SIRAC 15
15
1No tatakotan moy Katawan, gawaen mo ya. Iyolom so Ganggan, et narumog moy Kakabatan. 2Onsabi so Kakabatan tan maliket a mangawat ed sika a singa sakey ya ina odino sakey a malangwer a nubia. 3Itdan to kay kakabatan tan pakatalus a singa kakanen tan danum. 4Manmatalek kad sikato, et ag kan balut napelag ed kababaingan. 5Pagmaliwen to kan lalon galgalangen nen saray kakaabay mo; no mansalita kad tipon da ray katoowan, itdan to ka ray dugan salita. 6Narumog mo so liket tan tuan gayaga; nanunotan ya anggad angga so ngaran mo.
7Balet saray totoon makulang-kulang odino makasalanan et ag dan balut nalinggis so Kakabatan. 8Anggapoy pibabali tod saray totoon mapaatagey; ag ton balut onloloob ed kanunotan da ray matila. 9Aliwan manepeg ed sakey a makasalanan so pankanta na saray imno na dayew, lapud aliwan matwa so panangigalang to. 10Nepeg a balikas na kakabatan so sakey ya imno, impuyan a dili na Katawan.
Say Inkabolus ed Panggaway Dilin Linawa
11Ag mo teteteley Katawan lapud kasalanan mo; ag gagawaen na Katawan so antokaman a kabosul to.#15:11 Diad tikston Hebreo ag gagawaen na Katawan so antokaman a kabosul to; diad tikston Grigo ag mo gagawaen so antokaman a kabosul na Katawan. 12Ag mo ibabagan imbalang to ka; ag to nakaukolay tulong na saray makasalanan diad panumpal tod saray getma to. 13Kabosul na Katawan so amin a klasiy kaogsan, tan saray walay takot ed Katawan et anggapoy narurumog dan marakep ed kaogsan. 14Nen diad gapoy gapo et pinalsa na Katawan so katoowan, pinaolyan to ran bolus a manggawa na labay da. 15No labay mo, nayarin onuren mo ray ganggan na Katawan. Nayarian mon pilien so magmaliw a matoor ed Katawan odino andi. 16Inlira tod arap mo so apoy tan danum; gawat ka tan alam so labay mo. 17Nayarian mon pilien so bilay odino say patey; naalam so labay mon pilien. 18Malaknab so kakabatan na Katawan tan baleg so pakayari to tan nanenengneng toy amin a bengatla. 19Amta ton amin so gagawaen na too, tan aasikasoen to ray walay takot ed sikato. 20Ag ton balut ingganggan so siopaman a magmaliw a maoges odino initdan to na abuloy so siopaman a mankasalanan.
ទើបបានជ្រើសរើសហើយ៖
SIRAC 15: PnPV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Philippine Bible Society New Testament © 1977, Bible © 1983