Say Ononan Libro na SARAY MACABEO 2
2
Say Inkatoor nen Matatias
1Diad saman a panaon, walay sakey a parin kabyangan na pamilyay Joiarib tan manngaran na Matatias a lakin anak nen Juan tan apo nen Simeon. Si Matatias tinmaynan ed Jerusalem tan nanayam ed Modin. 2Limaray lalakin anak to a di Juan (a tatawagen met na Gaddi), 3Simon (a tatawagen met na Tassi), 4Judas (a tatawagen met na Macabeo), 5Eleazar (a tatawagen met na Avaran), tan Jonatan (a tatawagen met na Appo).
6Nen anengneng nen Matatias iray amin a kasalanan a nagagawa ed Judea tan Jerusalem, 7inkuanto:
Akin et nianak ak a makanengneng ed sarayan makapasinagem a bengatla,
say inkaderal na saray totook tan say masanton siudad?
Manyorung ak dian anggapoy nagawaan ko legan a nisusukod saray kalaban so siudad
tan napepelag ed lima da ray sangkaili so Timplo?
8Say Timplo et singa toon anggapoy kagalangan.
9Asamsam tan nibatik iray mararakep a kagawaan to.
Apatey-patey ed saray dalan iray anak mi;
ontan met ya apatey-patey iray tobun-balo mi diad panamegley na ispada da ray kalaban.
10Balang bansa ed intiron mundo et nanayaman to so siudad
tan tinatakew to ray kayaryan to.
11Naakokus ya amin iray arkos to;
aliwa la natan a toon bolus, no ag ta sakey lan aripen.
12Nengneng yoy Timplo tayo, dinotakan na saray Hintil,
nakalan na amin a kagalangan to.
13Akin et ituloy tayo niy mambilay?
14Lapud ermen da, di Matatias tan saray lalakin anak to et pinipilat day kawes da, nansolung iray sako, tan intuloy day nanermen na mapalalo.
15Insan saray opisyal na ari a mamapasoot ed saray totoo ya ibeneg day Dios et linma rad baley na Modin, ta pasooten da ray totood man a mangisaklang na saray paganon bagat. 16Inabet ira na saray amayamay ya Israelita, pati si Matatias tan saray lalakin anak to. 17Saramay opisyal na ari kuandad kinen Matatias, Sika so gagalangen a pangulo na sayan baley, tan tutulongan ka na saray anak mo tan saray kakanayon mo. 18Akin et aliwan sika diay ononan manumpal na ingganggan na ari? Sinumpal la na amin da ray Hintil, saray totood Judea, tan amin a totoon nakdaan ed Jerusalem. No sumpalen mo met, sika tan saray anak mo et napagalangan diad pangiter ed sikayo na ngaran a Saray kakaaro na Ari, tan natumangan kayo na pilak tan balituk tan amayamay a rigalo.
19Si Matatias inmebat na makmaksil, Anggapoy walad siak no amin a Hintil ed impirio et tinmoluk la rad ari tan sinmuko la rad ganggan ya ikaindan so rilihion na lalaki ra. 20Saray anak ko, saray kakanayon ko, tan siak et ituloy min sumpalen so impisipanan na Dios ed saray lalaki mi. 21Diad pananulong na Dios, ag min balut ikaindan so Ganggan to odino sumlangen iray bilin to. 22Ag mi onuren so ganggan na ari, tan ag min balut omanen so panangigalang mid Dios.
23Nen kasumsumpal nen Matatias so nansalita, say sakey ed saray lalakin taga Modin et ginetma ton onuren so ganggan na ari, kanyan tinmaynan diad arap na totoo ta mangisaklang na bagat ed tapew na altar a wadman. 24Nen anengneng nen Matatias, akapasnuk tan ginawa toy nepeg a gawaen. Manggiwgiw ed mapalalon pasnuk to, batik ed arap tan pinatey tod tapew na altar imay too. 25Pinatey to met imay opisyal na ari a mamapasoot ed saray totoo a mangibagat ira, insan to inggeba imay altar. 26Diad onyan ginawa to, impanengneng nen Matatias so impapuson panangonur tod Ganggan, a singa ginawa nen Finees nen pinatey toy Zimri a lakin anak nen Salu.
