Lukas 11
11
Pagtoloꞌ si Isa sabab pangampunin
(Mateo 6:9-13; 7:7-11)
1Dambuwaꞌ ellew ngampun si Isa. Pagubus iye ngampun, paꞌin dangan meꞌ tindegnen si iye, “Tuwan, toloꞌanun koꞌ kami bang saꞌingge pangampunin, sa Yahiyahin tinoloꞌan weꞌ ne meꞌ tindegnen.” 2Nambung si Isa, paꞌinne, “Bang kaꞌam ngampun subey kuweꞌ inin. Paꞌinun bi,
‘O Ammaꞌ, karayaw ēnnun pinagaddatan weꞌ kēmon manusiyaꞌin. Karayaw weꞌ gaꞌi tiggel, magbayaꞌ ne kew si kēmon manusiyaꞌ. 3Urunganun kami kinakan ellew-ellew. 4Ampunun meꞌ duse kamihin kuweꞌ du isab pangampun kami meꞌ makaduse si kamihin. Patalahun kami amban sassat.’ ”
5Paꞌin si Isa pe si siye, “Saꞌupama niyaꞌ kaꞌam taga bagay duk pī kaꞌam si iye tengaꞌ bahangi duk paꞌinbi, ‘O bagay, pasambiꞌun koꞌ ku tellu kayuꞌ pan, 6peggeꞌ īꞌ niyaꞌ bagayku bahu tekka amban paglengngananne, bu gaꞌ niyaꞌ pamakanku iye.’ 7Manjari nambung iye amban diyalem, paꞌinne, ‘Daꞌa ku sasewun. Bagat ne gawangin duk tiyaꞌ ne ku duk meꞌ anakkun pabāk. Gaꞌi ku makasaggaꞌ dongaꞌ ngurungan kaꞌu ine-ine.’ 8Akahante kaꞌam,” paꞌin si Isa, “sudda dongaꞌ du bagaybi iyan duk urunganne kaꞌam kēmon sukalbin, dumaꞌin peggeꞌ magbagay kaꞌam saguwaꞌ peggeꞌ gaꞌi kaꞌam padeheng māku. 9Hangkan paꞌinku si kaꞌam: Māku-māku kaꞌam, ubus bu inurungan du kaꞌam. Miha kaꞌam, ubus bu ngasuwaꞌ du kaꞌam. Makipadiyalem kaꞌam, ubus bu ilukahan du kaꞌam. 10Peggeꞌ kēmon mamākuhin, inurungan du, mamihahin ngasuwaꞌ du, duk makipadiyalemin, ilukahan du. 11Kaꞌam meꞌ taga anakin, bang māku anakbin kenna, urunganbi ke iye sawe? 12Atawa bang māku iye pugad, urunganbi ke iye sipitkāꞌ? 13Kaꞌam, bisan kaꞌam dusehan, taꞌu du kaꞌam ngurungan anakbin meꞌ bayuꞌ-bayuꞌan mahāpin. Pasōng pe teꞌed Tuhanin, Samabi si surgaꞌin, pangurungne si kaꞌam Niyawa Sutsihin bang kaꞌam māku si iye.”
