Mag 13
13
Iwonjiɛn niin nan a biim a bɔr
(Matiu 24:1-2; Lug 21:5-6)
1Yisa kaah nan nyan iwonjiɛn niin n-yaan n-yonn man nin, le u bɔɔnɔɔru uba bei u ke, “Wan wɔɔn, lig tiditakpenn nan, nin itangbag takpen yan wee bi ta maa tidir nmɔn!”
2Le u jiin u ke, “Ni kan tiditakpenn nmɔn waa? Bi na yin tir ti biɛn le ki jaa tum le tangbagil liba kaa ji na li gur ki pa li kpiɛg bu.”
Limugil nin fala a bɔr
3Le Yisa nan jon ki tan ka Olif a siigi a jɔɔl n-yaa paab, li nan be iwonjiɛn niin n-yaa nintogil le; le Piita nin Jemisi nin Jɔnn nin Anduru nan dan u ban, ki baan u ke, 4“Bei ti ni, iba yoo wee ni na yin ŋa man naa? Ke ba a siɛra nan yin wɔɔn ke isaŋ foo nin ni yin gbeen naa?”
5Le u bei bi ke, “Ni li guu ni ba man, ki laa che uba n lar ni. 6Bininfob takpem le na yin dan ki ta n yinl ki yin bi ba ke bi ma ye min Yisa, ki lar bininfob takpem. 7Ni na li gbir ke bininfob tog tab bitɔb nan mal nin dindanl; amaa ni laa san bijawaami. Ni kpaan le ke ni niɛ nan biɛn ye ni tun amaa naa ye dulinya a fiim le yen ni. 8Libol nin libol na li kɔn nin tab; le nnaam miba a ninfob nin mitɔ na li to tab bitɔb. Kutingbɔŋ biɛn na li dam. Le nkom na li be. Ni na yin be le ke nmarwiɛn a piinim.
9“Ni li guu ni ba man. Bi na li choo ni ki ta ni jo bibɔjib ban ki boo ni tiwonjiɛndirin. Min bu ni na li sir ntim a ninkpeeb nin bibɔrtiib a nintogil, ki bei bi n bɔŋann ni. 10Bi na li mɔɔn tibɔŋann nmɔn ki sei libol biɛn. Le n-yonn nmɔn ni foo. 11Bi nan ta ni ki jon bibɔjib ban ke, ni laa che ni mug ni naah li pag man ni, n-yonn nmɔn nan foo ke, Kasi a Naaŋ li wɔɔn ni naah li pag man, tibɔr tan wee ni na yin pag nmɔn kaa na yin ye ni baantɔɔl a bɔri, ni na yin nya Kasi a Naaŋin ban le. 12Iyaayoo nmɔn, uninfo na li gbii u baantɔɔl a na big bu ki che bin ku u, bibaam mu na yin ŋa man le ki sei bi tɔɔl a buwaab, le nbuwaab mu na yin kɔn nin bibaam le, ki che bin ku bi. 13Le bininfob biɛn na yin nan ni le naah nɔɔm n bu. Wan mu nan fir ki jin fala nmɔn ki tan diɛ ke, u yaa daan mu li kan nŋmarim.
Tiwann tan kaa ŋan nan a bɔr
(Matiu 24:15-28; Lug 21:20-24)
14“Ni na li kan liwanbiril#13:14 Mag nan pagir liwanbirilin le, woon pag a poolin. Nan bu-n, waa nan ban Rom a yudam nbiɛ ni taai. kaah si nan yaan kaa bi ŋan nin li n sir nii ni. (Wan nan karin nsɔbim nan ke, un biɛm naah wɔɔn nan). Iyaayoo nmɔn, ban na yin be Judiya a tingbɔŋin ni, bin guun ki do ijɔɔ a paab. 15Wan mu nan be u diig a paab ke, u laa jiir ki ke u yin kɔɔ ndiin le u tan yuur niba. 16Wan mu nan be bukpaabin ke, u laa ji jir un tan yuur u daala. 17Iyaayoo nmɔn bipiipoodam nin ban jɔɔ nbuwaab ban la mɔɔ na li jɔɔ kunyunyunbaag takpem. 18Miɛ Uwonbɔr ke un laa che ni ŋa kufaag a yoo, 19Uwonbɔr kaah nan naan dulinya ki nan kpaa daandaan nan, uba kaa la nyi ki jin fala wan na yin be iyaayoo nmɔn ni, le fala uba mu kaa li nyi ki dan ki nann man ni. 20Ni ye Uyudaan kaa war fala a dam nmɔn wee i yin yab man ke, uba kaa na li ŋmari, amaa u ninfogann kaabin a nyunyunbasanl bu, u li war fala a daai nmɔn a yabim.
