1 Korinto 3
3
Meꞌ daraꞌakan Tuhanin
1Meꞌ kapungtinaꞌihanku, kaluꞌuku si kaꞌam matuꞌuhin, gaꞌ ku kapagusihat si kaꞌam usihat lalem kuweꞌ usihatku si meꞌ aꞌa palaꞌihan Niyawa Tuhanin. Usihatku si kaꞌamin kuweꞌ si meꞌ aꞌa manuhut napsuden. Gaꞌ pe basag sandelbi pu si Isa Almasihin; kuweꞌ kaꞌam dalil meꞌ mākanak baꞌahu inanakan. 2Pagusihatku si kaꞌamin kuweꞌ dalil magpaꞌinum gatas ku si kaꞌam peggeꞌ gaꞌi pe kaꞌam makajari pinakan kinakan tuwas. Hātinen gaꞌi lalem meꞌ usihatku si kaꞌamin peggeꞌ gaꞌi kaꞌam makahāti bang lalem toloꞌkun. Duk bisan sampay maꞌin masi pe kaꞌam gaꞌi makahāti meꞌ toloꞌ malalemin, 3peggeꞌ tinuhut pe weꞌ bi hatulan meꞌ aꞌa matuꞌu si dunyahin. Niyaꞌ kaꞌam magkimbū, niyaꞌ kaꞌam magsasaꞌ. Tandaꞌ ne iyan weꞌ tinuhut weꞌ bi napsubin kuweꞌ meꞌ aꞌa manggaꞌi manuhut Tuhanin. 4Bang niyaꞌ kaꞌam magpaꞌin, “Si Paul iye tinuhutkun,” sinduwehin magpaꞌin, “Bang aku, si Apollos iye tinuhutkun,” magsaggaꞌ-sinaggaꞌ pe kaꞌam kuweꞌ meꞌ aꞌa manggaꞌi manuhut Tuhanin.
5Weꞌ sine teꞌ si Apollos duk sine teꞌ ku, hangkan kami hinangbi meꞌ panuhutanbin? Kami inin duwangan meꞌ daraꞌakan Tuhanin du hadja. Inusihatan kaꞌam weꞌ kami hangkan kaꞌam sandel pu si Isa Almasi. Hininang hadja weꞌ kami pangandaꞌakan Tuhan si kami dangan-danganin. 6Dalil meꞌ aꞌa magtanem jambangan kami, aku kuweꞌ mananem bigi jambanganin duk Apollos kuweꞌ manataꞌan iyehin. Saguwaꞌ Tuhanin du mamasulig jambanganin. 7Hangkan hep dumaꞌin malangkewin mananemin duk manataꞌan tinanemin. Saguwaꞌ iye malangkewin Tuhanin, peggeꞌ iye mamasulig jambanganin. 8Gaꞌ niyaꞌ pagbiddaꞌan aꞌa mananemin duk aꞌa manataꞌan tinanemin. Si ellew dambuli saliꞌ-saliꞌ du siye tumbasan Tuhanin si hinang tahinangden dangan-dangan. 9Kami duk Apollos magtabang maghinang si Tuhan. Maghinang kami para si kahāpanbi hangkan kaꞌam dalil likus Tuhan paghinangan kamihin.
