Markus 11
11
Pamahadjede si Isahin papīne si Awrusalamin
(Mateo 21:1-11; Lukas 19:28-40; Yahiya 12:12-19)
1Manjari tapit ne siye si Awrusalam peggeꞌ sōng tekka ne siye si meꞌ kalumaꞌan Betpage duk Betani laꞌi si kūd Jaitun. Dinaꞌak weꞌ si Isa duwangan tindegnen padehellu. 2Paꞌinne si siye, “Pī kaꞌam si kalumaꞌan si dehelluhanbi miyaꞌan. Pagtekkabi laꞌi, magtawus kaꞌam iyan ngite anak asnu dinagtel, gaꞌ pe bakas kasakeyan. Lekkahanun bi duk boꞌohun bi pitu. 3Bang niyaꞌ nilew kaꞌam bang weꞌey eddoꞌbi, paꞌinun bi, ‘Niyaꞌ kagunahan Panuhutanin si iye; papoleꞌne du balik pitu magtawus.’ ” 4Na manjari pī ne duwanganin duk takitede anak asnuhin iningketan si gawang lumaꞌ si bihing kalsara. Manjari ilekkahan ne weꞌ de. 5Niyaꞌ meꞌ aꞌa magtengge laꞌi. Sinduwehin nilew siye, paꞌinde, “Hoy, weꞌey lekkahanbi anak asnu iyan?” 6Nambung siye kuweꞌ panessaꞌ si Isa siyehin, duk pinasagadan ne weꞌ de binoꞌo.
7Manjari binoꞌo weꞌ de anak asnuhin pī pu si Isa. Ilampiruhan weꞌ de duk meꞌ semmekde, ubus bu pasakey ne si Isa. 8Ekka isab meꞌ aꞌa laꞌi. Binellat weꞌ meꞌ aꞌahin meꞌ semmekden si lān palabeyannen. Meꞌ sinduwehin kinanatan weꞌ de lānin duk meꞌ pange dawenan bakas totoꞌde amban dem meꞌ kabbun, pamahadjede si Isa. 9Magellang-ellang meꞌ aꞌa si dehelluhanin duk meꞌ si dambulihanin. Paꞌinde, “Pudjite bi Tuhanin. Pudjite bi pinapitu weꞌ Tuhanin. 10Pudjite bi matekka inin, iye mapagantiꞌ si papuꞌte bi ley, Sultan Daꞌud. Pudjite bi teꞌed Tuhanin.”
11Manjari pagtekka si Isa si Awrusalam, paꞌasek iye pī dem langgal mahadjehin. Pinayaman weꞌ ne paliput kēmon malaꞌi diyalemin. Ubus paluwas iye pī si Betani magtuhut duk meꞌ tindegne sampūꞌ duk duwehin peggeꞌ kohap ne.
Ngalanes kayuhin
(Mateo 21:18-19)
12Pagsasumu sābude maglengngan amban Betani balik hap Awrusalam inusan si Isa. 13Manjari amban katalahan niyaꞌ kitene poꞌon kayu ēnande igira ekka dawenne. Patapit iye pī kaw du paꞌin iye ngasuwaꞌ buwaꞌne. Pagabutne laꞌi, luwal hadja dawen takitenen peggeꞌ dumaꞌin baytu pagbuwaꞌ meꞌ igira. 14Paꞌin si Isa, “Tinagnaꞌan maꞌin gaꞌi ne buwaꞌ balik kayu inin.” Duk takale inin weꞌ meꞌ tindegnen.
Pī si Isa dem langgal hadje
(Mateo 21:12-17; Lukas 19:45-48; Yahiya 2:13-22)
15Pagtekka siye si Awrusalam, padiyalem si Isa dem langgal hadjehin duk binudjew weꞌ ne meꞌ aꞌa magdagang duk meꞌ magbelli diyalem lumaꞌ Tuhanin. Ilintuwadan weꞌ ne meꞌ lamisahan meꞌ aꞌa magsambiꞌ-sambiꞌ sīnin. Ilintuwadan isab weꞌ ne meꞌ paningkoloꞌan meꞌ aꞌa magdagang assang pagkulubanin. 16Gaꞌi isab iye ngandaꞌak bisan sine pabutas diyalem langgal magboꞌo meꞌ kapanyapanden. 17Magusihat si Isa, paꞌinne si meꞌ aꞌahin, “Tasulat dem kitab, paꞌin Tuhanin, ‘Lumaꞌkun inēnan du lumaꞌ pangampunan meꞌ kēmon bangsa.’ Saguwaꞌ kaꞌam,” paꞌin si Isa, “hininang weꞌ bi lumaꞌ Tuhanin kuweꞌ lumaꞌ patapukan meꞌ aꞌa panangkew.”