21“Iyaayoo nmɔn le uninfo uba nan bei ni ke, ‘Lig, Masiya nmɔn sɔ’, ki ji bei ni ke, ‘U be nin yaan’ ke, ni laa chee waah len man nmɔn ni. 22Bilinlarib na li be. Biba mu na li bei ke bi ye Masiya le. Biba mu na li len ke bi ye Uwonbɔr a linlem le. Bi na li tun ligaril a toonl nin ligaril a siɛra ki pɔɔn bi ba ki lar Uwonbɔr a ninfogannkaab. 23N pii bei ni niwann biɛn na, ke ni yoo kaa la foo. Ni li guu ni ba man.
Yisa a jirim a bɔr
(Matiu 24:29-31; Lug 21:25-28)
24“Amaa iyaayoo, limugil nan a bɔɔn,
‘nween na li bɔŋ,
le uŋmal kaa ji yin ween ni,
25le iŋmabil na yin nya papaab le ki lur,
le nan be paab biɛn na li dam dam.’#Azaya 13:10; 34:4
26Iyaayoo nmɔn bi li kan Uninfosaal a Big kaah degirin kitilangbɔŋin nin npɔɔn nin nween takpen. 27Iyaayoo nmɔn, u na yin tun malakam le kutingbɔŋ nan yaan biɛn, liwonpɔɔnl nin liwonlul, nin nnɔɔgan, nin nnɔɔjiin, wee bin lagin Uwonbɔr a ninfogannkaabin bogiliba.
Bikinkam a bɔŋal
(Matiu 24:32-35; Lug 21:29-33)
28Ni ta bikinkam ki tinn nlama man, naah ti nan kan busub nmɔn be bun tifar ke, ni biɛr ke kusiɛg foon. 29Man le ni nan kan ni niɛ nan biɛn tun ke, ni biɛ ke ni malin na, naa ji li yuuri. 30Ibamɔn le n bei ni nan, daandaan nan a ninfob kaa yin kpo biɛn ni le nan be nan n tun. 31Papaab nin tum na li jo, amaa n bɔr nan kaa li nyi ki jo.
Uba kaa nyi Yisa a jirin daali
(Matiu 24:36-44)
32“Uba kaa nyi lidaal nmɔn ni bee n-yonn man wee n li jirin ni. Malakam ban be Uwonbɔr a niin nan kaa nyi, min Uwonbɔr a Bija mu kaa nyi; see Uwonbɔr a binba le nyi. 33Ni li guu man, ki li ka lig naah kaa nyi lidaal man wee n na yin jirin ni bu. 34Ni na yin be le ke uja uba kaah yin nya u niin ki jo nsan man fɔg a dann le, ki bei u buwaab ke bi li ŋmag iniin ni nbamɔm le ki por bi biɛn nan nin bi toon, ki sin bei u niin guurin ke u li guu wee ki sin yaar jon u samin le.
35“Ni mu li guu man, nan bu-n naa nyi lidaal man wee ni yudaau yin jirin ni, niba ke kujɔɔg, bee kunyiɛgtasiig, bee kutaayɔg, bee njakpiin. 36Ni ye u nan jirin weem ke, naa ŋan ni u nan kan ni n miin ni jiɛn ni. 37Mambu, maah bei ni man nan, man le n bei uninfo biɛn, ni li guu man.”
ទើបបានជ្រើសរើសហើយ៖
Mag 13: KUGL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Komba New Testament © Bible Society of Ghana, 2014.
