Roma 12
12
Bang saꞌingge subey hinanganten duk kasulutan Tuhanin
1Meꞌ kapungtinaꞌihanku masandel pu si Isa Almasihin, peggeꞌ Tuhanin asal maꞌaseꞌ teꞌed si kite bi hangkan junjungku si kaꞌam: Pangurungun bi dibin si Tuhan. Daꞌa ne kimmatanun bi weꞌ kaꞌam pe dapuꞌ baranbin saguwaꞌ kuweꞌ kaꞌam dalil kuluban si Tuhanin. Subey ne gaꞌ niyaꞌ hinanganbi laꞌat saguwaꞌ subey hinangbi meꞌ hinangan makasulut Tuhanin. Kuweꞌ inin panambahayang mapatutin. 2Daꞌa kaꞌam maghinangan sa hinangan meꞌ kaꞌekkahan matuꞌu si dunyahin. Saguwaꞌ ambat baꞌahuhan Tuhanin pamikilbin duk ne pinda ateybin. Manjari kataꞌuhanbi du teꞌed bang ine meꞌ kinabayaꞌan Tuhanin. Kinabayaꞌannen meꞌ mahāpin duk meꞌ makasulut iyehin duk meꞌ manggaꞌ niyaꞌ sallaꞌ-sallaꞌnen.
3Aku inin kaꞌurungan ku weꞌ Tuhanin kapatut magusihat hangkan paꞌinku si kaꞌam kēmon: Daꞌa pikilun bi weꞌ langkew teꞌed kaꞌam saguwaꞌ araꞌ-araꞌun bi hadja tamanan mapatutin. Peggeꞌ Tuhanin mangurungan kaꞌam kapandeyanin sabab sandelbi pu si Isa Almasihin. 4Baranten dambuwaꞌ du saguwaꞌ niyaꞌ bettiste, tangante, matate duk meꞌ seddili pe bu gaꞌi magsaliꞌ kagunahanden. 5Damikkiyan kite bi isab meꞌ masandel pu si Almasihin, bisan kite bi ekka saguwaꞌ kuweꞌ kite bi dambuwaꞌ baran hadja peggeꞌ magdambuwaꞌ kite bi kēmon duk Almasi. Duk kuweꞌ kite bi dalil magsugpat kēmon. 6Weꞌ lasa Tuhan si kitehin bi inurungan kite bi weꞌ ne meꞌ kapandeyan. Saguwaꞌ kite bi dangan-dangan magseddili-seddili kapandeyan pinangurung kitehin bi. Ine-ine kapandeyan pinangurung si kite bi subey gunate bi pahāp-hāp. Bang dambuwaꞌin kaꞌurungan kapandeyan magpalataꞌ lapal pinabissā Tuhanin, subey palataꞌne asal bissā Tuhanin magsaliꞌ duk panoloꞌ kinahagadten bi. 7Bang kite kaꞌurungan kapandeyan nabangan meꞌ pagkasiten, subey siye tabangante. Bang kapandeyan pangurungne kitehin magusihat, subey kite magusihat. 8Bang kapandeyan pangurung kitehin ngasig saweꞌten, subey siye asigte. Bang kapandeyan pangurung kitehin nabang sukal saweꞌten, subey kite sayuꞌ. Bang kite pinasukuhan hinang magnakuraꞌ, subey kite matuyuꞌ si hinangten. Bang hinangten nabangan meꞌ aꞌa kasigpitanin, subey kite kēgan nabangan siye.
9Subey lasabi si saweꞌbin amban dem atey. Kabunsihanun bi sasuku malaꞌatin duk tentemanun bi dem ateybi sasuku mahāpin. 10Subey kaꞌam maglasa-ilasa peggeꞌ kuweꞌ ne kaꞌam magpungtinaꞌi sabab sandel kaꞌam saliꞌ-saliꞌ pu si Isa Almasi. Subey kaꞌam sinna mahadje pagkasibi masandel pu si Isahin. 11Daꞌa kaꞌam bulasan saguwaꞌ magtuyuꞌ kaꞌam maghinang si Panuhutanten bi ateybin dambūs-būs. 12Subey kaꞌam luwal magkēg peggeꞌ niyaꞌ ase-asebi amban Tuhan. Bang kaꞌam dem kasusehan, sandalanun bi. Daꞌa kaꞌam pahali ngampun-ngampun si Tuhan. 13Tabangun bi sukal meꞌ pagkasibi masandel pu si Isa Almasihin duk hatulun bi sasuku mapiyu si lumaꞌbin.