Duk kaꞌam dalil lumaꞌ pinahinang weꞌ Tuhanin du isab. 10Aku dalil kaꞌurungan kapandeyan weꞌ Tuhanin maghinang lumaꞌin. Hininang weꞌ ku panenggehan meꞌ olom lumaꞌin. Hātinen aku dehellu magusihat si kaꞌam sabab Isa Almasihin. Seddili isab mangahinang lumaꞌin laꞌi diyataꞌ bakas hininangkun. Saguwaꞌ meꞌ mangahinang lumaꞌin subey pahatul-hatulde pangahinangden. 11Tuꞌu si lumaꞌ hininang inin, si Isa Almasi dalil panenggehan meꞌ olomin. Iye hadja, gaꞌ niyaꞌ seddili. Hātinen, Isa Almasi hadja subey pangandelanten. 12Meꞌ mangahinang lumaꞌin magseddili-seddili panyap ginunaden. Hātinen meꞌ panoloꞌden dumaꞌin saliꞌ halgaꞌnen. Dalilnen niyaꞌ siye ngangguna meꞌ panyap mahalgaꞌ duk hunit magkaꞌat kuweꞌ bulawan atawa pilak atawa meꞌ palmata mahalgaꞌ. Niyaꞌ isab ngangguna meꞌ panyap mura eggas kuweꞌ kayu duk kuhun duk sayirap. 13Si pasōngan bang tekka ne ellew pangahukum Isa Almasi meꞌ aꞌahin, kataꞌuhan du iyan bang ine panyap ginuna dangan-danganin, bang hāp ke atawa laꞌat. Kataꞌuhan du peggeꞌ sinuleyan kēmon kuweꞌ pinalabey dem ebbut. 14Bang panyap ginuna aꞌahin gaꞌi eggas, hātinen panoloꞌnen hāp, makasangka aꞌa miyaꞌan kahāpan amban Tuhan. 15Saguwaꞌ bang panyap ginuna aꞌahin eggas, hātinen panoloꞌnen laꞌat, lugiꞌ iye, gaꞌi iye makasangka kahāpan. Timbul du iye, saguwaꞌ kuweꞌ iye aꞌa lumuwas hadja amban lumaꞌne maꞌeggasin. 16Gaꞌi ke kataꞌuhanbi weꞌ kaꞌam meꞌ masandel pu si Isa Almasihin kuweꞌ lumaꞌ patennaꞌan Tuhanin duk Niyawa Tuhanin patennaꞌ diyalemanbi? Bugtuꞌ kataꞌuhanbi inin. 17Hangkan hep bang niyaꞌ aꞌa makaꞌatan patennaꞌan Tuhanin, asal aꞌa iyan magkaꞌat du weꞌ Tuhanin. Peggeꞌ patennaꞌan Tuhanin sutsi. Duk kaꞌam ne patennaꞌannen.
18Daꞌa kaꞌam madupang dibi. Bang niyaꞌ aꞌa luꞌu diyalemanbi pamikilne si dinen weꞌ lalem kataꞌunen si bistahan meꞌ aꞌa manggaꞌi manuhut Tuhanin, hāp pe bang ngababbal iye si kimmatande supaya hadja tepe si iye kataꞌu amban Tuhanin. 19Peggeꞌ kataꞌu meꞌ aꞌa si dunya inin gaꞌ niyaꞌ gunane bang si bistahan Tuhan. Tasulat hep dem kitab, pinaꞌin, “Amban Tuhanin puꞌunne meꞌ aꞌa malalem kataꞌuden kuweꞌ ngaleppas dide.” 20Tasulat isab dem kitab, pinaꞌin, “Kataꞌuhan Tuhanin weꞌ gaꞌ niyaꞌ kagunahan meꞌ bistahan meꞌ aꞌa malalem kataꞌuden.” 21Hangkan hep subey gaꞌ niyaꞌ kaꞌam magabbu weꞌ kaꞌam tindeg sine-sine ne luꞌu manusiyaꞌ. Kēmon-kēmonin pinasukuꞌ weꞌ Tuhanin si kaꞌam para si kahāpanbi. 22Kami duk Apollos duk si Petros isab, hininang kami weꞌ Tuhanin meꞌ daraꞌakanbi para si kahāpanbi du. Duk bisan pe dunya inin duk kēmon maꞌumantag si pasōnganin, duk meꞌ maꞌumantag kuweꞌitu inin, duk bisan kaꞌellum duk kamatey, kēmon inin pinasukuꞌ si kaꞌam weꞌ Tuhanin para si kahāpanbi du. 23Saguwaꞌ essebun bi, kaꞌam sukuꞌ pu si Almasi. Almasi isab sukuꞌ si Tuhan.
ទើបបានជ្រើសរើសហើយ៖
1 Korinto 3: yakV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2019, Wycliffe Bible Translators, Inc. All rights reserved.