Say Impilaban nen Matatias
27Insan nanliber-liber si Matatias ed baley tan imbabando to, Tombuk yo ak, amin yon matoor ed sipanan na Dios tan maonur ed Ganggan to! 28Kanyan batik ed kapalandeyan si Matatias tan saramay anak to; intitilak dan amin iray kayaryan da.
29-30Diad saman met a panaon amayamay iray Israelitan labay day mambilay a maptek ed arap na Dios diad pangonur dad Ganggan to. Batik iran manayam ed kalawakan ya awit da ray anak da, saray kaasawaan da, tan saray ayayep da, lapud mapalaloy kakairapan da. 31Ag abayag, nadngelan na saray opisyal na ari tan saray sondalo ed tirinsirad Jerusalem a saramay pigaran lalaki ya ag tinmoluk ed ganggan na ari et batik iran onamut ed kalawakan. 32Dakerakel a sondalo so angosil ed sikara, nabot da ra, nankampo rad kasumbaliwan da, tan namparaan iran ondogpad sikara no Agew na Panagpainawa. 33Kinulyaotan da ra may Judio, Wala niy panaon yo. Paway kayo tan toluk kayo lad ganggan na ari, pian ag mi kayo pateyen.
34Inmebat ira, Ag kami ompaway. Ag mi onuren so ganggan na ari, tan ag mi dotakan so Agew na Panagpainawa.
35Tampol a dinogpaan ira na saray sondalo, 36balet ag linmaban ira may Judio; ag ira anggan anupak na bato tan ag da sinaraan iray lolooban na saray ongib a panaamutan da. 37Inkuanda, Ompatey kamin amin ya anggapoy nudnunoten min kasalanan. Akaoley lay tawen a mantasi ya anggapoy makatonungan a makasengeg na pamapateyan yod sikami. 38Kanyan saray kalaban dinogpaan da ra ed Agew na Panagpainawa tan pinatey da ray lalaki, saray kaasawaan da, saray anak da, tan saray ayayep da. Sanlibon totoo so inatey.
39Nen nadngelan nen Matatias tan saray kakaaro to so balitan nipaakar ed saya, naermenan iran maung 40tan kuandad sakey tan sakey, No gawaen tayon amin so singa ginawa na saray kapara tayon Judio tan ag tayo onlaban ed saray Hintil diad pangyagel tayod saray bilay tayo tan say rilihion tayo, ag mabayag naandipat tayod tapew na dalin. 41Diad saman ya agew nampapaknaan da a no walay ondogpad sikara no Agew na Panagpainawa, iyagel day sikaran dili, pian ag ira ompatey ya amin a singa saramay kapara ran Judio ya inaatey ed dalem na ongib.
42Insan akikasakey ed kindi Matatias tan saray kakaaro to so sakey a grupo na saray Judion matoor tan maarod dalin dan nianakan. Sikaray sankabiskegan tan sankasebegan a lalaki ed Israel a pinalapu rad linawa ran dili ya iyagel da so Ganggan. 43Amin met ya ibabatikan day panagpairap et akikasakey ed sikara, kanyan naarumay biskeg da. 44Natan ta dakel la ran sondalo, imbesngaw day pasnuk da diad indogpa rad saray Judion traidor. Saray akapaliis ed patey et apasootan iran binmatik a paiyagel ed saray Hintil. 45Si Matatias tan saray kakaaro to et linma rad nandoroman pasen tan inggegeba ray paganon altar, 46tan pinapasoot dan sinegat iray lalakin ogogaw ya ag ni asegat a nalmo ran walad saray pasen a nasasakopan na Israel. 47Ayarian da met a pinatey iray mapaatagey ya opisyal a Hintil. 48Inyagel dad lima da ray Hintil tan saray arari da so Ganggan nen Moises tan pinoter day pakayari nen Ari Antioco.