14Sasuku maminasa kaꞌamin, pāku-pākuhanun bi kahāpan amban Tuhan. Daꞌa siye suknaꞌanun bi. 15Patuhut kaꞌam magkēg si meꞌ magkēgin duk patuhut kaꞌam magdukka si meꞌ magdukkahin. 16Magsulut-sinulut kaꞌam. Daꞌa apasun bi pinahadje kaꞌam. Daꞌa kaꞌam iyaꞌ magtuhut-tuhut duk meꞌ madiyawaꞌ pagaꞌanen. Daꞌa kaꞌam magpikil weꞌ kaꞌam ne asal mataꞌuhin.
17Bang niyaꞌ ngalaꞌat kaꞌam, daꞌa tumbasanun bi laꞌat. Hinangun bi sasuku mahāp si pagmatahan meꞌ aꞌahin kēmon. 18Tamanan tahinangbin, daꞌa teꞌed kaꞌam magsasaꞌ duk sine-sine ne, saguwaꞌ subey kaꞌam magsulut-sulut duk kēmon aꞌa. 19Meꞌ bagayku, daꞌa kaꞌam males saguwaꞌ ambat Tuhanin mamalesan kaꞌamin. Peggeꞌ tasulat hep dem kitab, pinaꞌin, “Aku mamalesin. Aku mangalegga meꞌ maghinang laꞌat si kaꞌamin, paꞌin Tuhanin.” 20Saguwaꞌ hinangun bi sa pinaꞌin dem kitabin, “Bang takitebi bantabin inusan, pakanun bi. Bang lekkakan iye, paꞌinumun bi. Bang hinangbi inin si iye, ujud iyaꞌ iye manamal.” 21Bang niyaꞌ laꞌat hininang si kaꞌam, daꞌa iye panumbasun bi laꞌat. Saguwaꞌ tumbasanun bi hāp duk tadaꞌag malaꞌatin.
ទើបបានជ្រើសរើសហើយ៖
Roma 12: yakV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2019, Wycliffe Bible Translators, Inc. All rights reserved.
Roma 12
12
Bang saꞌingge subey hinanganten duk kasulutan Tuhanin
1Meꞌ kapungtinaꞌihanku masandel pu si Isa Almasihin, peggeꞌ Tuhanin asal maꞌaseꞌ teꞌed si kite bi hangkan junjungku si kaꞌam: Pangurungun bi dibin si Tuhan. Daꞌa ne kimmatanun bi weꞌ kaꞌam pe dapuꞌ baranbin saguwaꞌ kuweꞌ kaꞌam dalil kuluban si Tuhanin. Subey ne gaꞌ niyaꞌ hinanganbi laꞌat saguwaꞌ subey hinangbi meꞌ hinangan makasulut Tuhanin. Kuweꞌ inin panambahayang mapatutin. 2Daꞌa kaꞌam maghinangan sa hinangan meꞌ kaꞌekkahan matuꞌu si dunyahin. Saguwaꞌ ambat baꞌahuhan Tuhanin pamikilbin duk ne pinda ateybin. Manjari kataꞌuhanbi du teꞌed bang ine meꞌ kinabayaꞌan Tuhanin. Kinabayaꞌannen meꞌ mahāpin duk meꞌ makasulut iyehin duk meꞌ manggaꞌ niyaꞌ sallaꞌ-sallaꞌnen.
