Hinangan 23
23
1Manjari mayam si Paul pahantap pī si meꞌ kakunsihalanin duk paꞌinne si siye, “Meꞌ kapungtinaꞌihanku, bang si pikilanku, gaꞌ teꞌed niyaꞌ hatulanku sallaꞌ si Tuhan kemuwe matuꞌuley sampay kuweꞌitu.” 2Manjari pagkale Ananiyas, imam nakuraꞌin pinaꞌin si Paul miyaꞌan, magtawus dinaꞌak weꞌ ne si Paul sinampak diyataꞌ behene si meꞌ aꞌa si bihing si Paulin. 3Paꞌin si Paul pu Ananiyas, “Legga Tuhanin du kew. Hāp kew hadja si luwasan saguwaꞌ ateynun laꞌatan. Ningkoloꞌ kew luꞌu ngahukum aku patuhut si saraꞌin bu kaꞌu ne manggaꞌi manuhut saraꞌin, sabab dinaꞌak ku weꞌ nu sinampak,” paꞌin si Paul. 4Paꞌin meꞌ magtengge matapit pu si Paulin si iye, “Pahinaꞌnu imam nakuraꞌ pineneꞌ weꞌ Tuhanin?” 5Nambung si Paul, paꞌinne, “Meꞌ kapungtinaꞌihanku, gaꞌ kataꞌuhanku weꞌ iye imam nakuraꞌin. Kataꞌuhanku weꞌ tasulat hep dem kitab pinaꞌin, ‘Daꞌa bissāhanun bi laꞌat nakuraꞌbin.’ ”
6Manjari inin, sakaliꞌ tapandoga si Paul weꞌ sinduwe meꞌ kakunsihalanin meꞌ Sadduseo duk sinduwehin meꞌ Pariseo, missā iye papales, paꞌinne, “Meꞌ kapungtinaꞌihanku, dambuwaꞌ ku inin Pariseo, duk meꞌ matettoꞌakun meꞌ Pariseo du isab. Tiyaꞌ ku inin tuꞌu hinukum peggeꞌ ngase-ngase ku weꞌ meꞌ pateyin pinakellum du balik.” 7Pagubus inin paꞌinne, nagnaꞌ ne magpasuweyan meꞌ Pariseohin duk meꞌ Sadduseohin. Hangkan magpaꞌil ne meꞌ kakunsihalanin. (8Peggeꞌ meꞌ Sadduseohin, paꞌinde hep weꞌ gaꞌi koꞌ meꞌ pateyin pinakellum balik, duk gaꞌ koꞌ niyaꞌ malaꞌikat atawa niyawa, bu meꞌ Pariseohin kahagadde inin kēmon.) 9Manjari ngabasag paggasudden duk niyaꞌ meꞌ guru si saraꞌ āgama amban meꞌ Pariseohin nengge duk nganjawab teꞌed. Paꞌinde, “Gaꞌ niyaꞌ kasuwaꞌ kami laꞌat si aꞌa inin. Hatu asal bakas niyaꞌ niyawa atawa malaꞌikat missā si iye.” 10Pasōng teꞌed ngabasag pagjawabden hangkan talew kelnelin kaw paglaritande si Paul. Hangkan dinaꞌak weꞌ ne meꞌ sundalunen pī duwaꞌi ngagew si Paul amban siye duk binoꞌo balik pī dem kutaꞌ.
11Sangem miyaꞌan pabagala si Isa, Panuhutanin, si iye, nengge laꞌi si bihingne. Paꞌinne pu si Paul, “Daꞌa kew talew. Bakas ne ku kasaksiꞌannu tuꞌu si Awrusalam. Subey ku isab saksiꞌannu laꞌi si Roma.”
