Say Kumadwan Libro na SARAY MACABEO 8
8
Say Inlaban nen Judas Macabeo
(1 Mac. 3:1-26)
1Si Judas tan saray kakaaro to et maamut iran nanliliber ed saray bario anggad akatipon ira na sakey ya anem a libon Judion lalaki a nansiansia ran matoor ed rilihion da. 2Kinerew dad Katawan a tulongan to ray totoo to a papairapen natan na amin a bansa, tan kasian to so Timplo a dodotakan natan na saray pagano, 3tan kasian to so Jerusalem ya aderal natan tan ngalngali la nipalanas ed dalin. 4Kinerew da met ed Katawan ya ipanengneng toy panagbosul tod kaogsan diad ibawi tod saray totoon mampapatey ed saray totoo to, ya andi-panangasiy pamapatey dad saray ogogaw, tan mansasalita ray maoges a sumpad Katawan.
5Nen niparaan a siansia nen Judas iray sondalo to, sikatoy ag alabanan na saray Hintil, lapud nagmaliw lan panangasi so pasnuk na Katawan ed Israel. 6-7Biglan dinodogpaan nen Judas iray baley tan saray bario tan pinopoolan to ra. Adakep to ray mabiskeg a pasen tan amayamay a sondaloy tinatalo to, ya apapaway to a no labi maaligwas a tuloy. Sinalita na amin a katoowan ed inerman a pasen so inkasebeg to.
Imbaki nen Tolomeo si Nicanor a Dogpaan toy Judas
(1 Mac. 3:38-41)
8Nen abirbir nen Felipe a gobirnador na Jerusalem a mankakalnan ombibiskeg si Judas tan naynay lay pananatalo tod bakal, nansulat ed kinen Tolomeo a gobirnador na Baleg a Siria, ta kerewen toy tulong to diad pangyagel tod saray bengatlan pankaabigan na ari. 9Tinoron tampol nen Tolomeo si Nicanor a lakin anak nen Patroclo tan sakey ed saray manonad olup da ray Kakaaro na Ari, tan imbaki ton kaiba toy masoluk a duamplon libon sondalo a nanlalapud pigaran bansa, ta oputen dan pateyen iray Judio. Tinoro met nen Tolomeo a milad Sikato si Gorgias a sakey a pangulo na saray sondalo tan dakel lay akibakalan to. 10Akautang si Ari Antioco ed saray taga Roma na anemaplo tan walon libon kilo a pilak; implano nen Nicanor a bayaran to yan utang diad pangilako ton aripen ed saray Judion nadakep ed bakal.
11Kanyan impakabat a tampol nen Nicanor ed saray baley a walad abay na dayat a manlako na saray Judio a kulang a sakey a kilon pilak so bili na sakey. Balet ag to amta so dusan imparaan ed sikato na Makapanyarin-amin a Dios.
Akabatan nen Judas so Plano nen Nicanor
(1 Mac. 3:42-54)
12Akabatan nen Judas ya onsusulong ed Judea si Nicanor tan saray sondalo to, kanyan imbaga to ya ed saray totoo to. 13Matakot iray arum ed sikara tan ag ira manisia ed inkatonung na Dios kanyan batik ira ed anggaay nayarian da. 14Balet inlako na arum ed sikara iray nakdaan a kayaryan da, pian say Katawan et ibilang to ran manepeg ya iyagel ed kinen Nicanor ya anggapoy Dios to, ya inlako to ran aripen anggaman ya ag ni ginmapoy bakal. 15Impikasi ra a no aliwan maabuloy so Dios a gawaen to ya, lapud sikara labat, nayarin maabuloy a mangyagel ed sikara lapud saray impisipanan tod saray lalaki ra, tan lapud sikato a matalonggaring tan makapakelaw a Dios et tinawag to ra a totoo to. 16Impantitipon nen Judas ya amin iray anem a libon totoo to tan pinabiskeg toy linawa ra ya ag ira ontatakot odino ombabatik diad kagewgew da lapud pakanengneng dad amayamay a sondalo na saray Hintil ya onsusulong a mibakal ed sikara anggaman ya anggapoy makasengeg. Sikara ingen so nepeg a masebeg a mibakal, 17ya ag dan balut lilingwanan so kaogsan a ginawa na saray Hintil sumpad Timplo, say ontan lan impamairap dad Jerusalem, tan say impamaandi rad saray kaogaliyan da ray Judio. 18Inkuanen Judas, Manmamatalek irad saray armas da tan say inkasebeg da, balet manmamatalek itayod Dios a Makapanyarin-amin a nayarian ton deralen ira yan sondalo tan, no nakaukolan, say intiron mundo diad panamegley labat na itanger to.