Say Impatey nen Matatias
49Nen magano lan ompatey si Matatias, inkuantod saray lalakin anak to, Panaon natan na gewgew tan panagpairap tan kaermenan. Ooleyan itayo na saray mapaatagey a totoo tan impagmaliw da itayon elek-elekan. 50Balet sikayo, anak ko, nepeg a maseseg kayon mangonur ed Ganggan tan sipaparaan kayon ompatey diad pangyagel yod impisipanan na Dios ed saray lalaki tayo. 51Ag yo lilingwanan iray ginagawa na saray lalaki tayo tan no panoy karakel na saray ginagawa ra nen panaon da. Alig yo ra, et natumangan kayo na baleg a kagalangan tan say ag onkupas a dayew. 52Ag yo lilingwanan so impanmatalek nen Abraham ed Katawan nen sikatoy asubok tan no panoy impakaliket tan impangawat na Katawan ed sikato. 53Si Jose, nen panaon na gunigon to, et tinoluk to ray ganggan na Dios tan nagmaliw a manoley ed intiron dalin na Egipto. 54Si Finees a laki tayo, lapud mampusapos a seseg to, et nisipan ed sikato a mansiansian papari iray kabyangay boleg to. 55Agawan huis na Israel si Josue, lapud inonur to so ganggan nen Moises. 56Maung so imbalita nen Caleb ed saray totoo, kanyan naitdan na tumang a parti na dalin. 57Agawan ari si David tan nisipan ed sikaton mansiansian manari iray kabyangay boleg to, lapud sigput a matoor ed Dios. 58Niatagey ed tawen si Elias, lapud masimoon a panangonur tod Ganggan. 59Nilaban ed apoy ira di Ananias, Azarias, tan Misael, lapud walay pananisia ra. 60Si Daniel et toon anggapoy pakabalawan, kanyan inyagel na Katawan ed sangi da ray lion. 61Alig yo ra yan lalaki tayo, et nabirbir yo ya ag onkulang ed biskeg so siopaman a manmamatalek ed Katawan. 62Ag yo tatakotan so panagtaktakot na toon maoges. Nepeg yon nunoten ya ompatey tan mansamput so karlangan to tan kibkiben na saray bigis so laman ton naboboluk. 63Nayarin mapalalon napapagalangan natan, balet naandipat nabwas; ompawil ed dalin so laman to tan mansamput met lay panagsilib to. 64Balet sikayo ran anak ko, mampabiskeg kayo tan pabiskeg yoy linawa yo a mangyagel na Ganggan, ta diad panamegley na ganggan so pakagamuran yoy baleg a kagalangan.
65Makabat si agi yon Simon, kanyan dengel yo lawas a singa idengel yod siak. 66Mabiskeg lawas si Judas Macabeo, kanyan sikatoy pangulo yo no mibakal kayod saray kalaban. 67Tanggoyur yon ontulong ed sikayo iray amin a mananumpal na Ganggan na Dios; insan kayo ombawi ed saray maoges ya agawgawad saray totoo yo. 68Bawi kayod saray Hintil lapud saray ginagawa ra, tan toluk yo lawas so Ganggan tan amin a bilin to.
69Inter nen Matatias so bindision tod sikara, insan inatey. 70Nipompon ed lobuk na pamilya ra diad Modin, tan inermenan a mapalalo na amin ya Israelita. Agawa ya nen taon 146.#2:70 TAON 146: Kapara to yay 166 K.C.
