais txog peb tus kwv Apaulaus. Kuv twb pheej hais kom nws nrog cov kwvtij sawvdaws tuaj saib nej, tiamsis nws tseem tsis tau paub meej-meej#16:12: nws tseem tsis tau paub meej-meej; lossis tsis tau yog Vajtswv tus dejsiab. hais tias nws yuav tuaj lub sijhawm no los tsis tuaj. Txawm licas los thaum nws nrhiav tau sijhawm lawm, nws yeej yuav tuaj saib nej xwb.
Cov Lus Xaus
13Nej yuavtsum ceevfaj, sawv khovkho rau ntawm txoj kev ntseeg, ua siab tawv qhawv, thiab cuab zog khovkho. 14Yuavtsum ua txhua yam los ntawm txoj kev hlub.
15Nej yeej paub txog Xatefanus thiab nws tsev neeg; lawv yog thawj tsev neeg uas los ntseeg hauv lub xeev Akhayas, thiab lawv txaussiab hlo muab lawv tuskheej los pab cov ntseeg Vajtswv. Cov kwvtij, kuv thov nquahu nej, 16kom nej mloog cov neeg ntawd lus thiab mloog txhua tus uas nrog lawv ua haujlwm uake ntawd lus.
17Txawm yog nej tuaj saib tsis tau kuv los kuv yeej zoosiab, vim Xatefanus, Fautunatus thiab Akhaikus twb tuaj saib kuv lawm. 18Lawv ua rau kuv zoosiab ib yam li lawv tau ua rau nej zoosiab thiab. Tsimnyog peb lees paub cov neeg uas zooli ntawd.
19Cov ntseeg uas nyob hauv lub xeev Exias xa kev nojqab nyobzoo tuaj rau nej. Akhilas thiab Pixilas thiab pawg ntseeg uas tuaj sibsau uake rau hauv nkawd tsev los kuj xa kev nojqab nyobzoo rau nej thiab. #Teshl 18:2 20Tagnrho cov ntseeg uas nyob tim no puavleej xa kev nojqab nyobzoo rau nej thiab.
Nej ib leeg hais nojqab nyobzoo rau ib leeg thiab ib leeg nwj ib leeg ntawm txoj kev dawbhuv.
21Kuv, yog Paulus, tej lus nojqab nyobzoo no yog kuv txhais tes sau ntag.
22Yog leejtwg tsis hlub tus Tswv, cia tus ntawd raug foom!
Malanathas, txhais hais tias, Tus Tswv, Koj ciali los!
23Thov kom tus Tswv Yexus txoj hmoovhlub nyob nrog nej txhua tus.
24Cia kuv txoj kev hlub nyob hauv nej txhua tus ntawm Yexus Khetos.
ទើបបានជ្រើសរើសហើយ៖
1 Kauleethaus 16: MWW2022
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2022 United Bible Societies. All rights reserved.
1 Kauleethaus 16
16
Pab Nyiaj Rau Cov Ntseeg Uas Tuncua
1Zaumno, hais txog tej nyiaj uas sau mus pab rau cov uas ntseeg Vajtswv: Nej ua ib yam li tej uas kuv qhia rau cov pawg ntseeg uas nyob hauv lub xeev Kalatias ua. #Loos 15:25-26 2Txhua Hnubkaj nej sawvdaws yuavtsum muab tej nyiaj uas nej khwv tau los tshwj mentsis cia rau ib qho, ntau thiab tsawg rawsli nws khwv tau, kom thaum kuv tuaj txog thiaj tsis tag yuav sau ntxiv lawm. 3Thaum kuv tuaj txog, kuv yuav sau ntawv qhia txog cov neeg uas nej twb pomzoo lawm thiab kom lawv coj cov nyiaj ntawd mus rau nram lub nroog Yeluxalees. 4Yog yeej tsimnyog uas kuv yuavtsum tau mus thiab, no los lawv mamli nrog kuv mus.