19Insan intuloy nen Judas ya impanunot ed sikara iray polaing ya impanulong na Dios ed saray lalaki ra: diad panaon nen Senakerib, sanlasus tan walomplo tan liman libon kalaban so apatey; 20tan aminsan, diad Babilonia, walon libon Judio so dinmagon ontulong ed apat a libon taga Macedonia, et tinalo ray sanlasus tan duamplon libon taga Galacia tan amayamay so sinasamsaman da. Agawa ra yan amin lapud pananulong na Dios.
Tinalo nen Judas si Nicanor
(1 Mac. 3:55—4:27)
21Akapabiskeg na linawa na saray totoo nen Judas iray salita to tan atanggoyur iran maliket ya ompatey lapud rilihion da tan say bansa ra. Ginawa ton apatiran olup ira may sondalo to; 22sakey a sanlibo tan liman lasus so kapag grupo. Sikato tan saray lalakin agagi ton di Simon, Jose, tan Jonatan so makaoley ed sakey a grupo. 23Kayari ton ingganggan si Eleazar a mambasan maksil ed masanton libro, ineyag tod saray totoo, Tulongan itayo na Dios, tan sikaton dili so angipangulo ed indogpa rad kinen Nicanor.
24Kaiba ran akibakal so Dios a Makapanyarin-amin, et akapatey ira na masoluk a siam a libon kalaban. Asugatan da ray amayamay tan pinabatik da ray amin a sondalo. 25Sinasamsam da ray kuarta ed saramay dinmagon manaliw ed sikaran aripen. Insan da inoosilan iray kalaban da ya anggad arawin pasen, tinmonda ra nen nepeg da lay ompawil, 26lapud magano lan onsabi so Agew na Panagpainawa. 27Nen atipon da lan amin iray armas na saray kalaban tan asamsaman da la ra may inaatey, nginilinan day Agew na Panagpainawa. Indayew day Katawan tan akisalamatan da, lapud impasabi to man ya agew ya anggapoy maoges ya agawad sikara tan initdan to ra na ononan tanda na panangasi to. 28Kayari na Agew na Panagpainawa, initdan dad saramay asamsam da iray totoon apasegsegang tan saray balon bibii tan saray olila; insan da inaapag ed saray dilin pamilya ra so nakdaan. 29Kayari to ya, nankakasakey iran nampikasi ed mapangasin Katawan, tan kinerew dad sikaton abageyen to ray aripen to.
Tinalo nen Judas si Timoteo tan si Bakides
30Ag abayag akibakal iray Judio ed saray sondalo nen Timoteo tan si Bakides tan apatey day masoluk a duamplon libo ed sikara. Adakep da ray pigaran atatagey a tirinsira tan amayamay a bengatla so asamsam da, tan anggapoy saol ya inaapag dad sikaran dili tan saray balon bibii, saray olila, saray mamasiken, tan saray apairap. 31Inapiger dan inaala ya amin iray armas da ray kalaban da tan insisinup da ra ed saray apilin pasen, balet inyakar dad Jerusalem so nakdaan ya asamsam da. 32Pinatey day pangulo na saray sondalo nen Timoteo, sakey a toon anggapoy Dios to tan mapalaloy impanpapairap tod saray Judio. 33Legan dan sisilibraan so impanalo rad diad siudad na saray lalaki ra, pinoolan dan mabilay iray lalakin amool ed saray puirta na Timplo. Saray inaatey et akabilang si Calistenes ya inmamut ed melag ya abung; kanyan inawat toy dusan kanepegan to lapud saray maoges a ginagawa to.
34Diad onya, say maoges a toon si Nicanor, ya anawag na sanlibon nigosianti a manaliw ed saray Judio, 35et atalo na saray totoon mapalaloy impanleglemew tod sikara, ta tinulongan ira na Katawan. Imbasileng toy balibalin kawes to tan batik a bukbukor ton singa sakey ya aripen a batik, anggad akasabi ed Antiokia. Nampalabo labat diad impanderal tod amin a sondalo to. 36Sayan too, a sinali ton bayaran so utang ed Roma diad pangilako tod saray totood Jerusalem, et impanengneng ton ag natalo iray Judio. Say Dios so makapanyarin Manangyagel da, lapud tinoluk da ray ganggan ya inter tod sikara.
