1 Corinthians 11
11
Aġnat Matuqagaksraġigaich Niaqqutiŋ Aŋaiyyuruani
1 #
1 Co 4.16; Phil 3.17. Piḷġusiqaġitchi uvaptun tuvraiñiaġmatun Christ-mik. 2Nanġaġivsi pisigivlugu itqaumaniqsi, tuvraiñiqsiḷu iḷisaurrutigiŋakkamnik ilivsiññun. 3Aglaan kaŋiqsitqugivsi Christ-gum qaukłiutilaaŋanik iñupayaamun, iñuum niaquġimmatun. Tainnatuttauq, uiguruaq niaquummatun inmiuq aġnamun, aasiisuli God niaquummatun Christ-mun. 4Kiñaliqaa aŋun aŋaiyyuruaq naagga uqaqtauruaq God-mun nasaqtuqłuni iḷisimanaqtinŋitkaa Christ qaukłiġitilaaŋanik inmiñun. 5Suli kiñaliqaa aġnaq aŋaiyyuruaq naagga uqaqtauruaq God-mun niaqquni matuiḷaaqługu iḷisimanaqtinŋitkaa uiñi qaukłiutilaaŋanik inmiñun. Inmiñik nalliummatinialaruq aŋunmiŋnun, nutchani iḷivḷugich kivraŋaruatun aŋutitun. 6Aġnam matutuġniaŋitkumiuŋ niaqquni, saliraksraġigai nutchani aŋutitun. Aasii kanŋunaġniqpan aġnaq saliŋamman, matutuġliuŋ niaqquni. 7#Gn 1.26, 27.Aŋutim matutugaksraġiŋitkaa niaqquni qanuq ilaa savaaguŋaruq irrusiatun God-im, aasii salapqiqsimavlugu God-im kamanautaa. Aġnavli salapqiagaa aŋutim kamanautaa. 8#Gn 2.18-23.Aġnaġliasii savaaguŋaruq aŋunmiñ. Aŋun savaaguŋaitchuq aġnamiñ. 9Aŋun savaaguŋaiñmiuq anniqsuqsaġlugu aġnaq, aglaan aġnaq savaaguŋaruq anniqsuqsaqługu aŋun. 10Tavra aġnam matutuqtuksraġigaa niaqquni nalunaiñŋutaulugu ilaan qaukłiqaqtilaamiñun aŋunmik, isaġulgich iluqaġmiŋ tautuglugu suqpagiŋitchumagaat. 11Aasiivsauq Atanġum sivunniuġutaani aŋutillu aġnallu anniqsuutigiiksuksrauniqsut avanmun, 12qanuq aġnaq savaaguŋagaluaqtillugu aŋunmiñ, aŋun paŋmapak animmiraqtuq aġnamiñ, tamarra supayaat qairut God-miñ.
13Nalaunŋatilaaqsiuŋ ilivsiññik. Aġnaq aŋaiyyugumi God-mun niaqquni matuiḷḷugu nalaunŋava? 14Ilivsi iḷisimarusi iḷisautiraksraitchusi aŋun nuyaqtusiruaq kanŋunaqtilaaŋanik. 15Aglaan aġnam nuyaqtuniŋa qiñiyunaqsiḷġutauruq ilaanun. Qanuq nusaŋi aitchuutaurut ilaanun matugitquvlugich. 16Kiñapayaaq uqavaaġumakpan taavrumuuna, uvagut piksraitchugut allamik piḷġutchimik, naaggaunnii aŋaiyyuliqiruaŋi God-im.
