Say Kumadwan Libro na SARAY MACABEO 6
6
Apairap iray Judio lapud Pananisia ra
1Ag abayag kayari to ya, imbaki na ari so sakey a lakin matakken a taga Atenas,#6:1 so sakey a lakin matakken a taga Atenas; odino so matakken a taga Atenas; odino si Atenaio a matakken; odino si Geron a taga Atenas; diad pigaran manuskrito so sakey a lakin matakken a taga Antiokia; odino so sakey a matakken a taga Antiokia. ta pasooten to ray Judio a mangikaindan na rilihion da tan saray kaogaliyan na saray lalaki ra. 2Nibaki met a mandotak ed Timplo ra onung ed ganggan diad pangisaklang tod samay Timplo ed dios na Olympia a si Zeus.#6:2 ZEUS: Say sankatageyan a dios da ray Grigo; abaloan na totoo a diad Palandey na Olimpo so abung to. Say timplo ed Palandey na Gerizim et ningaran na Timplo nen Zeus a Dios na Panagsangkaili, ta sikatoy kinerew na saray totoon manaayam ed saman a pasen.
3Ambelat tan ngalngali ag nitepel so pamapairap dad saray Judio. 4Pinano na saray Hintil so Timplo na panliliket na saray maniinoman tan say amin a klasiy immoralidad. Mimiakdul irad man ed saray marotak a bibii. Niloloob ed Timplo iray bengatlan ag nepeg ya iloob diman, 5tan napno so altar na saray makapaingungot a bagat ya isesebel na Ganggan tayo. 6Asebelan so panngilin ed Agew na Panagpainawa odino say pansilibra ed saray abaongan a pista, odino anggan say pamirbir a sakey kan Judio. 7Kapag bulan no silibraan so agew na inkianak na ari, maruksan pasooten da ray Judio a mansiray pait na saray ayayep ya imbagat. Insan diad legan na pistay dios na alak a Dionisis, kinaukolan iran mangikoronad olo ra na wakal a yirda tan panliboten da ra. 8Lapud impanimbawa nen Tolomeo,#6:8 nen Tolomeo (nengneng yoy 4:45); diad pigaran manuskrito na saray totood Tolemaida. saray kaliber-liber a siudad na Grecia et nibilin met ed sikara a pasooten da ray Judio a mangan na saray imbagat; 9nibilin ed sikara a pateyen day siopaman a Judio ya ag to aligen so panagbilay na saray Grigo. Sankanengneng so isabi na kairapan diad arapen. 10Alimbawa, duaran bibii so inerel da lapud impanegat dad saray anak dan mansususo. Inliliber da ray siudad ya akasabit ed pagew da ira may anak da, insan da ra imbantak manlapud padir na siudad. 11Diad sakey nin agawa, nibagad si Felipe a wala ray pigaran Judio a nantitipon ed sakey ya asingger ya ongib, ta ngingilinan dan anggapoy makaamta so Agew na Panagpainawa. Dinogpaan ira nen Felipe tan pinoolan to ran amin a mabilay. Walay panangigalang na saraman a Judio ed Agew na Panagpainawa, kanyan ag ira linmaban a mangyagel ed bilay da.
Mandudusa tan Mapangasi so Katawan
12Kekerewen kod sikayo ya ag yo papakapoyey linawa yo legan yon babasaen so nipaakar ed saray makapasinagem ya agawa. Ipasen yo yan polaing na Katawan a panusa tod saray totoo to, aliwan panderal tod sikara. 13Diad tuay tua, sakey a tanda na baleg a panangasi so panusan tampol ed too lapud saray kasalanan to, nen say bayagen ni. 14Say gagawaen na Katawan ed sikatayo et domad gagawaen tod saray arum a bansa; aanosan toy manalagar ya anggad aralem lay inkikotep dad kasalanan kasakbayan a dusaen to ra. 15Sikatayo balet, dudusaen to itayo la kasakbayan a mapalaloy pankasalanan tayo. 16Kanyan mapangasi lawas so Katawan, sikatayon dilin totoo to. Anggaman a dudusaen to itayo diad panamagley na saray desyang, ag to itayo ikakaindan. 17Asalitak ira yan bengatla, ta labay ta kayon panunotan. Ituloy ti la natan so istoria.
Apatey si Eleazar lapud Pananisia to
18Walay sakey a masiken a manngaray Eleazar a gagalangen a bumabangat na Ganggan. Papasooten dan lengaten so sangi to, ta pakanen day karni na baboy. 19-20Balet nilabay to ni so ompatey a walaan na kagalangan nen say walaan na bilay a naplag ed kababaingan. Kanyan inota to may karni tan mabolbolus a linmad pasen a panagpairapan. Diad sayan ginawa to, impanengneng ton nepeg a walay tepel na linawa iray totoo a mangipolisay na kakanen a marotak onung ed ganggan, anggaman a makasengeg na kaandiay bilay da. 21-22Abayag lan kakaaro nen Eleazar iray makaoley ed bagat, tan lapud sayan impankakaaro ra, imbaga rad sikato nen anggapoy arum a makadngel a say iyakar dad sikato et say karnin aliwan isesebel na ganggan. Nepeg labat a mankonkonwarin mangan na karniy baboy, pian ag napatey.
