Hinangan 28
28
Laꞌi si pūꞌ Malta
1Pagtekka kami si higad, niyaꞌ ne ngakahan kami weꞌ ēn pūꞌ miyaꞌan Malta. 2Meꞌ aꞌa maglahat malaꞌihin ngasip teꞌed si kami. Peggeꞌ nagnaꞌ ne ulan duk haggut, magtukun siye ebbut duk hinatul kami weꞌ de kēmon. 3Magtimuk si Paul meꞌ langgas-langgas da pekkesan. Sasangne magteppukne pī dem ebbutin, niyaꞌ sawe bisa paguwaꞌ hawal panas ebbutin duk patoket pī diyataꞌ tangan si Paul. 4Pagkite meꞌ aꞌa pūꞌ miyaꞌan sawe mapatoket diyataꞌ tangan si Paulin, magbissā-bissā siye. Paꞌinde, “Aꞌa inin asal bakas mapatey. Bisan iye lumuwas amban tahik, saguwaꞌ gaꞌi katangguhan karalnen. Asal masi du iye matey.” 5Saguwaꞌ pinagpagan hadja weꞌ si Paul sawehin pī dem ebbut duk gaꞌ du makaꞌine iye. 6Inagad-agadden weꞌ bahaꞌ tangannen atawa bessuwang hadja iye hebbaꞌ matey. Saguwaꞌ pagtiggel-tiggel ne siye ngagad bu gaꞌ du niyaꞌ takitede umantag pu si Paul, manjari pinda ne pikilan meꞌ aꞌa Malta miyaꞌan. Paꞌinde weꞌ dambuwaꞌ iye tuhan.
7Tapit laꞌi si antag miyaꞌan niyaꞌ meꞌ bulakan, dapuꞌnen si Publiyus, datuꞌ laꞌi si pūꞌ miyaꞌan. Binoꞌo kami si lumaꞌne duk hinatul kami weꞌ ne pahāp-hāp dem tellum bahangi. 8Sābu miyaꞌan, sama si Publiyusin laꞌi pabāk peggeꞌ saki iye maglemmun duk magsungiꞌ lahaꞌ. Padiyalem si Paul pī si bilikne māku-māku si Tuhan para si iye, duk binettad weꞌ si Paul meꞌ tangannen laꞌi si iye duk iye kawuliꞌan. 9Sabab miyaꞌan, kēmon aꞌa taga saki si pūꞌ miyaꞌan hap pī isab pu si Paul duk kawuliꞌan isab siye. 10Ekka meꞌ lasa-lasahan pangurung meꞌ aꞌahin kami. Duk sakaliꞌ ne kami sōng patulak, moꞌo siye pī si kappal meꞌ masukal si kamihin pamalutuꞌde kami.
Amban Malta hap Roma
11Niyaꞌ tellum bulan bahu kami tumulak amban pūꞌ miyaꞌan. Pasakey kami si dambuwaꞌ kappal amban puweblo Iskandal bakas padeheng baytu habagatin laꞌi si pūꞌ miyaꞌan. Ēn kappal miyaꞌan, “Meꞌ Tuhan Kambalin.” Manjari patulak ne kami. 12Padungguꞌ kami laꞌi si puweblo Sirakus duk laꞌi kami tellum bahangi. 13Ubus patulak kami billaꞌi duk tekka kami si puweblo Regiyum. Pagsasumuhin nihup sātanin, hangkan patulak kami billaꞌi duk paglabey duwem bahangi tekka kami laꞌi si puweblo Puteyoli. 14Laꞌi niyaꞌ kasuwaꞌ kami meꞌ tindeg si Isa. Inohotan kami weꞌ de patennaꞌ laꞌi si siye da simana. Puwas miyaꞌan palanjal ne kami hap Roma. 15Pagtakale weꞌ meꞌ katindegan si Isa si Romahin weꞌ tekka ne kami, maglengngan siye pasampang si kami ngeregseꞌ Tiyanggi Appiyus duk si kalumaꞌan inēnan Tellu Kaddayan. Pagkite si Paul siye, magsukul iye si Tuhan duk ngahaget ateynen.
