Lukas 2
2
Panganak pu si Isa Almasihin
(Mateo 1:18-25)
1Masa īꞌ, si Agustus Sultan Nakuraꞌ si bangsa Romahin. Manjari ngurung uldin iye weꞌ subey magpalista kēmon aꞌa dem meꞌ kalahat-lahatan si antanannen. 2Iye inin tagnaꞌ pangalista meꞌ aꞌahin, duk masa si Kirinu gubnul si lahat Siriyahin paglista inin. 3Hangkan kēmon aꞌahin balik pī si lahat kapapuꞌanden magpalista.
4Si Yusup lumengngan amban puweblo Nasaret laꞌi si lahat Jalil pataked hap pī si lahat Yahudiya, si puweblo Betlehem, iye lahat panganakan Sultan Daꞌud ley. Pī iye magpalista laꞌi peggeꞌ tubuꞌ si Daꞌud iye. 5Magtuhut iye duk Mariyam tunangnen pī magpalista. Si Mariyam betteng. 6Manjari, baytude laꞌi si Betlehem, taꞌabut nganak Mariyam. 7Inanakan weꞌ ne anakne panganayenin, lella. Pinutus weꞌ ne nakanakin dem olos duk pinabāk weꞌ ne dem kahun pagpakanan hayep dem kamalig peggeꞌ gaꞌ niyaꞌ lānde dem lumaꞌ paghegpaꞌ-hegpaꞌanin.
Meꞌ pastul bili-bilihin duk meꞌ malaꞌikatin
8Na, sangem miyaꞌan, niyaꞌ meꞌ pastul bili-bili si lahat miyaꞌan magjaga manteyan meꞌ panenan bili-biliden dem kabalilihan si kahayangan. 9Bessuwang niyaꞌ dambuwaꞌ malaꞌikat Tuhanin pabagala si siye duk sahaya Tuhanin ninag paliput si siye hangkan kadahitan teꞌed siye. 10Saguwaꞌ paꞌin malaꞌikatin, “Daꞌa kaꞌam tinalew, peggeꞌ pitu ku ngakahan kaꞌam aka-aka hāp makakēg meꞌ aꞌahin kēmon. 11Laꞌi si Betlehem, puweblo Sultan Daꞌud awwalley, inanakan ne ellew inin Manimbul kaꞌamin. Iye Almasi, Panuhutanin. 12Duk iye inin indanin weꞌ bennal aka-aka inin: kasuwaꞌbi du nakanakin pinutus dem olos duk pinabāk dem kahun pagpakanan hayep.”
13Manjari niyaꞌ magtawus takitede si bihing malaꞌikatin banes teꞌed malaꞌikat amban surgaꞌ. Pinudji weꞌ de Tuhanin, paꞌinde, 14“Pataꞌ Tuhanin pinudji si surgaꞌ, duk si dunya karayaw sanyang meꞌ aꞌa makasulut iyehin!”
15Ubus tahalaꞌ ne meꞌ malaꞌikatin balik pī si surgaꞌ. Pagtumahalaꞌ ne siye, paꞌin meꞌ pastul bili-bilihin, “Sūng kite bi pī si Betlehem. Payamante bi bakas pinagintaꞌu weꞌ Tuhan si kite inin.” 16Manjari magdayiꞌ-dayiꞌ siye pī duk takasuwaꞌ weꞌ de si Mariyam duk si Yusup, duk nakanakin laꞌi pinabāk dem kahun pagpakanan hayep. 17Pagkitede nakanakin, magaka-aka siye sabab bakas inaka malaꞌikat si siyehin pasal nakanak miyaꞌan. 18Duk kēmon makakale inaka meꞌ pastul miyaꞌan, ulaliꞌ manamal. 19Saguwaꞌ si Mariyam inesseb-esseb weꞌ ne kēmon inin duk luwal pikil-pikilne. 20Manjari balik ne meꞌ pastulin pī si meꞌ hayepden. Pinudji duk sinanglitan weꞌ de Tuhanin sabab meꞌ bakas takaleden duk takiteden, peggeꞌ kēmon bakas inaka malaꞌikat si siyehin toꞌo teꞌed.
Pangislam si Isahin
21Pagtaꞌabut ne nakanakin walum bahangi diyataꞌ kāpan, inislam iye duk inēnan iye si Isa, ēn pangēn malaꞌikatin gaꞌ pe iniraman nakanakin.
