1 Kauleethaus 14
14
Hais Ntxiv Txog Tej Khoomplig Uas Los Ntawm Vaj Ntsujplig Los
1Yuavtsum mobsiab nrhiav txoj kev hlub thiab muaj lub siab ntshaw tej khoomplig uas los ntawm Vaj Ntsujplig, tshwjxeeb yog qhov khoomplig uas cev Vajtswv tej lus. 2Tus uas txawj haislus txawv-txawv tsis yog nws hais rau neeg tiamsis yog hais rau Vajtswv, rauqhov tsis muaj leejtwg totaub nws, vim nws hais tej uas tsis muaj leejtwg paub uas yog los ntawm Vaj Ntsujplig los. 3Tiamsis cov uas cev Vajtswv tej lus yog pab kom neeg lojhlob, txhawb lawv lub zog, thiab nplig lawv lub siab. 4Tus uas hais tau lus txawv-txawv tsuas pab tau nws tuskheej xwb, tiamsis tus uas cev Vajtswv tej lus, tus ntawd pab tau tagnrho pawg ntseeg.
5Kuv yeej xav kom nej txhua tus hais tau lus txawv-txawv; tiamsis kuv tseem xum kom nej tau qhov khoomplig uas txawj cev Vajtswv tej lus. Rauqhov tus uas cev Vajtswv tej lus tseem muajnqis heev dua tus uas hais tau lus txawv-txawv, tshwj hais tias muaj neeg txhais tau tej lus txawv-txawv ntawd mas thiaj yuav pab tau pawg ntseeg xwb. 6Cov kwvtij, yog thaum kuv tuaj saib nej, kuv ciali haislus txawv-txawv rau nej no kuv puas muaj qabhau rau nej maj? Yeej tsis muaj hlo li, tshwj hais tias kuv coj tej uas Vajtswv tau qhia rau kuv lossis tej kev txawjntse lossis tej uas hais txog yav tomntej lossis tej lus qhuabqhia, mas thiaj yuav muajnqis rau nej xwb.
7Zooli tej khoom pajnruas siv rau kev hunkauj uas tsis ciajsia, xwsli lub raj tshuab lossis lub nogncas; yog ntaus lub suab ntawd tawm tuaj tsis meej, leejtwg yuav paub tias lub suab ntawd yog licas? 8Thiab yog tus neeg uas tshuab rajxyu nws tshuab tsis meej, leejtwg thiaj yuav paub npaj rau kev ntaus rog?
9Nej los tibyam nkaus li ntawd, yog nej tsis hais tej lus uas totaub yoojyim, leejtwg yuav totaub tej lus ntawd? Nej tej lus ces tsuas yog lam hais lawv cua mus xwb! 10Nyob hauv lub ntiajteb no muaj ntau yam lus uas neeg hais, tiamsis yeej tsis muaj ib yam lus uas yuav tsis muaj lub ntsiablus li. 11Tiamsis yog kuv tsis paub cov lus uas tus neeg ntawd hais, ces kuv thiab nws nyias yog nyias ib haivneeg. 12Nej los tibyam nkaus li ntawd. Vim nej yeej muaj lub siab ntshaw tej khoomplig ntawm Vaj Ntsujplig, yogli ntawd, nej yuavtsum xub siv zog nrhiav tej khoomplig uas yuav pab tau pawg ntseeg kom vammeej tso.
13Yogli ntawd, tus uas hais tau lus txawv-txawv, nws yuavtsum thov kom Vajtswv muab qhov khoomplig uas txhais tau tej lus uas nws hais ntawd. 14Rauqhov thaum kuv thov Vajtswv ua lus txawv-txawv, ces yog kuv tus ntsujplig ua tus thov xwb, kuv lub hlwb yeej tsis totaub tej lus ntawd li. 15Yogli ntawd, kuv yuav ua licas? Kuv yuav nrog kuv tus ntsujplig thov Vajtswv, tiamsis kuv yuav thov los ntawm kuv txoj kev xav thiab; kuv yuav nrog kuv tus ntsujplig hunkauj, tiamsis kuv kuj yuav hu los ntawm kuv lub siab xav thiab. 16Thaum koj ua Vajtswv tsaug, yog koj haislus txawv-txawv nkaus xwb, cov neeg uas tsis paub tej lus txawv-txawv ntawd, yuav ua licas paub nrog koj hais “Amees” rau koj tej lus ua Vajtswv tsaug ntawd, vim lawv twb tsis paub tej uas koj hais ntawd li ne? 17Txawm yog koj txawj ua Vajtswv tsaug npaum licas los koj tej lus yeej pab tsis tau lwmtus li.
