Romans 9
9
God-lu Iñuksraqtaaŋiḷu
1Atausiŋŋuqatauŋavluŋa Christ-mun sagluŋitchuŋa, aglaan uqaqtuŋa iḷumun ittuamik. Ilitqusiġiksuavlu nalupqisuktinŋitkaaŋa iḷumun uqaqtilaamnik inna. 2Isumaaġutiqpaqaqtuŋa suli ataramik ipiqtusuutiqaqłuŋa iḷumni pisigivlugich Jew-guqatitka, nanmiñitka. 3Qanuq piñaġumiñaqpan, qanuġlugich annaurrauyumiñaqpata Jew-guqatitka uvaŋa tammaġnipkun piiqsauluŋa Christ-miñ, tainna pitqurriñayaqtuŋa. 4#Ex 4.22.Iliŋich kiŋuniġigai Israel-gum, suli God-im ququaŋakkaŋi miqłiqtuġisukługich. Tautuŋarut qaumanġanik nayuqłiataata God-im. Aitchuusiaqaŋammiut God-im sivunniuġutiŋiñik pitquraniglu nalaunŋaruakun iñuuniaġutiksranik, qanuġlu aŋaiyyuniksraŋatigun God-mun, unniqsuqłiisiŋiñiglu God-im. 5Maŋŋuqaqtut kamanaqtuanik aapanik, maŋŋuqaqatigimmigaat timikun Christ, atanniqsimanniktuaq supayaanik, God-auruaq nanġagaksrauruq isuitchuamun. Amen.
6God-im uqaluŋi anniqsuutauŋaiŋaitchut pisigigiññaġlugu iḷaŋich Israel-guruat ukpiŋiññiḷugich. Qanuq Israel kiŋuniŋisa iḷaŋich Israel-gupiaġataŋitchut, 7#Gn 21.12.tamatkiġḷugich Abraham kiŋuniŋi miqłiqtuliqsuutinaġumiñaitchut ilaanun, qanuq Bible-ni uqallaun ittuq, “Iġñipkun Isaac-kuaqtuat kisimik taiñaġniaqtut miqłiqtuġnik.” 8Taamna sivuniqaqtuq tamatkiġḷugich Abraham kiŋuniŋi miqłiqtuġiŋitkai God-im, aglaan kisiisa miqłiqtut aniruat Isaac-kun, tuvraqługu God-im unniqsuqłiisaa Abraham-mun. 9#Gn 18.10.Qanuq inna God uqallaŋaruq unniqsuqłiiñmiñi, “Ukiutqigu tainnaiḷikpan, qaiñiaqtuŋa aasii Sarah iġñiqaġniaqtuq.”
10Aasiisuli, Isaac maŋŋuqput aŋutiġuġman tuvaaqatinikłuni Rebecca-mik, Rebecca unniqsuqłiisiaqaŋammiuq malġiagni aniŋaiñŋaaŋnik. 11#Gn 25.23.Aniŋaiñŋaġmik nakuurualiqisaŋaitkaluaqtuk naagga pigiitchualiqilutiŋ. Taimani God unniqsuqłiiŋaruq sivunniuġutini iñuksraqtuġnikun igliquvlugu. Aasii iñuksralaitchuq pisigilugu iñuuniaġniġmi piḷġusiat, aglaan iñuksraqtaaġigai sivuniġmigun. 12Tavra Rebecca uqallausiaqaŋaruq, “Aŋayukłium savautiniaġaa nukaqłiq.” 13#Ml 1.2, 3.Aglausimammiuq Bible-ni God uqallaŋnivḷugu inna, “Jacob piviuttaġiŋagiga, aglaan Esau pisuŋiñŋagiga.”
14Tainna God piŋaniġman, uqallakkumiñaqpisa God nalaunŋiññiḷugu? Naaggapiaġataq. 15#Ex 33.19.Qanuq ilaa uqallaŋaruq Moses-mun, “Nagliktuutiqaġniaqtuŋa kimun pisukkuma, tuvraġlugu uvaŋa pisuutiga.” 16Tavra God iñuksraġuuruq pisigisuŋaġnagu piksraqtaagusugniŋat, naaggaunnii pisigisuŋaġnagu piḷḷuataġniŋat, aglaan pisigivlugu ilaan nagliktuutini. 17#Ex 9.16.Urriqativsaaq Bible-ni ittuq God-im uqalua Pharaoh-mun, “Uvaŋa umialliutiŋagikpiñ Egypt-mun salapqiġukługu suaŋŋatiga ilipkun, nunam iñuŋi iḷitchuġitquvlugich iḷumun God-autilaamnik.” 18Tavraasii God naglikkutiqallaruq kimupayaaq pisukami, suli uqaqsiġiiḷipkallavlugu kiñapayaaq pisukami.