18Manjari kaꞌakahan meꞌ nakuraꞌ meꞌ imamin duk meꞌ guru si saraꞌ āgamahin sabab hininang si Isa miyaꞌan. Tinalew siye si iye peggeꞌ kēmon aꞌa mabanesin bengngangan si usihatnen. Hangkan miha siye lān supaya tapapateyde si Isa. 19Pagmagalib ne, paluwas si Isa duk meꞌ tindegnen amban puweblo miyaꞌan.
Magtoloꞌ si Isa sabab pamāku-māku si Tuhan duk sabab pagampun
(Mateo 21:20-22)
20Pagsalung ellew dambuwaꞌin, pagbalikde hap Awrusalam, palabey siye si antag kayu igirahin. Takitede kayuhin lanes ne sampay pī si gamutne. 21Manjari taꞌesseb weꞌ si Petros bakas binissā si Isa sabab kayuhin. Paꞌinne pu si Isa, “Uy, Tuwan, payamanun be. Lanes ne kayu igira bakas sinuknaꞌannun.” 22Paꞌin si Isa si siye, “Ngandel kaꞌam si Tuhan. 23Sabennal akahante kaꞌam,” paꞌinne, “sine-sine magpaꞌin si punu inin, ‘O punu, tahalaꞌ kew duk pateppad kew pī dem tahik,’ duk bang aꞌahin gaꞌi duwe-duwehan dem ateynen saguwaꞌ ngandel teꞌed iye weꞌ tuman du binissāne miyaꞌan, asal hininang du miyaꞌan para si iye. 24Hangkan hep paꞌinku si kaꞌam, ine-ine pākubi si Tuhan, bang kaꞌam kahagad weꞌ tasangkabi ne pinākubin, asal bugtuꞌ tasangkabi du. 25Saguwaꞌ bang kaꞌam sābu māku-māku si Tuhan bu niyaꞌ aꞌa kapeddiꞌan ateybi subey dahuꞌ iye ampunbi supaya isab dusebin ampun Tuhanin, iye Samabi si surgaꞌin. 26Peggeꞌ,” paꞌin si Isa, “bang gaꞌi siye ampunbi, gaꞌi isab dusebin ampun Tuhanin, iye Samabi si surgaꞌin.”
Tinilew weꞌ de si Isa bang amban kapatutnen
(Mateo 21:23-27; Lukas 20:1-8)
27Manjari tekka ne siye si Awrusalam. Sasang si Isa lumengngan diyalem langgal hadjehin, patapit pī si iye meꞌ nakuraꞌ imamin duk meꞌ guru si saraꞌ āgamahin duk meꞌ kabahiꞌanin. 28Paꞌinde si iye, “Ine kapatutnu ngahinang meꞌ hininangnu ellew miyaꞌan? Sine mangurungan kaꞌu kapatutin?” 29Sambungan si Isa siye, paꞌinne, “Niyaꞌ isab tilewku si kaꞌam. Sambunganun bi ku meke kaꞌam akahanku bang ine kapatutku ngahinang meꞌ hinanganku miyaꞌan. 30Pamandi Yahiya meꞌ aꞌahin, amban kapatutnen? Amban Tuhan ke atawa amban manusiyaꞌ hadja? Sambunganun bi ku.”
31Manjari magisun-isun siye, paꞌinde, “Bang saꞌupama paꞌinte bi weꞌ kapatut Yahiya pamandine meꞌ aꞌahin amban Tuhan, paꞌinne iyan, ‘Na weꞌey Yahiya gaꞌ kahagadbi?’ 32Saguwaꞌ bang paꞌinte bi, ‘Amban manusiyaꞌ,’ na makatalew isab.” Tinalew siye si meꞌ aꞌahin peggeꞌ kēmon aꞌahin kahagad weꞌ Yahiya asal bennal nabi Tuhanin. 33Hangkan nambung siye, paꞌinde, “Inday, gaꞌi kataꞌuhan kami bang amban kapatut Yahiyahin.” Manjari paꞌin si Isa si siye, “Na, gaꞌi isab kaꞌam akahanku bang amban kapatutku maghinang meꞌ hininangku miyaꞌan.”
ទើបបានជ្រើសរើសហើយ៖
Markus 11: yakV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2019, Wycliffe Bible Translators, Inc. All rights reserved.