23Balet si Eleazar nanggawa na kanunotan a manepeg ya onsimbang ed kinapotiy buek to tan say kinamasiken to. Legan ton nambilay nagnap ya inonur ton amin iray masanton ganggan na Dios, kanyan inmebat, Patey yo ak la dia natan. 24Satan a panamalikdo et aliwa lan manepeg a gawaen ko, ta masiken ak la. Amayamay iray tobun-balo ya isipen dan binenegan koy pananisiak kayari na siamaploy taon ko. 25No mankonkonwari ak a mangan na sayan karni, pian makapambilay ak nin magano, say kababaingan so niiter ed siak tan amayamay iray tobun-balo nabalang. 26Nayarin napaliisan ko natan so nayarian yon gawaen ed siak, balet mambilay ak man odino ompatey ak, ag ko napaliisan so Dios a Makapanyarin-amin. 27No ag ak ontakot ya ompatey natan, nipanengneng a kanepegan koy nambilay na andokey. 28Say ipatey ko et mangiter met na maung a pangaligan na saray tobun-balo, pian mabolbolus tan maliket met iran ompatey makasengeg ed saray masanto tan gagalangen a ganggan na Dios.
Kapangibaga tod saraya, linma lan#6:28 linma lan; diad pigaran manuskrito nigayugoy ya. impapairap. 29Saramay totoon aganggano nin angasid sikato et sinumpa ra la natan, lapud abaloan dan nansalita a singa ambagel. 30Nen binasigbasigan da tan ngalngali la ompatey, manayay tan kuanto Walad Katawan so nagnap a masanton pakatalus. Amta to a nayarian kon ibatikan yan makapasinagem a kairapan tan ipapatey, balet amta to met a maliket ko ran inako, lapud walay takot kod sikato.
31Kanyan inatey si Eleazar. Balet say inkabiskeg na linawa tod impiarapan tod patey et ag alingwanan a mapagalang a pangaligan na aliwa labat a saray tobun-balo, no ag pati say intiron bansa.
ទើបបានជ្រើសរើសហើយ៖
Say Kumadwan Libro na SARAY MACABEO 6: PnPV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Philippine Bible Society New Testament © 1977, Bible © 1983
Say Kumadwan Libro na SARAY MACABEO 6
6
Apairap iray Judio lapud Pananisia ra
1Ag abayag kayari to ya, imbaki na ari so sakey a lakin matakken a taga Atenas,#6:1 so sakey a lakin matakken a taga Atenas; odino so matakken a taga Atenas; odino si Atenaio a matakken; odino si Geron a taga Atenas; diad pigaran manuskrito so sakey a lakin matakken a taga Antiokia; odino so sakey a matakken a taga Antiokia. ta pasooten to ray Judio a mangikaindan na rilihion da tan saray kaogaliyan na saray lalaki ra. 2Nibaki met a mandotak ed Timplo ra onung ed ganggan diad pangisaklang tod samay Timplo ed dios na Olympia a si Zeus.#6:2 ZEUS: Say sankatageyan a dios da ray Grigo; abaloan na totoo a diad Palandey na Olimpo so abung to. Say timplo ed Palandey na Gerizim et ningaran na Timplo nen Zeus a Dios na Panagsangkaili, ta sikatoy kinerew na saray totoon manaayam ed saman a pasen.
3Ambelat tan ngalngali ag nitepel so pamapairap dad saray Judio. 4Pinano na saray Hintil so Timplo na panliliket na saray maniinoman tan say amin a klasiy immoralidad. Mimiakdul irad man ed saray marotak a bibii. Niloloob ed Timplo iray bengatlan ag nepeg ya iloob diman, 5tan napno so altar na saray makapaingungot a bagat ya isesebel na Ganggan tayo. 6Asebelan so panngilin ed Agew na Panagpainawa odino say pansilibra ed saray abaongan a pista, odino anggan say pamirbir a sakey kan Judio. 7Kapag bulan no silibraan so agew na inkianak na ari, maruksan pasooten da ray Judio a mansiray pait na saray ayayep ya imbagat. Insan diad legan na pistay dios na alak a Dionisis, kinaukolan iran mangikoronad olo ra na wakal a yirda tan panliboten da ra. 8Lapud impanimbawa nen Tolomeo,#6:8 nen Tolomeo (nengneng yoy 4:45); diad pigaran manuskrito na saray totood Tolemaida. saray kaliber-liber a siudad na Grecia et nibilin met ed sikara a pasooten da ray Judio a mangan na saray imbagat; 9nibilin ed sikara a pateyen day siopaman a Judio ya ag to aligen so panagbilay na saray Grigo. Sankanengneng so isabi na kairapan diad arapen. 10Alimbawa, duaran bibii so inerel da lapud impanegat dad saray anak dan mansususo. Inliliber da ray siudad ya akasabit ed pagew da ira may anak da, insan da ra imbantak manlapud padir na siudad. 11Diad sakey nin agawa, nibagad si Felipe a wala ray pigaran Judio a nantitipon ed sakey ya asingger ya ongib, ta ngingilinan dan anggapoy makaamta so Agew na Panagpainawa. Dinogpaan ira nen Felipe tan pinoolan to ran amin a mabilay. Walay panangigalang na saraman a Judio ed Agew na Panagpainawa, kanyan ag ira linmaban a mangyagel ed bilay da.