Isun meꞌ Yahudihin pinapatey si Paul
12Pagsalung ne, niyaꞌ meꞌ Yahudi magtipun duk magisun. Sinapahan weꞌ de weꞌ gaꞌi siye mangan atawa nginum samantaꞌan gaꞌi tapapateyde si Paul. 13Labi siye ampatpūꞌ magisun miyaꞌan. 14Manjari hap pī siye si meꞌ nakuraꞌ meꞌ imamin duk si meꞌ kabahiꞌanin magaka sabab inin. Paꞌinde, “Bakas kami magsapa weꞌ asal gaꞌi kami mangan samantaꞌan gaꞌi tapapatey kami si Paul. 15Hangkan kuweꞌitu,” paꞌinde, “subey kaꞌam duk meꞌ kakunsihalanin maboꞌo bissā pī si kelnelin, dinaꞌak si Paul binoꞌo pitu si kaꞌam. Magmā-mā kaꞌam weꞌ batang bistigabi paghāp-hāp palkalaꞌne miyaꞌan. Kami isab ngahapaꞌ ne si lān mapatey iye, gaꞌi pe umabut pitu si kaꞌam.”
16Saguwaꞌ niyaꞌ kamanakan si Paul lella, anak pungtinaꞌine dende, takalene weꞌ si Paul sōng hinapaꞌan pinapatey. Hangkan pī iye diyalem kutaꞌ ngakahan si Paul sabab takalene miyaꞌan. 17Manjari ilinganan weꞌ si Paul dambuwaꞌ meꞌ tinintihin duk paꞌinne si iye, “Boꞌohun lella mabataꞌ inin pī si kelnelin. Niyaꞌ batang akane si iye.” 18Binoꞌo ne weꞌ tinintihin lellahin hap pī si kelnelin duk paꞌinne, “Ilinganan ku miyaꞌan weꞌ si Paul, pilisuhin, duk dinaꞌak ku weꞌ ne moꞌo lella mabataꞌ inin pitu si kaꞌu peggeꞌ niyaꞌ koꞌ batang akahanne si kaꞌu.” 19Inambit lellahin weꞌ kelnelin duk binoꞌo weꞌ ne patala-tala. Ubus bu tinilew weꞌ ne, paꞌinne, “Ine teꞌ batang inakanu si akuhin?” 20Nambung iye, paꞌinne, “Bakas magisun meꞌ Yahudihin weꞌ sumu pākude koꞌ si kaꞌu binoꞌo si Paul pī si meꞌ kakunsihalanin, magmā-mā binistiga iye balik. 21Saguwaꞌ daꞌa siye pakalehun peggeꞌ niyaꞌ labi ampatpūꞌ meꞌ aꞌa mapatapuk sōng mangahapaꞌan si Paul ley,” paꞌin lellahin. “Bakas siye magsapa weꞌ gaꞌi siye mangan atawa nginum samantaꞌan gaꞌi si Paul tapapateyde. Memes ne siye ley duk iye saꞌ inagadden, bissānun.” 22Paꞌin kelnelin si iye, “Daꞌa kew magaka pu sine-sine weꞌ bakas ku akahannu sabab inin.” Ubus bu pinatahalaꞌ ne iye weꞌ kelnelin.
Pinaboꞌohan si Paul pī pu Gubnul Pilik
23Manjari ngalingan kelnelin duwangan meꞌ tinintinen duk paꞌinne si siye, “Nawag kaꞌam duwe hatus sundalu, daꞌakun bi magmemes lumengngan hap Kesarea ninaꞌ lisag siyam. Moꞌo isab kaꞌam duwe hatus sundalu magbudjak duk pitumpūꞌ magkuraꞌ. 24Ngeddoꞌ isab kaꞌam meꞌ kuraꞌ pasakeyan si Paul duk turananun bi iye pī pu Gubnul Pilik. Banteyanun bi iye pahāp-hāp duk gaꞌ niyaꞌ siya-siyane si lān.” 25Nulat isab kelnelin si gubnulin. Iye inin pinaꞌin dem sulatin:
26“Sulat inin amban aku, si Kalaudi Lisiyas, pinasampay pu Gubnul Pilik tamanan mabangsahanin. 27Tuwan, aꞌa inin siniggew weꞌ meꞌ Yahudihin duk sōng pinapatey weꞌ de. Sakaliꞌ kataꞌuhanku weꞌ aꞌa Roma iye, hap pī ku duk meꞌ sundalukun nabang iye. 28Bayaꞌ kataꞌuhanku bang ine panuntutande iyehin hangkan binoꞌo iye weꞌ ku pī patampak si kakunsihalanden. 29Paglaꞌi ne, bahu kataꞌuhanku weꞌ panuntutan meꞌ Yahudi iyehin sabab meꞌ palkalaꞌ dem saraꞌde. Gaꞌ du niyaꞌ bakas tahinangne talep pamapateyan iye atawa pangalabusuhan iye. 30Manjari taꞌaka si aku weꞌ niyaꞌ isun meꞌ Yahudihin weꞌ papateyde aꞌa inin. Hangkan hep iye magtawus daꞌakku tinuranan piyu si kaꞌu. Inakahan isab weꞌ ku meꞌ manuntutan iyehin weꞌ subey ne luꞌu si kaꞌu akade tuntutde si iyehin. Taman tuꞌu hadja. Wassalam.”
