Say Ononan Libro na SARAY MACABEO 8
8
Say Impipaknaan ed saray taga Roma
1Nadngelan nen Judas so nipaakar ed saray taga Roma tan say inkabantug dan makapanyari ran sondalo. Amta to a maliket iran mangawat ed saray labay da so migampid sikara tan andi-duaruwan kakaaro na Roma iray ondagod sikara. 2Imbagad sikato na saray totoo so nipaakar ed saray bakal ya akilabanan na saray taga Roma tan saray mabayanin ginagawa ra ed saray taga Galia a tinalo da ra tan pinasoot da ran mambayar na buis. 3Nibagad sikato so ginagawa ra ed Espanya nen adakep da ray minas na pilak tan saray minas na balituk diman. 4Lapud inapiapiger a panagplano tan panagseet da, adakep day intiron bansa, anggaman ya arawi ed Roma. Tinatalo da ray ararid arawid pasen a linmalaban ed sikara; mapalaloy impanalo rad sikara, kanyan tinaon a mambayar na buis iray akapaliis ed patey. 5Binakal tan tinalo ray Felipe tan Perseo ya ararid Macedonia, tan amin ya akigampid sikaran linmaban ed Roma. 6Tinalo da met ya anggan si Antioco a Matalonggaring ya ari na Siria a dinmogpad sikara a taruk toy sanlasus tan duamplon ilipanti, saray sondalon akakabayo, saray karwahi, tan saray makapanyarin sondalo. 7Dinakep dan mabilay so ari tan pinasoot da tan saray sinmalat ed sikato a mambayar na dakel a buis, mangiter na totoon pamasengegan na panumpal na labay da, tan mangisuko na 8India, Media, Lidia, tan saray pigaran sankaabigan a dalin da. Inaala da ra ya, insan da ra inter ed kinen Ari Eumenes.#8:8 ARI EUMENES: Sikato yay Ari Eumenes a Kumadwa, ari na Perganum manlapud 197 ya anggad 158 K.C.
9Nen implano na saray Grigo a dogpaan tan pateyen da ray taga Roma, 10akabatan da yan komplut, kanyan angibaki ra na sakey a pangulo na saray sondalo a mibakal ed sikara. Amayamay a Grigo so pinapatey na saray taga Roma, inaala dan priso iray kaasawaan da tan saray anak da, sinasamsam da ray kayaryan da, nanaaayaman day dalin da, inggegeba da ray tirinsira ra, tan ginagawa da ran aripen, ya anggad natan. 11Pinapatey da met odino impagmamaliw dan aripen iray arum a nanarian, saray isla, tan amin a linmalaban ed sikara. 12Balet impansiansia ray pikakaaro dad saray akigagampid sikara tan saray impapaiyagel ed sikara. Pinasuko da ray ararid asingger tan arawin pasen tan tinmakot ya amin iray akadngel na kipapasen da. 13Tinutulongan dan nagmaliw ya ari iray arum a totoo, balet ineekal da ray arum; nagmaliw iran makapanyari ed sankamundoan. 14Anggaman ya onyay agawa, anggapoy taga Roma a sinali toy mampatulod kipapasen to diad pangisulong to na korona odino saray kawes na ari. 15Anibokel ira na sakey a sinado, tan inagew-agew a nantitipon iray talon lasus tan duamplon sinador, pian natongtong da so nipaakar ed kabibilay na saray totoo tan say pankaabigan da. 16Tinaon ya impalima rad sakey a laki so panoley ed sikara tan pangikurang na intiron dalin. Tinmoluk so amin a too ed sayan laki, tan anggapoy ibeg odino imon ed sikara.
17Pinili nen Judas si Eupolemo a lakin anak nen Juan tan apo nen Accos, tan si Jason a lakin anak nen Eleazar, tan imbaki to ra ed Roma, ta migawaan iray paknaan na pikaaro tan pigampi rad saray taga Roma. 18Ginawa to ya, pian naandi so panamairap na saray taga Siria, bangta anengneng a malinew na saray Judio a magmamaliw la ran aripen. 19Kayari na andokey tan mairap ya impanbiahi di Eupolemo tan Jason, akasabi rad Roma tan linmoob irad Sinado. Onyay inkuandad saray sinador: 20Si Judas Macabeo, saray agagi to, tan amin a Judio et imbaki da kami dia, ta mipaknaan kamin manaagegalan itayo, pian nibilang kamin kakaaro yo tan kagampi yo.