God-im Tatavsautaa Nagliktuutaalu
19Uqallagniaġmiusi uvamnun, God-im pisuutaa akiḷḷiḷiqsulgunaiñman, summan God-im pasivagich iñuich piḷġusiŋisigun? 20#Is 29.16; 45.9.Aŋutaunasugirutin uvvai, kiumayumiñaġlugu God? Sum uuma suliaguruam uqallautiyumiñaqpauŋ suġuqtitini inna, Summan uvva inna savakpiŋa? 21Uvva urriqan. Iñuk savaaqaqtuaq qikuyyamik piḷiyumiñaqtuq supayauramik pisukkumi. Akutamiñ atautchimiñ utkutchiyumiñaqtuq qiñiyunaqsiḷugu aasiisuli allamik suaqłukuviksramik.
22Tavra tainnatun God-im piyumiñaġai iñuich qanuq pisukkumigich. Qiñuiqł̣uni igḷutullagai iñuich nalliummatiliġaluaqtuat suksraunġiqsauruksraġuqłutiŋ, iḷaannigutaaġukkumiuŋ aquvatigun ilaan qinnautini suaŋŋatiniḷu iliŋiññun. 23Taamna piyumiñaġaa iḷisimanaqsisukługu uuktuġnaġumiñaitchuaq suaŋŋatini iñuŋnun aitchuusiaqaqtuanun nagliktuunmiñik. Aasii taapkua iñuich piksraqtaaġiŋagai aniŋaiñŋaisaunnii iñuutquvlugich qiḷaŋmi. 24Taapkuagurugut iñuich uvva uvagut, God-im ququaŋakkaŋi, Jew-niñ kisian piŋaitchut aglaan Jew-guŋitchuaniḷḷu. 25#Ho 2.23.Taamna iḷumun ittuq aglausimaruatun Hosea-mi, God-im uqallautaa inna,
“Tamatkua iñugiŋitkaluaŋaratka
taiñiaġitka uvaŋa iñumnik,
suli tamatkua piqpagiraiñŋaruat
taiñiaġitka uvaŋa piqpagiramnik.
26 #
Ho 1.10. Suli taavrumani inimi uqallausiaqaġvigiŋakkaŋanni, Iñugiŋitkivsi,
iḷisimanaqsiñiaqtut miqłiqtuġitilaaŋat iñuuruamun God-mun.”
27 #
Is 10.22, 23. Suli Isaiah nipatusivḷuni uqaŋammiuq sivuniġivlugich Israel-guruat, “Iġñiŋi Israel iñugiaktilaaqaġluqtutunnii qaviaŋatun siñaata taġium, iñukisuurat annaurrauniaqtut.” 28Qanuq Atanġum tatavsaġniaġai nunam iñuŋi suamaruamik kayumiktuamiglu suksraunġiunmik. 29#Is 1.9.Isaiah suli uqallavsaaŋaruq, “Atanġata isaġulisalaich iḷakutchiŋisuaqpatigut iñułauranik, kiŋuyumiñaŋagaluaqtugut Sodom-tun Gomorrah-tullu.”
Israel-guruallu Tusaayugaaġiksuaġlu
30Sumik tamatkua iluqaġmiŋ sivuniqaqpat? Sivuniqaqtut Jew-guŋitchuat nalaunŋasiñiataŋitchuat God-im pitquraŋigun, nalaunŋasipkaqtauŋarut pisigivlugu ukpiġutaat. 31Sivuniqaġmiuq suli Israel-guruat, nalaunŋasiñiataŋarut tuvraqługich God-im pitquraŋi qaisaŋi Moses-mun, aasii nalaunŋasipkaqtauŋaitchut. 32Nalaunŋasipkaqtauŋaitchut qanuq nalaunŋasiñiatakłutiŋ kamagilugich pitqurat, ukpiġigaluaġnagu Christ. Aasii ukpiŋiññamiŋ putukkiñmatun piŋarut putukkisaunmun uyaġaŋmun. 33#Is 28.16.Taamna aglausimaruq Bible-ni inna, “Uvva Zion-mun iḷigiga uyaġak iñuich puukaqtautiksraŋat, uyaġak puukaqtaqtitchiruksraq iliŋiññik. Aasii iñuk ukpiqtuaq Christ-mun, uyaġaktun ittuamun, nunuuraliġumiñaipiaqtuq.”