Mandudusa tan Mapangasi so Katawan
12Kekerewen kod sikayo ya ag yo papakapoyey linawa yo legan yon babasaen so nipaakar ed saray makapasinagem ya agawa. Ipasen yo yan polaing na Katawan a panusa tod saray totoo to, aliwan panderal tod sikara. 13Diad tuay tua, sakey a tanda na baleg a panangasi so panusan tampol ed too lapud saray kasalanan to, nen say bayagen ni. 14Say gagawaen na Katawan ed sikatayo et domad gagawaen tod saray arum a bansa; aanosan toy manalagar ya anggad aralem lay inkikotep dad kasalanan kasakbayan a dusaen to ra. 15Sikatayo balet, dudusaen to itayo la kasakbayan a mapalaloy pankasalanan tayo. 16Kanyan mapangasi lawas so Katawan, sikatayon dilin totoo to. Anggaman a dudusaen to itayo diad panamagley na saray desyang, ag to itayo ikakaindan. 17Asalitak ira yan bengatla, ta labay ta kayon panunotan. Ituloy ti la natan so istoria.
Apatey si Eleazar lapud Pananisia to
18Walay sakey a masiken a manngaray Eleazar a gagalangen a bumabangat na Ganggan. Papasooten dan lengaten so sangi to, ta pakanen day karni na baboy. 19-20Balet nilabay to ni so ompatey a walaan na kagalangan nen say walaan na bilay a naplag ed kababaingan. Kanyan inota to may karni tan mabolbolus a linmad pasen a panagpairapan. Diad sayan ginawa to, impanengneng ton nepeg a walay tepel na linawa iray totoo a mangipolisay na kakanen a marotak onung ed ganggan, anggaman a makasengeg na kaandiay bilay da. 21-22Abayag lan kakaaro nen Eleazar iray makaoley ed bagat, tan lapud sayan impankakaaro ra, imbaga rad sikato nen anggapoy arum a makadngel a say iyakar dad sikato et say karnin aliwan isesebel na ganggan. Nepeg labat a mankonkonwarin mangan na karniy baboy, pian ag napatey.
23Balet si Eleazar nanggawa na kanunotan a manepeg ya onsimbang ed kinapotiy buek to tan say kinamasiken to. Legan ton nambilay nagnap ya inonur ton amin iray masanton ganggan na Dios, kanyan inmebat, Patey yo ak la dia natan. 24Satan a panamalikdo et aliwa lan manepeg a gawaen ko, ta masiken ak la. Amayamay iray tobun-balo ya isipen dan binenegan koy pananisiak kayari na siamaploy taon ko. 25No mankonkonwari ak a mangan na sayan karni, pian makapambilay ak nin magano, say kababaingan so niiter ed siak tan amayamay iray tobun-balo nabalang. 26Nayarin napaliisan ko natan so nayarian yon gawaen ed siak, balet mambilay ak man odino ompatey ak, ag ko napaliisan so Dios a Makapanyarin-amin. 27No ag ak ontakot ya ompatey natan, nipanengneng a kanepegan koy nambilay na andokey. 28Say ipatey ko et mangiter met na maung a pangaligan na saray tobun-balo, pian mabolbolus tan maliket met iran ompatey makasengeg ed saray masanto tan gagalangen a ganggan na Dios.
Kapangibaga tod saraya, linma lan#6:28 linma lan; diad pigaran manuskrito nigayugoy ya. impapairap. 29Saramay totoon aganggano nin angasid sikato et sinumpa ra la natan, lapud abaloan dan nansalita a singa ambagel. 30Nen binasigbasigan da tan ngalngali la ompatey, manayay tan kuanto Walad Katawan so nagnap a masanton pakatalus. Amta to a nayarian kon ibatikan yan makapasinagem a kairapan tan ipapatey, balet amta to met a maliket ko ran inako, lapud walay takot kod sikato.
31Kanyan inatey si Eleazar. Balet say inkabiskeg na linawa tod impiarapan tod patey et ag alingwanan a mapagalang a pangaligan na aliwa labat a saray tobun-balo, no ag pati say intiron bansa.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Philippine Bible Society New Testament © 1977, Bible © 1983