Tekka si Paul si puweblo Roma
16Pagtekka kami si Roma, pinasagadan si Paul maglumaꞌan dine. Niyaꞌ hadja dambuwaꞌ sundalu manteyan iye. 17Paglabey tellum bahangi, dinaꞌak weꞌ si Paul pī magtipun meꞌ nakuraꞌ meꞌ Yahudi si puweblo miyaꞌan. Paglaꞌi ne siye magtipun, paꞌin si Paul si siye, “Meꞌ kapungtinaꞌihanku, aku inin gaꞌ niyaꞌ duseku si pagkasiku Yahudi, duk gaꞌ bakas kalanggalanku meꞌ kaꞌaddat-addatan kapapuꞌanten bi. Saguwaꞌ bisan du gaꞌ niyaꞌ duseku, siniggew ku duk pinilisu weꞌ meꞌ Yahudi si Awrusalamin duk sinōngan ku weꞌ de pī si antanan bangsa Roma. 18Sinumariya ku weꞌ meꞌ bagellal bangsa Romahin duk batang ne ku paluwasde peggeꞌ gaꞌ niyaꞌ takasuwaꞌde jān pamapateyan aku. 19Saguwaꞌ gaꞌi ngatu meꞌ Yahudihin bang pinaluwas ku. Hangkan gaꞌ niyaꞌ tapikilku seddili amban makihukum si Sultan Nakuraꞌin, bisan ne gaꞌ niyaꞌ panuntutanku meꞌ pagkasiku Yahudihin. 20Hangkan hep pināku weꞌ ku magkite duk magbissā duk kaꞌam. Kuweꞌitu tiyaꞌ ku kinarena sabab panuhutku dambuwaꞌ inase-asete bi bangsa Israꞌilin.” 21Paꞌinde pu si Paul, “Gaꞌ kami bakas makasangka sulat amban lahat Yahudiya sabab kaꞌu. Gaꞌ isab niyaꞌ meꞌ Yahudi bakas mabillaꞌihin moꞌo aka pitu atawa missā laꞌat sabab kaꞌu. 22Saguwaꞌ batang pakale kami bang ine kinahagadnun, peggeꞌ kataꞌuhan kami weꞌ bisan antag kinuntarahan teꞌed weꞌ meꞌ aꞌahin toloꞌ tinuhutnu inin.”
23Manjari magkeddew siye duk si Paul bang sumiyan pamissāne si siyehin. Pagtekka ellew pagkeddewanden, ekka siye mapī si lumaꞌ patennaꞌan si Paulin. Kemuwe salung sampay sangem, pinahātihan weꞌ si Paul si siye duk inusihatan siye weꞌ ne sabab pagbayaꞌ Tuhanin. Suleyanne teꞌed siye ngahumatan nuhut si Isa sābune ngusihatan siye amban saraꞌ si Musa duk amban kitab kanabi-nabihanin. 24Niyaꞌ siye kahumatan si binissānen saguwaꞌ sinduwehin gaꞌi kahagad. 25Gaꞌ siye maguyun. Manjari pagsōng moleꞌ ne siye, niyaꞌ pe bissā si Paul. Paꞌinne si siye, “Asal tumuꞌun teꞌed lapal amban Niyawa Sutsihin, iye pinalataꞌ Nabi Isaya si meꞌ kapapuꞌanbin. Peggeꞌ paꞌinne hep pu Nabi Isaya,
26‘Pī kew si bangsa inin duk paꞌinun si siye: Luwal ne hadja kaꞌam pakale saguwaꞌ gaꞌi du tasabutbi. Luwal ne hadja kaꞌam mayam saguwaꞌ gaꞌi du takitebi. 27Peggeꞌ meꞌ aꞌa bangsa inin tuwas kōkden. Tinampengan weꞌ de meꞌ tayingeden, pinakeddem weꞌ de meꞌ mataden. Bang ngite mataden duk makakale tayingeden duk makahāti pikilanden, balik siye iyan pitu si aku, paꞌin Tuhanin, duk pakoleꞌku siye.’ ”
28Duk paꞌin si Paul pe, “Subey kataꞌuhanbi, weꞌ pinasampay ne si meꞌ kabangsahan dumaꞌin Yahudihin lapal Tuhan sabab panimbulne meꞌ manusiyaꞌin. Duk asal pakale du siye iyan.” 29Pagubus inin paꞌin si Paul, tahalaꞌ ne meꞌ Yahudihin duk magjawab teꞌed siye.
30Dem duwen tahun laꞌi si Paul patennaꞌ si lumaꞌ inalkilahan. Inaddatan weꞌ ne kēmon aꞌa mapī si iyehin. 31Magmahalayak iye sabab pagbayaꞌ Tuhanin duk magusihat iye sabab Isa Almasi, Panuhutanin. Gaꞌ niyaꞌ talew-talewne magusihat duk gaꞌ niyaꞌ mages iye.
ទើបបានជ្រើសរើសហើយ៖
Hinangan 28: yakV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2019, Wycliffe Bible Translators, Inc. All rights reserved.