ទើបបានជ្រើសរើសហើយ៖
Say Kumadwan Libro na SARAY MACABEO 8: PnPV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Philippine Bible Society New Testament © 1977, Bible © 1983
Say Kumadwan Libro na SARAY MACABEO 8
8
Say Inlaban nen Judas Macabeo
(1 Mac. 3:1-26)
1Si Judas tan saray kakaaro to et maamut iran nanliliber ed saray bario anggad akatipon ira na sakey ya anem a libon Judion lalaki a nansiansia ran matoor ed rilihion da. 2Kinerew dad Katawan a tulongan to ray totoo to a papairapen natan na amin a bansa, tan kasian to so Timplo a dodotakan natan na saray pagano, 3tan kasian to so Jerusalem ya aderal natan tan ngalngali la nipalanas ed dalin. 4Kinerew da met ed Katawan ya ipanengneng toy panagbosul tod kaogsan diad ibawi tod saray totoon mampapatey ed saray totoo to, ya andi-panangasiy pamapatey dad saray ogogaw, tan mansasalita ray maoges a sumpad Katawan.
5Nen niparaan a siansia nen Judas iray sondalo to, sikatoy ag alabanan na saray Hintil, lapud nagmaliw lan panangasi so pasnuk na Katawan ed Israel. 6-7Biglan dinodogpaan nen Judas iray baley tan saray bario tan pinopoolan to ra. Adakep to ray mabiskeg a pasen tan amayamay a sondaloy tinatalo to, ya apapaway to a no labi maaligwas a tuloy. Sinalita na amin a katoowan ed inerman a pasen so inkasebeg to.
Imbaki nen Tolomeo si Nicanor a Dogpaan toy Judas
(1 Mac. 3:38-41)
8Nen abirbir nen Felipe a gobirnador na Jerusalem a mankakalnan ombibiskeg si Judas tan naynay lay pananatalo tod bakal, nansulat ed kinen Tolomeo a gobirnador na Baleg a Siria, ta kerewen toy tulong to diad pangyagel tod saray bengatlan pankaabigan na ari. 9Tinoron tampol nen Tolomeo si Nicanor a lakin anak nen Patroclo tan sakey ed saray manonad olup da ray Kakaaro na Ari, tan imbaki ton kaiba toy masoluk a duamplon libon sondalo a nanlalapud pigaran bansa, ta oputen dan pateyen iray Judio. Tinoro met nen Tolomeo a milad Sikato si Gorgias a sakey a pangulo na saray sondalo tan dakel lay akibakalan to. 10Akautang si Ari Antioco ed saray taga Roma na anemaplo tan walon libon kilo a pilak; implano nen Nicanor a bayaran to yan utang diad pangilako ton aripen ed saray Judion nadakep ed bakal.
11Kanyan impakabat a tampol nen Nicanor ed saray baley a walad abay na dayat a manlako na saray Judio a kulang a sakey a kilon pilak so bili na sakey. Balet ag to amta so dusan imparaan ed sikato na Makapanyarin-amin a Dios.
Akabatan nen Judas so Plano nen Nicanor
(1 Mac. 3:42-54)
12Akabatan nen Judas ya onsusulong ed Judea si Nicanor tan saray sondalo to, kanyan imbaga to ya ed saray totoo to. 13Matakot iray arum ed sikara tan ag ira manisia ed inkatonung na Dios kanyan batik ira ed anggaay nayarian da. 14Balet inlako na arum ed sikara iray nakdaan a kayaryan da, pian say Katawan et ibilang to ran manepeg ya iyagel ed kinen Nicanor ya anggapoy Dios to, ya inlako to ran aripen anggaman ya ag ni ginmapoy bakal. 15Impikasi ra a no aliwan maabuloy so Dios a gawaen to ya, lapud sikara labat, nayarin maabuloy a mangyagel ed sikara lapud saray impisipanan tod saray lalaki ra, tan lapud sikato a matalonggaring tan makapakelaw a Dios et tinawag to ra a totoo to. 16Impantitipon nen Judas ya amin iray anem a libon totoo to tan pinabiskeg toy linawa ra ya ag ira ontatakot odino ombabatik diad kagewgew da lapud pakanengneng dad amayamay a sondalo na saray Hintil ya onsusulong a mibakal ed sikara anggaman ya anggapoy makasengeg. Sikara ingen so nepeg a masebeg a mibakal, 17ya ag dan balut lilingwanan so kaogsan a ginawa na saray Hintil sumpad Timplo, say ontan lan impamairap dad Jerusalem, tan say impamaandi rad saray kaogaliyan da ray Judio. 18Inkuanen Judas, Manmamatalek irad saray armas da tan say inkasebeg da, balet manmamatalek itayod Dios a Makapanyarin-amin a nayarian ton deralen ira yan sondalo tan, no nakaukolan, say intiron mundo diad panamegley labat na itanger to.