1 Korinto 3
3
Meꞌ daraꞌakan Tuhanin
1Meꞌ kapungtinaꞌihanku, kaluꞌuku si kaꞌam matuꞌuhin, gaꞌ ku kapagusihat si kaꞌam usihat lalem kuweꞌ usihatku si meꞌ aꞌa palaꞌihan Niyawa Tuhanin. Usihatku si kaꞌamin kuweꞌ si meꞌ aꞌa manuhut napsuden. Gaꞌ pe basag sandelbi pu si Isa Almasihin; kuweꞌ kaꞌam dalil meꞌ mākanak baꞌahu inanakan. 2Pagusihatku si kaꞌamin kuweꞌ dalil magpaꞌinum gatas ku si kaꞌam peggeꞌ gaꞌi pe kaꞌam makajari pinakan kinakan tuwas. Hātinen gaꞌi lalem meꞌ usihatku si kaꞌamin peggeꞌ gaꞌi kaꞌam makahāti bang lalem toloꞌkun. Duk bisan sampay maꞌin masi pe kaꞌam gaꞌi makahāti meꞌ toloꞌ malalemin, 3peggeꞌ tinuhut pe weꞌ bi hatulan meꞌ aꞌa matuꞌu si dunyahin. Niyaꞌ kaꞌam magkimbū, niyaꞌ kaꞌam magsasaꞌ. Tandaꞌ ne iyan weꞌ tinuhut weꞌ bi napsubin kuweꞌ meꞌ aꞌa manggaꞌi manuhut Tuhanin. 4Bang niyaꞌ kaꞌam magpaꞌin, “Si Paul iye tinuhutkun,” sinduwehin magpaꞌin, “Bang aku, si Apollos iye tinuhutkun,” magsaggaꞌ-sinaggaꞌ pe kaꞌam kuweꞌ meꞌ aꞌa manggaꞌi manuhut Tuhanin.
5Weꞌ sine teꞌ si Apollos duk sine teꞌ ku, hangkan kami hinangbi meꞌ panuhutanbin? Kami inin duwangan meꞌ daraꞌakan Tuhanin du hadja. Inusihatan kaꞌam weꞌ kami hangkan kaꞌam sandel pu si Isa Almasi. Hininang hadja weꞌ kami pangandaꞌakan Tuhan si kami dangan-danganin. 6Dalil meꞌ aꞌa magtanem jambangan kami, aku kuweꞌ mananem bigi jambanganin duk Apollos kuweꞌ manataꞌan iyehin. Saguwaꞌ Tuhanin du mamasulig jambanganin. 7Hangkan hep dumaꞌin malangkewin mananemin duk manataꞌan tinanemin. Saguwaꞌ iye malangkewin Tuhanin, peggeꞌ iye mamasulig jambanganin. 8Gaꞌ niyaꞌ pagbiddaꞌan aꞌa mananemin duk aꞌa manataꞌan tinanemin. Si ellew dambuli saliꞌ-saliꞌ du siye tumbasan Tuhanin si hinang tahinangden dangan-dangan. 9Kami duk Apollos magtabang maghinang si Tuhan. Maghinang kami para si kahāpanbi hangkan kaꞌam dalil likus Tuhan paghinangan kamihin.
