Markus Pahāti sabab jūd sinulat weꞌ si Markus
Pahāti sabab jūd sinulat weꞌ si Markus
Si Markus inin bataꞌ pe katuꞌu si Isa si dunyahin. Patennaꞌannen laꞌi si puweblo Awrusalam. Lumaꞌ disi Markusin daran pagtipunan meꞌ tindeg si Isahin bang siye ngampun-ngampun tudju Tuhan. Hangkan magkinataꞌu si Markus duk si Petros duk meꞌ tindeg si Isa sinduwehin. Niyaꞌ magpaꞌin weꞌ si Markus inin kahagad pu si Isa sabab si Petros.
Tagnaꞌ si Paul duk Barnabas lumengngan magmahalayak si meꞌ kabangsahan dumaꞌin Yahudi, nuhut siye si Markus peggeꞌ magdanganakan si Barnabas duk si Markus. Saguwaꞌ gaꞌ pe talatag weꞌ de meꞌ lahat sōng papīhanden, hap lumaꞌ balik si Markus.
Duwen tahun puwas miyaꞌan, sōng lumengngan ne isab si Paul duk Barnabas pī balik si meꞌ lahat bakas pagmahalayakanden. Mabayaꞌ boꞌo Barnabas balik si Markus saguwaꞌ gaꞌi bayaꞌ si Paul. Sabab pagsaggaꞌde miyaꞌan, magsapeꞌ ne siye duwangan. Si Barnabas binoꞌo weꞌ ne si Markus duk pī siye si meꞌ lahat seddili magmahalayak.
Bang piyen tahun palabey, ngapagen ne sandel si Markus pu si Isa Almasihin. Sakaliꞌ si Petros laꞌi si Roma, dangan meꞌ saweꞌnen si Markus. Ekka taꞌaya si Markus amban si Petros.
Jūd inin sinulat weꞌ si Markus kalaꞌine si lahat Romahin duk sinulat inin weꞌ ne para si meꞌ aꞌa dumaꞌin bangsa Yahudi malaꞌi si lahat Romahin. Iye dehellu-dehellu manulat sabab meꞌ hinangan si Isahin. Sinulat inin weꞌ ne supaya meꞌ aꞌa Romahin ngataꞌu sabab Isa Almasi. Gaꞌ iye magaka tantu sabab meꞌ panoloꞌ si Isahin saguwaꞌ iye inakanen sabab meꞌ hinangan si Isa makaꞌulaliꞌin supaya kataꞌuhan weꞌ si Isa balakatan. Pinahāti isab weꞌ ne weꞌ si Isa taga kapatut ngampun duse.
Inin aka-aka hāp sabab Isa Almasi
Jūd inin sinulat weꞌ si Markus
ទើបបានជ្រើសរើសហើយ៖
Markus Pahāti sabab jūd sinulat weꞌ si Markus: yakV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2019, Wycliffe Bible Translators, Inc. All rights reserved.