31Manjari ineddoꞌ ne si Paul weꞌ meꞌ sundaluhin sa pangandaꞌakan siyehin. Sangem miyaꞌan binoꞌo iye weꞌ de hap lahat Antipatir. 32Pagsasumuhin balik meꞌ sundalu magbettisin pī si kutaꞌ duk inambanan weꞌ de meꞌ magkuraꞌin nuranan si Paul palaꞌus. 33Binoꞌo ne weꞌ de si Paul hap Kesarea duk pagtekka laꞌi, pinangurung weꞌ de sulatin pī si gubnulin duk sinōngan ne weꞌ de si Paul si iye. 34Binatsa weꞌ gubnulin sulatin duk tinilew weꞌ ne si Paul bang amban lahat ingge iye. Sakaliꞌ kataꞌuhan gubnulin weꞌ amban Kilikiya du iye, 35paꞌinne pu si Paul, “Subey ne tekka meꞌ manuntutan kaꞌuhin, meke pakaleku daꞌawanun.” Manjari dinaꞌak weꞌ ne si Paul ginuwaldiyahan laꞌi si astanaꞌ si Herod.
ទើបបានជ្រើសរើសហើយ៖
Hinangan 23: yakV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2019, Wycliffe Bible Translators, Inc. All rights reserved.
Hinangan 23
23
1Manjari mayam si Paul pahantap pī si meꞌ kakunsihalanin duk paꞌinne si siye, “Meꞌ kapungtinaꞌihanku, bang si pikilanku, gaꞌ teꞌed niyaꞌ hatulanku sallaꞌ si Tuhan kemuwe matuꞌuley sampay kuweꞌitu.” 2Manjari pagkale Ananiyas, imam nakuraꞌin pinaꞌin si Paul miyaꞌan, magtawus dinaꞌak weꞌ ne si Paul sinampak diyataꞌ behene si meꞌ aꞌa si bihing si Paulin. 3Paꞌin si Paul pu Ananiyas, “Legga Tuhanin du kew. Hāp kew hadja si luwasan saguwaꞌ ateynun laꞌatan. Ningkoloꞌ kew luꞌu ngahukum aku patuhut si saraꞌin bu kaꞌu ne manggaꞌi manuhut saraꞌin, sabab dinaꞌak ku weꞌ nu sinampak,” paꞌin si Paul. 4Paꞌin meꞌ magtengge matapit pu si Paulin si iye, “Pahinaꞌnu imam nakuraꞌ pineneꞌ weꞌ Tuhanin?” 5Nambung si Paul, paꞌinne, “Meꞌ kapungtinaꞌihanku, gaꞌ kataꞌuhanku weꞌ iye imam nakuraꞌin. Kataꞌuhanku weꞌ tasulat hep dem kitab pinaꞌin, ‘Daꞌa bissāhanun bi laꞌat nakuraꞌbin.’ ”
6Manjari inin, sakaliꞌ tapandoga si Paul weꞌ sinduwe meꞌ kakunsihalanin meꞌ Sadduseo duk sinduwehin meꞌ Pariseo, missā iye papales, paꞌinne, “Meꞌ kapungtinaꞌihanku, dambuwaꞌ ku inin Pariseo, duk meꞌ matettoꞌakun meꞌ Pariseo du isab. Tiyaꞌ ku inin tuꞌu hinukum peggeꞌ ngase-ngase ku weꞌ meꞌ pateyin pinakellum du balik.” 7Pagubus inin paꞌinne, nagnaꞌ ne magpasuweyan meꞌ Pariseohin duk meꞌ Sadduseohin. Hangkan magpaꞌil ne meꞌ kakunsihalanin. (8Peggeꞌ meꞌ Sadduseohin, paꞌinde hep weꞌ gaꞌi koꞌ meꞌ pateyin pinakellum balik, duk gaꞌ koꞌ niyaꞌ malaꞌikat atawa niyawa, bu meꞌ Pariseohin kahagadde inin kēmon.) 9Manjari ngabasag paggasudden duk niyaꞌ meꞌ guru si saraꞌ āgama amban meꞌ Pariseohin nengge duk nganjawab teꞌed. Paꞌinde, “Gaꞌ niyaꞌ kasuwaꞌ kami laꞌat si aꞌa inin. Hatu asal bakas niyaꞌ niyawa atawa malaꞌikat missā si iye.” 10Pasōng teꞌed ngabasag pagjawabden hangkan talew kelnelin kaw paglaritande si Paul. Hangkan dinaꞌak weꞌ ne meꞌ sundalunen pī duwaꞌi ngagew si Paul amban siye duk binoꞌo balik pī dem kutaꞌ.
