Roma 10
10
1Meꞌ kapungtinaꞌihanku masandel pu si Isa Almasihin, iye teꞌed kabayaꞌankun weꞌ meꞌ pagkasiku bangsa Israꞌilin timbul du duk tapī si surgaꞌ. Duk pāku-pākuku teꞌed inin si Tuhan. 2Kataꞌuhanku weꞌ maggeꞌes teꞌed siye nuhut Tuhanin saguwaꞌ gaꞌi tewwaꞌ pakahātide bang saꞌingge panuhutde iyehin. 3Gaꞌi tahātide bang inumey duk aꞌahin taꞌampun duk takimmat bentel weꞌ Tuhanin. Kannalde weꞌ taꞌampun siye sabab panuhutde saraꞌin. Duk gaꞌi siye ngatu nuhut pinaꞌin Tuhanin bang inumey duk siye taꞌampunne duk takimmatne bentel. 4Kemuwe Isa Almasi pitu, dumaꞌin ne saraꞌin lān tudju Tuhanin. Saguwaꞌ hangkan kite kinimmatan bentel weꞌ Tuhanin peggeꞌ sandel kite pu si Isa Almasi.
Kēmon makajari tinimbul duk tapī si surgaꞌ
5Inin bakas sinulat weꞌ si Musa sabab aꞌa manuhut saraꞌin supaya iye kinimmatan bentel weꞌ Tuhanin. Paꞌinne, “Sine-sine asal makatuhut kēmon pangandaꞌakan dem saraꞌin, ellum du iye si surgaꞌ gaꞌ tamanan.” 6Saguwaꞌ da bayuꞌ hadja subey hininangten duk kite kinimmatan bentel weꞌ Tuhanin, subey kite sandel pu si Isa Almasi. Duk sabab inin niyaꞌ isab tasulat dem kitab, pinaꞌin, “Daꞌa paꞌinun bi, ‘Subey dahuꞌ niyaꞌ pī si surgaꞌ,’ ” (hātinen ngeddoꞌ Almasi binoꞌo pitu si dunya.) 7“Duk daꞌa isab paꞌinun bi, ‘Subey dahuꞌ niyaꞌ pī diyawaꞌ si lahat meꞌ pateyin,’ ” (hātinen moꞌo Almasi pitu.) 8Peggeꞌ pinaꞌin dem kitab, “Lapal Tuhanin luꞌu ne si kaꞌam. Makajari kaꞌam missāne duk ennaꞌbi dem ateybi.” Hātinen lapal minahalayak kami si kaꞌamin sabab bang saꞌingge taꞌampun duk takimmat bentel weꞌ Tuhanin meꞌ masandel pu Isa Almasihin. 9Bang magbennal kite si meꞌ aꞌa weꞌ si Isa Almasi Panuhutanten bi duk kahagadte teꞌed dem ateyte weꞌ pinakellum iye balik weꞌ Tuhanin amban kamateynen, na, timbul kite duk tapī kite si surgaꞌ. 10Peggeꞌ bang asal kahagad kite ateyten dambūs-būs duk magbennal kite si meꞌ aꞌa, inampun duk kinimmatan kite bentel weꞌ Tuhanin duk timbul kite. 11Paꞌin kitabin, “Sasuku makahagad si iyehin asal gaꞌi teꞌed magsusun.” 12Sakup kēmon manusiyaꞌin peggeꞌ gaꞌ biddaꞌ Yahudi duk dumaꞌin Yahudi, masi Tuhanin magbayaꞌ si siyehin kēmon duk urunganne kahāpan kēmon mamāku si iyehin. 13Paꞌin kitabin,
“Sine-sine pakatimbul si Panuhutanin, timbul du iye duk tapī iye si surgaꞌ.”
14Inumey pakatimbulde pu Isa Almasihin bang gaꞌi pe siye sandel si iye? Duk inumey kasandelde si iyehin bang gaꞌ pe bakas takalede aka-aka hāp sabab iyehin? Inumey pakakalede sabab iyehin bang gaꞌ niyaꞌ pī ngakahan siye? 15Inumey pangaka siyehin bang gaꞌi dinaꞌak pī meꞌ aꞌa mamagakahin? Saguwaꞌ niyaꞌ meꞌ aꞌa dinaꞌak weꞌ Tuhanin pī ngakahan siye. Sa pinaꞌin dem kitabin, “Asal kēgan teꞌed kite bang niyaꞌ tekka moꞌohan kite aka-aka hāp.” 16Saguwaꞌ dumaꞌin du kēmon makahagad si aka-aka mahāpin. Paꞌin Nabi Isaya hep awwalley, “Tuhan, kulang du makahagad si inaka kamihin.” 17Manjari, subey dahuꞌ minahalayak aka-aka sabab Isa Almasihin duk takale meꞌ aꞌahin, ubus meke ne siye sandel pu si Isa Almasi.
