Acts 23
23
1Tavra takunnaqługich uqaqsitaaqtitchirit Paul uqallaŋaruq, Aniqatiit, uvlupaŋmun-aglaan isumamni piitchuŋa naġġutchaunmik iluqaagun iñuuniaġnipkun sivuġaani God-im. 2Tavra aŋaiyyuliqsiqpaich qaukłiata Ananias-gum piraksriŋagai tamatkua makitaruat saniġaani patiquvlugu Paul qanġagun. 3#Mt 23.27, 28.Tavra Paul-gum uqallautiŋagaa, Isivġiqsauŋŋuaqtuatiin, God-im nalupqinaitchuq tatavsaġniaġaatin. Aquppirutin isivġiġukłuŋa pitquratigun, aasiiñ ilivich kipuqłakługich pitqurat piraksriirutin patiquvluŋa. 4Tamatkua makitaruat saniġaani uqallaŋarut Paul-mun, Uqamaqłuutigiñ aŋaiyyuliqsiqpaich qaukłiat, God-im kivgaŋa. 5#Ex 22.28.Tavra Paul kiuŋagai, Aniqatiit, naluruŋa aŋaiyyuliqsiqpaŋnun qaukłiġitilaaŋanik. Qanuq aglausimaruq Bible-ni inna, “Uqautiginiaŋitkiñ pigiiḷiḷugu atanauraŋat iñukpich.”
6 #
Ac 26.5; Phil 3.5. Tavra Paul iḷitchuġikami kasimaruat alġaiŋich Sadducee-guniġmata, aasii alġaiŋich Pharisee-guvlutiŋ, uqallaŋaruq nipatusivḷuni uqaqsitaaqtitchiriñun, Aniqatiit, uvaŋa Pharisee-guruŋa, iġñiŋa Pharisee-m. Isivġiġaanŋa uvani pisigivlugu niġiugikapkich tuquŋaruat aŋiñiaġnivḷugich. 7Tavra taamna uqallausiġipqauraġmagu, Pharisee-ḷḷu Sadducee-ḷḷu qanaarraqsiŋarut, aasii kasimaruat atiŋaiŋarut. 8#Mt 22.23; Mk 12.18; Lk 20.27.Qanuq Sadducees uqaġuurut iñuich aŋiniaŋiññivḷugich tuqqunmiñ, isaġulgiññivḷugulu ilitqusiiññivḷugulu, aglaalli Pharisees iluqaisa ukpiġivlugich innivḷugich. 9Tavra kasimaruat nipatusisaiññaŋarut, aasii iḷaŋich iḷisaurrit pitquranik iḷauruat Pharisee-ñun makinŋarut, aasii qapiqtaiḷiqpakłutiŋ uqaqłutiŋ, Iḷitchuġiŋitchugut suuramik-unnii piḷuktuamik uumani iñuŋmi. Iḷaanniḷuunnii ilitqutchim naagga isaġulgum uqautipiaŋagaa. 10Tavra uqavaaqtuat suammaŋmata, qaukłiat aŋuyaktit anayatchaŋaruq Paul siquvrataġinasugalugu iliŋiññun. Tavraasii piraksriŋagai aŋuyaktini atqaquvlugich kasimaruanun aullautitquvlugu Paul, aasii itqutilugu aŋuyaktit igluŋiññun.
11Taavrumani unnuami Ataniq makinŋaruq saniġaanun Paul aasii uqallautivlugu, Qapiŋanak. Quliaqtuaġimmatuttauq Jerusalem-mi, quliaqtuaġiraksraġiniaġmigiŋma Rome-mi.