Markus 11
11
Pamahadjede si Isahin papīne si Awrusalamin
(Mateo 21:1-11; Lukas 19:28-40; Yahiya 12:12-19)
1Manjari tapit ne siye si Awrusalam peggeꞌ sōng tekka ne siye si meꞌ kalumaꞌan Betpage duk Betani laꞌi si kūd Jaitun. Dinaꞌak weꞌ si Isa duwangan tindegnen padehellu. 2Paꞌinne si siye, “Pī kaꞌam si kalumaꞌan si dehelluhanbi miyaꞌan. Pagtekkabi laꞌi, magtawus kaꞌam iyan ngite anak asnu dinagtel, gaꞌ pe bakas kasakeyan. Lekkahanun bi duk boꞌohun bi pitu. 3Bang niyaꞌ nilew kaꞌam bang weꞌey eddoꞌbi, paꞌinun bi, ‘Niyaꞌ kagunahan Panuhutanin si iye; papoleꞌne du balik pitu magtawus.’ ” 4Na manjari pī ne duwanganin duk takitede anak asnuhin iningketan si gawang lumaꞌ si bihing kalsara. Manjari ilekkahan ne weꞌ de. 5Niyaꞌ meꞌ aꞌa magtengge laꞌi. Sinduwehin nilew siye, paꞌinde, “Hoy, weꞌey lekkahanbi anak asnu iyan?” 6Nambung siye kuweꞌ panessaꞌ si Isa siyehin, duk pinasagadan ne weꞌ de binoꞌo.
7Manjari binoꞌo weꞌ de anak asnuhin pī pu si Isa. Ilampiruhan weꞌ de duk meꞌ semmekde, ubus bu pasakey ne si Isa. 8Ekka isab meꞌ aꞌa laꞌi. Binellat weꞌ meꞌ aꞌahin meꞌ semmekden si lān palabeyannen. Meꞌ sinduwehin kinanatan weꞌ de lānin duk meꞌ pange dawenan bakas totoꞌde amban dem meꞌ kabbun, pamahadjede si Isa. 9Magellang-ellang meꞌ aꞌa si dehelluhanin duk meꞌ si dambulihanin. Paꞌinde, “Pudjite bi Tuhanin. Pudjite bi pinapitu weꞌ Tuhanin. 10Pudjite bi matekka inin, iye mapagantiꞌ si papuꞌte bi ley, Sultan Daꞌud. Pudjite bi teꞌed Tuhanin.”
11Manjari pagtekka si Isa si Awrusalam, paꞌasek iye pī dem langgal mahadjehin. Pinayaman weꞌ ne paliput kēmon malaꞌi diyalemin. Ubus paluwas iye pī si Betani magtuhut duk meꞌ tindegne sampūꞌ duk duwehin peggeꞌ kohap ne.
Ngalanes kayuhin
(Mateo 21:18-19)
12Pagsasumu sābude maglengngan amban Betani balik hap Awrusalam inusan si Isa. 13Manjari amban katalahan niyaꞌ kitene poꞌon kayu ēnande igira ekka dawenne. Patapit iye pī kaw du paꞌin iye ngasuwaꞌ buwaꞌne. Pagabutne laꞌi, luwal hadja dawen takitenen peggeꞌ dumaꞌin baytu pagbuwaꞌ meꞌ igira. 14Paꞌin si Isa, “Tinagnaꞌan maꞌin gaꞌi ne buwaꞌ balik kayu inin.” Duk takale inin weꞌ meꞌ tindegnen.
Pī si Isa dem langgal hadje
(Mateo 21:12-17; Lukas 19:45-48; Yahiya 2:13-22)
15Pagtekka siye si Awrusalam, padiyalem si Isa dem langgal hadjehin duk binudjew weꞌ ne meꞌ aꞌa magdagang duk meꞌ magbelli diyalem lumaꞌ Tuhanin. Ilintuwadan weꞌ ne meꞌ lamisahan meꞌ aꞌa magsambiꞌ-sambiꞌ sīnin. Ilintuwadan isab weꞌ ne meꞌ paningkoloꞌan meꞌ aꞌa magdagang assang pagkulubanin. 16Gaꞌi isab iye ngandaꞌak bisan sine pabutas diyalem langgal magboꞌo meꞌ kapanyapanden. 17Magusihat si Isa, paꞌinne si meꞌ aꞌahin, “Tasulat dem kitab, paꞌin Tuhanin, ‘Lumaꞌkun inēnan du lumaꞌ pangampunan meꞌ kēmon bangsa.’ Saguwaꞌ kaꞌam,” paꞌin si Isa, “hininang weꞌ bi lumaꞌ Tuhanin kuweꞌ lumaꞌ patapukan meꞌ aꞌa panangkew.”
