Say Ononan Libro na SARAY MACABEO 15
15
Kinmerew na Tulong nen Simon si Antioco a Kumapito
1Manlapud saray isla na Grecia si Antioco a lakin anak nen Ari Demetrio et impawit toy onggendan a sulat ed kinen Simon a Pangulon Pari tan gobirnador na saray Judio tan amin a totoo ed bansa:
2Si Ari Antioco so nanlapwan na sayan sulat a para Simon a Pangulon Pari tan gobirnador, tan para bansa na saray Judio. Awat yo pay maliket a pabanok. 3Onung na kabat yo la, say nanarian na saray lalakik et adakep na saray traidor. Getmak a babawien tan ipawil ed gendat ya inkatalonggaring to. Anipon ak la na amayamay a sondalon inuupaan tan angiparaan ak na saray bapor a para baka. 4Planok a looban so bansa tan dogpaan ko ray totoon nandederal na saray baley tan say bansa.
5Natan sirin, papaletan koy ag yo la pambabayar na buis tan saray arum a babayaran, say palabon impagamur ed sikayo na saray akaonan arari. 6Iitdan ta kayoy abuloy a manggaway dilin kuarta ya ikana ed dilin bansa yo. 7Ag la nepeg a mambuis so Jerusalem tan say Timplo. Mansiansian kayaryan yo iray armas a ginagawa yo tan saray impapaalagey yon tirinsira a panaayaman yo la natan. 8Sakey ni, apaandi lan anggad kapigan iray utang yo natan ed kayamanan na ari, odino anggan saray nautang yo ed arapen a panaon. 9Kapangipawil ko na nanarian ed pakaoley ko, iter kod sika, diad bansam, tan diad Timplo so baleg a kagalangan, pian nibantug ed intiron mundo so talonggaring na bansa yo.
10Nen taon 174,#15:10 TAON 174: Kapara to yay 138 K.C. nilooban nen Antioco so dalin na saray lalaki to. Karaklan na saray sondalo et akigampid sikato, kanyan dagdaiset iray atilak ya akigampid kinen Trifo. 11Si Trifo ya oosilan nen Antioco et batik ed siudad na Dor a walad gilig na dayat. 12Abirbir ton anggapo lay nagawaan to, natan ta imbatikan la na amin a sondalo to. 13Insan nilakob nen Antioco so Dor a kaiba toy sanlasus tan duamplon libon nipasapasal a sondalo tan walon libon sondalon akakabayo. 14Diad pananulong na saray bapor ton ondodogpa, sigput ton alakob so baley, kanyan apasoot ton anggapo lay toon makaloob odino makataynan diman.
Tinulongan na Roma iray Judio
15Legan to yan panaon, si Numenio tan saramay kakaiba to et sinmabi rad Jerusalem a nanlapud Roma a sankaawit day onggendan a sulat a para saray nandoroman arari tan bansa:
16Nanlapud kinen Lucio a mangilalaman na saray taga Roma so sayan sulat a para Ari Tolomeo. Awat mo pay maliket a pabanok. 17Sakey ya olup na saray manangilaman na saray kakaaro tan kagampi mi a Judio so sinmabid sikami, ta pasimbaloen day akaona lan pankakaaro tan pantutulongan mi. Imbaki ra na Pangulon Pari a si Simon tan saray Judio, 18tan sankataruk day rigalon balituk a samper, a mambelat na kapalduan tonilada. 19Kanyan nampapaknaan mi a sulaten iray nandoroman arari tan bansa, ta ipupurek mid sikaran ag da didiwiten a balut iray Judio, saray baley da, odino say bansa ra. Ag da nepeg a bakalen iray Judio, odino tulongan iray ondogpad sikara. 20Nampapaknaan mi ya awaten imay samper tan insipan min iyagel ira. 21Kanyan no wala ray traidor ya akataynan ed Judea tan piyagel ed dalin yo, ipalima yo ra ed kinen Simon a Pangulon Pari, pian nadusa to ra onung ed ganggan na saray Judio.