Sivunniuġun Tuqutchukługu Paul
12Uvlaaġmagu Jew-guruat kasimavlutiŋ sivunniuŋarut unniqsuqłiipiaġataqłutiŋ niġiyumiñaiññivḷutiŋ imiġuraġumiñaiññivḷutiglu tuqutqaaŋaunnagu Paul. 13Sippaqaŋaruq malġukipiaq iñuich sivunniuqatigiiksuat taavrumiŋa. 14Tavra iliŋich ullautiŋarut aŋaiyyuliqsiqpaŋnun umialiŋnanullu, aasii uqallakłutiŋ, Pisaġisapiaġataqługu unniqsuqłiipiaġataŋarugut uvaptiŋnik niġiyumiñaiqł̣uta suuramik-unnii tuqunŋaunnagu Paul. 15Ilivsiasii piqasiġḷusi uqaqsitaaqtitchiriñik, kilikkumagiksi Rome-miut aŋuyaktiŋisa qaukłiat qaġġisitqulugu Paul ilivsiññun, sivunnimmaġiksaaġugniḷugu pimaqłuutaa. Uvagut itqanaiññiaqtugut tuqutchuglugu tavruŋa tikiñŋaiñŋaan.
16Tavra Paul-gum uyuġua tusaaŋaruq sivunniuġutaannik, aasii isiqłuni aŋuyaktit igluannun kiliŋagaa Paul. 17Tavra Paul ququaŋagaa iḷaŋat aŋuyaktit atanauraŋisa aasii uqallautivlugu, Una nukatpiaq aŋuyaktit qaukłiannuuttuuŋ. Samma uqallautiksraqaqtuq ilaanun. 18Tavra aŋuyaktit atanauraŋata qaġġisiŋagaa qaukłiannun aŋuyaktit aasii uqallakłuni, Paul-gum tigutaaqtam ququakkaŋanii aasii apiġivluŋa qaġġisitquvlugu una nukatpiaq iliŋnun. Samma uqallautiksraqaqtuq sumik iliŋnun. 19Aŋuyaktit qaukłiata tasirriutivlugu asivaqtaaġutiŋagaa, aasii apiġivlugu iñuił̣aami, Sumik uqallautisuktaġma? 20Tavra nukatpiam uqallautiŋagaa, Jew-guruat sivunniŋarut apiġisukłutin qaġġisitqulugu Paul uqaqsitaaqtitchiriñun uvlaakun, apiqsruqtuġumaŋŋuaġlugu pasiummaġiksaaġlugu. 21Aglaan aŋiġnagich, qanuq malġukipiaq iñuich sippalik iriqsimaniaqtut utaqqiḷugu Paul. Taapkua unniqsuqłiipiaġataŋarut niġiyumiñaiññivḷutiŋ imiġumiñaiññivḷutiglu tuqutqaaŋaunnagu Paul, aasii paŋmapak itqanaitchut taamna pisukługu, utaqqirullu sivunniutiksraġnik. 22Tavra aŋuyaktit qaukłiata anipkaŋagaa nukatpiaq piraksriqł̣ugu, Uqallautinagu kiñapayaaq kiliŋniḷuŋa taavrumiŋa.
Paul Aullaqtitkaat Felix-mun Kavanauruamun
23Tavra aŋuyaktit qaukłiata qaitquŋagik malġuk aŋuyaktit atanauraŋik, aasii uqallautivlugik, Itqanaiyaġitchik 200-mik aŋuyaktinik aullaqtuksranik Caesarea-mun, piqasiġḷugich 70 tuttuqpaŋni kakaksiqsuanik, 200-niglu panaliraqtuanik, aasii itqanaitchumausi aullaġumiñaqsiḷusi nainukłaaqpan unnuapak. 24Suli kakaksiġviqaqtitchumagiksi Paul, aasii tikiutilugu sugaluaġnagu Felix-mun kavanauruamun. 25Tavra aŋuyaktit qaukłiat tuyuksriuŋaruq inna ittuanik. 26Claudias Lysias, Kamanaqtuamun kavanamun Felix-mun, paġlan. 27Unauvva iñuk Jew-guruat tigguġluŋakkaŋat tuqutchaqługu. Ullaŋagitka aŋuyaktiliraqłuŋa aasii annautivlugu, iḷitchuġivlugu Rome-miunun iḷautilaaŋa. 28Aasii kipiġniuġutigivlugu iḷitchuġisukługu pasikkutaat uqautikkusiaŋa, qaġġisiŋagiga uqaqsitaaġviannun. 29Iḷitchuġiŋaruŋa sumik piŋaisilaaŋanik tuqqutauyumiñaqtuamik naaggaunnii tigutaaġutauyumiñaqtuamik. Pasiŋagaat apiqqutitigun pitquramiŋniittuatigun. 30Tavra kiliŋmanŋa Jew-guruanun sivunniuġutinivḷugu piyumigivlugu, aullaqtitchuliŋagiga iliŋnun tavrauvvaa. Uqallautiŋagitka pasiriŋi uqautigitquvlugu Paul sivuġaġni.