ទើបបានជ្រើសរើសហើយ៖
Say Ononan Libro na SARAY MACABEO 2: PnPV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Philippine Bible Society New Testament © 1977, Bible © 1983
Say Ononan Libro na SARAY MACABEO 2
2
Say Inkatoor nen Matatias
1Diad saman a panaon, walay sakey a parin kabyangan na pamilyay Joiarib tan manngaran na Matatias a lakin anak nen Juan tan apo nen Simeon. Si Matatias tinmaynan ed Jerusalem tan nanayam ed Modin. 2Limaray lalakin anak to a di Juan (a tatawagen met na Gaddi), 3Simon (a tatawagen met na Tassi), 4Judas (a tatawagen met na Macabeo), 5Eleazar (a tatawagen met na Avaran), tan Jonatan (a tatawagen met na Appo).
6Nen anengneng nen Matatias iray amin a kasalanan a nagagawa ed Judea tan Jerusalem, 7inkuanto:
Akin et nianak ak a makanengneng ed sarayan makapasinagem a bengatla,
say inkaderal na saray totook tan say masanton siudad?
Manyorung ak dian anggapoy nagawaan ko legan a nisusukod saray kalaban so siudad
tan napepelag ed lima da ray sangkaili so Timplo?
8Say Timplo et singa toon anggapoy kagalangan.
9Asamsam tan nibatik iray mararakep a kagawaan to.
Apatey-patey ed saray dalan iray anak mi;
ontan met ya apatey-patey iray tobun-balo mi diad panamegley na ispada da ray kalaban.
10Balang bansa ed intiron mundo et nanayaman to so siudad
tan tinatakew to ray kayaryan to.
11Naakokus ya amin iray arkos to;
aliwa la natan a toon bolus, no ag ta sakey lan aripen.
12Nengneng yoy Timplo tayo, dinotakan na saray Hintil,
nakalan na amin a kagalangan to.
13Akin et ituloy tayo niy mambilay?
14Lapud ermen da, di Matatias tan saray lalakin anak to et pinipilat day kawes da, nansolung iray sako, tan intuloy day nanermen na mapalalo.
15Insan saray opisyal na ari a mamapasoot ed saray totoo ya ibeneg day Dios et linma rad baley na Modin, ta pasooten da ray totood man a mangisaklang na saray paganon bagat. 16Inabet ira na saray amayamay ya Israelita, pati si Matatias tan saray lalakin anak to. 17Saramay opisyal na ari kuandad kinen Matatias, Sika so gagalangen a pangulo na sayan baley, tan tutulongan ka na saray anak mo tan saray kakanayon mo. 18Akin et aliwan sika diay ononan manumpal na ingganggan na ari? Sinumpal la na amin da ray Hintil, saray totood Judea, tan amin a totoon nakdaan ed Jerusalem. No sumpalen mo met, sika tan saray anak mo et napagalangan diad pangiter ed sikayo na ngaran a Saray kakaaro na Ari, tan natumangan kayo na pilak tan balituk tan amayamay a rigalo.
19Si Matatias inmebat na makmaksil, Anggapoy walad siak no amin a Hintil ed impirio et tinmoluk la rad ari tan sinmuko la rad ganggan ya ikaindan so rilihion na lalaki ra. 20Saray anak ko, saray kakanayon ko, tan siak et ituloy min sumpalen so impisipanan na Dios ed saray lalaki mi. 21Diad pananulong na Dios, ag min balut ikaindan so Ganggan to odino sumlangen iray bilin to. 22Ag mi onuren so ganggan na ari, tan ag min balut omanen so panangigalang mid Dios.