18Saguwaꞌ niyaꞌ tilewku: Gaꞌ enteꞌ takale meꞌ aꞌa Israꞌilin aka-aka sabab Isa Almasihin hangkan siye gaꞌi kahagad? Asal takalede du. Peggeꞌ paꞌin kitabin hep,
“Meꞌ aꞌa dinaꞌak Tuhanin magaka-aka si kēmon aꞌa duk meꞌ bissāden bawag si tibuꞌukan dunya.”
19Niyaꞌ tilewku seddili: Gaꞌ enteꞌ tahāti meꞌ aꞌa Israꞌilin weꞌ meꞌ bangsa dumaꞌin Yahudihin sukuꞌ si Tuhan isab? Asal tahātide du. Si Musa ne dehellu manambungin. Pinasulat hep weꞌ Tuhanin bissānen si iye. Paꞌin Tuhanin,
“Asipku du meꞌ aꞌa dumaꞌin Yahudihin, meꞌ aꞌa pinaꞌinbi weꞌ bangsa gaꞌ niyaꞌ gunane. Manjari ngimbū du kaꞌam duk astel kaꞌam peggeꞌ asipku meꞌ aꞌa manggaꞌi mangataꞌuhan akuhin.”
20Ubus, Nabi Isaya gaꞌ isab talew missā, paꞌinne,
“Iye inin pinaꞌin Tuhanin, ‘Meꞌ manggaꞌ mamiha akuhin, siye mangasuwaꞌ akuhin. Meꞌ manggaꞌ magtilew sabab akuhin, siye pamakitehanku dikun.’ ”
21Saguwaꞌ bang sabab meꞌ aꞌa Israꞌilin, iye inin pinaꞌin Isayahin, “Paꞌin Tuhanin, ‘Luwal ku ngahumatan meꞌ aꞌa manggaꞌi mapakale si akuhin, meꞌ aꞌa matuwas kōkden.’ ”
ទើបបានជ្រើសរើសហើយ៖
Roma 10: yakV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2019, Wycliffe Bible Translators, Inc. All rights reserved.
Roma 10
10
1Meꞌ kapungtinaꞌihanku masandel pu si Isa Almasihin, iye teꞌed kabayaꞌankun weꞌ meꞌ pagkasiku bangsa Israꞌilin timbul du duk tapī si surgaꞌ. Duk pāku-pākuku teꞌed inin si Tuhan. 2Kataꞌuhanku weꞌ maggeꞌes teꞌed siye nuhut Tuhanin saguwaꞌ gaꞌi tewwaꞌ pakahātide bang saꞌingge panuhutde iyehin. 3Gaꞌi tahātide bang inumey duk aꞌahin taꞌampun duk takimmat bentel weꞌ Tuhanin. Kannalde weꞌ taꞌampun siye sabab panuhutde saraꞌin. Duk gaꞌi siye ngatu nuhut pinaꞌin Tuhanin bang inumey duk siye taꞌampunne duk takimmatne bentel. 4Kemuwe Isa Almasi pitu, dumaꞌin ne saraꞌin lān tudju Tuhanin. Saguwaꞌ hangkan kite kinimmatan bentel weꞌ Tuhanin peggeꞌ sandel kite pu si Isa Almasi.