18Kuv ua Vajtswv tsaug uas kuv hais tau lus txawv-txawv ntau dua nej txhua tus huv tibsi. 19Tiamsis nyob rau hauv pawg ntseeg, mas kuv yeem hais tsib lolus uas sawvdaws totaub, kom thiaj yuav cobqhia tau lwmtus, zoo dua li uas kuv hais 10,000 lolus txawv-txawv.
20Cov kwvtij, nej tsis txhob xav li tej menyuam yaus xav; hais txog kev txhaum ces nej ua li tej menyuam yaus uas tsis paub dabtsi, tiamsis hais txog txoj kev xav ces nej yuavtsum xav li tej neeg laus xav. 21Nyob hauv Vajtswv tej Lus tau sau tseg hais tias:
“Tus Tswv hais tias, Kuv yuav siv lwm haivneeg tej lus
hais rau Kuv cov neeg.
Kuv yuav siv lwm haivneeg tej qhovncauj haislus,
txawm li ntawd Kuv haivneeg yuav tsis mloog Kuv tej lus.” #Yaxaya 28:11-12
22Yogli ntawd, kev haislus txawv-txawv yog ua lub cim qhia rau cov tsis ntseeg, tsis yog ua cim rau cov ntseeg pom. Tiamsis kev cev Vajtswv tej lus yog lub cim qhia rau cov ntseeg, tsis yog ua cim rau cov tsis ntseeg pom.
23Yog tias thaum cov ntseeg sawvdaws tuaj uake, es txhua tus ciali pib haislus txawv-txawv, thiab ho muaj ib cov uas nyob sabnraud lossis cov uas tsis ntseeg tuaj koom, lawv yuav tsis hais tias nej vwm lawm no lov? 24Tiamsis yog txhua tus cev Vajtswv tej lus, es ho muaj ib tug uas tsis ntseeg lossis ib tug uas nyob sabnraud tuaj koom, yuav ua rau tus ntawd paub tias nws yog neeg txhaum, thiab ua rau nws paub tias nws yuav raug txiavtxim, 25thiab tej uas nws muab zais hauv nruabsiab yuav raug muab nthuav tawm, thiab nws yuav txhoscaug ntua pehawm Vajtswv, thiab lees hais tias, “Vajtswv nrog nej nyob ntawm no tiag lau!”
Kev Pehawm Vajtswv Uas Muaj Hauvpaus Hauvntsis
26Yogli ntawd, cov kwvtij, peb yuav ua licas? Thaum nej tuaj uake pehawm Vajtswv, ib tug hunkauj, ib tug cobqhia, ib tug qhia tej uas Vajtswv kom nws qhia, ib tug haislus txawv-txawv, thiab ib tug txhais tej lus txawv-txawv ntawd. Txhua yam no yuavtsum yog ua los pab rau pawg ntseeg kom vammeej. 27Yog leejtwg yuav haislus txawv-txawv, tsuas pub ob leeg lossis ntau kawg peb leeg hais xwb, ib leeg hais tag ib leeg mamli hais, thiab yuavtsum muaj ib tug ua tus txhais tej uas lawv hais ntawd. 28Tiamsis yog tsis muaj leejtwg txawj txhais, ces kom tus uas haislus txawv-txawv ntawd yuavtsum nyob twjywm hauv lub tuamtsev, cia nws mam hais hauv nruabsiab rau Vajtswv xwb.
29Cia ob leeg lossis peb leeg cev Vajtswv lus, dua li lwmtus cia lawv mloog seb tej lus ntawd qhia licas. 30Yog Vajtswv cevlus rau ib tug uas zaum ntawd ua tus qhia, ces thawjtug uas tabtom qhia ciali tsum. 31Nej txhua tus muaj cuabkav qhia Vajtswv tej lus, ib leeg qhia tag ib leeg mamli qhia, kom sawvdaws thiaj yuav kawm tau thiab thiaj yuav txhawb tau sawvdaws lub zog. 32Tus uas yog xibhwb cev Vajtswv lus, nws yuavtsum paub tswj nws qhov khoomplig uas yog cev Vajtswv lus, 33rauqhov Vajtswv tsis yog tus Vajtswv uas ua kom muaj kev kubntxhov, tiamsis Nws yog tus Vajtswv uas ua kom muaj kev thajyeeb.