22Onyay insulat nen Lucio ed kinen Ari Demetrio, kinen Atalo, Ariarates, tan kinen Arsaces, 23tan amin da ray onggendan a bansa: Samsames, Esparta, Delos, Mindos, Sicion, Caria, Samos, Panfilia, Licia, Halicarnaso, Rodas, Faselis, Coas, Side Arado, Gortina, Nido, Chipre, tan Cirene. 24Nipatolur met ed kinen Simon a Pangulon Pari so sakey a kopia na sayan sulat.
Nilabanan nen Antioco a Kumapito si Simon
25Pinidwa nen Ari Antioco a nilakob so Dor, tan naynay ton dinogpaan. Nanggawa na saray plataporman panlakob, tan lapud impansara to, ag makaloob odino makapaway si Trifo tan saray totoo to. 26Angibaki si Simon na duan libon nipasapasal a sondalo to, pian natulongan day Antioco. Angipawit met na pilak tan balituk tan amayamay a kagawaan a para bakal. 27Balet ag ira inawat nen Antioco, tan binoral ton amin iray impipaknaan tod kinen Simon, tan nagmaliw a kalaban to. 28Insan imbaki nen Antioco so napanmatalkan ton opisyal a si Atenobio, pian makapitongtong ed kinen Simon. Inkuantod kinen Simon, Manaayam kad Jope, Gezer, tan say tirinsira ed Jerusalem; siudad iran sakop na nanarian ko. 29Dinederal mo ra tan lugar tan amayamay a gunigon so inyakar mod bansa. Dakel iray pasen ya impasilong mod pakayarim, anggaman a sakop ira na nanarian ko. 30Natan nepeg mon ipawil la ra tan a siudad a dinadakep mo, tan nepeg mon iter ed siak iray kuartan buis ya inaalam ed saray lugar a sinasakop mo a wala rad paway na Judea. 31No ag mo labay yan gawaen, nepeg mo ak sirin a bayaran na labintalon libo, sanlasus tan walomplon kilon kaaruman a pilak, pian nabayaran ak ed saray bengatlan aderal-deral tan saray abalang a buis. No ag ka onabuloy a manggawad anggan dinan ed saraya, bakalen mi kayo.
32Nen akasabid Jerusalem si Atenobio, nikelawan nen anengneng toy ontan lan karakep na palasio nen Simon, saray balituk tan saray pilak a kobyirto diad baleg a kuarton ponsiaan, tan saray arum a mangipapanengneng na baleg a kayamanan. Inyawat to may sulat na ari ed kinen Simon. 33Inmebat si Simon, Ag kami nin balut anakop na dalin ed arum iran bansa, odino anamsam na antokaman a kayaryan na arum a totoo. Say katwaan to et binabawi mi labat iray kayaryan a tinawir mid saray lalaki mi, say dalin a sinamsam ed sikami na saray kalaban mi. 34Aanamuten mi labat yan pankanawnawa min mamawi na saray tinawir mid saray lalaki mi. 35No nipaakar ed Jope tan Gezer ya ibabaga yon sakop yo, itdan mi kayo na duan libo, piton lasus tan duamplo tan piton kilon pilak, anggaman a saray totood saratan a siudad et mapalaloy impamapairap dad bansa mi.
Ag inmebat si Atenobio, 36balet mapalaloy pasnuk ton pinmawil ed ari. Nen imbaga tod ari so imbaga nen Simon, tan imbalita toy nipaakar ed ontan lan karakep na palasio nen Simon tan amin ya anengneng to, mapalalo so impakapasnuk na ari.
Say Impanalo nen Juan ed kinen Cendebeo
37Legan to ya, linmogan si Trifo ed bapor tan batik ed baley na Ortosia. 38Tinoro nen Ari Antioco si Cendebeo a pangulo na saray sondalo ed saray pasen ya asingger ed dayat, initdan to na saray sondalon akaran tan saray sondalon akakabayo, 39tan ingganggan ton bakalen toy Judea. Ingganggan to met a pasimbaloen ton ipaalagey so baley na Kidron tan paletan to ray puirta to, pian labanan to ray Judio. Intuloy na ari ya inosilan si Trifo.