Kēmon makajari tinimbul duk tapī si surgaꞌ
5Inin bakas sinulat weꞌ si Musa sabab aꞌa manuhut saraꞌin supaya iye kinimmatan bentel weꞌ Tuhanin. Paꞌinne, “Sine-sine asal makatuhut kēmon pangandaꞌakan dem saraꞌin, ellum du iye si surgaꞌ gaꞌ tamanan.” 6Saguwaꞌ da bayuꞌ hadja subey hininangten duk kite kinimmatan bentel weꞌ Tuhanin, subey kite sandel pu si Isa Almasi. Duk sabab inin niyaꞌ isab tasulat dem kitab, pinaꞌin, “Daꞌa paꞌinun bi, ‘Subey dahuꞌ niyaꞌ pī si surgaꞌ,’ ” (hātinen ngeddoꞌ Almasi binoꞌo pitu si dunya.) 7“Duk daꞌa isab paꞌinun bi, ‘Subey dahuꞌ niyaꞌ pī diyawaꞌ si lahat meꞌ pateyin,’ ” (hātinen moꞌo Almasi pitu.) 8Peggeꞌ pinaꞌin dem kitab, “Lapal Tuhanin luꞌu ne si kaꞌam. Makajari kaꞌam missāne duk ennaꞌbi dem ateybi.” Hātinen lapal minahalayak kami si kaꞌamin sabab bang saꞌingge taꞌampun duk takimmat bentel weꞌ Tuhanin meꞌ masandel pu Isa Almasihin. 9Bang magbennal kite si meꞌ aꞌa weꞌ si Isa Almasi Panuhutanten bi duk kahagadte teꞌed dem ateyte weꞌ pinakellum iye balik weꞌ Tuhanin amban kamateynen, na, timbul kite duk tapī kite si surgaꞌ. 10Peggeꞌ bang asal kahagad kite ateyten dambūs-būs duk magbennal kite si meꞌ aꞌa, inampun duk kinimmatan kite bentel weꞌ Tuhanin duk timbul kite. 11Paꞌin kitabin, “Sasuku makahagad si iyehin asal gaꞌi teꞌed magsusun.” 12Sakup kēmon manusiyaꞌin peggeꞌ gaꞌ biddaꞌ Yahudi duk dumaꞌin Yahudi, masi Tuhanin magbayaꞌ si siyehin kēmon duk urunganne kahāpan kēmon mamāku si iyehin. 13Paꞌin kitabin,
“Sine-sine pakatimbul si Panuhutanin, timbul du iye duk tapī iye si surgaꞌ.”
14Inumey pakatimbulde pu Isa Almasihin bang gaꞌi pe siye sandel si iye? Duk inumey kasandelde si iyehin bang gaꞌ pe bakas takalede aka-aka hāp sabab iyehin? Inumey pakakalede sabab iyehin bang gaꞌ niyaꞌ pī ngakahan siye? 15Inumey pangaka siyehin bang gaꞌi dinaꞌak pī meꞌ aꞌa mamagakahin? Saguwaꞌ niyaꞌ meꞌ aꞌa dinaꞌak weꞌ Tuhanin pī ngakahan siye. Sa pinaꞌin dem kitabin, “Asal kēgan teꞌed kite bang niyaꞌ tekka moꞌohan kite aka-aka hāp.” 16Saguwaꞌ dumaꞌin du kēmon makahagad si aka-aka mahāpin. Paꞌin Nabi Isaya hep awwalley, “Tuhan, kulang du makahagad si inaka kamihin.” 17Manjari, subey dahuꞌ minahalayak aka-aka sabab Isa Almasihin duk takale meꞌ aꞌahin, ubus meke ne siye sandel pu si Isa Almasi.
18Saguwaꞌ niyaꞌ tilewku: Gaꞌ enteꞌ takale meꞌ aꞌa Israꞌilin aka-aka sabab Isa Almasihin hangkan siye gaꞌi kahagad? Asal takalede du. Peggeꞌ paꞌin kitabin hep,
“Meꞌ aꞌa dinaꞌak Tuhanin magaka-aka si kēmon aꞌa duk meꞌ bissāden bawag si tibuꞌukan dunya.”
19Niyaꞌ tilewku seddili: Gaꞌ enteꞌ tahāti meꞌ aꞌa Israꞌilin weꞌ meꞌ bangsa dumaꞌin Yahudihin sukuꞌ si Tuhan isab? Asal tahātide du. Si Musa ne dehellu manambungin. Pinasulat hep weꞌ Tuhanin bissānen si iye. Paꞌin Tuhanin,
“Asipku du meꞌ aꞌa dumaꞌin Yahudihin, meꞌ aꞌa pinaꞌinbi weꞌ bangsa gaꞌ niyaꞌ gunane. Manjari ngimbū du kaꞌam duk astel kaꞌam peggeꞌ asipku meꞌ aꞌa manggaꞌi mangataꞌuhan akuhin.”
20Ubus, Nabi Isaya gaꞌ isab talew missā, paꞌinne,
“Iye inin pinaꞌin Tuhanin, ‘Meꞌ manggaꞌ mamiha akuhin, siye mangasuwaꞌ akuhin. Meꞌ manggaꞌ magtilew sabab akuhin, siye pamakitehanku dikun.’ ”
21Saguwaꞌ bang sabab meꞌ aꞌa Israꞌilin, iye inin pinaꞌin Isayahin, “Paꞌin Tuhanin, ‘Luwal ku ngahumatan meꞌ aꞌa manggaꞌi mapakale si akuhin, meꞌ aꞌa matuwas kōkden.’ ”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2019, Wycliffe Bible Translators, Inc. All rights reserved.