Markus 7
7
Inggehin hāp tinuhut, biꞌat-biꞌatan aꞌa atawa daꞌakan Tuhan
(Mateo 15:1-9)
1Manjari magtipun meꞌ Pariseohin pī pu si Isa magtuhut duk bang piyangan guru si saraꞌ āgama amban Awrusalam. 2Takitede meꞌ tindeg si Isahin mangan. Kaharaman siye peggeꞌ meꞌ tindeg si Isahin mangan bu gaꞌ siye ngosoꞌ tangan makasutsi nuhut addat duk panoloꞌ meꞌ Pariseohin.
3Addat meꞌ Pariseohin duk kēmon ne meꞌ Yahudihin, gaꞌi hep siye mangan bang gaꞌi dahuꞌ siye kapangosoꞌ tangan nuhut biꞌat-biꞌatan meꞌ kapapuꞌanden. 4Bang siye tekka amban tabuꞌan, gaꞌi siye mangan bang gaꞌi dahuꞌ siye kapangosoꞌ kuweꞌ miyaꞌan. Duk ekka pe meꞌ biꞌat-biꞌatan seddili tuhutde kuweꞌ pagkosoꞌ meꞌ tikung, meꞌ kaldero duk meꞌ siliꞌ.
5Hangkan tinilew weꞌ meꞌ Pariseohin duk meꞌ guru si saraꞌ āgamahin si Isa, paꞌinde, “Weꞌey meꞌ tindegnun gaꞌi nuhut biꞌat-biꞌatan meꞌ kapapuꞌanten bi? Weꞌey siye mangan bisan siye gaꞌ bakas ngosoꞌ tangan makasutsi?” 6Nambung si Isa, paꞌinne, “Kaꞌam iyan magmā-mā nuhut Tuhan bu gaꞌi du. Asal bennal teꞌed bissā Tuhan sinulat Nabi Isaya sabab kaꞌamin. Laꞌi paꞌin Tuhanin,
‘Meꞌ aꞌa inin pahadjede ku duk behede, saguwaꞌ ateyden gaꞌi nuhut aku. 7Gaꞌ gunane pagsambahayangde si akuhin, peggeꞌ meꞌ pamanoloꞌden hinang-hinang aꞌa hadja bu paꞌinde amban aku,’ paꞌin Tuhanin.
8“Tinayikutan weꞌ bi meꞌ pangandaꞌakan Tuhanin,” paꞌin si Isa, “duk iye tinuhutbin meꞌ biꞌat-biꞌatan aꞌa. 9Asal pandey kaꞌam,” paꞌin si Isa. “Tinayikutan weꞌ bi meꞌ pangandaꞌakan Tuhanin supaya tatuhutbi biꞌat-biꞌatan kapapuꞌanbin. 10Peggeꞌ, missā hep Tuhanin dem saraꞌ pinangurungne pu si Musa para si meꞌ aꞌahin, paꞌinne, ‘Pagaddatanun bi saꞌi-samabin.’ Duk ‘Sine-sine missāhan saꞌinen atawa samanen laꞌatan, subey teꞌed iye pinapatey.’ 11Saguwaꞌ kaꞌam,” paꞌin si Isa, “si saraꞌ hininang-hinangbin hadja, paꞌinbi weꞌ bang niyaꞌ aꞌa magpaꞌin si saꞌi-samanen, ‘Gaꞌ ne niyaꞌ panabangku kaꞌam, Ammaꞌ atawa Inaꞌ, kulban ne, hātinen tapangurungku ne alataꞌkun si Tuhan,’ 12na, bang kuweꞌ miyaꞌan bissā aꞌahin,” paꞌin si Isa, “gaꞌi ne iye pahinangbi ine-ine panabangne meꞌ matettoꞌanen. 13Na, sa hinanganbi iyan, gaꞌi du pinagmasi weꞌ bi pangandaꞌakan Tuhanin peggeꞌ iye pamanoloꞌbin meꞌ biꞌat-biꞌatan kapapuꞌanbin. Duk ekka pe hinanganbi sa miyaꞌan.”