Si Isa duk Belsebul
(Mateo 12:22-30; Markus 3:20-27)
14Mintedde isab, magpaluwas si Isa seyitan makaꞌumew. Pagluwas seyitanin, aꞌa maꞌumewin kapamissā ne. Ulaliꞌ teꞌed meꞌ aꞌahin. 15Saguwaꞌ paꞌin meꞌ sinduwehin, “Kaꞌurungan iye balakat weꞌ Belsebul, nakuraꞌ meꞌ seyitanin, hangkan iye kapagpaluwas meꞌ seyitan.” 16Meꞌ sinduwehin isab, panuleyande si Isa, makipakite hinangan makaꞌulaliꞌ duk kataꞌuhande bang bennal iye amban Tuhan. 17Saguwaꞌ kataꞌuhan si Isa bang ine dem pikilanden hangkan paꞌinne si siye, “Saꞌupama bang niyaꞌ pagsultanan bu magbonoꞌ meꞌ aꞌanen, suddanen magkaꞌat pagsultanan miyaꞌan. Duk bang magtewtey-anakin magkuntara, magkaꞌat du isab. 18Hangkan, bang nakuraꞌ seyitanin maluwas tindegne seyitanin, hātinen weꞌ magkuntara ne siye duk gaꞌi layun pagbayaꞌan seyitanin. Paꞌinbi weꞌ magpaluwas ku seyitan peggeꞌ kaꞌurungan ku balakat weꞌ Belsebul, nakuraꞌ seyitanin. 19Bang bennal inin, na meꞌ tindegbin, amban balakat sine pagpaluwasde seyitanin? Siye ne iyan magpaꞌinin weꞌ salaꞌ pamikilbin. 20Saguwaꞌ iye matoꞌohin, asal amban Tuhan balakatku magpaluwas seyitanin. Hātine inin, Tuhanin magbayaꞌ ne tuꞌu si kaꞌam.
21“Saꞌupama bang niyaꞌ aꞌa basag duk diyalem bessi manteyan lumaꞌnen, gaꞌi siya-siya meꞌ alataꞌnen. 22Saguwaꞌ bang niyaꞌ pasōng basag amban iye hap pī nekka iye bu tadaꞌag iye, ineddoꞌ amban iye meꞌ bessi pangandelannen, duk binahagiꞌ-bahagiꞌ meꞌ alataꞌnen weꞌ mangandaꞌagin pangurung pī si meꞌ saweꞌnen.” 23Paꞌin si Isa pe, “Manggaꞌi mamēbbegan akuhin, nguntarahan aku. Duk manggaꞌi manabangan aku magtipunin, nganat-nganat du.”
Pabalik seyitanin
(Mateo 12:43-45)
24“Bang niyaꞌ seyitan,” paꞌin si Isa, “paluwas amban aꞌa, maglengngan-lengngan iye dem lahat makagindew-gindew miha pahalihanne. Bang gaꞌi iye ngasuwaꞌ, paꞌinne dem pikilanne, ‘Tiyaꞌ ku balik pī si bakas patennaꞌankun.’ 25Pagtekkane laꞌi, takitene weꞌ bakas pinahidan ne duk memes ne. 26Ubus pī iye ngeddoꞌ pituꞌ meꞌ seyitan seddili, pasōng pe laꞌatden amban iye duk paꞌasek siye kēmon pī dem baran aꞌahin patennaꞌ laꞌi. Kaꞌujudan aꞌa miyaꞌan, pasōng pe laꞌatan maꞌumantag si iye kuweꞌituhin amban tagnaꞌin.”
Pagkēgan mabennalin
27Manjari, pagubus hadja miyaꞌan bissā si Isa, niyaꞌ dambuwaꞌ dende amban dem kaꞌekkahanin missā papales, paꞌinne, “Asal kēgan manamal dende manganakan kaꞌuhin duk mamasusu kaꞌuhin.” 28Saguwaꞌ nambung si Isa, paꞌinne, “Pasōng pe teꞌed kēgan aꞌa mapakale si lapal Tuhanin duk manuhut meꞌ pangandaꞌakannen.”