18Manjari kaꞌakahan meꞌ nakuraꞌ meꞌ imamin duk meꞌ guru si saraꞌ āgamahin sabab hininang si Isa miyaꞌan. Tinalew siye si iye peggeꞌ kēmon aꞌa mabanesin bengngangan si usihatnen. Hangkan miha siye lān supaya tapapateyde si Isa. 19Pagmagalib ne, paluwas si Isa duk meꞌ tindegnen amban puweblo miyaꞌan.
Magtoloꞌ si Isa sabab pamāku-māku si Tuhan duk sabab pagampun
(Mateo 21:20-22)
20Pagsalung ellew dambuwaꞌin, pagbalikde hap Awrusalam, palabey siye si antag kayu igirahin. Takitede kayuhin lanes ne sampay pī si gamutne. 21Manjari taꞌesseb weꞌ si Petros bakas binissā si Isa sabab kayuhin. Paꞌinne pu si Isa, “Uy, Tuwan, payamanun be. Lanes ne kayu igira bakas sinuknaꞌannun.” 22Paꞌin si Isa si siye, “Ngandel kaꞌam si Tuhan. 23Sabennal akahante kaꞌam,” paꞌinne, “sine-sine magpaꞌin si punu inin, ‘O punu, tahalaꞌ kew duk pateppad kew pī dem tahik,’ duk bang aꞌahin gaꞌi duwe-duwehan dem ateynen saguwaꞌ ngandel teꞌed iye weꞌ tuman du binissāne miyaꞌan, asal hininang du miyaꞌan para si iye. 24Hangkan hep paꞌinku si kaꞌam, ine-ine pākubi si Tuhan, bang kaꞌam kahagad weꞌ tasangkabi ne pinākubin, asal bugtuꞌ tasangkabi du. 25Saguwaꞌ bang kaꞌam sābu māku-māku si Tuhan bu niyaꞌ aꞌa kapeddiꞌan ateybi subey dahuꞌ iye ampunbi supaya isab dusebin ampun Tuhanin, iye Samabi si surgaꞌin. 26Peggeꞌ,” paꞌin si Isa, “bang gaꞌi siye ampunbi, gaꞌi isab dusebin ampun Tuhanin, iye Samabi si surgaꞌin.”
Tinilew weꞌ de si Isa bang amban kapatutnen
(Mateo 21:23-27; Lukas 20:1-8)
27Manjari tekka ne siye si Awrusalam. Sasang si Isa lumengngan diyalem langgal hadjehin, patapit pī si iye meꞌ nakuraꞌ imamin duk meꞌ guru si saraꞌ āgamahin duk meꞌ kabahiꞌanin. 28Paꞌinde si iye, “Ine kapatutnu ngahinang meꞌ hininangnu ellew miyaꞌan? Sine mangurungan kaꞌu kapatutin?” 29Sambungan si Isa siye, paꞌinne, “Niyaꞌ isab tilewku si kaꞌam. Sambunganun bi ku meke kaꞌam akahanku bang ine kapatutku ngahinang meꞌ hinanganku miyaꞌan. 30Pamandi Yahiya meꞌ aꞌahin, amban kapatutnen? Amban Tuhan ke atawa amban manusiyaꞌ hadja? Sambunganun bi ku.”
31Manjari magisun-isun siye, paꞌinde, “Bang saꞌupama paꞌinte bi weꞌ kapatut Yahiya pamandine meꞌ aꞌahin amban Tuhan, paꞌinne iyan, ‘Na weꞌey Yahiya gaꞌ kahagadbi?’ 32Saguwaꞌ bang paꞌinte bi, ‘Amban manusiyaꞌ,’ na makatalew isab.” Tinalew siye si meꞌ aꞌahin peggeꞌ kēmon aꞌahin kahagad weꞌ Yahiya asal bennal nabi Tuhanin. 33Hangkan nambung siye, paꞌinde, “Inday, gaꞌi kataꞌuhan kami bang amban kapatut Yahiyahin.” Manjari paꞌin si Isa si siye, “Na, gaꞌi isab kaꞌam akahanku bang amban kapatutku maghinang meꞌ hininangku miyaꞌan.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2019, Wycliffe Bible Translators, Inc. All rights reserved.