Say Kumadwan Libro na SARAY MACABEO 4
4
Inakusa nen Simon si Onias
1Balet si Simon (ya abitla lan sikatoy angipakabat ed kinen Apolonio na nipaakar ed kuarta tan sikatoy makasengeg na insabiy gunigon ed bansa) et nantila lamet nipaakar ed kinen Onias, ta imbaga ton si Onias so akankasalanan ed impakakabil ed kinen Heliodoro tan saray kairapan a tinmombuk. 2Makpel so linawa ton angakusa ed kinen Onias a mangipapangulo na sakey a komplut sumpad gobirnosi Onias ya ag labat angiiter na tulong ed Jerusalem tan angyaagel ed Timplo, no ag ingen mapeleng a napasumpal ya amin iray ganggan tayo. 3-4Si Apolonio, say lakin anak nen Menesteo a gobirnador na Baleg a Siria, et pinabiskeg toy linawa nen Simon ed amin a ginawa ton kaogsan, kanyan binmisbiskeg so insumlang nen Simon. Lapud saya, nampapatey na totoo so sakey ed saray napanmatalkan a mananombuk to. Abirbir nen Onias so ontan lan sinmabin kaatapan, 5kanyan linmad ari, aliwan lapud akusaen to ray kadalaan to, no ag ingen lapud pankaabigan na balang sakey a Judio tan saray karaklan. 6Abirbir to a no anggapoy pikakasakey na ari anggapoy ilalon manari so kareenan tan ituloy nen Simon so panggawa toy kaogsan.
Impatombuk nen Jason iray Kaogaliyan na saray Grigo
7Ag abayag, nen inatey si Ari Seleuco tan nagmaliw ya ari si Antioco (a tatawagen met na Epifanes), nagmaliw a Pangulon Pari si Jason a lakin agi nen Onias, diad panamegley na maoges a polaing. 8Linmad#4:8 Linmad; odino Sinulat toy. ari tan initdan to na labinduan libo, duan lasus tan pitomplo tan duan kilon pilak tan aruman to ni na duan libo, piton lasus tan duamplo tan piton kilon pilak diad maganon panaon. 9Initdan ni nen Jason na liman libo, sanlasus tan labin talon kilon pilak, pian naitdan na pakaoley a mamaalagey na sakey a panaggalawan a pampasalan na saray tobun-balon lalaki tan mangipalistan mibabaley lad Antiokia iray taga Jerusalem.
10Inmabubon so ari, kanyan nen nagmaliw a Pangulon Pari si Jason, impaalig ton tampol ed saray taga Jerusalem so panagbilay na saray Grigo. 11Inggapo to diad impangekal tod saray palabon niiter ed saray Judio diad impankerew nen Juan ed saray inmonan arari na Siria. (Si Juan so ama nen Eupolemo a linmad Roma, ta mipaknaan na pigagampi tan pikakaaro.) Impagmaliw nen Jason ya andi-kakanaan iray kaogaliyan tayon Judio tan impaalig to ray balon kaogaliyan a sumpad Ganggan tayo. 12Mapalaloy liket ton angipaalagey na panaggalawan ed abay na pokdul a kawalaay Timplo tan inwanwan to ray sankatalonaan a tobun-balon lalaki tayo a mibiang ed saray galaw, a singa kaogaliyan da ray Grigo. 13Lapud ag miparan kaogsan nen Jason, sakey a toon anggapoy Dios to tan aliwan peteg a Pangulon Pari, pampilpilalekan dan naalig so panagbilay da ray Grigo tan saray kaogaliyan na saray arum a bansa. Asabi-sabi 14ya anggan saray papari et nakalan iray liket a manumpal na saray masanton kimey da. Nakalan iray liket ed panlilingkur dad Timplo tan pinaolyan da ray panagbagat. Diad bektan niiter so tanda, onla ran tampol a mibiang ed saray galaw ya isesebel na Ganggan tayo. 15Anggapoy walad sikara iray bengatlan pinabpabli na saray lalaki tayo; pinabli ra labat iray kagalangan a Grigo. 16Sikato yay makasengeg na amin a gunigon da, ta nagmaliw a kalaban da tan nampapairap ed sikara iray totoon gagalangen da, a saray kaogaliyan da et inaalig da. 17Sakey a makapasinagem a bengatla so ag pangingalngalep ed Ganggan na Dios, onung na nanengneng yo ed saray onggendan ya agawgawa.