Meꞌ aꞌahin miha tandaꞌ
(Mateo 12:38-42)
29Pagmagkatamba ne paꞌin meꞌ aꞌa mapaliput pu si Isahin, paꞌinne si siye, “Kaꞌam meꞌ aꞌa kuweꞌitu inin, laꞌat kaꞌam. Makapakite tandaꞌ kaꞌam pangilalehanbi aku bang sabennal-bennal ku amban Tuhan. Saguwaꞌ gaꞌ niyaꞌ tandaꞌ pinakitehan si kaꞌam luwal hadja tandaꞌ Nabi Yunus awwalley. 30Peggeꞌ kuweꞌ si Nabi Yunus hininang weꞌ Tuhanin tandaꞌ para si meꞌ aꞌa Ninibahin awwalley, damikkiyan isab aku, Anak Manusiyaꞌin, hinang tandaꞌ ku para si kaꞌam meꞌ aꞌa kuweꞌitu inin. 31Bang tekka ellew pangahukum Tuhan meꞌ manusiyaꞌin, pī iyan nengge sultan dende amban lahat Seba masa awwalley duk taksilne kaꞌam. Peggeꞌ iye, pitu iye amban higad dunya peggeꞌ bayaꞌ pakalene meꞌ bissā Sultan Sulaimanin, aꞌa lalem teꞌed kataꞌunen masaley. Akahante kaꞌam, kuweꞌitu niyaꞌ tuꞌu si kaꞌam pasōng kataꞌunen amban Sulaiman, saguwaꞌ gaꞌi tayimaꞌbi panoloꞌnen. 32Bang tekka ellew pangahukum Tuhan meꞌ manusiyaꞌin, pī iyan nengge meꞌ aꞌa si lahat Niniba awwalley duk taksilde kaꞌam. Peggeꞌ siye, pagsusunande duk lebbahande duseden sakaliꞌ takalede usihat Nabi Yunusin. Akahante kaꞌam, kuweꞌitu niyaꞌ tuꞌu si kaꞌam pasōng langkew amban Nabi Yunus, saguwaꞌ gaꞌi tayimaꞌbi panoloꞌnen duk gaꞌi pagsusunanbi dusebin.”
Dalil payitaꞌan si baran
(Mateo 5:15; 6:22-23)
33Paꞌin si Isa pe, “Gaꞌ niyaꞌ aꞌa mekketan payitaꞌan ubus bu tapukanne atawa lekkebanne lagaꞌ. Saguwaꞌ bettadne diyataꞌ tengenanne supaya meꞌ mapadiyalemin kitede dantaꞌin. 34Mataten dalil payitaꞌan si barante. Bang pastiꞌ pamayamten, hātinen bentel hinanganten, kuweꞌ dantaꞌ tibuꞌukan baranten, saguwaꞌ bang labut pamayamten, hātinen laꞌat hinanganten, kuweꞌ lindem tibuꞌukan baranten. 35Hangkan pahatul kaꞌam supaya gaꞌi salaꞌ pamikilbin. Kaw paꞌinbi weꞌ dantaꞌ dem baranbin, ine kew lindem hatiꞌ. 36Bang tibuꞌukan barannun dantaꞌ duk gaꞌ niyaꞌ bisan kuweꞌahat lindem, tibuꞌukan barannun dantaꞌ du manamal, kuweꞌ niyaꞌ payitaꞌan ninaganne.”
Inamāhan weꞌ si Isa meꞌ Pariseohin duk meꞌ guru si saraꞌ āgamahin
(Mateo 23:1-36; Markus 12:38-40)
37Pagubus si Isa missā, binoꞌo iye weꞌ dambuwaꞌ Pariseo hap lumaꞌne mangan. Pī iye duk ningkoloꞌ sōng mangan. 38Ulaliꞌ Pariseohin peggeꞌ gaꞌ si Isa ngosoꞌ tangan meke mangan. 39Paꞌin si Isa si iye, “Kaꞌam meꞌ Pariseohin, kinosoꞌan weꞌ bi tikungin duk laleyin, saguwaꞌ dem ateybin pennoꞌ weꞌ napsu duk laꞌat. 40Babbal pahāp kaꞌam iyan. Gaꞌi ke kataꞌuhanbi weꞌ dumaꞌin hadja pinapanjari Tuhanin meꞌ takite si bukutin saguwaꞌ pinapanjari isab weꞌ ne diyalemin, meꞌ manggaꞌi takitehin. 41Saguwaꞌ pangurungun bi si meꞌ mamiskinin meꞌ diyalem tikungbin duk laleybin, manjari gī ne kēmon si kaꞌam.
