Say Ononan Libro na SARAY MACABEO 6
6
Say Impatey nen Antioco a Kumapat
(2 Mac. 1:11-17; 9:1-29; 10:9-11)
1Nen ondadalan ed Mesopotamia si Ari Antioco a Kumapat, nadngelan toy nipaakar ed sakey a siudad na Persia a tatawagey Elimais; bantug yan siudad lapud karakel na kayamanan ton pilak tan balituk. 2Mayamyaman so timplo, ta wala rad dalem to iray balituk a samper, saray kawes a para bakal, tan saray armas ya intilak nen Alejandro a lakin anak nen Ari Felipe na Macedonia, a sikatoy onaan a manoley na Impirio na Grecia. 3Linmay Antioco, ta labay ton looban so siudad tan samsaman, balet ag to ayarian, lapud saray totood man et akabatan da so plano to. 4Impantitipon da ray sondalo a mibakal ed sikato. Kanyan mapalaloy ermen nen Antioco a pinmawil ed Babilonia.
5Diad Persia walay sakey a managbalita ya akasabid sikato ya angipakabat na inkatalo na saray sondalon imbaki tod Judea. 6Apasoot si Lisias tan saray mabayanin sondalo to ya ibatikan da ray Judio a natan et lalon apabiskeg ira na saray armas, saray abasto, tan saray asamsam dad saray tinatalo ran sondalo. 7Inggeba na saray Judio imay bengatlan tatawagen da na Say Makapataktakot a Managderal ya impaalagey nen Antioco ed tapew na altar ed Jerusalem. Pinaliberan da met na atagey a padir so Timplo a singa nen saman. Adakep da met so baley na Bet-sur, sakey ed saray dilin baley na ari, tan pinaliberan da na padir.
8Nen nadngel na ari so sayan balita, ag akaskasel tan mapalaloy inkatalagnaw to, kanyan ontan lay ermen ton naogip lapud ag asumpal iray inilaloan to. 9Abayag a naninagem, tan nakalay ilalo. Abirbir tod satan a magano lan ompatey. 10Tinawag ton amin iray initdan toy ngaran na Kakaaro na Ari tan kuantod sikara, Ag ak makaogip tan nalmay so pusok lapud ermen tan paga. 11Diad inmona tinepet kod siak a dili no akin et onya lay pakakaermenan ko, anta mapangasi ak tan labalabay ak na totoo legan na panooley ko. 12Balet anunotan ko ray ginagawak a makapoy diad Jerusalem nen inalak ya amin iray pilak tan balituk a kagawaan ed Timplo tan sinalik a pateyen, anggaman ya anggapoy manepeg a makasengeg, iray manaayam ed Judea. 13Amtak a sikara yay makasengeg no akin et agawad siak ira yan makapasinagem a bengatla tan ngalngali ak la ompatey a nakalay ilalo ya diad sayan ag ko bansa.
14Insan to tinawag si Felipe a sakey ed saray napanmatalkan ton mananimbawa, tan impasen ton makaoley ed intiron impirio. 15Inter tod sikato so korona to, say kawes to, tan say singsing na ari, tan initdan toy pakaoley a mambangat ed anak ton Antioco a Kumalima tan mangiparaan ed sikaton manari. 16Inatey diman si Ari Antioco nen taon 149.#6:16 TAON 149: Kapara to yay 163 K.C.
17Nen akabatan nen Lisias ya inatey lay ari, ginawa ton ari ya onsalat ed kinen ama to si malangwer nin Antioco. Pinabaleg nen Lisias si Antioco tan natan nginaranan to na Eupator.
Say Impibakal nen Antioco a Kumalima tan si Lisias
18Legan to ya, saray kalaban ed tirinsira diad Jerusalem et sasaraan da ray Israelita diad pasen a kaliber-liber na Timplo; lawas da ran gugunigonen tan tutulongan iray Hintil. 19Kanyan si Judas ginetma ton pateyen ira. Tinawag ton amin iray totoo, ta looban day tirinsira. 20Nantitipon iray totoo tan imparaan day iloob da nen taon 150.#6:20 TAON 150: Kapara to yay 162 K.C. Nanggawa ra na saray plataporman panlakob tan saray panagbongbong na padir.