Apaalig na saray Siriano so Jerusalem
18Aminsan nen say ari et ombabantay ed saray galaw a nagagawan kapag limay#4:18 limay; odino apat. taon ed siudad na Tiro, 19si Jason ya anggapoy kabaliksan a too et angibakid man na pigaran totoon nan lapud Jerusalem, a nibilang met la ran mibabaley ed Antiokia, ta mangyakar iray labinduan libo, duan lasus tan pitomplo tan duan kilon pilak a pambayar ed sakey a bagat ed dios a Hercules. Balet anggan sarayan totoo et ninunot da ya aliwan manepeg ya ikanad sakey a bagat iman a karakel na kuarta, kanyan 20samay kuarta ya ingganan para bagat ed Hercules et nikanad impanggawa na saray bapor a para bakal.
21Nen nibakid Egipto si Apolonio a lakin anak nen Menesteo, ta onimatun ed sirimonya na pamayorung ed kinen Filometor ya ari, akabatan nen Antioco a si Filometor et sumlang ed saray totontonen ya impaakseb to. Mapagay Antioco ed kaligenan na dilin nanarian to, kanyan linmad Jope, insan tinmuloy ed Jerusalem. 22Diad Jerusalem ampetapetang tan mapagalang so impangawat ed sikato nen Jason tan saray totood siudad a pinmaway iran mangilugay ed sikato. Naneeyag-eyag ira tan sankaawit da ray nipotan a silew. Manlapud Jerusalem impangulo nen Antioco a linmad Fenicia iray sondalo to.
Nagmaliw a Pangulon Pari si Menelao
23Kalabas na taloy taon, imbaki nen Jason si Menelao, (say lakin agi nen Simon#4:23 SIMON: Nengneng yoy 3:4. ya abitla lan inmona), ta mangyakar na kuarta ed ari tan alaen toy kanunotan na ari nipaakar ed pigaran makabaliksan a pamaakaran. 24Balet nen nanalagey ed arap na ari si Nenelao, apanisia toy ari diad impangipanengneng toy pakaoley to. Insipan toy mangiter na amayamay a kuarta a say soluk tod inter nen Jason pian magmaliw a Pangulon Pari et labinduan libo tan pitomplo tan duan kilon pilak. 25Nen pinmawil ed Jerusalem si Menelao, sankaawit to ray kasulatan a nanlapud ari a mamapaneknek na kipapasen ton Pangulon Pari. Balet anggapoy arum a kamaungan ton makasengeg na pakapagmaliw ton Pangulon Pari, mapetang na olon singa maruksan manoley tan masebeg a singa ayep ed takel. 26Kanyan si Jason, a sinilib tod agi ton dili so kipapasen ton Pangulon Pari, et apasoot natan a batik ed dalin na Ammon. 27Intuloy nen Menelao so kipapasen ton Pangulon Pari, balet ag ton balut binayaran imay kuartan insipan ton iter ed ari. 28Balet si Sostrates a kapitan ed samay tirinsirad Jerusalem et mabetbet ton singilen, bangta sikatoy makaoley a mangalad saman a kuarta. Kanyan asabin siansia ya atawag iran dua nen Menelao ya omparontal ed ari, nipaakar ed saman a kuarta. 29Si Menelao pinasandi ton Pangulon Pari si agi ton Lisimaco, tan si Sostrates pinasandi ton pangulo na tirinsira si Crates, say pangulo da ray sondalon inupaan a taga Chipre.
Say Impamatey ed kinen Onias
30Legan to ra yan agawa, wala ray totoon linmaban ed pakaoley diad saray siudad na Tarso tan Mallo, lapud inter na ari ira yan siudad ed iyaamung ton bii a si Antiokida. 31Kanyan tinaynan na ari si Andronico, sakey ed saray atagey ya opisyal to, a mambenben na oley, tan nangganat a linmad Cilicia, pian nipawil toy gendat a kareenan ed sarayan siudad. 32Inanamut nen Menelao so pankanawnawa to, tan initdan toy Andronico na pigaran balituk a kagawaan ya ineekal tod Timplod Jerusalem. Angilako lad sarayan balituk a kagawaan diad siudad na Tiro tan diad saray arum a siudad ya asingger diman. 33Nen nadngelan nen Onias so nipaakar ed saya, batik ya inmamut ed sakey a timplo diad Dafne ya asingger ed siudad na Antiokia tan inakusa tod karaklan si Menelao. 34Insan maamut a tinanggoyur nen Menelao si Andronico a pateyen toy Onias. Kanyan linmad kinen Onias si Andronico tan pinalikdo ton inlugay na ampetapetang tan insipan ton ag balut mapaga. Anggaman a mangiinap si Onias, atanggoyur a siansia nen Andronico ya apaekal ed anggapoy kaatapan a timplo tan tampol a pinatey to diad arap-arapan.