Sinōngan si Isa dem langgal hadjehin
22Puwas ampatpūꞌ bahangi bakas panganak Mariyamin, tinuhut ne weꞌ si Yusup duk Mariyam addat pagsutsihin sa pangandaꞌakan saraꞌ si Musahin. Binoꞌo weꞌ de nakanakin pī si Awrusalam supaya iye kasōngande si Tuhan laꞌi. 23Tinuhut weꞌ de tasulat dem saraꞌ pinangurung Tuhanin, pinaꞌin, “Kēmon anak lella panganayen subey sinōngan si Tuhan.” 24Duk pī isab siye magkuluban sa pangandaꞌakan dem saraꞌ Tuhanin weꞌ duwe koꞌ assang atawa duwe tukmu bahu ilayangan subey sōngande hinang kuluban.
25Na, niyaꞌ laꞌi aꞌa si Awrusalam ēnnen si Simiyun. Aꞌa inin bentel duk luwal nambahayang si Tuhan. Inagad-agad weꞌ ne waktu katekka manimbul bangsa Israꞌilin. Duk laꞌi si iye Niyawa Sutsihin. 26Bakas pinagintaꞌu si iye weꞌ Niyawa Sutsihin weꞌ gaꞌi iye matey samantaꞌan gaꞌi kitene Almasi, bakas pananggup Tuhanin. 27Manjari dinaꞌak iye pī dem langgal hadjehin weꞌ Niyawa Sutsihin. Andang ne iye laꞌi dem langgal pagtekka pī saꞌi-sama si Isahin moꞌo iye supaya tahinang si iye pangandaꞌakan saraꞌin. 28Pagkite si Simiyun nakanakin, ineddoꞌ bu pinippi weꞌ ne bu magsukul iye si Tuhan, paꞌinne, 29“O Tuhan, makajari ne ku, daraꞌakannun, papoleꞌnu hap ahilat peggeꞌ tuman ne pananggupnu si akuhin. 30Takite mataku ne inin manimbulin 31pinapitu weꞌ nu supaya takite meꞌ manusiyaꞌin kēmon. 32Iye dalil dantaꞌ makitehan kabayaꞌannun si meꞌ kabangsahan sinduwehin duk sababne pinahadje du meꞌ aꞌanun bangsa Israꞌilin.”
33Ulaliꞌ teꞌed saꞌi-sama nakanakin si meꞌ binissā si Simiyunin sabab anakden. 34Manjari māku-māku si Simiyun kahāpan amban Tuhan para si siye. Ubus missā iye pu si Mariyam, saꞌi nakanakin, paꞌinne, “Anaknu inin, iye pangagantaꞌ Tuhan si iyehin weꞌ sababne, ekka aꞌa si bangsa Israꞌil patapit si Tuhan duk ekka isab patala amban Tuhan. Pinapitu iye weꞌ Tuhanin hinang tandaꞌ, saguwaꞌ gaꞌi iye tinayimaꞌ weꞌ meꞌ aꞌa maꞌekkahin. 35Duk sababne, paluwas du bang ine teꞌed pinikilden. Duk kaꞌu, Mariyam, hawal dukkanun kuweꞌ ilogsok iyan ateynun duk kalis.”
36Niyaꞌ isab laꞌi dambuwaꞌ nabi dende inēnan si Anna, anak Panuꞌel, pangkatan si Aser ley. Bahiꞌ ne teꞌed iye. Pitun tahun hadja pagdambuwaꞌne duk ellanen, 37ubus balu iye sampay kuweꞌitu walumpūꞌ duk ampat tahun ne umulnen. Luwal iye dem langgal hadjehin sampay magpuwase duk ngampun duk magsambahayang dumaꞌin hadja ellew saguwaꞌ bisan sangem. 38Patapit iye duk magsukul iye si Tuhan duk missā iye sabab nakanakin si meꞌ aꞌahin, sasuku ngase-ngase weꞌ timbul Tuhanin du bangsade Israꞌilin.
Pagbalikde pī si Nasaret
39Pagubus ne tahinangde kēmon pangandaꞌakan dem saraꞌ Tuhanin, balik ne Mariyam duk si Yusup hap Jalil pī si puwebloden Nasaret. 40Nakanakin nulig duk ngabasag. Pasōng kataꞌunen duk kasulutan teꞌed Tuhanin si iye.