Atanġum Nullautchiġvia
(Matthew 26.26-29; Mark 14.22-25; Luke 22.14-20)
17Aglaan ukunuuna iḷisaurrutitigun nanġaŋitkivsi, qanuq katinnavsi atautchimun anniaġutiłhaaġuurusi nakuurualiqiniġmiñ. 18Qanuq uvva aŋaiyyuliaqavsi inmikkuaŋasiñisuugaasi. Tainna kilgusiaqaŋaruŋa, aasii taamna ukpiġikavsakkiga. 19Qanuq inmikkuaŋasiraġaġniq ittuksrausugnaġniqsuq akunnavsiññi, tamatkua iḷumun ukpiqtuaguruat satqummiquvlugich. 20Katinnavsi atautchimun, Atanġum nullautchiġvianik niġiŋitchusi, 21qanuq niġiñiġmi, iñullaa isagutiraqtuq ilaan niqaunmiñik, allali iñuk kaaktillugu allasuli imiŋasivḷuni. 22Suvisi? Aimaaġviqaqtusi niġġiviksranik imiġviksraniglu. Suuŋiḷaġigisi aŋaiyyuliqiruaŋi God-im tutqiisaaqługich tamatkua piksraitchuat. Qanuq uqallagniaqpik ilivsiññun? Nanġaġniaqpisi taavrumuuna? Naagga, nanġaġniaŋitkivsi.
23Qanuq Atanġum salapqiŋagaa uvamnun iḷisaurrutigiŋakkaġa ilivsiññun una. Taivrumani unnuami aitchuutausaġviŋmiñi, Atanġum Jesus tiguŋagaa punniq, 24aasii quyyatigiqqaaqługu God-mun, ilaan avguŋagaa aasii uqallakłuni, Tavra taamna ittuq timiptun aitchuutigikkaptun tuqqutivlusi. Tainna pisiuŋ itqautigilugu uvamnun. 25#Ex 24.8; Jr 31.31-34; Ex 24.6-8.Tainnatun suli ilaan tiguŋagaa qallugauraq wine-mik imalik nullautchianikamiŋ, uqallakłuni, Una wine qallugauramiittuaq ittuq uvaŋa auptun maqipkaqtauyumaaqtuatun, God nutauruakun sivunniuġurriyumiñaqsiḷugu iñuŋnik tuqqutipkun. Imiġuvsiuŋ piyumagiksi itqautigilugu uvamnun qanutun akulaisigilugu imiġaluaġuvsiuŋ. 26Tavra qanutun akulaisigilugu niġiguvsiuŋ punniq imiġlusiḷu qallugauramiñ, taavrumuuna maniuġiksi Atanġum tuqqutaa qaitqigñiŋanun aglaan.
27Tainnainman taamna, kiñaliqaa niġiruaq punniġmik imiqtuaġlu Atanġum qallugauraŋaniñ nalliummatiŋitchuakun piḷġutchikun, pasirauyumiñaqtuq qutchiksuakun isumakkutigiŋiññiḷugu Atanġum tuqqutaa. 28Taamna pisigilugu iñuk qanuqitilaaqqaaqtuksraupiaqtuq inmiñun, aasii niġiḷuni punniġmik imiġluniḷu qallugauramiñ. 29Qanuq kiñaliqaa niġiruaq imiqtuaġlu itqaumagiŋiḷḷaan sivuniŋa Atanġum tuqqutaata tatavsausiaksriuqtuq inmiñun. 30Tainnauvva piŋavlutiŋ iñugiaktuat iḷasi sayaitchut, naŋittuagurullu, suli iḷasi tuquvlutiŋ. 31Qanuqitilaaġuugupta uvaptiŋnun nalaunŋaruakun, Atanġum ilaan qanuqitilaaġayaitkaatigut. 32Tavra Atanġum ilaan qanuqitilaaġmatigut aasii paqitaġivluta pasiraksrauvluta, ilaan tatavsaġayukkaatigut, uvagut suksraunġiqsauqatautquŋił̣ł̣uta isuitchuamun piqatigilugich nunam iñuŋi.
33Aniqatiitkaa, taamna tainnainman, utaqqisillaayumausi qakuguliqaa katitkuvsi atautchimun niġisuglusi Atanġum nullautchiġvianik. 34Kiñaliqaa kaakkumi niġisuiqsaaġli aimmiḷuni. Qanuq niġiqatigiikavsi atautchimi, aullasivsi iḷaanni tatavsausiaqaqtitpiaġaasi. Allatigun sutigun piraksriġñiaġivsi qaiguma.