Duk kaꞌam dalil lumaꞌ pinahinang weꞌ Tuhanin du isab. 10Aku dalil kaꞌurungan kapandeyan weꞌ Tuhanin maghinang lumaꞌin. Hininang weꞌ ku panenggehan meꞌ olom lumaꞌin. Hātinen aku dehellu magusihat si kaꞌam sabab Isa Almasihin. Seddili isab mangahinang lumaꞌin laꞌi diyataꞌ bakas hininangkun. Saguwaꞌ meꞌ mangahinang lumaꞌin subey pahatul-hatulde pangahinangden. 11Tuꞌu si lumaꞌ hininang inin, si Isa Almasi dalil panenggehan meꞌ olomin. Iye hadja, gaꞌ niyaꞌ seddili. Hātinen, Isa Almasi hadja subey pangandelanten. 12Meꞌ mangahinang lumaꞌin magseddili-seddili panyap ginunaden. Hātinen meꞌ panoloꞌden dumaꞌin saliꞌ halgaꞌnen. Dalilnen niyaꞌ siye ngangguna meꞌ panyap mahalgaꞌ duk hunit magkaꞌat kuweꞌ bulawan atawa pilak atawa meꞌ palmata mahalgaꞌ. Niyaꞌ isab ngangguna meꞌ panyap mura eggas kuweꞌ kayu duk kuhun duk sayirap. 13Si pasōngan bang tekka ne ellew pangahukum Isa Almasi meꞌ aꞌahin, kataꞌuhan du iyan bang ine panyap ginuna dangan-danganin, bang hāp ke atawa laꞌat. Kataꞌuhan du peggeꞌ sinuleyan kēmon kuweꞌ pinalabey dem ebbut. 14Bang panyap ginuna aꞌahin gaꞌi eggas, hātinen panoloꞌnen hāp, makasangka aꞌa miyaꞌan kahāpan amban Tuhan. 15Saguwaꞌ bang panyap ginuna aꞌahin eggas, hātinen panoloꞌnen laꞌat, lugiꞌ iye, gaꞌi iye makasangka kahāpan. Timbul du iye, saguwaꞌ kuweꞌ iye aꞌa lumuwas hadja amban lumaꞌne maꞌeggasin. 16Gaꞌi ke kataꞌuhanbi weꞌ kaꞌam meꞌ masandel pu si Isa Almasihin kuweꞌ lumaꞌ patennaꞌan Tuhanin duk Niyawa Tuhanin patennaꞌ diyalemanbi? Bugtuꞌ kataꞌuhanbi inin. 17Hangkan hep bang niyaꞌ aꞌa makaꞌatan patennaꞌan Tuhanin, asal aꞌa iyan magkaꞌat du weꞌ Tuhanin. Peggeꞌ patennaꞌan Tuhanin sutsi. Duk kaꞌam ne patennaꞌannen.
18Daꞌa kaꞌam madupang dibi. Bang niyaꞌ aꞌa luꞌu diyalemanbi pamikilne si dinen weꞌ lalem kataꞌunen si bistahan meꞌ aꞌa manggaꞌi manuhut Tuhanin, hāp pe bang ngababbal iye si kimmatande supaya hadja tepe si iye kataꞌu amban Tuhanin. 19Peggeꞌ kataꞌu meꞌ aꞌa si dunya inin gaꞌ niyaꞌ gunane bang si bistahan Tuhan. Tasulat hep dem kitab, pinaꞌin, “Amban Tuhanin puꞌunne meꞌ aꞌa malalem kataꞌuden kuweꞌ ngaleppas dide.” 20Tasulat isab dem kitab, pinaꞌin, “Kataꞌuhan Tuhanin weꞌ gaꞌ niyaꞌ kagunahan meꞌ bistahan meꞌ aꞌa malalem kataꞌuden.” 21Hangkan hep subey gaꞌ niyaꞌ kaꞌam magabbu weꞌ kaꞌam tindeg sine-sine ne luꞌu manusiyaꞌ. Kēmon-kēmonin pinasukuꞌ weꞌ Tuhanin si kaꞌam para si kahāpanbi. 22Kami duk Apollos duk si Petros isab, hininang kami weꞌ Tuhanin meꞌ daraꞌakanbi para si kahāpanbi du. Duk bisan pe dunya inin duk kēmon maꞌumantag si pasōnganin, duk meꞌ maꞌumantag kuweꞌitu inin, duk bisan kaꞌellum duk kamatey, kēmon inin pinasukuꞌ si kaꞌam weꞌ Tuhanin para si kahāpanbi du. 23Saguwaꞌ essebun bi, kaꞌam sukuꞌ pu si Almasi. Almasi isab sukuꞌ si Tuhan.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2019, Wycliffe Bible Translators, Inc. All rights reserved.