40Insan akasabid Jabnia si Cendebeo tan ginapwan ton tinataktakot iray Judio diad inloob tod Judea, impandakep tod saray totoo, tan impanpatey tod sikara. 41Pinasimbalo ton impaalagey so Kidron tan angipasen diman na saray sondalon akakabayo tan saray sondalon akaran, pian nadogpaan toy Judea tan naguardiaan to ray dalan, onung na ingganggan ed sikato na ari.
ទើបបានជ្រើសរើសហើយ៖
Say Ononan Libro na SARAY MACABEO 15: PnPV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Philippine Bible Society New Testament © 1977, Bible © 1983
Say Ononan Libro na SARAY MACABEO 15
15
Kinmerew na Tulong nen Simon si Antioco a Kumapito
1Manlapud saray isla na Grecia si Antioco a lakin anak nen Ari Demetrio et impawit toy onggendan a sulat ed kinen Simon a Pangulon Pari tan gobirnador na saray Judio tan amin a totoo ed bansa:
2Si Ari Antioco so nanlapwan na sayan sulat a para Simon a Pangulon Pari tan gobirnador, tan para bansa na saray Judio. Awat yo pay maliket a pabanok. 3Onung na kabat yo la, say nanarian na saray lalakik et adakep na saray traidor. Getmak a babawien tan ipawil ed gendat ya inkatalonggaring to. Anipon ak la na amayamay a sondalon inuupaan tan angiparaan ak na saray bapor a para baka. 4Planok a looban so bansa tan dogpaan ko ray totoon nandederal na saray baley tan say bansa.
5Natan sirin, papaletan koy ag yo la pambabayar na buis tan saray arum a babayaran, say palabon impagamur ed sikayo na saray akaonan arari. 6Iitdan ta kayoy abuloy a manggaway dilin kuarta ya ikana ed dilin bansa yo. 7Ag la nepeg a mambuis so Jerusalem tan say Timplo. Mansiansian kayaryan yo iray armas a ginagawa yo tan saray impapaalagey yon tirinsira a panaayaman yo la natan. 8Sakey ni, apaandi lan anggad kapigan iray utang yo natan ed kayamanan na ari, odino anggan saray nautang yo ed arapen a panaon. 9Kapangipawil ko na nanarian ed pakaoley ko, iter kod sika, diad bansam, tan diad Timplo so baleg a kagalangan, pian nibantug ed intiron mundo so talonggaring na bansa yo.
10Nen taon 174,#15:10 TAON 174: Kapara to yay 138 K.C. nilooban nen Antioco so dalin na saray lalaki to. Karaklan na saray sondalo et akigampid sikato, kanyan dagdaiset iray atilak ya akigampid kinen Trifo. 11Si Trifo ya oosilan nen Antioco et batik ed siudad na Dor a walad gilig na dayat. 12Abirbir ton anggapo lay nagawaan to, natan ta imbatikan la na amin a sondalo to. 13Insan nilakob nen Antioco so Dor a kaiba toy sanlasus tan duamplon libon nipasapasal a sondalo tan walon libon sondalon akakabayo. 14Diad pananulong na saray bapor ton ondodogpa, sigput ton alakob so baley, kanyan apasoot ton anggapo lay toon makaloob odino makataynan diman.
Tinulongan na Roma iray Judio
15Legan to yan panaon, si Numenio tan saramay kakaiba to et sinmabi rad Jerusalem a nanlapud Roma a sankaawit day onggendan a sulat a para saray nandoroman arari tan bansa:
16Nanlapud kinen Lucio a mangilalaman na saray taga Roma so sayan sulat a para Ari Tolomeo. Awat mo pay maliket a pabanok. 17Sakey ya olup na saray manangilaman na saray kakaaro tan kagampi mi a Judio so sinmabid sikami, ta pasimbaloen day akaona lan pankakaaro tan pantutulongan mi. Imbaki ra na Pangulon Pari a si Simon tan saray Judio, 18tan sankataruk day rigalon balituk a samper, a mambelat na kapalduan tonilada. 19Kanyan nampapaknaan mi a sulaten iray nandoroman arari tan bansa, ta ipupurek mid sikaran ag da didiwiten a balut iray Judio, saray baley da, odino say bansa ra. Ag da nepeg a bakalen iray Judio, odino tulongan iray ondogpad sikara. 20Nampapaknaan mi ya awaten imay samper tan insipan min iyagel ira. 21Kanyan no wala ray traidor ya akataynan ed Judea tan piyagel ed dalin yo, ipalima yo ra ed kinen Simon a Pangulon Pari, pian nadusa to ra onung ed ganggan na saray Judio.