3Aku inin kaꞌurungan ku weꞌ Tuhanin kapatut magusihat hangkan paꞌinku si kaꞌam kēmon: Daꞌa pikilun bi weꞌ langkew teꞌed kaꞌam saguwaꞌ araꞌ-araꞌun bi hadja tamanan mapatutin. Peggeꞌ Tuhanin mangurungan kaꞌam kapandeyanin sabab sandelbi pu si Isa Almasihin. 4Baranten dambuwaꞌ du saguwaꞌ niyaꞌ bettiste, tangante, matate duk meꞌ seddili pe bu gaꞌi magsaliꞌ kagunahanden. 5Damikkiyan kite bi isab meꞌ masandel pu si Almasihin, bisan kite bi ekka saguwaꞌ kuweꞌ kite bi dambuwaꞌ baran hadja peggeꞌ magdambuwaꞌ kite bi kēmon duk Almasi. Duk kuweꞌ kite bi dalil magsugpat kēmon. 6Weꞌ lasa Tuhan si kitehin bi inurungan kite bi weꞌ ne meꞌ kapandeyan. Saguwaꞌ kite bi dangan-dangan magseddili-seddili kapandeyan pinangurung kitehin bi. Ine-ine kapandeyan pinangurung si kite bi subey gunate bi pahāp-hāp. Bang dambuwaꞌin kaꞌurungan kapandeyan magpalataꞌ lapal pinabissā Tuhanin, subey palataꞌne asal bissā Tuhanin magsaliꞌ duk panoloꞌ kinahagadten bi. 7Bang kite kaꞌurungan kapandeyan nabangan meꞌ pagkasiten, subey siye tabangante. Bang kapandeyan pangurungne kitehin magusihat, subey kite magusihat. 8Bang kapandeyan pangurung kitehin ngasig saweꞌten, subey siye asigte. Bang kapandeyan pangurung kitehin nabang sukal saweꞌten, subey kite sayuꞌ. Bang kite pinasukuhan hinang magnakuraꞌ, subey kite matuyuꞌ si hinangten. Bang hinangten nabangan meꞌ aꞌa kasigpitanin, subey kite kēgan nabangan siye.
9Subey lasabi si saweꞌbin amban dem atey. Kabunsihanun bi sasuku malaꞌatin duk tentemanun bi dem ateybi sasuku mahāpin. 10Subey kaꞌam maglasa-ilasa peggeꞌ kuweꞌ ne kaꞌam magpungtinaꞌi sabab sandel kaꞌam saliꞌ-saliꞌ pu si Isa Almasi. Subey kaꞌam sinna mahadje pagkasibi masandel pu si Isahin. 11Daꞌa kaꞌam bulasan saguwaꞌ magtuyuꞌ kaꞌam maghinang si Panuhutanten bi ateybin dambūs-būs. 12Subey kaꞌam luwal magkēg peggeꞌ niyaꞌ ase-asebi amban Tuhan. Bang kaꞌam dem kasusehan, sandalanun bi. Daꞌa kaꞌam pahali ngampun-ngampun si Tuhan. 13Tabangun bi sukal meꞌ pagkasibi masandel pu si Isa Almasihin duk hatulun bi sasuku mapiyu si lumaꞌbin.
14Sasuku maminasa kaꞌamin, pāku-pākuhanun bi kahāpan amban Tuhan. Daꞌa siye suknaꞌanun bi. 15Patuhut kaꞌam magkēg si meꞌ magkēgin duk patuhut kaꞌam magdukka si meꞌ magdukkahin. 16Magsulut-sinulut kaꞌam. Daꞌa apasun bi pinahadje kaꞌam. Daꞌa kaꞌam iyaꞌ magtuhut-tuhut duk meꞌ madiyawaꞌ pagaꞌanen. Daꞌa kaꞌam magpikil weꞌ kaꞌam ne asal mataꞌuhin.
17Bang niyaꞌ ngalaꞌat kaꞌam, daꞌa tumbasanun bi laꞌat. Hinangun bi sasuku mahāp si pagmatahan meꞌ aꞌahin kēmon. 18Tamanan tahinangbin, daꞌa teꞌed kaꞌam magsasaꞌ duk sine-sine ne, saguwaꞌ subey kaꞌam magsulut-sulut duk kēmon aꞌa. 19Meꞌ bagayku, daꞌa kaꞌam males saguwaꞌ ambat Tuhanin mamalesan kaꞌamin. Peggeꞌ tasulat hep dem kitab, pinaꞌin, “Aku mamalesin. Aku mangalegga meꞌ maghinang laꞌat si kaꞌamin, paꞌin Tuhanin.” 20Saguwaꞌ hinangun bi sa pinaꞌin dem kitabin, “Bang takitebi bantabin inusan, pakanun bi. Bang lekkakan iye, paꞌinumun bi. Bang hinangbi inin si iye, ujud iyaꞌ iye manamal.” 21Bang niyaꞌ laꞌat hininang si kaꞌam, daꞌa iye panumbasun bi laꞌat. Saguwaꞌ tumbasanun bi hāp duk tadaꞌag malaꞌatin.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2019, Wycliffe Bible Translators, Inc. All rights reserved.