Hinangan 28
28
Laꞌi si pūꞌ Malta
1Pagtekka kami si higad, niyaꞌ ne ngakahan kami weꞌ ēn pūꞌ miyaꞌan Malta. 2Meꞌ aꞌa maglahat malaꞌihin ngasip teꞌed si kami. Peggeꞌ nagnaꞌ ne ulan duk haggut, magtukun siye ebbut duk hinatul kami weꞌ de kēmon. 3Magtimuk si Paul meꞌ langgas-langgas da pekkesan. Sasangne magteppukne pī dem ebbutin, niyaꞌ sawe bisa paguwaꞌ hawal panas ebbutin duk patoket pī diyataꞌ tangan si Paul. 4Pagkite meꞌ aꞌa pūꞌ miyaꞌan sawe mapatoket diyataꞌ tangan si Paulin, magbissā-bissā siye. Paꞌinde, “Aꞌa inin asal bakas mapatey. Bisan iye lumuwas amban tahik, saguwaꞌ gaꞌi katangguhan karalnen. Asal masi du iye matey.” 5Saguwaꞌ pinagpagan hadja weꞌ si Paul sawehin pī dem ebbut duk gaꞌ du makaꞌine iye. 6Inagad-agadden weꞌ bahaꞌ tangannen atawa bessuwang hadja iye hebbaꞌ matey. Saguwaꞌ pagtiggel-tiggel ne siye ngagad bu gaꞌ du niyaꞌ takitede umantag pu si Paul, manjari pinda ne pikilan meꞌ aꞌa Malta miyaꞌan. Paꞌinde weꞌ dambuwaꞌ iye tuhan.
7Tapit laꞌi si antag miyaꞌan niyaꞌ meꞌ bulakan, dapuꞌnen si Publiyus, datuꞌ laꞌi si pūꞌ miyaꞌan. Binoꞌo kami si lumaꞌne duk hinatul kami weꞌ ne pahāp-hāp dem tellum bahangi. 8Sābu miyaꞌan, sama si Publiyusin laꞌi pabāk peggeꞌ saki iye maglemmun duk magsungiꞌ lahaꞌ. Padiyalem si Paul pī si bilikne māku-māku si Tuhan para si iye, duk binettad weꞌ si Paul meꞌ tangannen laꞌi si iye duk iye kawuliꞌan. 9Sabab miyaꞌan, kēmon aꞌa taga saki si pūꞌ miyaꞌan hap pī isab pu si Paul duk kawuliꞌan isab siye. 10Ekka meꞌ lasa-lasahan pangurung meꞌ aꞌahin kami. Duk sakaliꞌ ne kami sōng patulak, moꞌo siye pī si kappal meꞌ masukal si kamihin pamalutuꞌde kami.
Amban Malta hap Roma
11Niyaꞌ tellum bulan bahu kami tumulak amban pūꞌ miyaꞌan. Pasakey kami si dambuwaꞌ kappal amban puweblo Iskandal bakas padeheng baytu habagatin laꞌi si pūꞌ miyaꞌan. Ēn kappal miyaꞌan, “Meꞌ Tuhan Kambalin.” Manjari patulak ne kami. 12Padungguꞌ kami laꞌi si puweblo Sirakus duk laꞌi kami tellum bahangi. 13Ubus patulak kami billaꞌi duk tekka kami si puweblo Regiyum. Pagsasumuhin nihup sātanin, hangkan patulak kami billaꞌi duk paglabey duwem bahangi tekka kami laꞌi si puweblo Puteyoli. 14Laꞌi niyaꞌ kasuwaꞌ kami meꞌ tindeg si Isa. Inohotan kami weꞌ de patennaꞌ laꞌi si siye da simana. Puwas miyaꞌan palanjal ne kami hap Roma. 15Pagtakale weꞌ meꞌ katindegan si Isa si Romahin weꞌ tekka ne kami, maglengngan siye pasampang si kami ngeregseꞌ Tiyanggi Appiyus duk si kalumaꞌan inēnan Tellu Kaddayan. Pagkite si Paul siye, magsukul iye si Tuhan duk ngahaget ateynen.
