Acts 14
14
Iconium-mi
1Tainnatun suli piŋammiuq Iconium-mi. Paul-lu Barnabas-lu Jew-guruat aŋaiyyuviannun aŋaiyyuliaŋaruk, aasii uqaurrivḷutik iñuŋnik ukpillasivḷugich iñugiapiaġataqtuat Jew-guruallu Jew-guŋitchuallu. 2Aglaan ukpiŋitchuat Jew-guruat piallaktinŋagaich Jew-guŋitchuat, suli isumanŋutchautiqallasivḷugich aniqatiinun. 3Tavra iliŋik nayuutiŋaruk sivisuruamik. Alġaqsruutigiŋagaak Ataniq iqsisaił̣ł̣utiŋ, ukpiġnaqsiḷiġiruaq uqaluŋmiŋnik annautikun, iḷumun itilaaŋanik suaŋŋasiqługik aliuġnaqtuanik piyumiñaqsivḷugik. 4Tavra iñuŋi iniqpaum malġuigunŋarut, iḷaŋich iḷaalliutivlutiŋ Jew-guruanun, aasiiḷi iḷaŋich tiliraunikun iḷitchitquranun. 5Tavra qanuqsaġummanmik aŋalatchisaġmata iluqatiŋ Jew-guŋitchuallu Jew-guruallu, piqatigivlugich umialiŋnatiŋ, sivunniŋarut piaqłuqtaġukługich tiliraunikun iḷitchitqurat uyaġaŋniglu miḷḷuuġlugich. 6Tilirauruak iḷitchuġiŋagaak taamna, aasii pigruqłutik Lystra-mun Derbe-mullu, iniqpaaŋnun Lycaonia-miittuaŋnun, avataaŋnullu nunaaqqiñun. 7Aasii tamatkunani nunaaqqiñi alġaqsruutigivlugu tusaayugaaġiksuaq.
Lystra-mi
8Tavra Lystra-mi iñuqaġniqsuq pisualaitchuamik, pisualaiñŋaniqsuq anikamiqaŋa. 9Ilaa naalaġniŋaruq Paul-mun uqaqtuamun. Aasiivsauq Paul-gum qiñipiaġataqługu, iḷitchuġivlugu ukpiġutiqaqtilaaŋa iłuaqsirauyumiñaqłuni, 10uqallautiŋagaa nipatusivḷuni, Makittin Ilaa maksriŋaruq aasii pisuarraqsivḷuni. 11Tavrali iñusalaich tautukamirruŋ Paul-gum savaaŋa, nipiriŋ aninŋagaat uqaqłutiŋ Lycaonia-ġmiutun, Atqaqigaatigut god-ipta iḷivḷutiŋ iñuktun. 12Barnabas atchiŋagaat Zeus-mik, aasiiḷi Paul atchiqł̣ugu Hermes-mik pisigivlugu uqałhamaaġniŋa. 13Tavra god Zeus-gum aŋaiyyuliqsiqpaŋa, aŋaiyyuviat sivuġaani iniqpaum iłłuni, qaġġirriŋaruq immuliviich aŋusalluŋiññik nautchianiglu paaqpaŋiñun, aasii ilaa iñuiḷḷu aitchuisuaqsivḷutiŋ ikipkautinik tiliraunikun iḷitchitquraŋnun. 14Tavrali Barnabas-lu Paul-lu tusaakamitku taamna aliktuŋagaich annuġaatiŋ, aasii upaktuutivlutiŋ akunġannun iñusalaich nipimikkun, 15#Ex 20.11; Ps 146.6.Aŋutiit, summan tainna pivisi? Uvaguktauq uvva aŋutik iñugruiññaak irrusiqaqtuak ilivsisuttauq. Aasii maaniittugut alġaqsruutigisukługu tusaayugaaġiksuaq, mumiquvlusi tamatkunaŋŋa taŋiġitchuaniñ suniñ, iñuuruamun God-mun savaŋaruamun qiḷaŋmiglu nunamiglu taġiumiglu imaġikkaŋiñiglu. 16Qaaŋianiŋaruani kiŋuniġiiñi God-im iḷatchiŋagai iñupayaurat iñuupkaqługich ilaisa sivuniġmikkun. 17Aglaattauq inmiñik iḷisimanaqsisuummiuq nakuuruatigun savaamigun, aitchuqłusi sialuŋmik qiḷaŋmiñ niqiksraniglu nauruanik piviksrakun, niqaiḷḷisaaŋiḷḷusi quviasuquvlusi. 18Tamatkuniŋa uqaluŋnik Barnabas-lu Paul-lu qapiqtipqauraŋagaich iñuich aitchuiñiksraŋanniñ ikipkautinik inmiŋnun.
19Tavra Jew-guruat qaiŋarut Antioch-miñ Pysidia-miittuamiñ Iconia-miḷḷu, aasii maliksuktitchivḷutiŋ iñuŋnik, uyaġaŋnik miḷuqtuŋagaat Paul, aasii kaliksraqługu annisivlugu iniqpaŋmiñ, isumavlutiŋ tuqunivḷugu. 20Tavra iḷitchitqurat iḷḷuaġutimmanni, Paul makinŋaruq, aasii utiqłutiŋ iniqpaŋmun, aasii uvlaakumman ilaalu Barnabas-lu aullaŋaruk Derbe-mun.