31Tavra aŋuyaktit kamagiŋagaat piraksriusiaqtiŋ. Aullautiŋagaat Paul unnuakun, aasii tikiutivlugu Antipatris-mun. 32Aasii uvlaakumman pisuaqtuat aŋuyaktit utiŋarut iglumiŋnun, qimakługich kakaksiraqtit tuttuqpaŋnik igliqatigitquvlugich Paul-mun. 33Taapkua aŋuyaktit Caesarea-muutiŋagaat Paul, aasii qaił̣ł̣ugich tuyuutit Paul-lu kavanamun. 34Kavanam taiguaganikamigich tuyuutit, Paul apiġiŋagaa kisumun nunamun maŋŋuqaqtilaaŋanik. Iḷitchuġikamiuŋ Cilicia-miñ pisilaaŋanik, 35Paul uqallautiŋagaa, Naalaktuaġniaġikpiñ uqautigiritin tikitpata. Aasii piraksriiŋaruq Paul munaqsriqaquvlugu Herod-gum igluqpaŋani.
ទើបបានជ្រើសរើសហើយ៖
Acts 23: INUPIAQ
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
Acts 23
23
1Tavra takunnaqługich uqaqsitaaqtitchirit Paul uqallaŋaruq, Aniqatiit, uvlupaŋmun-aglaan isumamni piitchuŋa naġġutchaunmik iluqaagun iñuuniaġnipkun sivuġaani God-im. 2Tavra aŋaiyyuliqsiqpaich qaukłiata Ananias-gum piraksriŋagai tamatkua makitaruat saniġaani patiquvlugu Paul qanġagun. 3#Mt 23.27, 28.Tavra Paul-gum uqallautiŋagaa, Isivġiqsauŋŋuaqtuatiin, God-im nalupqinaitchuq tatavsaġniaġaatin. Aquppirutin isivġiġukłuŋa pitquratigun, aasiiñ ilivich kipuqłakługich pitqurat piraksriirutin patiquvluŋa. 4Tamatkua makitaruat saniġaani uqallaŋarut Paul-mun, Uqamaqłuutigiñ aŋaiyyuliqsiqpaich qaukłiat, God-im kivgaŋa. 5#Ex 22.28.Tavra Paul kiuŋagai, Aniqatiit, naluruŋa aŋaiyyuliqsiqpaŋnun qaukłiġitilaaŋanik. Qanuq aglausimaruq Bible-ni inna, “Uqautiginiaŋitkiñ pigiiḷiḷugu atanauraŋat iñukpich.”