11Sangem miyaꞌan pabagala si Isa, Panuhutanin, si iye, nengge laꞌi si bihingne. Paꞌinne pu si Paul, “Daꞌa kew talew. Bakas ne ku kasaksiꞌannu tuꞌu si Awrusalam. Subey ku isab saksiꞌannu laꞌi si Roma.”
Isun meꞌ Yahudihin pinapatey si Paul
12Pagsalung ne, niyaꞌ meꞌ Yahudi magtipun duk magisun. Sinapahan weꞌ de weꞌ gaꞌi siye mangan atawa nginum samantaꞌan gaꞌi tapapateyde si Paul. 13Labi siye ampatpūꞌ magisun miyaꞌan. 14Manjari hap pī siye si meꞌ nakuraꞌ meꞌ imamin duk si meꞌ kabahiꞌanin magaka sabab inin. Paꞌinde, “Bakas kami magsapa weꞌ asal gaꞌi kami mangan samantaꞌan gaꞌi tapapatey kami si Paul. 15Hangkan kuweꞌitu,” paꞌinde, “subey kaꞌam duk meꞌ kakunsihalanin maboꞌo bissā pī si kelnelin, dinaꞌak si Paul binoꞌo pitu si kaꞌam. Magmā-mā kaꞌam weꞌ batang bistigabi paghāp-hāp palkalaꞌne miyaꞌan. Kami isab ngahapaꞌ ne si lān mapatey iye, gaꞌi pe umabut pitu si kaꞌam.”
16Saguwaꞌ niyaꞌ kamanakan si Paul lella, anak pungtinaꞌine dende, takalene weꞌ si Paul sōng hinapaꞌan pinapatey. Hangkan pī iye diyalem kutaꞌ ngakahan si Paul sabab takalene miyaꞌan. 17Manjari ilinganan weꞌ si Paul dambuwaꞌ meꞌ tinintihin duk paꞌinne si iye, “Boꞌohun lella mabataꞌ inin pī si kelnelin. Niyaꞌ batang akane si iye.” 18Binoꞌo ne weꞌ tinintihin lellahin hap pī si kelnelin duk paꞌinne, “Ilinganan ku miyaꞌan weꞌ si Paul, pilisuhin, duk dinaꞌak ku weꞌ ne moꞌo lella mabataꞌ inin pitu si kaꞌu peggeꞌ niyaꞌ koꞌ batang akahanne si kaꞌu.” 19Inambit lellahin weꞌ kelnelin duk binoꞌo weꞌ ne patala-tala. Ubus bu tinilew weꞌ ne, paꞌinne, “Ine teꞌ batang inakanu si akuhin?” 20Nambung iye, paꞌinne, “Bakas magisun meꞌ Yahudihin weꞌ sumu pākude koꞌ si kaꞌu binoꞌo si Paul pī si meꞌ kakunsihalanin, magmā-mā binistiga iye balik. 21Saguwaꞌ daꞌa siye pakalehun peggeꞌ niyaꞌ labi ampatpūꞌ meꞌ aꞌa mapatapuk sōng mangahapaꞌan si Paul ley,” paꞌin lellahin. “Bakas siye magsapa weꞌ gaꞌi siye mangan atawa nginum samantaꞌan gaꞌi si Paul tapapateyde. Memes ne siye ley duk iye saꞌ inagadden, bissānun.” 22Paꞌin kelnelin si iye, “Daꞌa kew magaka pu sine-sine weꞌ bakas ku akahannu sabab inin.” Ubus bu pinatahalaꞌ ne iye weꞌ kelnelin.