Tagnrho hauv cov pawg ntseeg uas yog Vajtswv cov neeg, 34cov pojniam yuavtsum nyob twjywm tsis txhob haislus thaum nyob rau hauv lub tuamtsev. Lawv tsis tau txais kev tsocai kom hais, tiamsis lawv yuavtsum nyob hauvqab kev tswjhwm rawsli cov Yudais Txoj Kevcai tau hais. 35Yog lawv xav paub dabtsi, kom lawv nyias nug nyias tus txiv tom tsev; rauqhov nws yog ib qho kev txajmuag rau ib tug pojniam haislus thaum nyob hauv lub tuamtsev.
36Vajtswv Txojlus chiv muaj ntawm nej los lov? Lossis Vajtswv Txojlus ntawd tsuas tuaj txog nej nkaus xwb lov? 37Yog leejtwg xav tias nws yog ib tug xibhwb uas cev Vajtswv lus, lossis tau khoomplig los ntawm Vaj Ntsujplig, tus ntawd yeej lees paub tias tej uas kuv sau tuaj rau nej no yog tus Tswv tej lus uas Nws tau hais tseg. 38Tiamsis yog nws tsis lees paub txog tej no, ces nej tsis txhob lees paub txog nws li thiab.
39Yogli ntawd, cov kwvtij, nej ciali kubsiab lug rau kev qhia Vajtswv tej lus, tiamsis tsis txhob txwv txog kev haislus txawv-txawv. 40Txhua yam uas nej ua, nej yuavtsum ua kom zoo thiab tsis txhob ua-dog ua-dig.
ទើបបានជ្រើសរើសហើយ៖
1 Kauleethaus 14: MWW2022
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2022 United Bible Societies. All rights reserved.
1 Kauleethaus 14
14
Hais Ntxiv Txog Tej Khoomplig Uas Los Ntawm Vaj Ntsujplig Los
1Yuavtsum mobsiab nrhiav txoj kev hlub thiab muaj lub siab ntshaw tej khoomplig uas los ntawm Vaj Ntsujplig, tshwjxeeb yog qhov khoomplig uas cev Vajtswv tej lus. 2Tus uas txawj haislus txawv-txawv tsis yog nws hais rau neeg tiamsis yog hais rau Vajtswv, rauqhov tsis muaj leejtwg totaub nws, vim nws hais tej uas tsis muaj leejtwg paub uas yog los ntawm Vaj Ntsujplig los. 3Tiamsis cov uas cev Vajtswv tej lus yog pab kom neeg lojhlob, txhawb lawv lub zog, thiab nplig lawv lub siab. 4Tus uas hais tau lus txawv-txawv tsuas pab tau nws tuskheej xwb, tiamsis tus uas cev Vajtswv tej lus, tus ntawd pab tau tagnrho pawg ntseeg.
5Kuv yeej xav kom nej txhua tus hais tau lus txawv-txawv; tiamsis kuv tseem xum kom nej tau qhov khoomplig uas txawj cev Vajtswv tej lus. Rauqhov tus uas cev Vajtswv tej lus tseem muajnqis heev dua tus uas hais tau lus txawv-txawv, tshwj hais tias muaj neeg txhais tau tej lus txawv-txawv ntawd mas thiaj yuav pab tau pawg ntseeg xwb. 6Cov kwvtij, yog thaum kuv tuaj saib nej, kuv ciali haislus txawv-txawv rau nej no kuv puas muaj qabhau rau nej maj? Yeej tsis muaj hlo li, tshwj hais tias kuv coj tej uas Vajtswv tau qhia rau kuv lossis tej kev txawjntse lossis tej uas hais txog yav tomntej lossis tej lus qhuabqhia, mas thiaj yuav muajnqis rau nej xwb.
