Romans 12
12
Iñuusiq Savautivlugu God
1Tavra aniqatiit, God nagliktauniġman, qapiŋaisaaġivsi aitchuutigitquvlugich timisi God-mun. Iñuich aitchuimmatun niġrutinik ikipkautiksranik God-mun, aasii tamatkua niġrutit payaappauruksrauŋitchut akuqtuġnaġumiñaġniaġumiŋ, tavraliasii qapiŋaisaaġivsi aitchuutigitquvlugich timisi God-mun, iñuuruanik aitchuimmatun piḷuutaitchuanik akuqtuġnaġumiñaqtuanik ilaanun. Tainnauvva pikavsi, aŋaiyyuvigipiaġiksi God. 2Tuvraġnagich nunam iñuŋisa piḷġusiŋich. Aglaan isumasitchi nutauruanik isumanik iluqani iñuusiqsi allaŋŋuġumauq. Tavra iḷitchuġiniaqtusi nalupqinaiġḷugu suna God-mun pisuutigitilaaŋanik, suvlu nakuutilaaŋanik, akuqtuġnaġumiñaqtuamiglu God-mun, suli qanupiaġataq God-mun iñuutqutilaaqsi.
3Alġaqsruirauvluŋa tiliraŋa God-im uqallautigivsi uumiŋa. Nalliqsiunnii piġuqtiġnani naumasiḷuni, aglaan isummatigisitchi ilivsiññik nalaunŋaruakun, isivġiġḷugu nalaunŋaruakun piḷḷakkaqsi, God-im aitchuutaa ukpiliqavsi Christ-mun. 4#1 Co 12.12.Tavra atautchim iñuum timaa iñugiaktuanik sulliñiqaġmatun, aasii sulliñillaaŋi timim inmikkullaa atuġnaqłutiŋ. 5Tainnatuttauq uvagut inmiugut. Iñugiakkaluaqłuta, timitun atautchisun ittugut, qanuq atausiŋŋuqatigiŋagikput Christ. Aasii avanmun anniqsuutigiiksuksraurugut. 6#1 Co 12.4-11.God-im nagliktuutiqpaŋagun aitchuusiaqallarugut allakaaġiiñik aitchuusianik, tavraasii atuġlavut. Iñuk aitchuusiaqaġniġumi uqaqtauniġ mik God-mun, uqaqtuaġli tuvrapiaġlugu qanuq God-im puttuqsripkaqpani ukpiġunmigun. 7Iñugli alla aitchuusiaqaġniġumi savaurriñiġmik allanik, savautiligich piyummatiqaġluni. Iñugli aitchuusiaqaġniġumi iḷisaurriñiġmik, iḷisaurriḷḷuataġli. 8Allali iñuk aitchuusiaqaġniġumi siḷġiqsuiñiġmik, siḷġiqsuiḷḷuataġli. Iñuglivsauq aitchuusiaqaġniġumi maniŋñik aitchuiḷḷaluni, aitchuiḷi siŋñataiġḷuni, nanġausiaksraqsiuŋaiġḷuniḷu iñuŋniñ. Allalivsauq aitchuusiaqaġniġumi umialiŋnauniġmik aŋaiyyuliqiruanun, atanniqsimannigli piḷḷuataġluni. Iñuk aitchuusiaqaġniġumi nagliktauniġmik allanun, piḷiuŋ taamna quviasuutigilugu.
9Piviuttaġisigik iñuich iḷumutun. Uumigisiuŋ pigiitchuaq, nakuurualiqillatusitchi. 10Piviuttaqqutisitchi avanmun, aniqatigiich piviuttaqqutimmatun avanmun. Nanġaġumałhaaqsigik allat nanġausiaqałhaaġniġmiñ ilivsi allaniñ. 11Suuramikunnii iqiakkiutinagu savaaqsi, aglaan savautisiuŋ Ataniq piyumalaaġlusi. 12Quviasugitchi niġiugnivsiññi isuitchuamik iñuggunmik. Qiñuitchitchi iłuiḷḷiuġutiqpaŋmi. Aŋaiyyumaruagusitchi. 13Ikayuqsigik iñuich piiḷḷiuqtuat ilaaguaqtauŋaruat God-mun, tukkuliiñiq piḷġusiġisiuŋ.