Bang ine makaharam aꞌahin
(Mateo 15:10-20)
14Puwas miyaꞌan, ilinganan ne isab balik weꞌ si Isa meꞌ aꞌahin pī si iye duk paꞌinne si siye, “Pakale kaꞌam kēmon si aku duk tahātibi bissāku inin: 15Dumaꞌin kinakan mapadiyalem si baran aꞌahin makaharam iyehin. Saguwaꞌ iye makaharam iyehin, meꞌ mapaluwas amban ateynen. 16Amey-amey pakalehun bi bang niyaꞌ pinaꞌin si kaꞌam.”
17Pagtumahalaꞌ ne disi Isa amban meꞌ aꞌahin, padiyalem siye dem lumaꞌ. Tinilew iye weꞌ meꞌ tindegnen sabab panoloꞌne miyaꞌan. 18Paꞌinne si siye, “Sampay kaꞌam isab, gaꞌi tahātibi? Gaꞌi ke tahātibi weꞌ bisan kinakan ine padiyalem dem baran aꞌa gaꞌi makaharam iye? 19Peggeꞌ gaꞌi hep inin padiyalem dem ateyne saguwaꞌ dem bettengne hadja, ubus bu pinaluwas du.” Bissā si Isa miyaꞌan magpahāti weꞌ gaꞌ niyaꞌ kinakan haram, kēmon halal.
20Paꞌin si Isa pe, “Mapaluwas amban atey aꞌahin, iye iyan makaharam iyehin. 21Peggeꞌ amban dem ateyne paguwaꞌ meꞌ pikilanne malaꞌatanin, pagjinahin, pagtangkewin duk pagpapateyin. 22Damikkiyan amban dem atey aꞌa, paguwaꞌ pagnapsuhin, pagakkalin, pagbaꞌisin, pagibegin, paglimut-limutin, paglangkew ateyin, pagkadupanganin, duk kēmon ne hinangan malaꞌatin. 23Kēmon meꞌ malaꞌat inin paluwas amban dem atey aꞌa duk iye makaharam iyehin.”
Sandel dende amban Penisiyahin
(Mateo 15:21-28)
24Manjari tahalaꞌ si Isa billaꞌi duk hap pī iye si dambuwaꞌ lahat tapit si puweblo Tiros. Paglaꞌi iye, padiyalem iye si dambuwaꞌ lumaꞌ, duk laꞌi iye patennaꞌ. Kabayaꞌannen weꞌ gaꞌ niyaꞌ ngataꞌu weꞌ laꞌi iye. Saguwaꞌ ujud kataꞌuhan du. 25Niyaꞌ dende laꞌi bakas takalene sabab si Isa. Pagkalene weꞌ īꞌ laꞌi si Isa, magtawus iye hap pī pasujud si bettis si Isa. Dende miyaꞌan taga anak dende-dende pasayedan seyitan. 26Dumaꞌin Yahudi dende miyaꞌan saguwaꞌ bangsa Penisiya iye, amban lahat Siriya. Na, manjari pabuyuꞌ-buyuꞌ iye pu si Isa pakipaluwasne seyitanin amban anaknen. 27Missā si Isa si iye si dalilan, paꞌinne, “Subey pinaꞌesso dehellu meꞌ anakin peggeꞌ gaꞌi patut ineddoꞌ kinakan meꞌ anakin bu ilakasan pī si meꞌ asu.” 28“Bennal, Tuwan,” paꞌin dendehin. “Saguwaꞌ bisan du meꞌ asu diyawaꞌ lamisahanin, kakande du mapagpag weꞌ meꞌ mākanakin.” 29Manjari paꞌin si Isa si iye, “Hap lumaꞌ ne kew. Sabab bissānu iyan, paluwas ne seyitanin amban anaknun.” 30Hap lumaꞌ ne dendehin duk kitene anaknen pabāk-bāk diyataꞌ kantil. Ubus ne paluwas seyitanin amban iye.