ទើបបានជ្រើសរើសហើយ៖
1 Corinthians 11: INUPIAQ
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
1 Corinthians 11
11
Aġnat Matuqagaksraġigaich Niaqqutiŋ Aŋaiyyuruani
1 #
1 Co 4.16; Phil 3.17. Piḷġusiqaġitchi uvaptun tuvraiñiaġmatun Christ-mik. 2Nanġaġivsi pisigivlugu itqaumaniqsi, tuvraiñiqsiḷu iḷisaurrutigiŋakkamnik ilivsiññun. 3Aglaan kaŋiqsitqugivsi Christ-gum qaukłiutilaaŋanik iñupayaamun, iñuum niaquġimmatun. Tainnatuttauq, uiguruaq niaquummatun inmiuq aġnamun, aasiisuli God niaquummatun Christ-mun. 4Kiñaliqaa aŋun aŋaiyyuruaq naagga uqaqtauruaq God-mun nasaqtuqłuni iḷisimanaqtinŋitkaa Christ qaukłiġitilaaŋanik inmiñun. 5Suli kiñaliqaa aġnaq aŋaiyyuruaq naagga uqaqtauruaq God-mun niaqquni matuiḷaaqługu iḷisimanaqtinŋitkaa uiñi qaukłiutilaaŋanik inmiñun. Inmiñik nalliummatinialaruq aŋunmiŋnun, nutchani iḷivḷugich kivraŋaruatun aŋutitun. 6Aġnam matutuġniaŋitkumiuŋ niaqquni, saliraksraġigai nutchani aŋutitun. Aasii kanŋunaġniqpan aġnaq saliŋamman, matutuġliuŋ niaqquni. 7#Gn 1.26, 27.Aŋutim matutugaksraġiŋitkaa niaqquni qanuq ilaa savaaguŋaruq irrusiatun God-im, aasii salapqiqsimavlugu God-im kamanautaa. Aġnavli salapqiagaa aŋutim kamanautaa. 8#Gn 2.18-23.Aġnaġliasii savaaguŋaruq aŋunmiñ. Aŋun savaaguŋaitchuq aġnamiñ. 9Aŋun savaaguŋaiñmiuq anniqsuqsaġlugu aġnaq, aglaan aġnaq savaaguŋaruq anniqsuqsaqługu aŋun. 10Tavra aġnam matutuqtuksraġigaa niaqquni nalunaiñŋutaulugu ilaan qaukłiqaqtilaamiñun aŋunmik, isaġulgich iluqaġmiŋ tautuglugu suqpagiŋitchumagaat. 11Aasiivsauq Atanġum sivunniuġutaani aŋutillu aġnallu anniqsuutigiiksuksrauniqsut avanmun, 12qanuq aġnaq savaaguŋagaluaqtillugu aŋunmiñ, aŋun paŋmapak animmiraqtuq aġnamiñ, tamarra supayaat qairut God-miñ.
13Nalaunŋatilaaqsiuŋ ilivsiññik. Aġnaq aŋaiyyugumi God-mun niaqquni matuiḷḷugu nalaunŋava? 14Ilivsi iḷisimarusi iḷisautiraksraitchusi aŋun nuyaqtusiruaq kanŋunaqtilaaŋanik. 15Aglaan aġnam nuyaqtuniŋa qiñiyunaqsiḷġutauruq ilaanun. Qanuq nusaŋi aitchuutaurut ilaanun matugitquvlugich. 16Kiñapayaaq uqavaaġumakpan taavrumuuna, uvagut piksraitchugut allamik piḷġutchimik, naaggaunnii aŋaiyyuliqiruaŋi God-im.