23Nen kasumsumpal nen Matatias so nansalita, say sakey ed saray lalakin taga Modin et ginetma ton onuren so ganggan na ari, kanyan tinmaynan diad arap na totoo ta mangisaklang na bagat ed tapew na altar a wadman. 24Nen anengneng nen Matatias, akapasnuk tan ginawa toy nepeg a gawaen. Manggiwgiw ed mapalalon pasnuk to, batik ed arap tan pinatey tod tapew na altar imay too. 25Pinatey to met imay opisyal na ari a mamapasoot ed saray totoo a mangibagat ira, insan to inggeba imay altar. 26Diad onyan ginawa to, impanengneng nen Matatias so impapuson panangonur tod Ganggan, a singa ginawa nen Finees nen pinatey toy Zimri a lakin anak nen Salu.
Say Impilaban nen Matatias
27Insan nanliber-liber si Matatias ed baley tan imbabando to, Tombuk yo ak, amin yon matoor ed sipanan na Dios tan maonur ed Ganggan to! 28Kanyan batik ed kapalandeyan si Matatias tan saramay anak to; intitilak dan amin iray kayaryan da.
29-30Diad saman met a panaon amayamay iray Israelitan labay day mambilay a maptek ed arap na Dios diad pangonur dad Ganggan to. Batik iran manayam ed kalawakan ya awit da ray anak da, saray kaasawaan da, tan saray ayayep da, lapud mapalaloy kakairapan da. 31Ag abayag, nadngelan na saray opisyal na ari tan saray sondalo ed tirinsirad Jerusalem a saramay pigaran lalaki ya ag tinmoluk ed ganggan na ari et batik iran onamut ed kalawakan. 32Dakerakel a sondalo so angosil ed sikara, nabot da ra, nankampo rad kasumbaliwan da, tan namparaan iran ondogpad sikara no Agew na Panagpainawa. 33Kinulyaotan da ra may Judio, Wala niy panaon yo. Paway kayo tan toluk kayo lad ganggan na ari, pian ag mi kayo pateyen.
34Inmebat ira, Ag kami ompaway. Ag mi onuren so ganggan na ari, tan ag mi dotakan so Agew na Panagpainawa.
35Tampol a dinogpaan ira na saray sondalo, 36balet ag linmaban ira may Judio; ag ira anggan anupak na bato tan ag da sinaraan iray lolooban na saray ongib a panaamutan da. 37Inkuanda, Ompatey kamin amin ya anggapoy nudnunoten min kasalanan. Akaoley lay tawen a mantasi ya anggapoy makatonungan a makasengeg na pamapateyan yod sikami. 38Kanyan saray kalaban dinogpaan da ra ed Agew na Panagpainawa tan pinatey da ray lalaki, saray kaasawaan da, saray anak da, tan saray ayayep da. Sanlibon totoo so inatey.
39Nen nadngelan nen Matatias tan saray kakaaro to so balitan nipaakar ed saya, naermenan iran maung 40tan kuandad sakey tan sakey, No gawaen tayon amin so singa ginawa na saray kapara tayon Judio tan ag tayo onlaban ed saray Hintil diad pangyagel tayod saray bilay tayo tan say rilihion tayo, ag mabayag naandipat tayod tapew na dalin. 41Diad saman ya agew nampapaknaan da a no walay ondogpad sikara no Agew na Panagpainawa, iyagel day sikaran dili, pian ag ira ompatey ya amin a singa saramay kapara ran Judio ya inaatey ed dalem na ongib.
42Insan akikasakey ed kindi Matatias tan saray kakaaro to so sakey a grupo na saray Judion matoor tan maarod dalin dan nianakan. Sikaray sankabiskegan tan sankasebegan a lalaki ed Israel a pinalapu rad linawa ran dili ya iyagel da so Ganggan. 43Amin met ya ibabatikan day panagpairap et akikasakey ed sikara, kanyan naarumay biskeg da. 44Natan ta dakel la ran sondalo, imbesngaw day pasnuk da diad indogpa rad saray Judion traidor. Saray akapaliis ed patey et apasootan iran binmatik a paiyagel ed saray Hintil. 45Si Matatias tan saray kakaaro to et linma rad nandoroman pasen tan inggegeba ray paganon altar, 46tan pinapasoot dan sinegat iray lalakin ogogaw ya ag ni asegat a nalmo ran walad saray pasen a nasasakopan na Israel. 47Ayarian da met a pinatey iray mapaatagey ya opisyal a Hintil. 48Inyagel dad lima da ray Hintil tan saray arari da so Ganggan nen Moises tan pinoter day pakayari nen Ari Antioco.