Mag 13
13
Iwonjiɛn niin nan a biim a bɔr
(Matiu 24:1-2; Lug 21:5-6)
1Yisa kaah nan nyan iwonjiɛn niin n-yaan n-yonn man nin, le u bɔɔnɔɔru uba bei u ke, “Wan wɔɔn, lig tiditakpenn nan, nin itangbag takpen yan wee bi ta maa tidir nmɔn!”
2Le u jiin u ke, “Ni kan tiditakpenn nmɔn waa? Bi na yin tir ti biɛn le ki jaa tum le tangbagil liba kaa ji na li gur ki pa li kpiɛg bu.”
Limugil nin fala a bɔr
3Le Yisa nan jon ki tan ka Olif a siigi a jɔɔl n-yaa paab, li nan be iwonjiɛn niin n-yaa nintogil le; le Piita nin Jemisi nin Jɔnn nin Anduru nan dan u ban, ki baan u ke, 4“Bei ti ni, iba yoo wee ni na yin ŋa man naa? Ke ba a siɛra nan yin wɔɔn ke isaŋ foo nin ni yin gbeen naa?”
5Le u bei bi ke, “Ni li guu ni ba man, ki laa che uba n lar ni. 6Bininfob takpem le na yin dan ki ta n yinl ki yin bi ba ke bi ma ye min Yisa, ki lar bininfob takpem. 7Ni na li gbir ke bininfob tog tab bitɔb nan mal nin dindanl; amaa ni laa san bijawaami. Ni kpaan le ke ni niɛ nan biɛn ye ni tun amaa naa ye dulinya a fiim le yen ni. 8Libol nin libol na li kɔn nin tab; le nnaam miba a ninfob nin mitɔ na li to tab bitɔb. Kutingbɔŋ biɛn na li dam. Le nkom na li be. Ni na yin be le ke nmarwiɛn a piinim.
9“Ni li guu ni ba man. Bi na li choo ni ki ta ni jo bibɔjib ban ki boo ni tiwonjiɛndirin. Min bu ni na li sir ntim a ninkpeeb nin bibɔrtiib a nintogil, ki bei bi n bɔŋann ni. 10Bi na li mɔɔn tibɔŋann nmɔn ki sei libol biɛn. Le n-yonn nmɔn ni foo. 11Bi nan ta ni ki jon bibɔjib ban ke, ni laa che ni mug ni naah li pag man ni, n-yonn nmɔn nan foo ke, Kasi a Naaŋ li wɔɔn ni naah li pag man, tibɔr tan wee ni na yin pag nmɔn kaa na yin ye ni baantɔɔl a bɔri, ni na yin nya Kasi a Naaŋin ban le. 12Iyaayoo nmɔn, uninfo na li gbii u baantɔɔl a na big bu ki che bin ku u, bibaam mu na yin ŋa man le ki sei bi tɔɔl a buwaab, le nbuwaab mu na yin kɔn nin bibaam le, ki che bin ku bi. 13Le bininfob biɛn na yin nan ni le naah nɔɔm n bu. Wan mu nan fir ki jin fala nmɔn ki tan diɛ ke, u yaa daan mu li kan nŋmarim.
Tiwann tan kaa ŋan nan a bɔr
(Matiu 24:15-28; Lug 21:20-24)
14“Ni na li kan liwanbiril#13:14 Mag nan pagir liwanbirilin le, woon pag a poolin. Nan bu-n, waa nan ban Rom a yudam nbiɛ ni taai. kaah si nan yaan kaa bi ŋan nin li n sir nii ni. (Wan nan karin nsɔbim nan ke, un biɛm naah wɔɔn nan). Iyaayoo nmɔn, ban na yin be Judiya a tingbɔŋin ni, bin guun ki do ijɔɔ a paab. 15Wan mu nan be u diig a paab ke, u laa jiir ki ke u yin kɔɔ ndiin le u tan yuur niba. 16Wan mu nan be bukpaabin ke, u laa ji jir un tan yuur u daala. 17Iyaayoo nmɔn bipiipoodam nin ban jɔɔ nbuwaab ban la mɔɔ na li jɔɔ kunyunyunbaag takpem. 18Miɛ Uwonbɔr ke un laa che ni ŋa kufaag a yoo, 19Uwonbɔr kaah nan naan dulinya ki nan kpaa daandaan nan, uba kaa la nyi ki jin fala wan na yin be iyaayoo nmɔn ni, le fala uba mu kaa li nyi ki dan ki nann man ni. 20Ni ye Uyudaan kaa war fala a dam nmɔn wee i yin yab man ke, uba kaa na li ŋmari, amaa u ninfogann kaabin a nyunyunbasanl bu, u li war fala a daai nmɔn a yabim.