42“Kaꞌaseꞌ-aseꞌ kaꞌam meꞌ Pariseohin. Magjakat kaꞌam bisan sampay meꞌ bawing duk saley duk meꞌ bayuꞌ-bayuꞌan pagpā-pā, saguwaꞌ gaꞌi tapikilbi maghinangan bentel si pagkasibi duk gaꞌi tapikilbi malasa si Tuhan. Hāp bang kaꞌam magjakat saguwaꞌ subey gaꞌi tayikutanbi meꞌ hinangan pinaꞌinku miyaꞌan.
43“Kaꞌaseꞌ-aseꞌ kaꞌam meꞌ Pariseohin. Bang kaꞌam dem langgal, kabayaꞌanbin ningkoloꞌ si kōkan. Bang kaꞌam dem tabuꞌan, sinna teꞌed kaꞌam bang kaꞌam sinalam weꞌ aꞌa.
44“Kaꞌaseꞌ-aseꞌ kaꞌam. Peggeꞌ kuweꞌ kaꞌam dalil meꞌ kubul pasad ne, hangkan meꞌ aꞌahin magbutasan diyataꞌne bu gaꞌ kataꞌuhande weꞌ makabatal siye.”
45Manjari dangan meꞌ guru si saraꞌ āgamahin nambungan si Isa, paꞌinne, “Tuwan, bang kew missā sa iyan, paꞌiyaꞌnu isab sampay kami.” 46“Aweꞌ,” paꞌin si Isa. “Kaꞌaseꞌ-aseꞌ isab kaꞌam, meꞌ guru si saraꞌ āgamahin. Peggeꞌ pinabohatan weꞌ bi meꞌ aꞌahin duk meꞌ saraꞌ gaꞌi takoleꞌde, bu gaꞌi kaꞌam nabang moꞌone bisan kuweꞌahat.
47“Asal kaꞌaseꞌ-aseꞌ kaꞌam. Peggeꞌ kaꞌam mahāpan kubul meꞌ nabi - bu siye meꞌ nabi pinapatey weꞌ meꞌ kapapuꞌanbi ley. 48Pakitehanbi weꞌ paꞌuyun kaꞌam si meꞌ hinangan meꞌ kapapuꞌanbin. Siye mamapatey meꞌ nabihin duk kaꞌam mahāpan kubulden. 49Hangkan hep Tuhanin, iye malalem kataꞌunen, paꞌinne, ‘Ngandaꞌak du ku pī si bangsa Israꞌil meꞌ nabi duk meꞌ aꞌa kawakilanku. Saguwaꞌ sinduwe pinapīkun, papateyde du duk sinduwehin binasade.’ 50Hangkan hep, kaꞌam meꞌ aꞌa kuweꞌitu inin, ilegga du kaꞌam sabab duse meꞌ kapapuꞌanbin, pamonoꞌde meꞌ kanabi-nabihanin kemuwe tagnaꞌ dunyahin pinapanjari. 51Asal ilegga du kaꞌam sabab kamatey meꞌ kanabihan īꞌen, tinagnaꞌan amban si Habil anak Apuꞌ Adamin sampay Jakariya, iye pinapateyde si ellet pagkuluban-kulubananin duk langgal hadjehin. Aweꞌ, akahante kaꞌam, kēmon meꞌ hininangde miyaꞌan moleꞌ si kaꞌam, meꞌ aꞌa maꞌellum kuweꞌituhin.
52“Kaꞌaseꞌ-aseꞌ kaꞌam meꞌ guru si saraꞌ āgamahin. Binembelan weꞌ bi meꞌ aꞌahin supaya gaꞌi kataꞌuhande lān mabennal tudju Tuhanin. Gaꞌi du tuhutbi lān miyaꞌan duk pagesbi pe sasuku mabayaꞌ manuhut lān miyaꞌan.”
53Pagtahalaꞌ si Isa amban lumaꞌ miyaꞌan, kaꞌastelan teꞌed iye weꞌ meꞌ guru si saraꞌ āgamahin duk meꞌ Pariseohin duk ekka tilew-tilewde, 54panguhi-nguhide iye kaw niyaꞌ salaꞌ ujud tabissāne, manjari katuntutande iye.
ទើបបានជ្រើសរើសហើយ៖
Lukas 11: yakV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2019, Wycliffe Bible Translators, Inc. All rights reserved.