21Balet akabatik iray pigaran lalakin walad dalem na tirinsira, kanyan linma rad ari a kaiba da ray pigaran Judio ya akigampid sikara. Inkuandad ari, 22Anggad kapigay panalagar mon ombawi ed agawgawad saray kabansaan mi? 23Akaparaan kami nen saman a manlingkur ed kinen amam, ontoluk ed saray bilin to, tan ononur ed saray ganggan to. 24Balet anton kamaungan so agunggona mi? Saray kabansaan mi et nagmaliw la ra natan a kalaban#6:24 kalaban; saray pigaran manuskrito inyarum day tan nilakob day tirinsira. mi. Diad tuay tua amayamay la ray pinapatey dad sikami diad inermay pakalmoan dad sikami, tan tinatakew da ray kayaryan mi. 25Aliwan sikami labat so papairapen da; dinodogpaan da ray amin a kakaabay dan bansa. 26Natan dodogpaan dan looban so tirinsira ed Jerusalem tan getma ran dakepen. Pinaliberan da met na padir so Timplo tan say baley na Bet-sur. 27No ag ka onggalaw a tampol, mapalalo ni so gawaen da, et ag la ra nayarian a patondaen.
28Nen nadngel ya na ari, mapalaloy pasnuk to. Impantitipon ton amin iray pangulo na saray sondalo, saray opisyal da ray sondalon akakabayo, tan saray panmamatalkan ton sumisimbawa. 29Angupa met na saray sondalon taga arum a bansa tan saray isla na Grecia. 30Say karakel da et sanlasus libon sondalon akaran, duamplon libon akakabayo, tan talomplo tan duan ilipantin nipasal a mibakal. 31Say ari tan saray sondalo to et dinmalan irad Idumea tan imparaan day idogpa rad Bet-sur, a dimay abayag dan akibakalan. Nanggawa ray panagbongbong na padir tan saray plataporman panaglakob, balet masebeg ya akibakal iray kalaban da, pinmaway irad baley, tan pinoolan da ra may plataporman panaglakob.
32Insan si Judas pinataynan tod tirinsira ed Jerusalem ira may sondalo to tan inlira toy kampo to ed Bet-Zacarias, a diman to sabaten iray onsusulong a sondalo na ari. 33Diad kabkabwasan na ontombuk ya agew, say ari ginanatan ton inyalis iray sondalo to diad dalan a mamaarap ed Bet-Zacarias, a diman namparaan a mibakal iray sondalo to tan amaknul na saray trumpita. 34Impanparaan da met a mibakal ira may ilipanti diad panamegley na impangipanengneng da na tabul na ubas tan tabul na moras. 35Nibunog ed saray sondalon akaran ira may ankakabaleg ya ayep. Sanlibon lalaki ya akaarmas na golunggulong tan akahilmit na gansa so angolup na sakey ya ilipanti. Kapag ilipanti et inolup met na liman lasus a nidomadoma ran sondalon akakabayo, 36a sikara lawas so katambayan na ilipanti. 37Nisinger a malet ed beneg na kapag ilipanti so sakey a mabiskeg tan atirinsiraan a kiew a plataporman panaglakob. Taloran#6:37 Say sankanayarian a tiksto Taloran; diad tikston Grigo Talomplo odino Talomplo tan dua. sondalo so akalogan ed beneg na kapag ilipanti, likud ed kutsiro. 38Inlira nen Lisias iray arum a sondalon akakabayo diad duaran diking na saray sondalon akaran, pian niagel ira na saray sondalon akakabayo legan dan dodogpaan iray kalaban. 39Saray gansa tan balituk a samper et impakaninag dad kapalandeyan so liwaway agew, kanyan singa ra mandarlang a nipotan a silew. 40Wala ray sondalo na ari a pinmanat irad nipokdul ya alusadsar na palandey tan wala met iray sondalo a pinmanat irad patar a dalin, balet maoksuy so impankurang dan amin. 41Napalaloy inkataktakot na amin a totoo nen nadngel day pankakkling na saray mantutupaan ya armas tan say pankukurang na saramay amayamay tan makapanyarin sondalo.