Adusa si Andronico
35Mapalaloy pasnuk na saray Judio tan saray Hintil, lapud apatey si Onias. 36Nen pinmawil a manlapud Cilicia so ari, linmad sikato iray Judion taga Antiokia tan imbaga rad sikatoy isusumlang dad samay andi-kakanaan ya impamatey. Amayamay met a Hintil so sumpad saman ya impamatey. 37Naermenan na mapalalo si Ari Antioco, kanyan ag to apokpokan so interter na lua to nen anunotan toy kakabatan tan say panagadya nen Onias legan na intiron bilay to. 38Diad mapalalon impakapasnuk nen Antioco, nilakanat to may kawes na arin insolung nen Andronico, nilakseban to, tan impailiber tod ya anggad samay pasen ya amateyan tod kinen Onias. Insan impapatey nen Antioco iman a toon managpatey na too. Onya so impanusa na Katawan ed kinen Andronico, onung ed kanepegan to.
Apatey si Lisimaco
39Legan to ya, diad pananulong na agi ton si Menelao, amimpigan tinakewan nen Lisimaco so Timplo ed Jerusalem tan angala na amayamay a balituk a kagawaan. Nen kinmayat yan balita, nantitipon iray amayamay a totoo a mangipatnag na insumlang dad sayan ginawa nen Lisimaco. 40Diad kaonuran, saray totoo et ngalngali la ra manggolo tan ag la ra napareen, kanyan angibaki si Lisimaco na talon libon sondalo ya ondogpad sikara. Say angipangulod sikara et si Aurano a singa katakken to so kaogsan to. 41Nen naamtaan na saray Judio ed solar na patio na Timplo so nagagawa, nandokdok ira na saray bato, saray kiew, odino angaakup ira na dapul ed altar. Intutupak da ra yad kinen Lisimaco tan saray totoo ton manaaligewgewan. 42Apatey so pigaran totoo nen Lisimaco, asugatan da ray amayamay, tan batik iray nakdaan ed sikara diad pangyagel day bilay da. Apatey ed abay na panagsinupan na kayamanan ed Timplo si Lisimaco a tinatakewan toy Timplo.
Asalaysay si Menelao
43Lapud sayan agawa, asalaysay ed korti si Menelao. 44Nen linmad siudad na Tiro so ari, angibaki iray pangulo na saray Judio ed Jerusalem na taloran lalaki a mangakusad kinen Menelao. 45Nen anengneng nen Menelao a natatalod kaso, pinasoksokan to na dakerakel a kuarta si Tolomeo a lakin anak nen Dorimenes, ta tanggoyuren toy ari a pilaan toy Menelao. 46Insan kinerew nen Tolomeo ed ari ya ompaway iran dua ed korti a konwarin mangala ray maung a dagem, tan diman to tinanggoyur so ari a mangoman na kanunotan 47tan sintinsiaan ton anggapoy kasalanan si Menelao. Kanyan nibolus si Menelao, anggaman a sikatoy nansengegan na golo; balet saramay taloran lalaki, ya anggan saray maruksan Escita et sinintinsiaan da ra komun ya anggapoy kasalanan, et asintinsiaan iran pateyen. 48Saramay taloran lalaki et nansalita ra a pangyagel dad Jerusalem, saray totoo to,#4:48 saray totoo to; dia met ed pigaran manuskrito saray kaliber-liber iran bario. tan saray masanton kagawaan ya atakew ed Timplo, balet agano tan aliwan matonung so impamatey ed sikara. 49Balet impanengneng na saray pigaran totoo ed Tiro so ag da impiabubon ed samay agawa tan say panamagalang dad saramay lalaki nen initdan da ray mapagalang a pompon. 50Nansiansiad kipapasen to si Menelao, lapud inkaagom na saray walad pakaoley. Inagew-agew a pinmalaloy kaogsan nen Menelao tan nagmaliw a sankaogsan a kalaban na saray dilin kadalaan to.