Lukas 11
11
Pagtoloꞌ si Isa sabab pangampunin
(Mateo 6:9-13; 7:7-11)
1Dambuwaꞌ ellew ngampun si Isa. Pagubus iye ngampun, paꞌin dangan meꞌ tindegnen si iye, “Tuwan, toloꞌanun koꞌ kami bang saꞌingge pangampunin, sa Yahiyahin tinoloꞌan weꞌ ne meꞌ tindegnen.” 2Nambung si Isa, paꞌinne, “Bang kaꞌam ngampun subey kuweꞌ inin. Paꞌinun bi,
‘O Ammaꞌ, karayaw ēnnun pinagaddatan weꞌ kēmon manusiyaꞌin. Karayaw weꞌ gaꞌi tiggel, magbayaꞌ ne kew si kēmon manusiyaꞌ. 3Urunganun kami kinakan ellew-ellew. 4Ampunun meꞌ duse kamihin kuweꞌ du isab pangampun kami meꞌ makaduse si kamihin. Patalahun kami amban sassat.’ ”
5Paꞌin si Isa pe si siye, “Saꞌupama niyaꞌ kaꞌam taga bagay duk pī kaꞌam si iye tengaꞌ bahangi duk paꞌinbi, ‘O bagay, pasambiꞌun koꞌ ku tellu kayuꞌ pan, 6peggeꞌ īꞌ niyaꞌ bagayku bahu tekka amban paglengngananne, bu gaꞌ niyaꞌ pamakanku iye.’ 7Manjari nambung iye amban diyalem, paꞌinne, ‘Daꞌa ku sasewun. Bagat ne gawangin duk tiyaꞌ ne ku duk meꞌ anakkun pabāk. Gaꞌi ku makasaggaꞌ dongaꞌ ngurungan kaꞌu ine-ine.’ 8Akahante kaꞌam,” paꞌin si Isa, “sudda dongaꞌ du bagaybi iyan duk urunganne kaꞌam kēmon sukalbin, dumaꞌin peggeꞌ magbagay kaꞌam saguwaꞌ peggeꞌ gaꞌi kaꞌam padeheng māku. 9Hangkan paꞌinku si kaꞌam: Māku-māku kaꞌam, ubus bu inurungan du kaꞌam. Miha kaꞌam, ubus bu ngasuwaꞌ du kaꞌam. Makipadiyalem kaꞌam, ubus bu ilukahan du kaꞌam. 10Peggeꞌ kēmon mamākuhin, inurungan du, mamihahin ngasuwaꞌ du, duk makipadiyalemin, ilukahan du. 11Kaꞌam meꞌ taga anakin, bang māku anakbin kenna, urunganbi ke iye sawe? 12Atawa bang māku iye pugad, urunganbi ke iye sipitkāꞌ? 13Kaꞌam, bisan kaꞌam dusehan, taꞌu du kaꞌam ngurungan anakbin meꞌ bayuꞌ-bayuꞌan mahāpin. Pasōng pe teꞌed Tuhanin, Samabi si surgaꞌin, pangurungne si kaꞌam Niyawa Sutsihin bang kaꞌam māku si iye.”