42Sinmulong a mibakal ira di Judas tan saray sondalo to, et akapatey iran tampol na anem a lasus a sondalo na ari. 43Nen anengneng nen Eleazar Avaran a say sakey ed saray ilipanti et baleg nen saray arum tan asalimbengan na saray kawes na arin para bakal, abaloan ton wadman so ari a manloglogan. 44Insaklang nen Eleazar so bilay to a pangilaban ed saray kadalaan to tan pakala toy andi-anggaan a kinabantug. 45Mapuspuson batik ed kawalaan na samay ilipanti a walad pegley na sakey ya olup na akaran a sondalo. Sinmulong tan pinapatey to ray walad nikawanan tan nikawigi to, kanyan sinmener ed nantopag a diking to iray sondalon kalaban. 46Sinmilong ed samay ilipanti, insan to sinakal ya anggad ag to apatey. Atumbaan na samay ilipanti, kanyan inatey. 47Balet nen abirbir na saray Judio so ontan lan kabiskeg na saray sondalo na ari tan ontan lan sebeg dan mibakal, sinmener ira.
48Say ari tan saray sondalo et sinmulong iran mibakal ed saray Judio diad Jerusalem tan imparaan day idogpa rad intiron Judea tan Jerusalem. 49Akikaarod saray Judio et Bet-sur, insan ira tinmaynan. Anggapoy magenap a kanen da ed baley, pian nayarian dan sumpaen so iloloob na kalaban. Taon na panagpainawa ed saman, kanyan anggapoy tanaman a nitanem. 50Sinakop na ari so Bet-sur tan angipasen na saray sondalon mangguardiad man. 51Insan to nilakob so Timplo tan abayag ton lolooban. Angilira na saray plataporman panaglakob, saray panagbongbong na padir, saray kagawaan a pangibasyo na apoy tan bato, tan saray arum a kagawaan a pangitupak na pika tan ankabaleg a bato. 52Saramay mangyaagel et nanggagawa met iray kagawaan ya ikana rad pibakal ed saray kalaban, kanyan abaybayag so bakal. 53Balet anggapo lay atilak a kakanen ed saray kuarton panagsinupan diad Timplo, lapud taon na panagpainawa ed saman. Saramay totoon imbatikan da ray Hintil tan sinmalimbeng ed Judea et inoput day kakanen a nisinup diman. 54Mapalaloy inkulang na kakanen, kanyan amayamay a totoo so pinmapawil lad kaabungan da. Dagdaiset a lalaki so atilak ed Timplo.
55Legan to ya, si Felipe, a tinoro nen Ari Antioco kasakbayan ya inatey a panaralen ton magmaliw ya ari so anak ton laki, 56et pinmawil a nanlapud Persia tan Media. Pinmawil a kaiba to ray sondalo na ari tan implano ton sikatoy mambenben na oley. Nen nadngelan nen Lisias yan balita, 57tampol a namparaan ya ompikal. Inkuantod samay malangwer nin ari, saray opisyal to, tan saray totoo to, Inagew-agew ya onkakapoy itayo; kulang lay abasto tayo, tan mabiskeg yay pasen a lolooban tayo. Insan sakey ni, wala ray nepeg tayon arigloan a kimey ed gobirno. 58Kanyan natan mipaknaan tayo lad saray Judio tan say intiron bansa ra a mankakaaro ti la. 59Abuloyan tayo ran mangonur na saray dilin ganggan da tan saray kaogaliyan da, a singa ginagawa ra nen saman. Ginmapogapo yan gulo nen pinapetang tayoy kaoloan da diad impamaandi tayod saray ganggan tan saray kaogaliyan da.
60Sayan kanunotan et apaknaan na ari tan saray opisyal to, kanyan si Lisias imbaga tod saray Judio so pankakaaro ra, et apaknaan da met. 61Nen sinambaan na ari tan saray opisyal to a sumpalen day impipaknaan da, pinmaway ira may Judio ed tirinsira ra. 62Balet nen linmoob so ari ed pasen a kawalaay Timplo diad Palandey na Sion tan anengneng ton mabiskeg a tirinsira iman a pasen, binenegan toy salita to tan ingganggan ton igeba iray padir ed kaliber-liber na Timplo. 63Insan nangganat a tinmaynan tan pinmawil ed Antiokia. Nalmoan tod man a manooley ed siudad si Felipe. Dinogpaan na ari imay siudad, et adakep to.