6 #
Ac 26.5; Phil 3.5. Tavra Paul iḷitchuġikami kasimaruat alġaiŋich Sadducee-guniġmata, aasii alġaiŋich Pharisee-guvlutiŋ, uqallaŋaruq nipatusivḷuni uqaqsitaaqtitchiriñun, Aniqatiit, uvaŋa Pharisee-guruŋa, iġñiŋa Pharisee-m. Isivġiġaanŋa uvani pisigivlugu niġiugikapkich tuquŋaruat aŋiñiaġnivḷugich. 7Tavra taamna uqallausiġipqauraġmagu, Pharisee-ḷḷu Sadducee-ḷḷu qanaarraqsiŋarut, aasii kasimaruat atiŋaiŋarut. 8#Mt 22.23; Mk 12.18; Lk 20.27.Qanuq Sadducees uqaġuurut iñuich aŋiniaŋiññivḷugich tuqqunmiñ, isaġulgiññivḷugulu ilitqusiiññivḷugulu, aglaalli Pharisees iluqaisa ukpiġivlugich innivḷugich. 9Tavra kasimaruat nipatusisaiññaŋarut, aasii iḷaŋich iḷisaurrit pitquranik iḷauruat Pharisee-ñun makinŋarut, aasii qapiqtaiḷiqpakłutiŋ uqaqłutiŋ, Iḷitchuġiŋitchugut suuramik-unnii piḷuktuamik uumani iñuŋmi. Iḷaanniḷuunnii ilitqutchim naagga isaġulgum uqautipiaŋagaa. 10Tavra uqavaaqtuat suammaŋmata, qaukłiat aŋuyaktit anayatchaŋaruq Paul siquvrataġinasugalugu iliŋiññun. Tavraasii piraksriŋagai aŋuyaktini atqaquvlugich kasimaruanun aullautitquvlugu Paul, aasii itqutilugu aŋuyaktit igluŋiññun.
11Taavrumani unnuami Ataniq makinŋaruq saniġaanun Paul aasii uqallautivlugu, Qapiŋanak. Quliaqtuaġimmatuttauq Jerusalem-mi, quliaqtuaġiraksraġiniaġmigiŋma Rome-mi.
Sivunniuġun Tuqutchukługu Paul
12Uvlaaġmagu Jew-guruat kasimavlutiŋ sivunniuŋarut unniqsuqłiipiaġataqłutiŋ niġiyumiñaiññivḷutiŋ imiġuraġumiñaiññivḷutiglu tuqutqaaŋaunnagu Paul. 13Sippaqaŋaruq malġukipiaq iñuich sivunniuqatigiiksuat taavrumiŋa. 14Tavra iliŋich ullautiŋarut aŋaiyyuliqsiqpaŋnun umialiŋnanullu, aasii uqallakłutiŋ, Pisaġisapiaġataqługu unniqsuqłiipiaġataŋarugut uvaptiŋnik niġiyumiñaiqł̣uta suuramik-unnii tuqunŋaunnagu Paul. 15Ilivsiasii piqasiġḷusi uqaqsitaaqtitchiriñik, kilikkumagiksi Rome-miut aŋuyaktiŋisa qaukłiat qaġġisitqulugu Paul ilivsiññun, sivunnimmaġiksaaġugniḷugu pimaqłuutaa. Uvagut itqanaiññiaqtugut tuqutchuglugu tavruŋa tikiñŋaiñŋaan.
16Tavra Paul-gum uyuġua tusaaŋaruq sivunniuġutaannik, aasii isiqłuni aŋuyaktit igluannun kiliŋagaa Paul. 17Tavra Paul ququaŋagaa iḷaŋat aŋuyaktit atanauraŋisa aasii uqallautivlugu, Una nukatpiaq aŋuyaktit qaukłiannuuttuuŋ. Samma uqallautiksraqaqtuq ilaanun. 18Tavra aŋuyaktit atanauraŋata qaġġisiŋagaa qaukłiannun aŋuyaktit aasii uqallakłuni, Paul-gum tigutaaqtam ququakkaŋanii aasii apiġivluŋa qaġġisitquvlugu una nukatpiaq iliŋnun. Samma uqallautiksraqaqtuq sumik iliŋnun. 19Aŋuyaktit qaukłiata tasirriutivlugu asivaqtaaġutiŋagaa, aasii apiġivlugu iñuił̣aami, Sumik uqallautisuktaġma? 20Tavra nukatpiam uqallautiŋagaa, Jew-guruat sivunniŋarut apiġisukłutin qaġġisitqulugu Paul uqaqsitaaqtitchiriñun uvlaakun, apiqsruqtuġumaŋŋuaġlugu pasiummaġiksaaġlugu. 21Aglaan aŋiġnagich, qanuq malġukipiaq iñuich sippalik iriqsimaniaqtut utaqqiḷugu Paul. Taapkua unniqsuqłiipiaġataŋarut niġiyumiñaiññivḷutiŋ imiġumiñaiññivḷutiglu tuqutqaaŋaunnagu Paul, aasii paŋmapak itqanaitchut taamna pisukługu, utaqqirullu sivunniutiksraġnik. 22Tavra aŋuyaktit qaukłiata anipkaŋagaa nukatpiaq piraksriqł̣ugu, Uqallautinagu kiñapayaaq kiliŋniḷuŋa taavrumiŋa.