ទើបបានជ្រើសរើសហើយ៖
Say Kumadwan Libro na SARAY MACABEO 4: PnPV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Philippine Bible Society New Testament © 1977, Bible © 1983
Say Kumadwan Libro na SARAY MACABEO 4
4
Inakusa nen Simon si Onias
1Balet si Simon (ya abitla lan sikatoy angipakabat ed kinen Apolonio na nipaakar ed kuarta tan sikatoy makasengeg na insabiy gunigon ed bansa) et nantila lamet nipaakar ed kinen Onias, ta imbaga ton si Onias so akankasalanan ed impakakabil ed kinen Heliodoro tan saray kairapan a tinmombuk. 2Makpel so linawa ton angakusa ed kinen Onias a mangipapangulo na sakey a komplut sumpad gobirnosi Onias ya ag labat angiiter na tulong ed Jerusalem tan angyaagel ed Timplo, no ag ingen mapeleng a napasumpal ya amin iray ganggan tayo. 3-4Si Apolonio, say lakin anak nen Menesteo a gobirnador na Baleg a Siria, et pinabiskeg toy linawa nen Simon ed amin a ginawa ton kaogsan, kanyan binmisbiskeg so insumlang nen Simon. Lapud saya, nampapatey na totoo so sakey ed saray napanmatalkan a mananombuk to. Abirbir nen Onias so ontan lan sinmabin kaatapan, 5kanyan linmad ari, aliwan lapud akusaen to ray kadalaan to, no ag ingen lapud pankaabigan na balang sakey a Judio tan saray karaklan. 6Abirbir to a no anggapoy pikakasakey na ari anggapoy ilalon manari so kareenan tan ituloy nen Simon so panggawa toy kaogsan.
Impatombuk nen Jason iray Kaogaliyan na saray Grigo
7Ag abayag, nen inatey si Ari Seleuco tan nagmaliw ya ari si Antioco (a tatawagen met na Epifanes), nagmaliw a Pangulon Pari si Jason a lakin agi nen Onias, diad panamegley na maoges a polaing. 8Linmad#4:8 Linmad; odino Sinulat toy. ari tan initdan to na labinduan libo, duan lasus tan pitomplo tan duan kilon pilak tan aruman to ni na duan libo, piton lasus tan duamplo tan piton kilon pilak diad maganon panaon. 9Initdan ni nen Jason na liman libo, sanlasus tan labin talon kilon pilak, pian naitdan na pakaoley a mamaalagey na sakey a panaggalawan a pampasalan na saray tobun-balon lalaki tan mangipalistan mibabaley lad Antiokia iray taga Jerusalem.
10Inmabubon so ari, kanyan nen nagmaliw a Pangulon Pari si Jason, impaalig ton tampol ed saray taga Jerusalem so panagbilay na saray Grigo. 11Inggapo to diad impangekal tod saray palabon niiter ed saray Judio diad impankerew nen Juan ed saray inmonan arari na Siria. (Si Juan so ama nen Eupolemo a linmad Roma, ta mipaknaan na pigagampi tan pikakaaro.) Impagmaliw nen Jason ya andi-kakanaan iray kaogaliyan tayon Judio tan impaalig to ray balon kaogaliyan a sumpad Ganggan tayo. 12Mapalaloy liket ton angipaalagey na panaggalawan ed abay na pokdul a kawalaay Timplo tan inwanwan to ray sankatalonaan a tobun-balon lalaki tayo a mibiang ed saray galaw, a singa kaogaliyan da ray Grigo. 13Lapud ag miparan kaogsan nen Jason, sakey a toon anggapoy Dios to tan aliwan peteg a Pangulon Pari, pampilpilalekan dan naalig so panagbilay da ray Grigo tan saray kaogaliyan na saray arum a bansa. Asabi-sabi 14ya anggan saray papari et nakalan iray liket a manumpal na saray masanton kimey da. Nakalan iray liket ed panlilingkur dad Timplo tan pinaolyan da ray panagbagat. Diad bektan niiter so tanda, onla ran tampol a mibiang ed saray galaw ya isesebel na Ganggan tayo. 15Anggapoy walad sikara iray bengatlan pinabpabli na saray lalaki tayo; pinabli ra labat iray kagalangan a Grigo. 16Sikato yay makasengeg na amin a gunigon da, ta nagmaliw a kalaban da tan nampapairap ed sikara iray totoon gagalangen da, a saray kaogaliyan da et inaalig da. 17Sakey a makapasinagem a bengatla so ag pangingalngalep ed Ganggan na Dios, onung na nanengneng yo ed saray onggendan ya agawgawa.