Si Isa duk Belsebul
(Mateo 12:22-30; Markus 3:20-27)
14Mintedde isab, magpaluwas si Isa seyitan makaꞌumew. Pagluwas seyitanin, aꞌa maꞌumewin kapamissā ne. Ulaliꞌ teꞌed meꞌ aꞌahin. 15Saguwaꞌ paꞌin meꞌ sinduwehin, “Kaꞌurungan iye balakat weꞌ Belsebul, nakuraꞌ meꞌ seyitanin, hangkan iye kapagpaluwas meꞌ seyitan.” 16Meꞌ sinduwehin isab, panuleyande si Isa, makipakite hinangan makaꞌulaliꞌ duk kataꞌuhande bang bennal iye amban Tuhan. 17Saguwaꞌ kataꞌuhan si Isa bang ine dem pikilanden hangkan paꞌinne si siye, “Saꞌupama bang niyaꞌ pagsultanan bu magbonoꞌ meꞌ aꞌanen, suddanen magkaꞌat pagsultanan miyaꞌan. Duk bang magtewtey-anakin magkuntara, magkaꞌat du isab. 18Hangkan, bang nakuraꞌ seyitanin maluwas tindegne seyitanin, hātinen weꞌ magkuntara ne siye duk gaꞌi layun pagbayaꞌan seyitanin. Paꞌinbi weꞌ magpaluwas ku seyitan peggeꞌ kaꞌurungan ku balakat weꞌ Belsebul, nakuraꞌ seyitanin. 19Bang bennal inin, na meꞌ tindegbin, amban balakat sine pagpaluwasde seyitanin? Siye ne iyan magpaꞌinin weꞌ salaꞌ pamikilbin. 20Saguwaꞌ iye matoꞌohin, asal amban Tuhan balakatku magpaluwas seyitanin. Hātine inin, Tuhanin magbayaꞌ ne tuꞌu si kaꞌam.
21“Saꞌupama bang niyaꞌ aꞌa basag duk diyalem bessi manteyan lumaꞌnen, gaꞌi siya-siya meꞌ alataꞌnen. 22Saguwaꞌ bang niyaꞌ pasōng basag amban iye hap pī nekka iye bu tadaꞌag iye, ineddoꞌ amban iye meꞌ bessi pangandelannen, duk binahagiꞌ-bahagiꞌ meꞌ alataꞌnen weꞌ mangandaꞌagin pangurung pī si meꞌ saweꞌnen.” 23Paꞌin si Isa pe, “Manggaꞌi mamēbbegan akuhin, nguntarahan aku. Duk manggaꞌi manabangan aku magtipunin, nganat-nganat du.”
Pabalik seyitanin
(Mateo 12:43-45)
24“Bang niyaꞌ seyitan,” paꞌin si Isa, “paluwas amban aꞌa, maglengngan-lengngan iye dem lahat makagindew-gindew miha pahalihanne. Bang gaꞌi iye ngasuwaꞌ, paꞌinne dem pikilanne, ‘Tiyaꞌ ku balik pī si bakas patennaꞌankun.’ 25Pagtekkane laꞌi, takitene weꞌ bakas pinahidan ne duk memes ne. 26Ubus pī iye ngeddoꞌ pituꞌ meꞌ seyitan seddili, pasōng pe laꞌatden amban iye duk paꞌasek siye kēmon pī dem baran aꞌahin patennaꞌ laꞌi. Kaꞌujudan aꞌa miyaꞌan, pasōng pe laꞌatan maꞌumantag si iye kuweꞌituhin amban tagnaꞌin.”
Pagkēgan mabennalin
27Manjari, pagubus hadja miyaꞌan bissā si Isa, niyaꞌ dambuwaꞌ dende amban dem kaꞌekkahanin missā papales, paꞌinne, “Asal kēgan manamal dende manganakan kaꞌuhin duk mamasusu kaꞌuhin.” 28Saguwaꞌ nambung si Isa, paꞌinne, “Pasōng pe teꞌed kēgan aꞌa mapakale si lapal Tuhanin duk manuhut meꞌ pangandaꞌakannen.”