Atanġum Nullautchiġvia
(Matthew 26.26-29; Mark 14.22-25; Luke 22.14-20)
17Aglaan ukunuuna iḷisaurrutitigun nanġaŋitkivsi, qanuq katinnavsi atautchimun anniaġutiłhaaġuurusi nakuurualiqiniġmiñ. 18Qanuq uvva aŋaiyyuliaqavsi inmikkuaŋasiñisuugaasi. Tainna kilgusiaqaŋaruŋa, aasii taamna ukpiġikavsakkiga. 19Qanuq inmikkuaŋasiraġaġniq ittuksrausugnaġniqsuq akunnavsiññi, tamatkua iḷumun ukpiqtuaguruat satqummiquvlugich. 20Katinnavsi atautchimun, Atanġum nullautchiġvianik niġiŋitchusi, 21qanuq niġiñiġmi, iñullaa isagutiraqtuq ilaan niqaunmiñik, allali iñuk kaaktillugu allasuli imiŋasivḷuni. 22Suvisi? Aimaaġviqaqtusi niġġiviksranik imiġviksraniglu. Suuŋiḷaġigisi aŋaiyyuliqiruaŋi God-im tutqiisaaqługich tamatkua piksraitchuat. Qanuq uqallagniaqpik ilivsiññun? Nanġaġniaqpisi taavrumuuna? Naagga, nanġaġniaŋitkivsi.
23Qanuq Atanġum salapqiŋagaa uvamnun iḷisaurrutigiŋakkaġa ilivsiññun una. Taivrumani unnuami aitchuutausaġviŋmiñi, Atanġum Jesus tiguŋagaa punniq, 24aasii quyyatigiqqaaqługu God-mun, ilaan avguŋagaa aasii uqallakłuni, Tavra taamna ittuq timiptun aitchuutigikkaptun tuqqutivlusi. Tainna pisiuŋ itqautigilugu uvamnun. 25#Ex 24.8; Jr 31.31-34; Ex 24.6-8.Tainnatun suli ilaan tiguŋagaa qallugauraq wine-mik imalik nullautchianikamiŋ, uqallakłuni, Una wine qallugauramiittuaq ittuq uvaŋa auptun maqipkaqtauyumaaqtuatun, God nutauruakun sivunniuġurriyumiñaqsiḷugu iñuŋnik tuqqutipkun. Imiġuvsiuŋ piyumagiksi itqautigilugu uvamnun qanutun akulaisigilugu imiġaluaġuvsiuŋ. 26Tavra qanutun akulaisigilugu niġiguvsiuŋ punniq imiġlusiḷu qallugauramiñ, taavrumuuna maniuġiksi Atanġum tuqqutaa qaitqigñiŋanun aglaan.
27Tainnainman taamna, kiñaliqaa niġiruaq punniġmik imiqtuaġlu Atanġum qallugauraŋaniñ nalliummatiŋitchuakun piḷġutchikun, pasirauyumiñaqtuq qutchiksuakun isumakkutigiŋiññiḷugu Atanġum tuqqutaa. 28Taamna pisigilugu iñuk qanuqitilaaqqaaqtuksraupiaqtuq inmiñun, aasii niġiḷuni punniġmik imiġluniḷu qallugauramiñ. 29Qanuq kiñaliqaa niġiruaq imiqtuaġlu itqaumagiŋiḷḷaan sivuniŋa Atanġum tuqqutaata tatavsausiaksriuqtuq inmiñun. 30Tainnauvva piŋavlutiŋ iñugiaktuat iḷasi sayaitchut, naŋittuagurullu, suli iḷasi tuquvlutiŋ. 31Qanuqitilaaġuugupta uvaptiŋnun nalaunŋaruakun, Atanġum ilaan qanuqitilaaġayaitkaatigut. 32Tavra Atanġum ilaan qanuqitilaaġmatigut aasii paqitaġivluta pasiraksrauvluta, ilaan tatavsaġayukkaatigut, uvagut suksraunġiqsauqatautquŋił̣ł̣uta isuitchuamun piqatigilugich nunam iñuŋi.
33Aniqatiitkaa, taamna tainnainman, utaqqisillaayumausi qakuguliqaa katitkuvsi atautchimun niġisuglusi Atanġum nullautchiġvianik. 34Kiñaliqaa kaakkumi niġisuiqsaaġli aimmiḷuni. Qanuq niġiqatigiikavsi atautchimi, aullasivsi iḷaanni tatavsausiaqaqtitpiaġaasi. Allatigun sutigun piraksriġñiaġivsi qaiguma.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)