Kawuliꞌan aꞌa mabisu duk maꞌengngeꞌin
31Manjari tahalaꞌ si Isa amban meꞌ kalahatan si Tirosin balik pī si antag lamew Jalil. Binutasan weꞌ ne lahat Sidonin palabey amban lahat ēnande Sampūꞌ Puweblohin. 32Niyaꞌ dambuwaꞌ aꞌa bisu duk engngeꞌ binoꞌo weꞌ aꞌa pī pu si Isa. Pabuyuꞌ-buyuꞌ siye pu si Isa, pakibettad tangannen si iye. 33Manjari binoꞌo weꞌ si Isa aꞌahin tahalaꞌ amban dem meꞌ kaꞌekkahanin. Ubus pinapī weꞌ ne meꞌ timbōꞌnen dem tayinge aꞌahin. Ngaluraꞌ isab iye ubus bu inantan weꞌ ne dellaꞌ aꞌahin. 34Manjari mayam si Isa magdiyataꞌ langit duk magnapas iye pinahadje duk paꞌinne si aꞌahin, “Eppata!” Hātinen, “Paluka kaꞌam!” 35Magtawus tayinge aꞌahin makakale duk ngalokaꞌ ne dellaꞌnen duk pastiꞌ ne pamissānen. 36Manjari sinessaꞌan meꞌ aꞌahin weꞌ si Isa weꞌ subey siye gaꞌi magaka-aka pu sine-sine. Saguwaꞌ iye-iye panessaꞌnen, pasōng pe teꞌed pangaka-ngakade sabab inin. 37Duk bengngangan teꞌed meꞌ aꞌahin. Paꞌinde, “Uy, asal hāp teꞌed kēmon hinanganne inin. Bisan aꞌa mabisuhin makakale weꞌ ne duk aꞌa maꞌumewin makabissā weꞌ ne.”
ទើបបានជ្រើសរើសហើយ៖
Markus 7: yakV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2019, Wycliffe Bible Translators, Inc. All rights reserved.
Markus 7
7
Inggehin hāp tinuhut, biꞌat-biꞌatan aꞌa atawa daꞌakan Tuhan
(Mateo 15:1-9)
1Manjari magtipun meꞌ Pariseohin pī pu si Isa magtuhut duk bang piyangan guru si saraꞌ āgama amban Awrusalam. 2Takitede meꞌ tindeg si Isahin mangan. Kaharaman siye peggeꞌ meꞌ tindeg si Isahin mangan bu gaꞌ siye ngosoꞌ tangan makasutsi nuhut addat duk panoloꞌ meꞌ Pariseohin.
3Addat meꞌ Pariseohin duk kēmon ne meꞌ Yahudihin, gaꞌi hep siye mangan bang gaꞌi dahuꞌ siye kapangosoꞌ tangan nuhut biꞌat-biꞌatan meꞌ kapapuꞌanden. 4Bang siye tekka amban tabuꞌan, gaꞌi siye mangan bang gaꞌi dahuꞌ siye kapangosoꞌ kuweꞌ miyaꞌan. Duk ekka pe meꞌ biꞌat-biꞌatan seddili tuhutde kuweꞌ pagkosoꞌ meꞌ tikung, meꞌ kaldero duk meꞌ siliꞌ.
5Hangkan tinilew weꞌ meꞌ Pariseohin duk meꞌ guru si saraꞌ āgamahin si Isa, paꞌinde, “Weꞌey meꞌ tindegnun gaꞌi nuhut biꞌat-biꞌatan meꞌ kapapuꞌanten bi? Weꞌey siye mangan bisan siye gaꞌ bakas ngosoꞌ tangan makasutsi?” 6Nambung si Isa, paꞌinne, “Kaꞌam iyan magmā-mā nuhut Tuhan bu gaꞌi du. Asal bennal teꞌed bissā Tuhan sinulat Nabi Isaya sabab kaꞌamin. Laꞌi paꞌin Tuhanin,
‘Meꞌ aꞌa inin pahadjede ku duk behede, saguwaꞌ ateyden gaꞌi nuhut aku. 7Gaꞌ gunane pagsambahayangde si akuhin, peggeꞌ meꞌ pamanoloꞌden hinang-hinang aꞌa hadja bu paꞌinde amban aku,’ paꞌin Tuhanin.