21“Iyaayoo nmɔn le uninfo uba nan bei ni ke, ‘Lig, Masiya nmɔn sɔ’, ki ji bei ni ke, ‘U be nin yaan’ ke, ni laa chee waah len man nmɔn ni. 22Bilinlarib na li be. Biba mu na li bei ke bi ye Masiya le. Biba mu na li len ke bi ye Uwonbɔr a linlem le. Bi na li tun ligaril a toonl nin ligaril a siɛra ki pɔɔn bi ba ki lar Uwonbɔr a ninfogannkaab. 23N pii bei ni niwann biɛn na, ke ni yoo kaa la foo. Ni li guu ni ba man.
Yisa a jirim a bɔr
(Matiu 24:29-31; Lug 21:25-28)
24“Amaa iyaayoo, limugil nan a bɔɔn,
‘nween na li bɔŋ,
le uŋmal kaa ji yin ween ni,
25le iŋmabil na yin nya papaab le ki lur,
le nan be paab biɛn na li dam dam.’#Azaya 13:10; 34:4
26Iyaayoo nmɔn bi li kan Uninfosaal a Big kaah degirin kitilangbɔŋin nin npɔɔn nin nween takpen. 27Iyaayoo nmɔn, u na yin tun malakam le kutingbɔŋ nan yaan biɛn, liwonpɔɔnl nin liwonlul, nin nnɔɔgan, nin nnɔɔjiin, wee bin lagin Uwonbɔr a ninfogannkaabin bogiliba.
Bikinkam a bɔŋal
(Matiu 24:32-35; Lug 21:29-33)
28Ni ta bikinkam ki tinn nlama man, naah ti nan kan busub nmɔn be bun tifar ke, ni biɛr ke kusiɛg foon. 29Man le ni nan kan ni niɛ nan biɛn tun ke, ni biɛ ke ni malin na, naa ji li yuuri. 30Ibamɔn le n bei ni nan, daandaan nan a ninfob kaa yin kpo biɛn ni le nan be nan n tun. 31Papaab nin tum na li jo, amaa n bɔr nan kaa li nyi ki jo.
Uba kaa nyi Yisa a jirin daali
(Matiu 24:36-44)
32“Uba kaa nyi lidaal nmɔn ni bee n-yonn man wee n li jirin ni. Malakam ban be Uwonbɔr a niin nan kaa nyi, min Uwonbɔr a Bija mu kaa nyi; see Uwonbɔr a binba le nyi. 33Ni li guu man, ki li ka lig naah kaa nyi lidaal man wee n na yin jirin ni bu. 34Ni na yin be le ke uja uba kaah yin nya u niin ki jo nsan man fɔg a dann le, ki bei u buwaab ke bi li ŋmag iniin ni nbamɔm le ki por bi biɛn nan nin bi toon, ki sin bei u niin guurin ke u li guu wee ki sin yaar jon u samin le.
35“Ni mu li guu man, nan bu-n naa nyi lidaal man wee ni yudaau yin jirin ni, niba ke kujɔɔg, bee kunyiɛgtasiig, bee kutaayɔg, bee njakpiin. 36Ni ye u nan jirin weem ke, naa ŋan ni u nan kan ni n miin ni jiɛn ni. 37Mambu, maah bei ni man nan, man le n bei uninfo biɛn, ni li guu man.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Komba New Testament © Bible Society of Ghana, 2014.