ទើបបានជ្រើសរើសហើយ៖
Romans 9: INUPIAQ
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
Romans 9
9
God-lu Iñuksraqtaaŋiḷu
1Atausiŋŋuqatauŋavluŋa Christ-mun sagluŋitchuŋa, aglaan uqaqtuŋa iḷumun ittuamik. Ilitqusiġiksuavlu nalupqisuktinŋitkaaŋa iḷumun uqaqtilaamnik inna. 2Isumaaġutiqpaqaqtuŋa suli ataramik ipiqtusuutiqaqłuŋa iḷumni pisigivlugich Jew-guqatitka, nanmiñitka. 3Qanuq piñaġumiñaqpan, qanuġlugich annaurrauyumiñaqpata Jew-guqatitka uvaŋa tammaġnipkun piiqsauluŋa Christ-miñ, tainna pitqurriñayaqtuŋa. 4#Ex 4.22.Iliŋich kiŋuniġigai Israel-gum, suli God-im ququaŋakkaŋi miqłiqtuġisukługich. Tautuŋarut qaumanġanik nayuqłiataata God-im. Aitchuusiaqaŋammiut God-im sivunniuġutiŋiñik pitquraniglu nalaunŋaruakun iñuuniaġutiksranik, qanuġlu aŋaiyyuniksraŋatigun God-mun, unniqsuqłiisiŋiñiglu God-im. 5Maŋŋuqaqtut kamanaqtuanik aapanik, maŋŋuqaqatigimmigaat timikun Christ, atanniqsimanniktuaq supayaanik, God-auruaq nanġagaksrauruq isuitchuamun. Amen.
6God-im uqaluŋi anniqsuutauŋaiŋaitchut pisigigiññaġlugu iḷaŋich Israel-guruat ukpiŋiññiḷugich. Qanuq Israel kiŋuniŋisa iḷaŋich Israel-gupiaġataŋitchut, 7#Gn 21.12.tamatkiġḷugich Abraham kiŋuniŋi miqłiqtuliqsuutinaġumiñaitchut ilaanun, qanuq Bible-ni uqallaun ittuq, “Iġñipkun Isaac-kuaqtuat kisimik taiñaġniaqtut miqłiqtuġnik.” 8Taamna sivuniqaqtuq tamatkiġḷugich Abraham kiŋuniŋi miqłiqtuġiŋitkai God-im, aglaan kisiisa miqłiqtut aniruat Isaac-kun, tuvraqługu God-im unniqsuqłiisaa Abraham-mun. 9#Gn 18.10.Qanuq inna God uqallaŋaruq unniqsuqłiiñmiñi, “Ukiutqigu tainnaiḷikpan, qaiñiaqtuŋa aasii Sarah iġñiqaġniaqtuq.”
10Aasiisuli, Isaac maŋŋuqput aŋutiġuġman tuvaaqatinikłuni Rebecca-mik, Rebecca unniqsuqłiisiaqaŋammiuq malġiagni aniŋaiñŋaaŋnik. 11#Gn 25.23.Aniŋaiñŋaġmik nakuurualiqisaŋaitkaluaqtuk naagga pigiitchualiqilutiŋ. Taimani God unniqsuqłiiŋaruq sivunniuġutini iñuksraqtuġnikun igliquvlugu. Aasii iñuksralaitchuq pisigilugu iñuuniaġniġmi piḷġusiat, aglaan iñuksraqtaaġigai sivuniġmigun. 12Tavra Rebecca uqallausiaqaŋaruq, “Aŋayukłium savautiniaġaa nukaqłiq.” 13#Ml 1.2, 3.Aglausimammiuq Bible-ni God uqallaŋnivḷugu inna, “Jacob piviuttaġiŋagiga, aglaan Esau pisuŋiñŋagiga.”
14Tainna God piŋaniġman, uqallakkumiñaqpisa God nalaunŋiññiḷugu? Naaggapiaġataq. 15#Ex 33.19.Qanuq ilaa uqallaŋaruq Moses-mun, “Nagliktuutiqaġniaqtuŋa kimun pisukkuma, tuvraġlugu uvaŋa pisuutiga.” 16Tavra God iñuksraġuuruq pisigisuŋaġnagu piksraqtaagusugniŋat, naaggaunnii pisigisuŋaġnagu piḷḷuataġniŋat, aglaan pisigivlugu ilaan nagliktuutini. 17#Ex 9.16.Urriqativsaaq Bible-ni ittuq God-im uqalua Pharaoh-mun, “Uvaŋa umialliutiŋagikpiñ Egypt-mun salapqiġukługu suaŋŋatiga ilipkun, nunam iñuŋi iḷitchuġitquvlugich iḷumun God-autilaamnik.” 18Tavraasii God naglikkutiqallaruq kimupayaaq pisukami, suli uqaqsiġiiḷipkallavlugu kiñapayaaq pisukami.