Meꞌ aꞌahin miha tandaꞌ
(Mateo 12:38-42)
29Pagmagkatamba ne paꞌin meꞌ aꞌa mapaliput pu si Isahin, paꞌinne si siye, “Kaꞌam meꞌ aꞌa kuweꞌitu inin, laꞌat kaꞌam. Makapakite tandaꞌ kaꞌam pangilalehanbi aku bang sabennal-bennal ku amban Tuhan. Saguwaꞌ gaꞌ niyaꞌ tandaꞌ pinakitehan si kaꞌam luwal hadja tandaꞌ Nabi Yunus awwalley. 30Peggeꞌ kuweꞌ si Nabi Yunus hininang weꞌ Tuhanin tandaꞌ para si meꞌ aꞌa Ninibahin awwalley, damikkiyan isab aku, Anak Manusiyaꞌin, hinang tandaꞌ ku para si kaꞌam meꞌ aꞌa kuweꞌitu inin. 31Bang tekka ellew pangahukum Tuhan meꞌ manusiyaꞌin, pī iyan nengge sultan dende amban lahat Seba masa awwalley duk taksilne kaꞌam. Peggeꞌ iye, pitu iye amban higad dunya peggeꞌ bayaꞌ pakalene meꞌ bissā Sultan Sulaimanin, aꞌa lalem teꞌed kataꞌunen masaley. Akahante kaꞌam, kuweꞌitu niyaꞌ tuꞌu si kaꞌam pasōng kataꞌunen amban Sulaiman, saguwaꞌ gaꞌi tayimaꞌbi panoloꞌnen. 32Bang tekka ellew pangahukum Tuhan meꞌ manusiyaꞌin, pī iyan nengge meꞌ aꞌa si lahat Niniba awwalley duk taksilde kaꞌam. Peggeꞌ siye, pagsusunande duk lebbahande duseden sakaliꞌ takalede usihat Nabi Yunusin. Akahante kaꞌam, kuweꞌitu niyaꞌ tuꞌu si kaꞌam pasōng langkew amban Nabi Yunus, saguwaꞌ gaꞌi tayimaꞌbi panoloꞌnen duk gaꞌi pagsusunanbi dusebin.”
Dalil payitaꞌan si baran
(Mateo 5:15; 6:22-23)
33Paꞌin si Isa pe, “Gaꞌ niyaꞌ aꞌa mekketan payitaꞌan ubus bu tapukanne atawa lekkebanne lagaꞌ. Saguwaꞌ bettadne diyataꞌ tengenanne supaya meꞌ mapadiyalemin kitede dantaꞌin. 34Mataten dalil payitaꞌan si barante. Bang pastiꞌ pamayamten, hātinen bentel hinanganten, kuweꞌ dantaꞌ tibuꞌukan baranten, saguwaꞌ bang labut pamayamten, hātinen laꞌat hinanganten, kuweꞌ lindem tibuꞌukan baranten. 35Hangkan pahatul kaꞌam supaya gaꞌi salaꞌ pamikilbin. Kaw paꞌinbi weꞌ dantaꞌ dem baranbin, ine kew lindem hatiꞌ. 36Bang tibuꞌukan barannun dantaꞌ duk gaꞌ niyaꞌ bisan kuweꞌahat lindem, tibuꞌukan barannun dantaꞌ du manamal, kuweꞌ niyaꞌ payitaꞌan ninaganne.”
Inamāhan weꞌ si Isa meꞌ Pariseohin duk meꞌ guru si saraꞌ āgamahin
(Mateo 23:1-36; Markus 12:38-40)
37Pagubus si Isa missā, binoꞌo iye weꞌ dambuwaꞌ Pariseo hap lumaꞌne mangan. Pī iye duk ningkoloꞌ sōng mangan. 38Ulaliꞌ Pariseohin peggeꞌ gaꞌ si Isa ngosoꞌ tangan meke mangan. 39Paꞌin si Isa si iye, “Kaꞌam meꞌ Pariseohin, kinosoꞌan weꞌ bi tikungin duk laleyin, saguwaꞌ dem ateybin pennoꞌ weꞌ napsu duk laꞌat. 40Babbal pahāp kaꞌam iyan. Gaꞌi ke kataꞌuhanbi weꞌ dumaꞌin hadja pinapanjari Tuhanin meꞌ takite si bukutin saguwaꞌ pinapanjari isab weꞌ ne diyalemin, meꞌ manggaꞌi takitehin. 41Saguwaꞌ pangurungun bi si meꞌ mamiskinin meꞌ diyalem tikungbin duk laleybin, manjari gī ne kēmon si kaꞌam.