7Zooli tej khoom pajnruas siv rau kev hunkauj uas tsis ciajsia, xwsli lub raj tshuab lossis lub nogncas; yog ntaus lub suab ntawd tawm tuaj tsis meej, leejtwg yuav paub tias lub suab ntawd yog licas? 8Thiab yog tus neeg uas tshuab rajxyu nws tshuab tsis meej, leejtwg thiaj yuav paub npaj rau kev ntaus rog?
9Nej los tibyam nkaus li ntawd, yog nej tsis hais tej lus uas totaub yoojyim, leejtwg yuav totaub tej lus ntawd? Nej tej lus ces tsuas yog lam hais lawv cua mus xwb! 10Nyob hauv lub ntiajteb no muaj ntau yam lus uas neeg hais, tiamsis yeej tsis muaj ib yam lus uas yuav tsis muaj lub ntsiablus li. 11Tiamsis yog kuv tsis paub cov lus uas tus neeg ntawd hais, ces kuv thiab nws nyias yog nyias ib haivneeg. 12Nej los tibyam nkaus li ntawd. Vim nej yeej muaj lub siab ntshaw tej khoomplig ntawm Vaj Ntsujplig, yogli ntawd, nej yuavtsum xub siv zog nrhiav tej khoomplig uas yuav pab tau pawg ntseeg kom vammeej tso.
13Yogli ntawd, tus uas hais tau lus txawv-txawv, nws yuavtsum thov kom Vajtswv muab qhov khoomplig uas txhais tau tej lus uas nws hais ntawd. 14Rauqhov thaum kuv thov Vajtswv ua lus txawv-txawv, ces yog kuv tus ntsujplig ua tus thov xwb, kuv lub hlwb yeej tsis totaub tej lus ntawd li. 15Yogli ntawd, kuv yuav ua licas? Kuv yuav nrog kuv tus ntsujplig thov Vajtswv, tiamsis kuv yuav thov los ntawm kuv txoj kev xav thiab; kuv yuav nrog kuv tus ntsujplig hunkauj, tiamsis kuv kuj yuav hu los ntawm kuv lub siab xav thiab. 16Thaum koj ua Vajtswv tsaug, yog koj haislus txawv-txawv nkaus xwb, cov neeg uas tsis paub tej lus txawv-txawv ntawd, yuav ua licas paub nrog koj hais “Amees” rau koj tej lus ua Vajtswv tsaug ntawd, vim lawv twb tsis paub tej uas koj hais ntawd li ne? 17Txawm yog koj txawj ua Vajtswv tsaug npaum licas los koj tej lus yeej pab tsis tau lwmtus li.
18Kuv ua Vajtswv tsaug uas kuv hais tau lus txawv-txawv ntau dua nej txhua tus huv tibsi. 19Tiamsis nyob rau hauv pawg ntseeg, mas kuv yeem hais tsib lolus uas sawvdaws totaub, kom thiaj yuav cobqhia tau lwmtus, zoo dua li uas kuv hais 10,000 lolus txawv-txawv.
20Cov kwvtij, nej tsis txhob xav li tej menyuam yaus xav; hais txog kev txhaum ces nej ua li tej menyuam yaus uas tsis paub dabtsi, tiamsis hais txog txoj kev xav ces nej yuavtsum xav li tej neeg laus xav. 21Nyob hauv Vajtswv tej Lus tau sau tseg hais tias:
“Tus Tswv hais tias, Kuv yuav siv lwm haivneeg tej lus
hais rau Kuv cov neeg.
Kuv yuav siv lwm haivneeg tej qhovncauj haislus,
txawm li ntawd Kuv haivneeg yuav tsis mloog Kuv tej lus.” #Yaxaya 28:11-12
22Yogli ntawd, kev haislus txawv-txawv yog ua lub cim qhia rau cov tsis ntseeg, tsis yog ua cim rau cov ntseeg pom. Tiamsis kev cev Vajtswv tej lus yog lub cim qhia rau cov ntseeg, tsis yog ua cim rau cov tsis ntseeg pom.