Apaalig na saray Siriano so Jerusalem
18Aminsan nen say ari et ombabantay ed saray galaw a nagagawan kapag limay#4:18 limay; odino apat. taon ed siudad na Tiro, 19si Jason ya anggapoy kabaliksan a too et angibakid man na pigaran totoon nan lapud Jerusalem, a nibilang met la ran mibabaley ed Antiokia, ta mangyakar iray labinduan libo, duan lasus tan pitomplo tan duan kilon pilak a pambayar ed sakey a bagat ed dios a Hercules. Balet anggan sarayan totoo et ninunot da ya aliwan manepeg ya ikanad sakey a bagat iman a karakel na kuarta, kanyan 20samay kuarta ya ingganan para bagat ed Hercules et nikanad impanggawa na saray bapor a para bakal.
21Nen nibakid Egipto si Apolonio a lakin anak nen Menesteo, ta onimatun ed sirimonya na pamayorung ed kinen Filometor ya ari, akabatan nen Antioco a si Filometor et sumlang ed saray totontonen ya impaakseb to. Mapagay Antioco ed kaligenan na dilin nanarian to, kanyan linmad Jope, insan tinmuloy ed Jerusalem. 22Diad Jerusalem ampetapetang tan mapagalang so impangawat ed sikato nen Jason tan saray totood siudad a pinmaway iran mangilugay ed sikato. Naneeyag-eyag ira tan sankaawit da ray nipotan a silew. Manlapud Jerusalem impangulo nen Antioco a linmad Fenicia iray sondalo to.
Nagmaliw a Pangulon Pari si Menelao
23Kalabas na taloy taon, imbaki nen Jason si Menelao, (say lakin agi nen Simon#4:23 SIMON: Nengneng yoy 3:4. ya abitla lan inmona), ta mangyakar na kuarta ed ari tan alaen toy kanunotan na ari nipaakar ed pigaran makabaliksan a pamaakaran. 24Balet nen nanalagey ed arap na ari si Nenelao, apanisia toy ari diad impangipanengneng toy pakaoley to. Insipan toy mangiter na amayamay a kuarta a say soluk tod inter nen Jason pian magmaliw a Pangulon Pari et labinduan libo tan pitomplo tan duan kilon pilak. 25Nen pinmawil ed Jerusalem si Menelao, sankaawit to ray kasulatan a nanlapud ari a mamapaneknek na kipapasen ton Pangulon Pari. Balet anggapoy arum a kamaungan ton makasengeg na pakapagmaliw ton Pangulon Pari, mapetang na olon singa maruksan manoley tan masebeg a singa ayep ed takel. 26Kanyan si Jason, a sinilib tod agi ton dili so kipapasen ton Pangulon Pari, et apasoot natan a batik ed dalin na Ammon. 27Intuloy nen Menelao so kipapasen ton Pangulon Pari, balet ag ton balut binayaran imay kuartan insipan ton iter ed ari. 28Balet si Sostrates a kapitan ed samay tirinsirad Jerusalem et mabetbet ton singilen, bangta sikatoy makaoley a mangalad saman a kuarta. Kanyan asabin siansia ya atawag iran dua nen Menelao ya omparontal ed ari, nipaakar ed saman a kuarta. 29Si Menelao pinasandi ton Pangulon Pari si agi ton Lisimaco, tan si Sostrates pinasandi ton pangulo na tirinsira si Crates, say pangulo da ray sondalon inupaan a taga Chipre.
Say Impamatey ed kinen Onias
30Legan to ra yan agawa, wala ray totoon linmaban ed pakaoley diad saray siudad na Tarso tan Mallo, lapud inter na ari ira yan siudad ed iyaamung ton bii a si Antiokida. 31Kanyan tinaynan na ari si Andronico, sakey ed saray atagey ya opisyal to, a mambenben na oley, tan nangganat a linmad Cilicia, pian nipawil toy gendat a kareenan ed sarayan siudad. 32Inanamut nen Menelao so pankanawnawa to, tan initdan toy Andronico na pigaran balituk a kagawaan ya ineekal tod Timplod Jerusalem. Angilako lad sarayan balituk a kagawaan diad siudad na Tiro tan diad saray arum a siudad ya asingger diman. 33Nen nadngelan nen Onias so nipaakar ed saya, batik ya inmamut ed sakey a timplo diad Dafne ya asingger ed siudad na Antiokia tan inakusa tod karaklan si Menelao. 34Insan maamut a tinanggoyur nen Menelao si Andronico a pateyen toy Onias. Kanyan linmad kinen Onias si Andronico tan pinalikdo ton inlugay na ampetapetang tan insipan ton ag balut mapaga. Anggaman a mangiinap si Onias, atanggoyur a siansia nen Andronico ya apaekal ed anggapoy kaatapan a timplo tan tampol a pinatey to diad arap-arapan.