14 #
Mt 5.44; Lk 6.28. Apiġisiuŋ God nagligitqulugich tamatkua nagliksaaqtitchiruat ilivsiññik, apiqsrisiŋaiġḷugich God-mun tatavsaqulugich. 15Quviasuqatigisigik quviasuktuat. Isumaaqatigisigik isumaaqtuat. 16#Pr 3.7.Iñuuniaqatigiigitchi atilusi avanmun, piġuqtiġnasi, aglaan piqasiqsuutisitchi kamasaaŋitchuanun. Isummatiginasi ilivsiññik iḷisimanasugalugich supayaurat.
17Iñuum pimaqłukpasi, akisaġnasi pimaqłuunmik iliŋiññun. Iñuulluataġitchi iñuich iluqaġmiŋ iḷisimayumaut nakuutilaavsiññik. 18Qanaaqatigitchaiḷiuŋ kiñapayaaq piyumiñaqtilaaqtun. Aguirrutaunak qanaaġutiksramun. 19#Dt 32.35.Piviuttaġirauruasii, akisautinasi ilivsiññik, aglaan God-im tatavsaġligich pimaqłuktairuat ilivsiññik, qanuq aglausimaruq Bible-ni, God uqallaŋaruq inna, “Nalaunŋaruamik piñiaqtuŋa. Uvaŋa akisaurriñiaqtuŋa.” 20#Pr 25.21, 22.Aglaan, “Pimaqłuktaqtin kaakpan, niġipkaġuŋ. Imiġukpan, imiqtirruŋ. Tainna piguvich, kanŋutchaktinniaġiñ pimaqłuktaiñiŋagun iliŋnik.” 21Pigiitchuamun akiiḷipkaġnasi, aglaan pigiitchuaq akiiḷisiuŋ nakuurualiqilusi.
ទើបបានជ្រើសរើសហើយ៖
Romans 12: INUPIAQ
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
Romans 12
12
Iñuusiq Savautivlugu God
1Tavra aniqatiit, God nagliktauniġman, qapiŋaisaaġivsi aitchuutigitquvlugich timisi God-mun. Iñuich aitchuimmatun niġrutinik ikipkautiksranik God-mun, aasii tamatkua niġrutit payaappauruksrauŋitchut akuqtuġnaġumiñaġniaġumiŋ, tavraliasii qapiŋaisaaġivsi aitchuutigitquvlugich timisi God-mun, iñuuruanik aitchuimmatun piḷuutaitchuanik akuqtuġnaġumiñaqtuanik ilaanun. Tainnauvva pikavsi, aŋaiyyuvigipiaġiksi God. 2Tuvraġnagich nunam iñuŋisa piḷġusiŋich. Aglaan isumasitchi nutauruanik isumanik iluqani iñuusiqsi allaŋŋuġumauq. Tavra iḷitchuġiniaqtusi nalupqinaiġḷugu suna God-mun pisuutigitilaaŋanik, suvlu nakuutilaaŋanik, akuqtuġnaġumiñaqtuamiglu God-mun, suli qanupiaġataq God-mun iñuutqutilaaqsi.