Si Isa laꞌi dem langgal hadje
41Kahabaꞌ tahun meꞌ matettoꞌa si Isahin hap pī si Awrusalam bang baytu pagkādjaꞌan Pangesseban Palabey Tuhanin. 42Pagsampūꞌ duk duwen tahun ne umul si Isahin, hap pī siye si pagkādjaꞌan miyaꞌan sa hinanganden. 43Pagubus ne kādjaꞌanin, hap lumaꞌ ne siye. Saguwaꞌ si Isa paꞌamban si Awrusalam bu gaꞌ inin kataꞌuhan meꞌ matettoꞌanen. 44Kannalde laꞌi du iye patuhut si meꞌ saweꞌde maglengnganin. Maglengngan pe siye kekkohapan bahude miha iye laꞌi si meꞌ kaꞌusbahanden duk meꞌ kabagayanden saguwaꞌ gaꞌ iye laꞌi. 45Peggeꞌ gaꞌ iye kasuwaꞌde, balik siye hap Awrusalam miha iye. 46Pagpuwas tellum bahangi, takasuwaꞌde iye diyalem langgal hadjehin magtingkoloꞌ duk meꞌ guru, pakale si siye duk nilew-nilew siye. 47Kēmon makakale iyehin ulaliꞌ teꞌed peggeꞌ lalem kataꞌunen duk tewwaꞌ meꞌ panambungnen. 48Ulaliꞌ teꞌed meꞌ matettoꞌanen pagkitede iye. Paꞌin saꞌinen si iye, “Totoꞌ, weꞌey sa inin hininangnu si kamihin? Samanun duk aku suse teꞌed magpiha si kaꞌu.”
49“Weꞌey pe ku pihabi?” paꞌin si Isa. “Weꞌ gaꞌ kataꞌuhanbi weꞌ subey ku tuꞌu si lumaꞌ Samakun?” 50Saguwaꞌ gaꞌ tahātide pinaꞌinne miyaꞌan.
51Manjari nuhut ne si Isa meꞌ matettoꞌanen hap lumaꞌ pī si Nasaret duk tuhutne pangandaꞌakande iyehin. Duk kēmon malumabeyin inennaꞌ-ennaꞌ weꞌ Mariyam dem ateyne. 52Pasōng panulig si Isahin duk pasōng isab kataꞌunen. Pasōng isab kasulutan Tuhanin duk meꞌ aꞌahin si iye.
ទើបបានជ្រើសរើសហើយ៖
Lukas 2: yakV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2019, Wycliffe Bible Translators, Inc. All rights reserved.
Lukas 2
2
Panganak pu si Isa Almasihin
(Mateo 1:18-25)
1Masa īꞌ, si Agustus Sultan Nakuraꞌ si bangsa Romahin. Manjari ngurung uldin iye weꞌ subey magpalista kēmon aꞌa dem meꞌ kalahat-lahatan si antanannen. 2Iye inin tagnaꞌ pangalista meꞌ aꞌahin, duk masa si Kirinu gubnul si lahat Siriyahin paglista inin. 3Hangkan kēmon aꞌahin balik pī si lahat kapapuꞌanden magpalista.
4Si Yusup lumengngan amban puweblo Nasaret laꞌi si lahat Jalil pataked hap pī si lahat Yahudiya, si puweblo Betlehem, iye lahat panganakan Sultan Daꞌud ley. Pī iye magpalista laꞌi peggeꞌ tubuꞌ si Daꞌud iye. 5Magtuhut iye duk Mariyam tunangnen pī magpalista. Si Mariyam betteng. 6Manjari, baytude laꞌi si Betlehem, taꞌabut nganak Mariyam. 7Inanakan weꞌ ne anakne panganayenin, lella. Pinutus weꞌ ne nakanakin dem olos duk pinabāk weꞌ ne dem kahun pagpakanan hayep dem kamalig peggeꞌ gaꞌ niyaꞌ lānde dem lumaꞌ paghegpaꞌ-hegpaꞌanin.
Meꞌ pastul bili-bilihin duk meꞌ malaꞌikatin
8Na, sangem miyaꞌan, niyaꞌ meꞌ pastul bili-bili si lahat miyaꞌan magjaga manteyan meꞌ panenan bili-biliden dem kabalilihan si kahayangan. 9Bessuwang niyaꞌ dambuwaꞌ malaꞌikat Tuhanin pabagala si siye duk sahaya Tuhanin ninag paliput si siye hangkan kadahitan teꞌed siye. 10Saguwaꞌ paꞌin malaꞌikatin, “Daꞌa kaꞌam tinalew, peggeꞌ pitu ku ngakahan kaꞌam aka-aka hāp makakēg meꞌ aꞌahin kēmon. 11Laꞌi si Betlehem, puweblo Sultan Daꞌud awwalley, inanakan ne ellew inin Manimbul kaꞌamin. Iye Almasi, Panuhutanin. 12Duk iye inin indanin weꞌ bennal aka-aka inin: kasuwaꞌbi du nakanakin pinutus dem olos duk pinabāk dem kahun pagpakanan hayep.”