21Inawat na saray taga Roma imay imbaga ran paknaan 22tan say onggendan so kopia na sulat a nitatak ed saray tapyak a gansa tan nipawit ed Jerusalem, pian walay pakanengnengan na saman a paknaan:
23Andi-anggaan komun a maung so kipapasen na bansa na saray taga Roma tan say bansa na saray Judio diad dalin tan diad dayat! Ag ira la komun nawalaan na saray kalaban tan ag la ra komun mibakal! 24Balet no walay mangigapon mibakal ed Roma odino dinanman a kagampi ton bansa, 25say bansa na saray Judio et impuspuson tulongan da, onung na nakaukolan a gawaen. 26Onung ed ginawan paknaan ed Roma, saray Judio et ag ira mangiter na abasto, armas, kuarta, odino bapor ed saray mibabakal ed Roma. Nepeg a gawaen na saray Judio so kanepegan da tan ag da ilaloay mangawat na tumang.
27Ontan met, no walay ononan mibakal ed bansa na saray Judio, saray taga Roma et impupuson tulongan da, onung na nakaukolan a gawaen. 28Onung ed ginawan paknaan ed Roma, ag ira mangiter na abasto, armas, kuarta, odino bapor ed saray kalaban na saray Judio. Nepeg a gawaen na saray taga Roma so kanepegan da tan ag ira mampalikdo.
29Sikara yay nampaknaan na saray taga Roma tan saray Judio. 30Balet no diad arapen a panaon et pantongtongan da a walay iyarum odino bawasen ed sayan paknaan, sumpalen da so nantotongtongan da, tan walay belat na antokaman ya iyarum odino ekalen da.
31Sakey ni, nipaakar ed saray makapoy a gagawaen nen Ari Demetrio sumpad saray Judio, sikatoy sinulat mi na onggendan, Akin et mapalaloy pamapairap mod saray Judio a kakaaro tan kagampi mi? 32No idalem da ka nin maminsan ed sikami, tulongan mi ra tan mibakal kamid sika diad dalin tan diad dayat.
ទើបបានជ្រើសរើសហើយ៖
Say Ononan Libro na SARAY MACABEO 8: PnPV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Philippine Bible Society New Testament © 1977, Bible © 1983
Say Ononan Libro na SARAY MACABEO 8
8
Say Impipaknaan ed saray taga Roma
1Nadngelan nen Judas so nipaakar ed saray taga Roma tan say inkabantug dan makapanyari ran sondalo. Amta to a maliket iran mangawat ed saray labay da so migampid sikara tan andi-duaruwan kakaaro na Roma iray ondagod sikara. 2Imbagad sikato na saray totoo so nipaakar ed saray bakal ya akilabanan na saray taga Roma tan saray mabayanin ginagawa ra ed saray taga Galia a tinalo da ra tan pinasoot da ran mambayar na buis. 3Nibagad sikato so ginagawa ra ed Espanya nen adakep da ray minas na pilak tan saray minas na balituk diman. 4Lapud inapiapiger a panagplano tan panagseet da, adakep day intiron bansa, anggaman ya arawi ed Roma. Tinatalo da ray ararid arawid pasen a linmalaban ed sikara; mapalaloy impanalo rad sikara, kanyan tinaon a mambayar na buis iray akapaliis ed patey. 5Binakal tan tinalo ray Felipe tan Perseo ya ararid Macedonia, tan amin ya akigampid sikaran linmaban ed Roma. 6Tinalo da met ya anggan si Antioco a Matalonggaring ya ari na Siria a dinmogpad sikara a taruk toy sanlasus tan duamplon ilipanti, saray sondalon akakabayo, saray karwahi, tan saray makapanyarin sondalo. 7Dinakep dan mabilay so ari tan pinasoot da tan saray sinmalat ed sikato a mambayar na dakel a buis, mangiter na totoon pamasengegan na panumpal na labay da, tan mangisuko na 8India, Media, Lidia, tan saray pigaran sankaabigan a dalin da. Inaala da ra ya, insan da ra inter ed kinen Ari Eumenes.#8:8 ARI EUMENES: Sikato yay Ari Eumenes a Kumadwa, ari na Perganum manlapud 197 ya anggad 158 K.C.