Utiqtuk Antioch-mun Syria-miittuamun
21Paul-lu Barnabas-lu alġaqsruiŋaruk tusaayugaaġiksuanik Derbe-mi, aasii iñugiaktuat ukpiliŋarut. Tavra utiŋaruk Lystra-mun Iconia-mullu Antioch-mullu Pysidia-miittuamun, 22iliŋikta suaŋasiḷaaŋagaich ukpiqtuat ukpiġutiŋich, qapiŋaisaaqługich kiikaa ukpiqsimaaquvlugich God-mun, uqautivlugich inna, Uvagut nalautchiruksraupiaqtugut iñugiaktuanik iłuiḷḷiuġutinik isiġumiñaqsisugluta God-im atanniqsimavianun. 23Tavra aŋaiyyuliqiruallaani umialiŋnaksrallaaŋagaich, suli aŋaiyyuuqqaaqłutiŋ niġiḷaił̣ł̣utiŋ, qiññuaġutiŋagaich Ataniġmun ukpiġivigiŋakkaŋannun qaunagitquvlugich.
24Tavra Paul-lu Barnabas-lu iglauvlutik nunaaqqisigun Pysidia-mi tikiñŋaruk Pamphylia-mun. 25Tavra alġaqsruutigianikamitku tusaayugaaġiksuaq Perga-mi, aullaŋaruk Attalia-mun. 26Aasii tavraŋŋa tiŋinnaaqłutiŋ utiŋarut Antioch-mun aullaġataġviŋmiŋnun. Tavraŋŋa aullaŋaruak ukpiqtuat aŋaiyyutianiŋmatik God-mun qaunagitquvlugik. Tavrani naatchiŋaruk iglaukkaġmiŋnik. 27Aasii tikiññamik Antioch-mun, katinŋagaich aŋaiyyuliqiruat atautchimun, aasii quliaqtuaġutivlugich iluqaiññik God-im ikayuqługik piramikkun, qanuġlu God-mun ukpiġumiñaqsipkaqtilaaŋannik Jew-guŋitchuat. 28Tavra iliŋik nayuutiksraaġiŋaruk piqatigivlugich ukpiqtuat.
ទើបបានជ្រើសរើសហើយ៖
Acts 14: INUPIAQ
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
Acts 14
14
Iconium-mi
1Tainnatun suli piŋammiuq Iconium-mi. Paul-lu Barnabas-lu Jew-guruat aŋaiyyuviannun aŋaiyyuliaŋaruk, aasii uqaurrivḷutik iñuŋnik ukpillasivḷugich iñugiapiaġataqtuat Jew-guruallu Jew-guŋitchuallu. 2Aglaan ukpiŋitchuat Jew-guruat piallaktinŋagaich Jew-guŋitchuat, suli isumanŋutchautiqallasivḷugich aniqatiinun. 3Tavra iliŋik nayuutiŋaruk sivisuruamik. Alġaqsruutigiŋagaak Ataniq iqsisaił̣ł̣utiŋ, ukpiġnaqsiḷiġiruaq uqaluŋmiŋnik annautikun, iḷumun itilaaŋanik suaŋŋasiqługik aliuġnaqtuanik piyumiñaqsivḷugik. 4Tavra iñuŋi iniqpaum malġuigunŋarut, iḷaŋich iḷaalliutivlutiŋ Jew-guruanun, aasiiḷi iḷaŋich tiliraunikun iḷitchitquranun. 5Tavra qanuqsaġummanmik aŋalatchisaġmata iluqatiŋ Jew-guŋitchuallu Jew-guruallu, piqatigivlugich umialiŋnatiŋ, sivunniŋarut piaqłuqtaġukługich tiliraunikun iḷitchitqurat uyaġaŋniglu miḷḷuuġlugich. 6Tilirauruak iḷitchuġiŋagaak taamna, aasii pigruqłutik Lystra-mun Derbe-mullu, iniqpaaŋnun Lycaonia-miittuaŋnun, avataaŋnullu nunaaqqiñun. 7Aasii tamatkunani nunaaqqiñi alġaqsruutigivlugu tusaayugaaġiksuaq.