13Manjari niyaꞌ magtawus takitede si bihing malaꞌikatin banes teꞌed malaꞌikat amban surgaꞌ. Pinudji weꞌ de Tuhanin, paꞌinde, 14“Pataꞌ Tuhanin pinudji si surgaꞌ, duk si dunya karayaw sanyang meꞌ aꞌa makasulut iyehin!”
15Ubus tahalaꞌ ne meꞌ malaꞌikatin balik pī si surgaꞌ. Pagtumahalaꞌ ne siye, paꞌin meꞌ pastul bili-bilihin, “Sūng kite bi pī si Betlehem. Payamante bi bakas pinagintaꞌu weꞌ Tuhan si kite inin.” 16Manjari magdayiꞌ-dayiꞌ siye pī duk takasuwaꞌ weꞌ de si Mariyam duk si Yusup, duk nakanakin laꞌi pinabāk dem kahun pagpakanan hayep. 17Pagkitede nakanakin, magaka-aka siye sabab bakas inaka malaꞌikat si siyehin pasal nakanak miyaꞌan. 18Duk kēmon makakale inaka meꞌ pastul miyaꞌan, ulaliꞌ manamal. 19Saguwaꞌ si Mariyam inesseb-esseb weꞌ ne kēmon inin duk luwal pikil-pikilne. 20Manjari balik ne meꞌ pastulin pī si meꞌ hayepden. Pinudji duk sinanglitan weꞌ de Tuhanin sabab meꞌ bakas takaleden duk takiteden, peggeꞌ kēmon bakas inaka malaꞌikat si siyehin toꞌo teꞌed.
Pangislam si Isahin
21Pagtaꞌabut ne nakanakin walum bahangi diyataꞌ kāpan, inislam iye duk inēnan iye si Isa, ēn pangēn malaꞌikatin gaꞌ pe iniraman nakanakin.
Sinōngan si Isa dem langgal hadjehin
22Puwas ampatpūꞌ bahangi bakas panganak Mariyamin, tinuhut ne weꞌ si Yusup duk Mariyam addat pagsutsihin sa pangandaꞌakan saraꞌ si Musahin. Binoꞌo weꞌ de nakanakin pī si Awrusalam supaya iye kasōngande si Tuhan laꞌi. 23Tinuhut weꞌ de tasulat dem saraꞌ pinangurung Tuhanin, pinaꞌin, “Kēmon anak lella panganayen subey sinōngan si Tuhan.” 24Duk pī isab siye magkuluban sa pangandaꞌakan dem saraꞌ Tuhanin weꞌ duwe koꞌ assang atawa duwe tukmu bahu ilayangan subey sōngande hinang kuluban.
25Na, niyaꞌ laꞌi aꞌa si Awrusalam ēnnen si Simiyun. Aꞌa inin bentel duk luwal nambahayang si Tuhan. Inagad-agad weꞌ ne waktu katekka manimbul bangsa Israꞌilin. Duk laꞌi si iye Niyawa Sutsihin. 26Bakas pinagintaꞌu si iye weꞌ Niyawa Sutsihin weꞌ gaꞌi iye matey samantaꞌan gaꞌi kitene Almasi, bakas pananggup Tuhanin. 27Manjari dinaꞌak iye pī dem langgal hadjehin weꞌ Niyawa Sutsihin. Andang ne iye laꞌi dem langgal pagtekka pī saꞌi-sama si Isahin moꞌo iye supaya tahinang si iye pangandaꞌakan saraꞌin. 28Pagkite si Simiyun nakanakin, ineddoꞌ bu pinippi weꞌ ne bu magsukul iye si Tuhan, paꞌinne, 29“O Tuhan, makajari ne ku, daraꞌakannun, papoleꞌnu hap ahilat peggeꞌ tuman ne pananggupnu si akuhin. 30Takite mataku ne inin manimbulin 31pinapitu weꞌ nu supaya takite meꞌ manusiyaꞌin kēmon. 32Iye dalil dantaꞌ makitehan kabayaꞌannun si meꞌ kabangsahan sinduwehin duk sababne pinahadje du meꞌ aꞌanun bangsa Israꞌilin.”