Paul Aullaqtitkaat Felix-mun Kavanauruamun
23Tavra aŋuyaktit qaukłiata qaitquŋagik malġuk aŋuyaktit atanauraŋik, aasii uqallautivlugik, Itqanaiyaġitchik 200-mik aŋuyaktinik aullaqtuksranik Caesarea-mun, piqasiġḷugich 70 tuttuqpaŋni kakaksiqsuanik, 200-niglu panaliraqtuanik, aasii itqanaitchumausi aullaġumiñaqsiḷusi nainukłaaqpan unnuapak. 24Suli kakaksiġviqaqtitchumagiksi Paul, aasii tikiutilugu sugaluaġnagu Felix-mun kavanauruamun. 25Tavra aŋuyaktit qaukłiat tuyuksriuŋaruq inna ittuanik. 26Claudias Lysias, Kamanaqtuamun kavanamun Felix-mun, paġlan. 27Unauvva iñuk Jew-guruat tigguġluŋakkaŋat tuqutchaqługu. Ullaŋagitka aŋuyaktiliraqłuŋa aasii annautivlugu, iḷitchuġivlugu Rome-miunun iḷautilaaŋa. 28Aasii kipiġniuġutigivlugu iḷitchuġisukługu pasikkutaat uqautikkusiaŋa, qaġġisiŋagiga uqaqsitaaġviannun. 29Iḷitchuġiŋaruŋa sumik piŋaisilaaŋanik tuqqutauyumiñaqtuamik naaggaunnii tigutaaġutauyumiñaqtuamik. Pasiŋagaat apiqqutitigun pitquramiŋniittuatigun. 30Tavra kiliŋmanŋa Jew-guruanun sivunniuġutinivḷugu piyumigivlugu, aullaqtitchuliŋagiga iliŋnun tavrauvvaa. Uqallautiŋagitka pasiriŋi uqautigitquvlugu Paul sivuġaġni.
31Tavra aŋuyaktit kamagiŋagaat piraksriusiaqtiŋ. Aullautiŋagaat Paul unnuakun, aasii tikiutivlugu Antipatris-mun. 32Aasii uvlaakumman pisuaqtuat aŋuyaktit utiŋarut iglumiŋnun, qimakługich kakaksiraqtit tuttuqpaŋnik igliqatigitquvlugich Paul-mun. 33Taapkua aŋuyaktit Caesarea-muutiŋagaat Paul, aasii qaił̣ł̣ugich tuyuutit Paul-lu kavanamun. 34Kavanam taiguaganikamigich tuyuutit, Paul apiġiŋagaa kisumun nunamun maŋŋuqaqtilaaŋanik. Iḷitchuġikamiuŋ Cilicia-miñ pisilaaŋanik, 35Paul uqallautiŋagaa, Naalaktuaġniaġikpiñ uqautigiritin tikitpata. Aasii piraksriiŋaruq Paul munaqsriqaquvlugu Herod-gum igluqpaŋani.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)