8“Tinayikutan weꞌ bi meꞌ pangandaꞌakan Tuhanin,” paꞌin si Isa, “duk iye tinuhutbin meꞌ biꞌat-biꞌatan aꞌa. 9Asal pandey kaꞌam,” paꞌin si Isa. “Tinayikutan weꞌ bi meꞌ pangandaꞌakan Tuhanin supaya tatuhutbi biꞌat-biꞌatan kapapuꞌanbin. 10Peggeꞌ, missā hep Tuhanin dem saraꞌ pinangurungne pu si Musa para si meꞌ aꞌahin, paꞌinne, ‘Pagaddatanun bi saꞌi-samabin.’ Duk ‘Sine-sine missāhan saꞌinen atawa samanen laꞌatan, subey teꞌed iye pinapatey.’ 11Saguwaꞌ kaꞌam,” paꞌin si Isa, “si saraꞌ hininang-hinangbin hadja, paꞌinbi weꞌ bang niyaꞌ aꞌa magpaꞌin si saꞌi-samanen, ‘Gaꞌ ne niyaꞌ panabangku kaꞌam, Ammaꞌ atawa Inaꞌ, kulban ne, hātinen tapangurungku ne alataꞌkun si Tuhan,’ 12na, bang kuweꞌ miyaꞌan bissā aꞌahin,” paꞌin si Isa, “gaꞌi ne iye pahinangbi ine-ine panabangne meꞌ matettoꞌanen. 13Na, sa hinanganbi iyan, gaꞌi du pinagmasi weꞌ bi pangandaꞌakan Tuhanin peggeꞌ iye pamanoloꞌbin meꞌ biꞌat-biꞌatan kapapuꞌanbin. Duk ekka pe hinanganbi sa miyaꞌan.”
Bang ine makaharam aꞌahin
(Mateo 15:10-20)
14Puwas miyaꞌan, ilinganan ne isab balik weꞌ si Isa meꞌ aꞌahin pī si iye duk paꞌinne si siye, “Pakale kaꞌam kēmon si aku duk tahātibi bissāku inin: 15Dumaꞌin kinakan mapadiyalem si baran aꞌahin makaharam iyehin. Saguwaꞌ iye makaharam iyehin, meꞌ mapaluwas amban ateynen. 16Amey-amey pakalehun bi bang niyaꞌ pinaꞌin si kaꞌam.”
17Pagtumahalaꞌ ne disi Isa amban meꞌ aꞌahin, padiyalem siye dem lumaꞌ. Tinilew iye weꞌ meꞌ tindegnen sabab panoloꞌne miyaꞌan. 18Paꞌinne si siye, “Sampay kaꞌam isab, gaꞌi tahātibi? Gaꞌi ke tahātibi weꞌ bisan kinakan ine padiyalem dem baran aꞌa gaꞌi makaharam iye? 19Peggeꞌ gaꞌi hep inin padiyalem dem ateyne saguwaꞌ dem bettengne hadja, ubus bu pinaluwas du.” Bissā si Isa miyaꞌan magpahāti weꞌ gaꞌ niyaꞌ kinakan haram, kēmon halal.
20Paꞌin si Isa pe, “Mapaluwas amban atey aꞌahin, iye iyan makaharam iyehin. 21Peggeꞌ amban dem ateyne paguwaꞌ meꞌ pikilanne malaꞌatanin, pagjinahin, pagtangkewin duk pagpapateyin. 22Damikkiyan amban dem atey aꞌa, paguwaꞌ pagnapsuhin, pagakkalin, pagbaꞌisin, pagibegin, paglimut-limutin, paglangkew ateyin, pagkadupanganin, duk kēmon ne hinangan malaꞌatin. 23Kēmon meꞌ malaꞌat inin paluwas amban dem atey aꞌa duk iye makaharam iyehin.”