33Ulaliꞌ teꞌed saꞌi-sama nakanakin si meꞌ binissā si Simiyunin sabab anakden. 34Manjari māku-māku si Simiyun kahāpan amban Tuhan para si siye. Ubus missā iye pu si Mariyam, saꞌi nakanakin, paꞌinne, “Anaknu inin, iye pangagantaꞌ Tuhan si iyehin weꞌ sababne, ekka aꞌa si bangsa Israꞌil patapit si Tuhan duk ekka isab patala amban Tuhan. Pinapitu iye weꞌ Tuhanin hinang tandaꞌ, saguwaꞌ gaꞌi iye tinayimaꞌ weꞌ meꞌ aꞌa maꞌekkahin. 35Duk sababne, paluwas du bang ine teꞌed pinikilden. Duk kaꞌu, Mariyam, hawal dukkanun kuweꞌ ilogsok iyan ateynun duk kalis.”
36Niyaꞌ isab laꞌi dambuwaꞌ nabi dende inēnan si Anna, anak Panuꞌel, pangkatan si Aser ley. Bahiꞌ ne teꞌed iye. Pitun tahun hadja pagdambuwaꞌne duk ellanen, 37ubus balu iye sampay kuweꞌitu walumpūꞌ duk ampat tahun ne umulnen. Luwal iye dem langgal hadjehin sampay magpuwase duk ngampun duk magsambahayang dumaꞌin hadja ellew saguwaꞌ bisan sangem. 38Patapit iye duk magsukul iye si Tuhan duk missā iye sabab nakanakin si meꞌ aꞌahin, sasuku ngase-ngase weꞌ timbul Tuhanin du bangsade Israꞌilin.
Pagbalikde pī si Nasaret
39Pagubus ne tahinangde kēmon pangandaꞌakan dem saraꞌ Tuhanin, balik ne Mariyam duk si Yusup hap Jalil pī si puwebloden Nasaret. 40Nakanakin nulig duk ngabasag. Pasōng kataꞌunen duk kasulutan teꞌed Tuhanin si iye.
Si Isa laꞌi dem langgal hadje
41Kahabaꞌ tahun meꞌ matettoꞌa si Isahin hap pī si Awrusalam bang baytu pagkādjaꞌan Pangesseban Palabey Tuhanin. 42Pagsampūꞌ duk duwen tahun ne umul si Isahin, hap pī siye si pagkādjaꞌan miyaꞌan sa hinanganden. 43Pagubus ne kādjaꞌanin, hap lumaꞌ ne siye. Saguwaꞌ si Isa paꞌamban si Awrusalam bu gaꞌ inin kataꞌuhan meꞌ matettoꞌanen. 44Kannalde laꞌi du iye patuhut si meꞌ saweꞌde maglengnganin. Maglengngan pe siye kekkohapan bahude miha iye laꞌi si meꞌ kaꞌusbahanden duk meꞌ kabagayanden saguwaꞌ gaꞌ iye laꞌi. 45Peggeꞌ gaꞌ iye kasuwaꞌde, balik siye hap Awrusalam miha iye. 46Pagpuwas tellum bahangi, takasuwaꞌde iye diyalem langgal hadjehin magtingkoloꞌ duk meꞌ guru, pakale si siye duk nilew-nilew siye. 47Kēmon makakale iyehin ulaliꞌ teꞌed peggeꞌ lalem kataꞌunen duk tewwaꞌ meꞌ panambungnen. 48Ulaliꞌ teꞌed meꞌ matettoꞌanen pagkitede iye. Paꞌin saꞌinen si iye, “Totoꞌ, weꞌey sa inin hininangnu si kamihin? Samanun duk aku suse teꞌed magpiha si kaꞌu.”
49“Weꞌey pe ku pihabi?” paꞌin si Isa. “Weꞌ gaꞌ kataꞌuhanbi weꞌ subey ku tuꞌu si lumaꞌ Samakun?” 50Saguwaꞌ gaꞌ tahātide pinaꞌinne miyaꞌan.
51Manjari nuhut ne si Isa meꞌ matettoꞌanen hap lumaꞌ pī si Nasaret duk tuhutne pangandaꞌakande iyehin. Duk kēmon malumabeyin inennaꞌ-ennaꞌ weꞌ Mariyam dem ateyne. 52Pasōng panulig si Isahin duk pasōng isab kataꞌunen. Pasōng isab kasulutan Tuhanin duk meꞌ aꞌahin si iye.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2019, Wycliffe Bible Translators, Inc. All rights reserved.