ទើបបានជ្រើសរើសហើយ៖
Say Ononan Libro na SARAY MACABEO 6: PnPV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Philippine Bible Society New Testament © 1977, Bible © 1983
Say Ononan Libro na SARAY MACABEO 6
6
Say Impatey nen Antioco a Kumapat
(2 Mac. 1:11-17; 9:1-29; 10:9-11)
1Nen ondadalan ed Mesopotamia si Ari Antioco a Kumapat, nadngelan toy nipaakar ed sakey a siudad na Persia a tatawagey Elimais; bantug yan siudad lapud karakel na kayamanan ton pilak tan balituk. 2Mayamyaman so timplo, ta wala rad dalem to iray balituk a samper, saray kawes a para bakal, tan saray armas ya intilak nen Alejandro a lakin anak nen Ari Felipe na Macedonia, a sikatoy onaan a manoley na Impirio na Grecia. 3Linmay Antioco, ta labay ton looban so siudad tan samsaman, balet ag to ayarian, lapud saray totood man et akabatan da so plano to. 4Impantitipon da ray sondalo a mibakal ed sikato. Kanyan mapalaloy ermen nen Antioco a pinmawil ed Babilonia.
5Diad Persia walay sakey a managbalita ya akasabid sikato ya angipakabat na inkatalo na saray sondalon imbaki tod Judea. 6Apasoot si Lisias tan saray mabayanin sondalo to ya ibatikan da ray Judio a natan et lalon apabiskeg ira na saray armas, saray abasto, tan saray asamsam dad saray tinatalo ran sondalo. 7Inggeba na saray Judio imay bengatlan tatawagen da na Say Makapataktakot a Managderal ya impaalagey nen Antioco ed tapew na altar ed Jerusalem. Pinaliberan da met na atagey a padir so Timplo a singa nen saman. Adakep da met so baley na Bet-sur, sakey ed saray dilin baley na ari, tan pinaliberan da na padir.
8Nen nadngel na ari so sayan balita, ag akaskasel tan mapalaloy inkatalagnaw to, kanyan ontan lay ermen ton naogip lapud ag asumpal iray inilaloan to. 9Abayag a naninagem, tan nakalay ilalo. Abirbir tod satan a magano lan ompatey. 10Tinawag ton amin iray initdan toy ngaran na Kakaaro na Ari tan kuantod sikara, Ag ak makaogip tan nalmay so pusok lapud ermen tan paga. 11Diad inmona tinepet kod siak a dili no akin et onya lay pakakaermenan ko, anta mapangasi ak tan labalabay ak na totoo legan na panooley ko. 12Balet anunotan ko ray ginagawak a makapoy diad Jerusalem nen inalak ya amin iray pilak tan balituk a kagawaan ed Timplo tan sinalik a pateyen, anggaman ya anggapoy manepeg a makasengeg, iray manaayam ed Judea. 13Amtak a sikara yay makasengeg no akin et agawad siak ira yan makapasinagem a bengatla tan ngalngali ak la ompatey a nakalay ilalo ya diad sayan ag ko bansa.
14Insan to tinawag si Felipe a sakey ed saray napanmatalkan ton mananimbawa, tan impasen ton makaoley ed intiron impirio. 15Inter tod sikato so korona to, say kawes to, tan say singsing na ari, tan initdan toy pakaoley a mambangat ed anak ton Antioco a Kumalima tan mangiparaan ed sikaton manari. 16Inatey diman si Ari Antioco nen taon 149.#6:16 TAON 149: Kapara to yay 163 K.C.
17Nen akabatan nen Lisias ya inatey lay ari, ginawa ton ari ya onsalat ed kinen ama to si malangwer nin Antioco. Pinabaleg nen Lisias si Antioco tan natan nginaranan to na Eupator.
Say Impibakal nen Antioco a Kumalima tan si Lisias
18Legan to ya, saray kalaban ed tirinsira diad Jerusalem et sasaraan da ray Israelita diad pasen a kaliber-liber na Timplo; lawas da ran gugunigonen tan tutulongan iray Hintil. 19Kanyan si Judas ginetma ton pateyen ira. Tinawag ton amin iray totoo, ta looban day tirinsira. 20Nantitipon iray totoo tan imparaan day iloob da nen taon 150.#6:20 TAON 150: Kapara to yay 162 K.C. Nanggawa ra na saray plataporman panlakob tan saray panagbongbong na padir.