19Insan intuloy nen Judas ya impanunot ed sikara iray polaing ya impanulong na Dios ed saray lalaki ra: diad panaon nen Senakerib, sanlasus tan walomplo tan liman libon kalaban so apatey; 20tan aminsan, diad Babilonia, walon libon Judio so dinmagon ontulong ed apat a libon taga Macedonia, et tinalo ray sanlasus tan duamplon libon taga Galacia tan amayamay so sinasamsaman da. Agawa ra yan amin lapud pananulong na Dios.
Tinalo nen Judas si Nicanor
(1 Mac. 3:55—4:27)
21Akapabiskeg na linawa na saray totoo nen Judas iray salita to tan atanggoyur iran maliket ya ompatey lapud rilihion da tan say bansa ra. Ginawa ton apatiran olup ira may sondalo to; 22sakey a sanlibo tan liman lasus so kapag grupo. Sikato tan saray lalakin agagi ton di Simon, Jose, tan Jonatan so makaoley ed sakey a grupo. 23Kayari ton ingganggan si Eleazar a mambasan maksil ed masanton libro, ineyag tod saray totoo, Tulongan itayo na Dios, tan sikaton dili so angipangulo ed indogpa rad kinen Nicanor.
24Kaiba ran akibakal so Dios a Makapanyarin-amin, et akapatey ira na masoluk a siam a libon kalaban. Asugatan da ray amayamay tan pinabatik da ray amin a sondalo. 25Sinasamsam da ray kuarta ed saramay dinmagon manaliw ed sikaran aripen. Insan da inoosilan iray kalaban da ya anggad arawin pasen, tinmonda ra nen nepeg da lay ompawil, 26lapud magano lan onsabi so Agew na Panagpainawa. 27Nen atipon da lan amin iray armas na saray kalaban tan asamsaman da la ra may inaatey, nginilinan day Agew na Panagpainawa. Indayew day Katawan tan akisalamatan da, lapud impasabi to man ya agew ya anggapoy maoges ya agawad sikara tan initdan to ra na ononan tanda na panangasi to. 28Kayari na Agew na Panagpainawa, initdan dad saramay asamsam da iray totoon apasegsegang tan saray balon bibii tan saray olila; insan da inaapag ed saray dilin pamilya ra so nakdaan. 29Kayari to ya, nankakasakey iran nampikasi ed mapangasin Katawan, tan kinerew dad sikaton abageyen to ray aripen to.
Tinalo nen Judas si Timoteo tan si Bakides
30Ag abayag akibakal iray Judio ed saray sondalo nen Timoteo tan si Bakides tan apatey day masoluk a duamplon libo ed sikara. Adakep da ray pigaran atatagey a tirinsira tan amayamay a bengatla so asamsam da, tan anggapoy saol ya inaapag dad sikaran dili tan saray balon bibii, saray olila, saray mamasiken, tan saray apairap. 31Inapiger dan inaala ya amin iray armas da ray kalaban da tan insisinup da ra ed saray apilin pasen, balet inyakar dad Jerusalem so nakdaan ya asamsam da. 32Pinatey day pangulo na saray sondalo nen Timoteo, sakey a toon anggapoy Dios to tan mapalaloy impanpapairap tod saray Judio. 33Legan dan sisilibraan so impanalo rad diad siudad na saray lalaki ra, pinoolan dan mabilay iray lalakin amool ed saray puirta na Timplo. Saray inaatey et akabilang si Calistenes ya inmamut ed melag ya abung; kanyan inawat toy dusan kanepegan to lapud saray maoges a ginagawa to.
34Diad onya, say maoges a toon si Nicanor, ya anawag na sanlibon nigosianti a manaliw ed saray Judio, 35et atalo na saray totoon mapalaloy impanleglemew tod sikara, ta tinulongan ira na Katawan. Imbasileng toy balibalin kawes to tan batik a bukbukor ton singa sakey ya aripen a batik, anggad akasabi ed Antiokia. Nampalabo labat diad impanderal tod amin a sondalo to. 36Sayan too, a sinali ton bayaran so utang ed Roma diad pangilako tod saray totood Jerusalem, et impanengneng ton ag natalo iray Judio. Say Dios so makapanyarin Manangyagel da, lapud tinoluk da ray ganggan ya inter tod sikara.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Philippine Bible Society New Testament © 1977, Bible © 1983