Tekka si Paul si puweblo Roma
16Pagtekka kami si Roma, pinasagadan si Paul maglumaꞌan dine. Niyaꞌ hadja dambuwaꞌ sundalu manteyan iye. 17Paglabey tellum bahangi, dinaꞌak weꞌ si Paul pī magtipun meꞌ nakuraꞌ meꞌ Yahudi si puweblo miyaꞌan. Paglaꞌi ne siye magtipun, paꞌin si Paul si siye, “Meꞌ kapungtinaꞌihanku, aku inin gaꞌ niyaꞌ duseku si pagkasiku Yahudi, duk gaꞌ bakas kalanggalanku meꞌ kaꞌaddat-addatan kapapuꞌanten bi. Saguwaꞌ bisan du gaꞌ niyaꞌ duseku, siniggew ku duk pinilisu weꞌ meꞌ Yahudi si Awrusalamin duk sinōngan ku weꞌ de pī si antanan bangsa Roma. 18Sinumariya ku weꞌ meꞌ bagellal bangsa Romahin duk batang ne ku paluwasde peggeꞌ gaꞌ niyaꞌ takasuwaꞌde jān pamapateyan aku. 19Saguwaꞌ gaꞌi ngatu meꞌ Yahudihin bang pinaluwas ku. Hangkan gaꞌ niyaꞌ tapikilku seddili amban makihukum si Sultan Nakuraꞌin, bisan ne gaꞌ niyaꞌ panuntutanku meꞌ pagkasiku Yahudihin. 20Hangkan hep pināku weꞌ ku magkite duk magbissā duk kaꞌam. Kuweꞌitu tiyaꞌ ku kinarena sabab panuhutku dambuwaꞌ inase-asete bi bangsa Israꞌilin.” 21Paꞌinde pu si Paul, “Gaꞌ kami bakas makasangka sulat amban lahat Yahudiya sabab kaꞌu. Gaꞌ isab niyaꞌ meꞌ Yahudi bakas mabillaꞌihin moꞌo aka pitu atawa missā laꞌat sabab kaꞌu. 22Saguwaꞌ batang pakale kami bang ine kinahagadnun, peggeꞌ kataꞌuhan kami weꞌ bisan antag kinuntarahan teꞌed weꞌ meꞌ aꞌahin toloꞌ tinuhutnu inin.”
23Manjari magkeddew siye duk si Paul bang sumiyan pamissāne si siyehin. Pagtekka ellew pagkeddewanden, ekka siye mapī si lumaꞌ patennaꞌan si Paulin. Kemuwe salung sampay sangem, pinahātihan weꞌ si Paul si siye duk inusihatan siye weꞌ ne sabab pagbayaꞌ Tuhanin. Suleyanne teꞌed siye ngahumatan nuhut si Isa sābune ngusihatan siye amban saraꞌ si Musa duk amban kitab kanabi-nabihanin. 24Niyaꞌ siye kahumatan si binissānen saguwaꞌ sinduwehin gaꞌi kahagad. 25Gaꞌ siye maguyun. Manjari pagsōng moleꞌ ne siye, niyaꞌ pe bissā si Paul. Paꞌinne si siye, “Asal tumuꞌun teꞌed lapal amban Niyawa Sutsihin, iye pinalataꞌ Nabi Isaya si meꞌ kapapuꞌanbin. Peggeꞌ paꞌinne hep pu Nabi Isaya,
26‘Pī kew si bangsa inin duk paꞌinun si siye: Luwal ne hadja kaꞌam pakale saguwaꞌ gaꞌi du tasabutbi. Luwal ne hadja kaꞌam mayam saguwaꞌ gaꞌi du takitebi. 27Peggeꞌ meꞌ aꞌa bangsa inin tuwas kōkden. Tinampengan weꞌ de meꞌ tayingeden, pinakeddem weꞌ de meꞌ mataden. Bang ngite mataden duk makakale tayingeden duk makahāti pikilanden, balik siye iyan pitu si aku, paꞌin Tuhanin, duk pakoleꞌku siye.’ ”
28Duk paꞌin si Paul pe, “Subey kataꞌuhanbi, weꞌ pinasampay ne si meꞌ kabangsahan dumaꞌin Yahudihin lapal Tuhan sabab panimbulne meꞌ manusiyaꞌin. Duk asal pakale du siye iyan.” 29Pagubus inin paꞌin si Paul, tahalaꞌ ne meꞌ Yahudihin duk magjawab teꞌed siye.
30Dem duwen tahun laꞌi si Paul patennaꞌ si lumaꞌ inalkilahan. Inaddatan weꞌ ne kēmon aꞌa mapī si iyehin. 31Magmahalayak iye sabab pagbayaꞌ Tuhanin duk magusihat iye sabab Isa Almasi, Panuhutanin. Gaꞌ niyaꞌ talew-talewne magusihat duk gaꞌ niyaꞌ mages iye.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2019, Wycliffe Bible Translators, Inc. All rights reserved.