9Nen implano na saray Grigo a dogpaan tan pateyen da ray taga Roma, 10akabatan da yan komplut, kanyan angibaki ra na sakey a pangulo na saray sondalo a mibakal ed sikara. Amayamay a Grigo so pinapatey na saray taga Roma, inaala dan priso iray kaasawaan da tan saray anak da, sinasamsam da ray kayaryan da, nanaaayaman day dalin da, inggegeba da ray tirinsira ra, tan ginagawa da ran aripen, ya anggad natan. 11Pinapatey da met odino impagmamaliw dan aripen iray arum a nanarian, saray isla, tan amin a linmalaban ed sikara. 12Balet impansiansia ray pikakaaro dad saray akigagampid sikara tan saray impapaiyagel ed sikara. Pinasuko da ray ararid asingger tan arawin pasen tan tinmakot ya amin iray akadngel na kipapasen da. 13Tinutulongan dan nagmaliw ya ari iray arum a totoo, balet ineekal da ray arum; nagmaliw iran makapanyari ed sankamundoan. 14Anggaman ya onyay agawa, anggapoy taga Roma a sinali toy mampatulod kipapasen to diad pangisulong to na korona odino saray kawes na ari. 15Anibokel ira na sakey a sinado, tan inagew-agew a nantitipon iray talon lasus tan duamplon sinador, pian natongtong da so nipaakar ed kabibilay na saray totoo tan say pankaabigan da. 16Tinaon ya impalima rad sakey a laki so panoley ed sikara tan pangikurang na intiron dalin. Tinmoluk so amin a too ed sayan laki, tan anggapoy ibeg odino imon ed sikara.
17Pinili nen Judas si Eupolemo a lakin anak nen Juan tan apo nen Accos, tan si Jason a lakin anak nen Eleazar, tan imbaki to ra ed Roma, ta migawaan iray paknaan na pikaaro tan pigampi rad saray taga Roma. 18Ginawa to ya, pian naandi so panamairap na saray taga Siria, bangta anengneng a malinew na saray Judio a magmamaliw la ran aripen. 19Kayari na andokey tan mairap ya impanbiahi di Eupolemo tan Jason, akasabi rad Roma tan linmoob irad Sinado. Onyay inkuandad saray sinador: 20Si Judas Macabeo, saray agagi to, tan amin a Judio et imbaki da kami dia, ta mipaknaan kamin manaagegalan itayo, pian nibilang kamin kakaaro yo tan kagampi yo.
21Inawat na saray taga Roma imay imbaga ran paknaan 22tan say onggendan so kopia na sulat a nitatak ed saray tapyak a gansa tan nipawit ed Jerusalem, pian walay pakanengnengan na saman a paknaan:
23Andi-anggaan komun a maung so kipapasen na bansa na saray taga Roma tan say bansa na saray Judio diad dalin tan diad dayat! Ag ira la komun nawalaan na saray kalaban tan ag la ra komun mibakal! 24Balet no walay mangigapon mibakal ed Roma odino dinanman a kagampi ton bansa, 25say bansa na saray Judio et impuspuson tulongan da, onung na nakaukolan a gawaen. 26Onung ed ginawan paknaan ed Roma, saray Judio et ag ira mangiter na abasto, armas, kuarta, odino bapor ed saray mibabakal ed Roma. Nepeg a gawaen na saray Judio so kanepegan da tan ag da ilaloay mangawat na tumang.
27Ontan met, no walay ononan mibakal ed bansa na saray Judio, saray taga Roma et impupuson tulongan da, onung na nakaukolan a gawaen. 28Onung ed ginawan paknaan ed Roma, ag ira mangiter na abasto, armas, kuarta, odino bapor ed saray kalaban na saray Judio. Nepeg a gawaen na saray taga Roma so kanepegan da tan ag ira mampalikdo.
29Sikara yay nampaknaan na saray taga Roma tan saray Judio. 30Balet no diad arapen a panaon et pantongtongan da a walay iyarum odino bawasen ed sayan paknaan, sumpalen da so nantotongtongan da, tan walay belat na antokaman ya iyarum odino ekalen da.
31Sakey ni, nipaakar ed saray makapoy a gagawaen nen Ari Demetrio sumpad saray Judio, sikatoy sinulat mi na onggendan, Akin et mapalaloy pamapairap mod saray Judio a kakaaro tan kagampi mi? 32No idalem da ka nin maminsan ed sikami, tulongan mi ra tan mibakal kamid sika diad dalin tan diad dayat.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Philippine Bible Society New Testament © 1977, Bible © 1983