23Yog tias thaum cov ntseeg sawvdaws tuaj uake, es txhua tus ciali pib haislus txawv-txawv, thiab ho muaj ib cov uas nyob sabnraud lossis cov uas tsis ntseeg tuaj koom, lawv yuav tsis hais tias nej vwm lawm no lov? 24Tiamsis yog txhua tus cev Vajtswv tej lus, es ho muaj ib tug uas tsis ntseeg lossis ib tug uas nyob sabnraud tuaj koom, yuav ua rau tus ntawd paub tias nws yog neeg txhaum, thiab ua rau nws paub tias nws yuav raug txiavtxim, 25thiab tej uas nws muab zais hauv nruabsiab yuav raug muab nthuav tawm, thiab nws yuav txhoscaug ntua pehawm Vajtswv, thiab lees hais tias, “Vajtswv nrog nej nyob ntawm no tiag lau!”
Kev Pehawm Vajtswv Uas Muaj Hauvpaus Hauvntsis
26Yogli ntawd, cov kwvtij, peb yuav ua licas? Thaum nej tuaj uake pehawm Vajtswv, ib tug hunkauj, ib tug cobqhia, ib tug qhia tej uas Vajtswv kom nws qhia, ib tug haislus txawv-txawv, thiab ib tug txhais tej lus txawv-txawv ntawd. Txhua yam no yuavtsum yog ua los pab rau pawg ntseeg kom vammeej. 27Yog leejtwg yuav haislus txawv-txawv, tsuas pub ob leeg lossis ntau kawg peb leeg hais xwb, ib leeg hais tag ib leeg mamli hais, thiab yuavtsum muaj ib tug ua tus txhais tej uas lawv hais ntawd. 28Tiamsis yog tsis muaj leejtwg txawj txhais, ces kom tus uas haislus txawv-txawv ntawd yuavtsum nyob twjywm hauv lub tuamtsev, cia nws mam hais hauv nruabsiab rau Vajtswv xwb.
29Cia ob leeg lossis peb leeg cev Vajtswv lus, dua li lwmtus cia lawv mloog seb tej lus ntawd qhia licas. 30Yog Vajtswv cevlus rau ib tug uas zaum ntawd ua tus qhia, ces thawjtug uas tabtom qhia ciali tsum. 31Nej txhua tus muaj cuabkav qhia Vajtswv tej lus, ib leeg qhia tag ib leeg mamli qhia, kom sawvdaws thiaj yuav kawm tau thiab thiaj yuav txhawb tau sawvdaws lub zog. 32Tus uas yog xibhwb cev Vajtswv lus, nws yuavtsum paub tswj nws qhov khoomplig uas yog cev Vajtswv lus, 33rauqhov Vajtswv tsis yog tus Vajtswv uas ua kom muaj kev kubntxhov, tiamsis Nws yog tus Vajtswv uas ua kom muaj kev thajyeeb.
Tagnrho hauv cov pawg ntseeg uas yog Vajtswv cov neeg, 34cov pojniam yuavtsum nyob twjywm tsis txhob haislus thaum nyob rau hauv lub tuamtsev. Lawv tsis tau txais kev tsocai kom hais, tiamsis lawv yuavtsum nyob hauvqab kev tswjhwm rawsli cov Yudais Txoj Kevcai tau hais. 35Yog lawv xav paub dabtsi, kom lawv nyias nug nyias tus txiv tom tsev; rauqhov nws yog ib qho kev txajmuag rau ib tug pojniam haislus thaum nyob hauv lub tuamtsev.
36Vajtswv Txojlus chiv muaj ntawm nej los lov? Lossis Vajtswv Txojlus ntawd tsuas tuaj txog nej nkaus xwb lov? 37Yog leejtwg xav tias nws yog ib tug xibhwb uas cev Vajtswv lus, lossis tau khoomplig los ntawm Vaj Ntsujplig, tus ntawd yeej lees paub tias tej uas kuv sau tuaj rau nej no yog tus Tswv tej lus uas Nws tau hais tseg. 38Tiamsis yog nws tsis lees paub txog tej no, ces nej tsis txhob lees paub txog nws li thiab.
39Yogli ntawd, cov kwvtij, nej ciali kubsiab lug rau kev qhia Vajtswv tej lus, tiamsis tsis txhob txwv txog kev haislus txawv-txawv. 40Txhua yam uas nej ua, nej yuavtsum ua kom zoo thiab tsis txhob ua-dog ua-dig.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2022 United Bible Societies. All rights reserved.