42“Kaꞌaseꞌ-aseꞌ kaꞌam meꞌ Pariseohin. Magjakat kaꞌam bisan sampay meꞌ bawing duk saley duk meꞌ bayuꞌ-bayuꞌan pagpā-pā, saguwaꞌ gaꞌi tapikilbi maghinangan bentel si pagkasibi duk gaꞌi tapikilbi malasa si Tuhan. Hāp bang kaꞌam magjakat saguwaꞌ subey gaꞌi tayikutanbi meꞌ hinangan pinaꞌinku miyaꞌan.
43“Kaꞌaseꞌ-aseꞌ kaꞌam meꞌ Pariseohin. Bang kaꞌam dem langgal, kabayaꞌanbin ningkoloꞌ si kōkan. Bang kaꞌam dem tabuꞌan, sinna teꞌed kaꞌam bang kaꞌam sinalam weꞌ aꞌa.
44“Kaꞌaseꞌ-aseꞌ kaꞌam. Peggeꞌ kuweꞌ kaꞌam dalil meꞌ kubul pasad ne, hangkan meꞌ aꞌahin magbutasan diyataꞌne bu gaꞌ kataꞌuhande weꞌ makabatal siye.”
45Manjari dangan meꞌ guru si saraꞌ āgamahin nambungan si Isa, paꞌinne, “Tuwan, bang kew missā sa iyan, paꞌiyaꞌnu isab sampay kami.” 46“Aweꞌ,” paꞌin si Isa. “Kaꞌaseꞌ-aseꞌ isab kaꞌam, meꞌ guru si saraꞌ āgamahin. Peggeꞌ pinabohatan weꞌ bi meꞌ aꞌahin duk meꞌ saraꞌ gaꞌi takoleꞌde, bu gaꞌi kaꞌam nabang moꞌone bisan kuweꞌahat.
47“Asal kaꞌaseꞌ-aseꞌ kaꞌam. Peggeꞌ kaꞌam mahāpan kubul meꞌ nabi - bu siye meꞌ nabi pinapatey weꞌ meꞌ kapapuꞌanbi ley. 48Pakitehanbi weꞌ paꞌuyun kaꞌam si meꞌ hinangan meꞌ kapapuꞌanbin. Siye mamapatey meꞌ nabihin duk kaꞌam mahāpan kubulden. 49Hangkan hep Tuhanin, iye malalem kataꞌunen, paꞌinne, ‘Ngandaꞌak du ku pī si bangsa Israꞌil meꞌ nabi duk meꞌ aꞌa kawakilanku. Saguwaꞌ sinduwe pinapīkun, papateyde du duk sinduwehin binasade.’ 50Hangkan hep, kaꞌam meꞌ aꞌa kuweꞌitu inin, ilegga du kaꞌam sabab duse meꞌ kapapuꞌanbin, pamonoꞌde meꞌ kanabi-nabihanin kemuwe tagnaꞌ dunyahin pinapanjari. 51Asal ilegga du kaꞌam sabab kamatey meꞌ kanabihan īꞌen, tinagnaꞌan amban si Habil anak Apuꞌ Adamin sampay Jakariya, iye pinapateyde si ellet pagkuluban-kulubananin duk langgal hadjehin. Aweꞌ, akahante kaꞌam, kēmon meꞌ hininangde miyaꞌan moleꞌ si kaꞌam, meꞌ aꞌa maꞌellum kuweꞌituhin.
52“Kaꞌaseꞌ-aseꞌ kaꞌam meꞌ guru si saraꞌ āgamahin. Binembelan weꞌ bi meꞌ aꞌahin supaya gaꞌi kataꞌuhande lān mabennal tudju Tuhanin. Gaꞌi du tuhutbi lān miyaꞌan duk pagesbi pe sasuku mabayaꞌ manuhut lān miyaꞌan.”
53Pagtahalaꞌ si Isa amban lumaꞌ miyaꞌan, kaꞌastelan teꞌed iye weꞌ meꞌ guru si saraꞌ āgamahin duk meꞌ Pariseohin duk ekka tilew-tilewde, 54panguhi-nguhide iye kaw niyaꞌ salaꞌ ujud tabissāne, manjari katuntutande iye.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2019, Wycliffe Bible Translators, Inc. All rights reserved.