God-im Tatavsautaa Nagliktuutaalu
19Uqallagniaġmiusi uvamnun, God-im pisuutaa akiḷḷiḷiqsulgunaiñman, summan God-im pasivagich iñuich piḷġusiŋisigun? 20#Is 29.16; 45.9.Aŋutaunasugirutin uvvai, kiumayumiñaġlugu God? Sum uuma suliaguruam uqallautiyumiñaqpauŋ suġuqtitini inna, Summan uvva inna savakpiŋa? 21Uvva urriqan. Iñuk savaaqaqtuaq qikuyyamik piḷiyumiñaqtuq supayauramik pisukkumi. Akutamiñ atautchimiñ utkutchiyumiñaqtuq qiñiyunaqsiḷugu aasiisuli allamik suaqłukuviksramik.
22Tavra tainnatun God-im piyumiñaġai iñuich qanuq pisukkumigich. Qiñuiqł̣uni igḷutullagai iñuich nalliummatiliġaluaqtuat suksraunġiqsauruksraġuqłutiŋ, iḷaannigutaaġukkumiuŋ aquvatigun ilaan qinnautini suaŋŋatiniḷu iliŋiññun. 23Taamna piyumiñaġaa iḷisimanaqsisukługu uuktuġnaġumiñaitchuaq suaŋŋatini iñuŋnun aitchuusiaqaqtuanun nagliktuunmiñik. Aasii taapkua iñuich piksraqtaaġiŋagai aniŋaiñŋaisaunnii iñuutquvlugich qiḷaŋmi. 24Taapkuagurugut iñuich uvva uvagut, God-im ququaŋakkaŋi, Jew-niñ kisian piŋaitchut aglaan Jew-guŋitchuaniḷḷu. 25#Ho 2.23.Taamna iḷumun ittuq aglausimaruatun Hosea-mi, God-im uqallautaa inna,
“Tamatkua iñugiŋitkaluaŋaratka
taiñiaġitka uvaŋa iñumnik,
suli tamatkua piqpagiraiñŋaruat
taiñiaġitka uvaŋa piqpagiramnik.
26 #
Ho 1.10. Suli taavrumani inimi uqallausiaqaġvigiŋakkaŋanni, Iñugiŋitkivsi,
iḷisimanaqsiñiaqtut miqłiqtuġitilaaŋat iñuuruamun God-mun.”
27 #
Is 10.22, 23. Suli Isaiah nipatusivḷuni uqaŋammiuq sivuniġivlugich Israel-guruat, “Iġñiŋi Israel iñugiaktilaaqaġluqtutunnii qaviaŋatun siñaata taġium, iñukisuurat annaurrauniaqtut.” 28Qanuq Atanġum tatavsaġniaġai nunam iñuŋi suamaruamik kayumiktuamiglu suksraunġiunmik. 29#Is 1.9.Isaiah suli uqallavsaaŋaruq, “Atanġata isaġulisalaich iḷakutchiŋisuaqpatigut iñułauranik, kiŋuyumiñaŋagaluaqtugut Sodom-tun Gomorrah-tullu.”
Israel-guruallu Tusaayugaaġiksuaġlu
30Sumik tamatkua iluqaġmiŋ sivuniqaqpat? Sivuniqaqtut Jew-guŋitchuat nalaunŋasiñiataŋitchuat God-im pitquraŋigun, nalaunŋasipkaqtauŋarut pisigivlugu ukpiġutaat. 31Sivuniqaġmiuq suli Israel-guruat, nalaunŋasiñiataŋarut tuvraqługich God-im pitquraŋi qaisaŋi Moses-mun, aasii nalaunŋasipkaqtauŋaitchut. 32Nalaunŋasipkaqtauŋaitchut qanuq nalaunŋasiñiatakłutiŋ kamagilugich pitqurat, ukpiġigaluaġnagu Christ. Aasii ukpiŋiññamiŋ putukkiñmatun piŋarut putukkisaunmun uyaġaŋmun. 33#Is 28.16.Taamna aglausimaruq Bible-ni inna, “Uvva Zion-mun iḷigiga uyaġak iñuich puukaqtautiksraŋat, uyaġak puukaqtaqtitchiruksraq iliŋiññik. Aasii iñuk ukpiqtuaq Christ-mun, uyaġaktun ittuamun, nunuuraliġumiñaipiaqtuq.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)