Sandel dende amban Penisiyahin
(Mateo 15:21-28)
24Manjari tahalaꞌ si Isa billaꞌi duk hap pī iye si dambuwaꞌ lahat tapit si puweblo Tiros. Paglaꞌi iye, padiyalem iye si dambuwaꞌ lumaꞌ, duk laꞌi iye patennaꞌ. Kabayaꞌannen weꞌ gaꞌ niyaꞌ ngataꞌu weꞌ laꞌi iye. Saguwaꞌ ujud kataꞌuhan du. 25Niyaꞌ dende laꞌi bakas takalene sabab si Isa. Pagkalene weꞌ īꞌ laꞌi si Isa, magtawus iye hap pī pasujud si bettis si Isa. Dende miyaꞌan taga anak dende-dende pasayedan seyitan. 26Dumaꞌin Yahudi dende miyaꞌan saguwaꞌ bangsa Penisiya iye, amban lahat Siriya. Na, manjari pabuyuꞌ-buyuꞌ iye pu si Isa pakipaluwasne seyitanin amban anaknen. 27Missā si Isa si iye si dalilan, paꞌinne, “Subey pinaꞌesso dehellu meꞌ anakin peggeꞌ gaꞌi patut ineddoꞌ kinakan meꞌ anakin bu ilakasan pī si meꞌ asu.” 28“Bennal, Tuwan,” paꞌin dendehin. “Saguwaꞌ bisan du meꞌ asu diyawaꞌ lamisahanin, kakande du mapagpag weꞌ meꞌ mākanakin.” 29Manjari paꞌin si Isa si iye, “Hap lumaꞌ ne kew. Sabab bissānu iyan, paluwas ne seyitanin amban anaknun.” 30Hap lumaꞌ ne dendehin duk kitene anaknen pabāk-bāk diyataꞌ kantil. Ubus ne paluwas seyitanin amban iye.
Kawuliꞌan aꞌa mabisu duk maꞌengngeꞌin
31Manjari tahalaꞌ si Isa amban meꞌ kalahatan si Tirosin balik pī si antag lamew Jalil. Binutasan weꞌ ne lahat Sidonin palabey amban lahat ēnande Sampūꞌ Puweblohin. 32Niyaꞌ dambuwaꞌ aꞌa bisu duk engngeꞌ binoꞌo weꞌ aꞌa pī pu si Isa. Pabuyuꞌ-buyuꞌ siye pu si Isa, pakibettad tangannen si iye. 33Manjari binoꞌo weꞌ si Isa aꞌahin tahalaꞌ amban dem meꞌ kaꞌekkahanin. Ubus pinapī weꞌ ne meꞌ timbōꞌnen dem tayinge aꞌahin. Ngaluraꞌ isab iye ubus bu inantan weꞌ ne dellaꞌ aꞌahin. 34Manjari mayam si Isa magdiyataꞌ langit duk magnapas iye pinahadje duk paꞌinne si aꞌahin, “Eppata!” Hātinen, “Paluka kaꞌam!” 35Magtawus tayinge aꞌahin makakale duk ngalokaꞌ ne dellaꞌnen duk pastiꞌ ne pamissānen. 36Manjari sinessaꞌan meꞌ aꞌahin weꞌ si Isa weꞌ subey siye gaꞌi magaka-aka pu sine-sine. Saguwaꞌ iye-iye panessaꞌnen, pasōng pe teꞌed pangaka-ngakade sabab inin. 37Duk bengngangan teꞌed meꞌ aꞌahin. Paꞌinde, “Uy, asal hāp teꞌed kēmon hinanganne inin. Bisan aꞌa mabisuhin makakale weꞌ ne duk aꞌa maꞌumewin makabissā weꞌ ne.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2019, Wycliffe Bible Translators, Inc. All rights reserved.