21Balet akabatik iray pigaran lalakin walad dalem na tirinsira, kanyan linma rad ari a kaiba da ray pigaran Judio ya akigampid sikara. Inkuandad ari, 22Anggad kapigay panalagar mon ombawi ed agawgawad saray kabansaan mi? 23Akaparaan kami nen saman a manlingkur ed kinen amam, ontoluk ed saray bilin to, tan ononur ed saray ganggan to. 24Balet anton kamaungan so agunggona mi? Saray kabansaan mi et nagmaliw la ra natan a kalaban#6:24 kalaban; saray pigaran manuskrito inyarum day tan nilakob day tirinsira. mi. Diad tuay tua amayamay la ray pinapatey dad sikami diad inermay pakalmoan dad sikami, tan tinatakew da ray kayaryan mi. 25Aliwan sikami labat so papairapen da; dinodogpaan da ray amin a kakaabay dan bansa. 26Natan dodogpaan dan looban so tirinsira ed Jerusalem tan getma ran dakepen. Pinaliberan da met na padir so Timplo tan say baley na Bet-sur. 27No ag ka onggalaw a tampol, mapalalo ni so gawaen da, et ag la ra nayarian a patondaen.
28Nen nadngel ya na ari, mapalaloy pasnuk to. Impantitipon ton amin iray pangulo na saray sondalo, saray opisyal da ray sondalon akakabayo, tan saray panmamatalkan ton sumisimbawa. 29Angupa met na saray sondalon taga arum a bansa tan saray isla na Grecia. 30Say karakel da et sanlasus libon sondalon akaran, duamplon libon akakabayo, tan talomplo tan duan ilipantin nipasal a mibakal. 31Say ari tan saray sondalo to et dinmalan irad Idumea tan imparaan day idogpa rad Bet-sur, a dimay abayag dan akibakalan. Nanggawa ray panagbongbong na padir tan saray plataporman panaglakob, balet masebeg ya akibakal iray kalaban da, pinmaway irad baley, tan pinoolan da ra may plataporman panaglakob.
32Insan si Judas pinataynan tod tirinsira ed Jerusalem ira may sondalo to tan inlira toy kampo to ed Bet-Zacarias, a diman to sabaten iray onsusulong a sondalo na ari. 33Diad kabkabwasan na ontombuk ya agew, say ari ginanatan ton inyalis iray sondalo to diad dalan a mamaarap ed Bet-Zacarias, a diman namparaan a mibakal iray sondalo to tan amaknul na saray trumpita. 34Impanparaan da met a mibakal ira may ilipanti diad panamegley na impangipanengneng da na tabul na ubas tan tabul na moras. 35Nibunog ed saray sondalon akaran ira may ankakabaleg ya ayep. Sanlibon lalaki ya akaarmas na golunggulong tan akahilmit na gansa so angolup na sakey ya ilipanti. Kapag ilipanti et inolup met na liman lasus a nidomadoma ran sondalon akakabayo, 36a sikara lawas so katambayan na ilipanti. 37Nisinger a malet ed beneg na kapag ilipanti so sakey a mabiskeg tan atirinsiraan a kiew a plataporman panaglakob. Taloran#6:37 Say sankanayarian a tiksto Taloran; diad tikston Grigo Talomplo odino Talomplo tan dua. sondalo so akalogan ed beneg na kapag ilipanti, likud ed kutsiro. 38Inlira nen Lisias iray arum a sondalon akakabayo diad duaran diking na saray sondalon akaran, pian niagel ira na saray sondalon akakabayo legan dan dodogpaan iray kalaban. 39Saray gansa tan balituk a samper et impakaninag dad kapalandeyan so liwaway agew, kanyan singa ra mandarlang a nipotan a silew. 40Wala ray sondalo na ari a pinmanat irad nipokdul ya alusadsar na palandey tan wala met iray sondalo a pinmanat irad patar a dalin, balet maoksuy so impankurang dan amin. 41Napalaloy inkataktakot na amin a totoo nen nadngel day pankakkling na saray mantutupaan ya armas tan say pankukurang na saramay amayamay tan makapanyarin sondalo.