3Alġaqsruirauvluŋa tiliraŋa God-im uqallautigivsi uumiŋa. Nalliqsiunnii piġuqtiġnani naumasiḷuni, aglaan isummatigisitchi ilivsiññik nalaunŋaruakun, isivġiġḷugu nalaunŋaruakun piḷḷakkaqsi, God-im aitchuutaa ukpiliqavsi Christ-mun. 4#1 Co 12.12.Tavra atautchim iñuum timaa iñugiaktuanik sulliñiqaġmatun, aasii sulliñillaaŋi timim inmikkullaa atuġnaqłutiŋ. 5Tainnatuttauq uvagut inmiugut. Iñugiakkaluaqłuta, timitun atautchisun ittugut, qanuq atausiŋŋuqatigiŋagikput Christ. Aasii avanmun anniqsuutigiiksuksraurugut. 6#1 Co 12.4-11.God-im nagliktuutiqpaŋagun aitchuusiaqallarugut allakaaġiiñik aitchuusianik, tavraasii atuġlavut. Iñuk aitchuusiaqaġniġumi uqaqtauniġ mik God-mun, uqaqtuaġli tuvrapiaġlugu qanuq God-im puttuqsripkaqpani ukpiġunmigun. 7Iñugli alla aitchuusiaqaġniġumi savaurriñiġmik allanik, savautiligich piyummatiqaġluni. Iñugli aitchuusiaqaġniġumi iḷisaurriñiġmik, iḷisaurriḷḷuataġli. 8Allali iñuk aitchuusiaqaġniġumi siḷġiqsuiñiġmik, siḷġiqsuiḷḷuataġli. Iñuglivsauq aitchuusiaqaġniġumi maniŋñik aitchuiḷḷaluni, aitchuiḷi siŋñataiġḷuni, nanġausiaksraqsiuŋaiġḷuniḷu iñuŋniñ. Allalivsauq aitchuusiaqaġniġumi umialiŋnauniġmik aŋaiyyuliqiruanun, atanniqsimannigli piḷḷuataġluni. Iñuk aitchuusiaqaġniġumi nagliktauniġmik allanun, piḷiuŋ taamna quviasuutigilugu.
9Piviuttaġisigik iñuich iḷumutun. Uumigisiuŋ pigiitchuaq, nakuurualiqillatusitchi. 10Piviuttaqqutisitchi avanmun, aniqatigiich piviuttaqqutimmatun avanmun. Nanġaġumałhaaqsigik allat nanġausiaqałhaaġniġmiñ ilivsi allaniñ. 11Suuramikunnii iqiakkiutinagu savaaqsi, aglaan savautisiuŋ Ataniq piyumalaaġlusi. 12Quviasugitchi niġiugnivsiññi isuitchuamik iñuggunmik. Qiñuitchitchi iłuiḷḷiuġutiqpaŋmi. Aŋaiyyumaruagusitchi. 13Ikayuqsigik iñuich piiḷḷiuqtuat ilaaguaqtauŋaruat God-mun, tukkuliiñiq piḷġusiġisiuŋ.
14 #
Mt 5.44; Lk 6.28. Apiġisiuŋ God nagligitqulugich tamatkua nagliksaaqtitchiruat ilivsiññik, apiqsrisiŋaiġḷugich God-mun tatavsaqulugich. 15Quviasuqatigisigik quviasuktuat. Isumaaqatigisigik isumaaqtuat. 16#Pr 3.7.Iñuuniaqatigiigitchi atilusi avanmun, piġuqtiġnasi, aglaan piqasiqsuutisitchi kamasaaŋitchuanun. Isummatiginasi ilivsiññik iḷisimanasugalugich supayaurat.
17Iñuum pimaqłukpasi, akisaġnasi pimaqłuunmik iliŋiññun. Iñuulluataġitchi iñuich iluqaġmiŋ iḷisimayumaut nakuutilaavsiññik. 18Qanaaqatigitchaiḷiuŋ kiñapayaaq piyumiñaqtilaaqtun. Aguirrutaunak qanaaġutiksramun. 19#Dt 32.35.Piviuttaġirauruasii, akisautinasi ilivsiññik, aglaan God-im tatavsaġligich pimaqłuktairuat ilivsiññik, qanuq aglausimaruq Bible-ni, God uqallaŋaruq inna, “Nalaunŋaruamik piñiaqtuŋa. Uvaŋa akisaurriñiaqtuŋa.” 20#Pr 25.21, 22.Aglaan, “Pimaqłuktaqtin kaakpan, niġipkaġuŋ. Imiġukpan, imiqtirruŋ. Tainna piguvich, kanŋutchaktinniaġiñ pimaqłuktaiñiŋagun iliŋnik.” 21Pigiitchuamun akiiḷipkaġnasi, aglaan pigiitchuaq akiiḷisiuŋ nakuurualiqilusi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)