Say Impatey nen Matatias
49Nen magano lan ompatey si Matatias, inkuantod saray lalakin anak to, Panaon natan na gewgew tan panagpairap tan kaermenan. Ooleyan itayo na saray mapaatagey a totoo tan impagmaliw da itayon elek-elekan. 50Balet sikayo, anak ko, nepeg a maseseg kayon mangonur ed Ganggan tan sipaparaan kayon ompatey diad pangyagel yod impisipanan na Dios ed saray lalaki tayo. 51Ag yo lilingwanan iray ginagawa na saray lalaki tayo tan no panoy karakel na saray ginagawa ra nen panaon da. Alig yo ra, et natumangan kayo na baleg a kagalangan tan say ag onkupas a dayew. 52Ag yo lilingwanan so impanmatalek nen Abraham ed Katawan nen sikatoy asubok tan no panoy impakaliket tan impangawat na Katawan ed sikato. 53Si Jose, nen panaon na gunigon to, et tinoluk to ray ganggan na Dios tan nagmaliw a manoley ed intiron dalin na Egipto. 54Si Finees a laki tayo, lapud mampusapos a seseg to, et nisipan ed sikato a mansiansian papari iray kabyangay boleg to. 55Agawan huis na Israel si Josue, lapud inonur to so ganggan nen Moises. 56Maung so imbalita nen Caleb ed saray totoo, kanyan naitdan na tumang a parti na dalin. 57Agawan ari si David tan nisipan ed sikaton mansiansian manari iray kabyangay boleg to, lapud sigput a matoor ed Dios. 58Niatagey ed tawen si Elias, lapud masimoon a panangonur tod Ganggan. 59Nilaban ed apoy ira di Ananias, Azarias, tan Misael, lapud walay pananisia ra. 60Si Daniel et toon anggapoy pakabalawan, kanyan inyagel na Katawan ed sangi da ray lion. 61Alig yo ra yan lalaki tayo, et nabirbir yo ya ag onkulang ed biskeg so siopaman a manmamatalek ed Katawan. 62Ag yo tatakotan so panagtaktakot na toon maoges. Nepeg yon nunoten ya ompatey tan mansamput so karlangan to tan kibkiben na saray bigis so laman ton naboboluk. 63Nayarin mapalalon napapagalangan natan, balet naandipat nabwas; ompawil ed dalin so laman to tan mansamput met lay panagsilib to. 64Balet sikayo ran anak ko, mampabiskeg kayo tan pabiskeg yoy linawa yo a mangyagel na Ganggan, ta diad panamegley na ganggan so pakagamuran yoy baleg a kagalangan.
65Makabat si agi yon Simon, kanyan dengel yo lawas a singa idengel yod siak. 66Mabiskeg lawas si Judas Macabeo, kanyan sikatoy pangulo yo no mibakal kayod saray kalaban. 67Tanggoyur yon ontulong ed sikayo iray amin a mananumpal na Ganggan na Dios; insan kayo ombawi ed saray maoges ya agawgawad saray totoo yo. 68Bawi kayod saray Hintil lapud saray ginagawa ra, tan toluk yo lawas so Ganggan tan amin a bilin to.
69Inter nen Matatias so bindision tod sikara, insan inatey. 70Nipompon ed lobuk na pamilya ra diad Modin, tan inermenan a mapalalo na amin ya Israelita. Agawa ya nen taon 146.#2:70 TAON 146: Kapara to yay 166 K.C.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Philippine Bible Society New Testament © 1977, Bible © 1983