42Sinmulong a mibakal ira di Judas tan saray sondalo to, et akapatey iran tampol na anem a lasus a sondalo na ari. 43Nen anengneng nen Eleazar Avaran a say sakey ed saray ilipanti et baleg nen saray arum tan asalimbengan na saray kawes na arin para bakal, abaloan ton wadman so ari a manloglogan. 44Insaklang nen Eleazar so bilay to a pangilaban ed saray kadalaan to tan pakala toy andi-anggaan a kinabantug. 45Mapuspuson batik ed kawalaan na samay ilipanti a walad pegley na sakey ya olup na akaran a sondalo. Sinmulong tan pinapatey to ray walad nikawanan tan nikawigi to, kanyan sinmener ed nantopag a diking to iray sondalon kalaban. 46Sinmilong ed samay ilipanti, insan to sinakal ya anggad ag to apatey. Atumbaan na samay ilipanti, kanyan inatey. 47Balet nen abirbir na saray Judio so ontan lan kabiskeg na saray sondalo na ari tan ontan lan sebeg dan mibakal, sinmener ira.
48Say ari tan saray sondalo et sinmulong iran mibakal ed saray Judio diad Jerusalem tan imparaan day idogpa rad intiron Judea tan Jerusalem. 49Akikaarod saray Judio et Bet-sur, insan ira tinmaynan. Anggapoy magenap a kanen da ed baley, pian nayarian dan sumpaen so iloloob na kalaban. Taon na panagpainawa ed saman, kanyan anggapoy tanaman a nitanem. 50Sinakop na ari so Bet-sur tan angipasen na saray sondalon mangguardiad man. 51Insan to nilakob so Timplo tan abayag ton lolooban. Angilira na saray plataporman panaglakob, saray panagbongbong na padir, saray kagawaan a pangibasyo na apoy tan bato, tan saray arum a kagawaan a pangitupak na pika tan ankabaleg a bato. 52Saramay mangyaagel et nanggagawa met iray kagawaan ya ikana rad pibakal ed saray kalaban, kanyan abaybayag so bakal. 53Balet anggapo lay atilak a kakanen ed saray kuarton panagsinupan diad Timplo, lapud taon na panagpainawa ed saman. Saramay totoon imbatikan da ray Hintil tan sinmalimbeng ed Judea et inoput day kakanen a nisinup diman. 54Mapalaloy inkulang na kakanen, kanyan amayamay a totoo so pinmapawil lad kaabungan da. Dagdaiset a lalaki so atilak ed Timplo.
55Legan to ya, si Felipe, a tinoro nen Ari Antioco kasakbayan ya inatey a panaralen ton magmaliw ya ari so anak ton laki, 56et pinmawil a nanlapud Persia tan Media. Pinmawil a kaiba to ray sondalo na ari tan implano ton sikatoy mambenben na oley. Nen nadngelan nen Lisias yan balita, 57tampol a namparaan ya ompikal. Inkuantod samay malangwer nin ari, saray opisyal to, tan saray totoo to, Inagew-agew ya onkakapoy itayo; kulang lay abasto tayo, tan mabiskeg yay pasen a lolooban tayo. Insan sakey ni, wala ray nepeg tayon arigloan a kimey ed gobirno. 58Kanyan natan mipaknaan tayo lad saray Judio tan say intiron bansa ra a mankakaaro ti la. 59Abuloyan tayo ran mangonur na saray dilin ganggan da tan saray kaogaliyan da, a singa ginagawa ra nen saman. Ginmapogapo yan gulo nen pinapetang tayoy kaoloan da diad impamaandi tayod saray ganggan tan saray kaogaliyan da.
60Sayan kanunotan et apaknaan na ari tan saray opisyal to, kanyan si Lisias imbaga tod saray Judio so pankakaaro ra, et apaknaan da met. 61Nen sinambaan na ari tan saray opisyal to a sumpalen day impipaknaan da, pinmaway ira may Judio ed tirinsira ra. 62Balet nen linmoob so ari ed pasen a kawalaay Timplo diad Palandey na Sion tan anengneng ton mabiskeg a tirinsira iman a pasen, binenegan toy salita to tan ingganggan ton igeba iray padir ed kaliber-liber na Timplo. 63Insan nangganat a tinmaynan tan pinmawil ed Antiokia. Nalmoan tod man a manooley ed siudad si Felipe. Dinogpaan na ari imay siudad, et adakep to.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Philippine Bible Society New Testament © 1977, Bible © 1983