Adusa si Andronico
35Mapalaloy pasnuk na saray Judio tan saray Hintil, lapud apatey si Onias. 36Nen pinmawil a manlapud Cilicia so ari, linmad sikato iray Judion taga Antiokia tan imbaga rad sikatoy isusumlang dad samay andi-kakanaan ya impamatey. Amayamay met a Hintil so sumpad saman ya impamatey. 37Naermenan na mapalalo si Ari Antioco, kanyan ag to apokpokan so interter na lua to nen anunotan toy kakabatan tan say panagadya nen Onias legan na intiron bilay to. 38Diad mapalalon impakapasnuk nen Antioco, nilakanat to may kawes na arin insolung nen Andronico, nilakseban to, tan impailiber tod ya anggad samay pasen ya amateyan tod kinen Onias. Insan impapatey nen Antioco iman a toon managpatey na too. Onya so impanusa na Katawan ed kinen Andronico, onung ed kanepegan to.
Apatey si Lisimaco
39Legan to ya, diad pananulong na agi ton si Menelao, amimpigan tinakewan nen Lisimaco so Timplo ed Jerusalem tan angala na amayamay a balituk a kagawaan. Nen kinmayat yan balita, nantitipon iray amayamay a totoo a mangipatnag na insumlang dad sayan ginawa nen Lisimaco. 40Diad kaonuran, saray totoo et ngalngali la ra manggolo tan ag la ra napareen, kanyan angibaki si Lisimaco na talon libon sondalo ya ondogpad sikara. Say angipangulod sikara et si Aurano a singa katakken to so kaogsan to. 41Nen naamtaan na saray Judio ed solar na patio na Timplo so nagagawa, nandokdok ira na saray bato, saray kiew, odino angaakup ira na dapul ed altar. Intutupak da ra yad kinen Lisimaco tan saray totoo ton manaaligewgewan. 42Apatey so pigaran totoo nen Lisimaco, asugatan da ray amayamay, tan batik iray nakdaan ed sikara diad pangyagel day bilay da. Apatey ed abay na panagsinupan na kayamanan ed Timplo si Lisimaco a tinatakewan toy Timplo.
Asalaysay si Menelao
43Lapud sayan agawa, asalaysay ed korti si Menelao. 44Nen linmad siudad na Tiro so ari, angibaki iray pangulo na saray Judio ed Jerusalem na taloran lalaki a mangakusad kinen Menelao. 45Nen anengneng nen Menelao a natatalod kaso, pinasoksokan to na dakerakel a kuarta si Tolomeo a lakin anak nen Dorimenes, ta tanggoyuren toy ari a pilaan toy Menelao. 46Insan kinerew nen Tolomeo ed ari ya ompaway iran dua ed korti a konwarin mangala ray maung a dagem, tan diman to tinanggoyur so ari a mangoman na kanunotan 47tan sintinsiaan ton anggapoy kasalanan si Menelao. Kanyan nibolus si Menelao, anggaman a sikatoy nansengegan na golo; balet saramay taloran lalaki, ya anggan saray maruksan Escita et sinintinsiaan da ra komun ya anggapoy kasalanan, et asintinsiaan iran pateyen. 48Saramay taloran lalaki et nansalita ra a pangyagel dad Jerusalem, saray totoo to,#4:48 saray totoo to; dia met ed pigaran manuskrito saray kaliber-liber iran bario. tan saray masanton kagawaan ya atakew ed Timplo, balet agano tan aliwan matonung so impamatey ed sikara. 49Balet impanengneng na saray pigaran totoo ed Tiro so ag da impiabubon ed samay agawa tan say panamagalang dad saramay lalaki nen initdan da ray mapagalang a pompon. 50Nansiansiad kipapasen to si Menelao, lapud inkaagom na saray walad pakaoley. Inagew-agew a pinmalaloy kaogsan nen Menelao tan nagmaliw a sankaogsan a kalaban na saray dilin kadalaan to.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Philippine Bible Society New Testament © 1977, Bible © 1983