Lystra-mi
8Tavra Lystra-mi iñuqaġniqsuq pisualaitchuamik, pisualaiñŋaniqsuq anikamiqaŋa. 9Ilaa naalaġniŋaruq Paul-mun uqaqtuamun. Aasiivsauq Paul-gum qiñipiaġataqługu, iḷitchuġivlugu ukpiġutiqaqtilaaŋa iłuaqsirauyumiñaqłuni, 10uqallautiŋagaa nipatusivḷuni, Makittin Ilaa maksriŋaruq aasii pisuarraqsivḷuni. 11Tavrali iñusalaich tautukamirruŋ Paul-gum savaaŋa, nipiriŋ aninŋagaat uqaqłutiŋ Lycaonia-ġmiutun, Atqaqigaatigut god-ipta iḷivḷutiŋ iñuktun. 12Barnabas atchiŋagaat Zeus-mik, aasiiḷi Paul atchiqł̣ugu Hermes-mik pisigivlugu uqałhamaaġniŋa. 13Tavra god Zeus-gum aŋaiyyuliqsiqpaŋa, aŋaiyyuviat sivuġaani iniqpaum iłłuni, qaġġirriŋaruq immuliviich aŋusalluŋiññik nautchianiglu paaqpaŋiñun, aasii ilaa iñuiḷḷu aitchuisuaqsivḷutiŋ ikipkautinik tiliraunikun iḷitchitquraŋnun. 14Tavrali Barnabas-lu Paul-lu tusaakamitku taamna aliktuŋagaich annuġaatiŋ, aasii upaktuutivlutiŋ akunġannun iñusalaich nipimikkun, 15#Ex 20.11; Ps 146.6.Aŋutiit, summan tainna pivisi? Uvaguktauq uvva aŋutik iñugruiññaak irrusiqaqtuak ilivsisuttauq. Aasii maaniittugut alġaqsruutigisukługu tusaayugaaġiksuaq, mumiquvlusi tamatkunaŋŋa taŋiġitchuaniñ suniñ, iñuuruamun God-mun savaŋaruamun qiḷaŋmiglu nunamiglu taġiumiglu imaġikkaŋiñiglu. 16Qaaŋianiŋaruani kiŋuniġiiñi God-im iḷatchiŋagai iñupayaurat iñuupkaqługich ilaisa sivuniġmikkun. 17Aglaattauq inmiñik iḷisimanaqsisuummiuq nakuuruatigun savaamigun, aitchuqłusi sialuŋmik qiḷaŋmiñ niqiksraniglu nauruanik piviksrakun, niqaiḷḷisaaŋiḷḷusi quviasuquvlusi. 18Tamatkuniŋa uqaluŋnik Barnabas-lu Paul-lu qapiqtipqauraŋagaich iñuich aitchuiñiksraŋanniñ ikipkautinik inmiŋnun.
19Tavra Jew-guruat qaiŋarut Antioch-miñ Pysidia-miittuamiñ Iconia-miḷḷu, aasii maliksuktitchivḷutiŋ iñuŋnik, uyaġaŋnik miḷuqtuŋagaat Paul, aasii kaliksraqługu annisivlugu iniqpaŋmiñ, isumavlutiŋ tuqunivḷugu. 20Tavra iḷitchitqurat iḷḷuaġutimmanni, Paul makinŋaruq, aasii utiqłutiŋ iniqpaŋmun, aasii uvlaakumman ilaalu Barnabas-lu aullaŋaruk Derbe-mun.
Utiqtuk Antioch-mun Syria-miittuamun
21Paul-lu Barnabas-lu alġaqsruiŋaruk tusaayugaaġiksuanik Derbe-mi, aasii iñugiaktuat ukpiliŋarut. Tavra utiŋaruk Lystra-mun Iconia-mullu Antioch-mullu Pysidia-miittuamun, 22iliŋikta suaŋasiḷaaŋagaich ukpiqtuat ukpiġutiŋich, qapiŋaisaaqługich kiikaa ukpiqsimaaquvlugich God-mun, uqautivlugich inna, Uvagut nalautchiruksraupiaqtugut iñugiaktuanik iłuiḷḷiuġutinik isiġumiñaqsisugluta God-im atanniqsimavianun. 23Tavra aŋaiyyuliqiruallaani umialiŋnaksrallaaŋagaich, suli aŋaiyyuuqqaaqłutiŋ niġiḷaił̣ł̣utiŋ, qiññuaġutiŋagaich Ataniġmun ukpiġivigiŋakkaŋannun qaunagitquvlugich.
24Tavra Paul-lu Barnabas-lu iglauvlutik nunaaqqisigun Pysidia-mi tikiñŋaruk Pamphylia-mun. 25Tavra alġaqsruutigianikamitku tusaayugaaġiksuaq Perga-mi, aullaŋaruk Attalia-mun. 26Aasii tavraŋŋa tiŋinnaaqłutiŋ utiŋarut Antioch-mun aullaġataġviŋmiŋnun. Tavraŋŋa aullaŋaruak ukpiqtuat aŋaiyyutianiŋmatik God-mun qaunagitquvlugik. Tavrani naatchiŋaruk iglaukkaġmiŋnik. 27Aasii tikiññamik Antioch-mun, katinŋagaich aŋaiyyuliqiruat atautchimun, aasii quliaqtuaġutivlugich iluqaiññik God-im ikayuqługik piramikkun, qanuġlu God-mun ukpiġumiñaqsipkaqtilaaŋannik Jew-guŋitchuat. 28Tavra iliŋik nayuutiksraaġiŋaruk piqatigivlugich ukpiqtuat.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)