Pinaboꞌohan si Paul pī pu Gubnul Pilik
23Manjari ngalingan kelnelin duwangan meꞌ tinintinen duk paꞌinne si siye, “Nawag kaꞌam duwe hatus sundalu, daꞌakun bi magmemes lumengngan hap Kesarea ninaꞌ lisag siyam. Moꞌo isab kaꞌam duwe hatus sundalu magbudjak duk pitumpūꞌ magkuraꞌ. 24Ngeddoꞌ isab kaꞌam meꞌ kuraꞌ pasakeyan si Paul duk turananun bi iye pī pu Gubnul Pilik. Banteyanun bi iye pahāp-hāp duk gaꞌ niyaꞌ siya-siyane si lān.” 25Nulat isab kelnelin si gubnulin. Iye inin pinaꞌin dem sulatin:
26“Sulat inin amban aku, si Kalaudi Lisiyas, pinasampay pu Gubnul Pilik tamanan mabangsahanin. 27Tuwan, aꞌa inin siniggew weꞌ meꞌ Yahudihin duk sōng pinapatey weꞌ de. Sakaliꞌ kataꞌuhanku weꞌ aꞌa Roma iye, hap pī ku duk meꞌ sundalukun nabang iye. 28Bayaꞌ kataꞌuhanku bang ine panuntutande iyehin hangkan binoꞌo iye weꞌ ku pī patampak si kakunsihalanden. 29Paglaꞌi ne, bahu kataꞌuhanku weꞌ panuntutan meꞌ Yahudi iyehin sabab meꞌ palkalaꞌ dem saraꞌde. Gaꞌ du niyaꞌ bakas tahinangne talep pamapateyan iye atawa pangalabusuhan iye. 30Manjari taꞌaka si aku weꞌ niyaꞌ isun meꞌ Yahudihin weꞌ papateyde aꞌa inin. Hangkan hep iye magtawus daꞌakku tinuranan piyu si kaꞌu. Inakahan isab weꞌ ku meꞌ manuntutan iyehin weꞌ subey ne luꞌu si kaꞌu akade tuntutde si iyehin. Taman tuꞌu hadja. Wassalam.”
31Manjari ineddoꞌ ne si Paul weꞌ meꞌ sundaluhin sa pangandaꞌakan siyehin. Sangem miyaꞌan binoꞌo iye weꞌ de hap lahat Antipatir. 32Pagsasumuhin balik meꞌ sundalu magbettisin pī si kutaꞌ duk inambanan weꞌ de meꞌ magkuraꞌin nuranan si Paul palaꞌus. 33Binoꞌo ne weꞌ de si Paul hap Kesarea duk pagtekka laꞌi, pinangurung weꞌ de sulatin pī si gubnulin duk sinōngan ne weꞌ de si Paul si iye. 34Binatsa weꞌ gubnulin sulatin duk tinilew weꞌ ne si Paul bang amban lahat ingge iye. Sakaliꞌ kataꞌuhan gubnulin weꞌ amban Kilikiya du iye, 35paꞌinne pu si Paul, “Subey ne tekka meꞌ manuntutan kaꞌuhin, meke pakaleku daꞌawanun.” Manjari dinaꞌak weꞌ ne si Paul ginuwaldiyahan laꞌi si astanaꞌ si Herod.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2019, Wycliffe Bible Translators, Inc. All rights reserved.