Paulus Tej Homphiaj
5Tomqab kuv mus dhau lub xeev Makedaunias lawm, kuv yuav tuaj saib nej, rauqhov kuv yuav tau hla lub xeev Makedaunias. #Teshl 19:21 6Tejzaum kuv yuav tuaj nrog nej nyob ib ntus lossis yuav nyob kom dhau lub caij ntuj no, tomqab ntawd kuv yuav mus qhovtwg los nej mamli pab xa kuv mus. 7Kuv tsis xav tuaj pom nej ibpliag xwb es txawmsiv yuav ncaim nej mus; yog tus Tswv pomzoo, kuv ciasiab hais tias yuav tau nrog nej nyob ib ntus.
8Tiamsis kuv yuav nyob hauv Efexaus no mus txog hnub Pheetekhos, #Levi 23:15-21; 2Kev 16:9-11 9rauqhov tabtom muaj qhovrooj qhib davfo uas zoo rau kuv ua haujlwm heev, txawm yog yuav muaj ntau leej tawmtsam kuv los xij. #Teshl 19:8-10
10Yog Timautes tuaj ntawm nej, ua tibzoo saib es tsis txhob ua rau nws ntxhovsiab thaum nws tseem nrog nej nyob, rauqhov nws kuj ua tus Tswv tes haujlwm ib yam li kuv ua thiab. #1Klt 4:17 11Yogli ntawd, tsis txhob pub ib tug twg saib tsis taus nws. Nej yuavtsum pab xa nws mus yam kajsiab lug kom nws thiaj yuav rov los rau ntawm kuv; rauqhov kuv yeej tosntsoov nws yuav nrog cov kwvtij ntseeg rov los.
12Zaumno, hais txog peb tus kwv Apaulaus. Kuv twb pheej hais kom nws nrog cov kwvtij sawvdaws tuaj saib nej, tiamsis nws tseem tsis tau paub meej-meej#16:12: nws tseem tsis tau paub meej-meej; lossis tsis tau yog Vajtswv tus dejsiab. hais tias nws yuav tuaj lub sijhawm no los tsis tuaj. Txawm licas los thaum nws nrhiav tau sijhawm lawm, nws yeej yuav tuaj saib nej xwb.
Cov Lus Xaus
13Nej yuavtsum ceevfaj, sawv khovkho rau ntawm txoj kev ntseeg, ua siab tawv qhawv, thiab cuab zog khovkho. 14Yuavtsum ua txhua yam los ntawm txoj kev hlub.
15Nej yeej paub txog Xatefanus thiab nws tsev neeg; lawv yog thawj tsev neeg uas los ntseeg hauv lub xeev Akhayas, thiab lawv txaussiab hlo muab lawv tuskheej los pab cov ntseeg Vajtswv. Cov kwvtij, kuv thov nquahu nej, 16kom nej mloog cov neeg ntawd lus thiab mloog txhua tus uas nrog lawv ua haujlwm uake ntawd lus.
17Txawm yog nej tuaj saib tsis tau kuv los kuv yeej zoosiab, vim Xatefanus, Fautunatus thiab Akhaikus twb tuaj saib kuv lawm. 18Lawv ua rau kuv zoosiab ib yam li lawv tau ua rau nej zoosiab thiab. Tsimnyog peb lees paub cov neeg uas zooli ntawd.
19Cov ntseeg uas nyob hauv lub xeev Exias xa kev nojqab nyobzoo tuaj rau nej. Akhilas thiab Pixilas thiab pawg ntseeg uas tuaj sibsau uake rau hauv nkawd tsev los kuj xa kev nojqab nyobzoo rau nej thiab. #Teshl 18:2 20Tagnrho cov ntseeg uas nyob tim no puavleej xa kev nojqab nyobzoo rau nej thiab.
Nej ib leeg hais nojqab nyobzoo rau ib leeg thiab ib leeg nwj ib leeg ntawm txoj kev dawbhuv.
21Kuv, yog Paulus, tej lus nojqab nyobzoo no yog kuv txhais tes sau ntag.
22Yog leejtwg tsis hlub tus Tswv, cia tus ntawd raug foom!
Malanathas, txhais hais tias, Tus Tswv, Koj ciali los!
23Thov kom tus Tswv Yexus txoj hmoovhlub nyob nrog nej txhua tus.
24Cia kuv txoj kev hlub nyob hauv nej txhua tus ntawm Yexus Khetos.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2022 United Bible Societies. All rights reserved.