22Onyay insulat nen Lucio ed kinen Ari Demetrio, kinen Atalo, Ariarates, tan kinen Arsaces, 23tan amin da ray onggendan a bansa: Samsames, Esparta, Delos, Mindos, Sicion, Caria, Samos, Panfilia, Licia, Halicarnaso, Rodas, Faselis, Coas, Side Arado, Gortina, Nido, Chipre, tan Cirene. 24Nipatolur met ed kinen Simon a Pangulon Pari so sakey a kopia na sayan sulat.
Nilabanan nen Antioco a Kumapito si Simon
25Pinidwa nen Ari Antioco a nilakob so Dor, tan naynay ton dinogpaan. Nanggawa na saray plataporman panlakob, tan lapud impansara to, ag makaloob odino makapaway si Trifo tan saray totoo to. 26Angibaki si Simon na duan libon nipasapasal a sondalo to, pian natulongan day Antioco. Angipawit met na pilak tan balituk tan amayamay a kagawaan a para bakal. 27Balet ag ira inawat nen Antioco, tan binoral ton amin iray impipaknaan tod kinen Simon, tan nagmaliw a kalaban to. 28Insan imbaki nen Antioco so napanmatalkan ton opisyal a si Atenobio, pian makapitongtong ed kinen Simon. Inkuantod kinen Simon, Manaayam kad Jope, Gezer, tan say tirinsira ed Jerusalem; siudad iran sakop na nanarian ko. 29Dinederal mo ra tan lugar tan amayamay a gunigon so inyakar mod bansa. Dakel iray pasen ya impasilong mod pakayarim, anggaman a sakop ira na nanarian ko. 30Natan nepeg mon ipawil la ra tan a siudad a dinadakep mo, tan nepeg mon iter ed siak iray kuartan buis ya inaalam ed saray lugar a sinasakop mo a wala rad paway na Judea. 31No ag mo labay yan gawaen, nepeg mo ak sirin a bayaran na labintalon libo, sanlasus tan walomplon kilon kaaruman a pilak, pian nabayaran ak ed saray bengatlan aderal-deral tan saray abalang a buis. No ag ka onabuloy a manggawad anggan dinan ed saraya, bakalen mi kayo.
32Nen akasabid Jerusalem si Atenobio, nikelawan nen anengneng toy ontan lan karakep na palasio nen Simon, saray balituk tan saray pilak a kobyirto diad baleg a kuarton ponsiaan, tan saray arum a mangipapanengneng na baleg a kayamanan. Inyawat to may sulat na ari ed kinen Simon. 33Inmebat si Simon, Ag kami nin balut anakop na dalin ed arum iran bansa, odino anamsam na antokaman a kayaryan na arum a totoo. Say katwaan to et binabawi mi labat iray kayaryan a tinawir mid saray lalaki mi, say dalin a sinamsam ed sikami na saray kalaban mi. 34Aanamuten mi labat yan pankanawnawa min mamawi na saray tinawir mid saray lalaki mi. 35No nipaakar ed Jope tan Gezer ya ibabaga yon sakop yo, itdan mi kayo na duan libo, piton lasus tan duamplo tan piton kilon pilak, anggaman a saray totood saratan a siudad et mapalaloy impamapairap dad bansa mi.
Ag inmebat si Atenobio, 36balet mapalaloy pasnuk ton pinmawil ed ari. Nen imbaga tod ari so imbaga nen Simon, tan imbalita toy nipaakar ed ontan lan karakep na palasio nen Simon tan amin ya anengneng to, mapalalo so impakapasnuk na ari.
Say Impanalo nen Juan ed kinen Cendebeo
37Legan to ya, linmogan si Trifo ed bapor tan batik ed baley na Ortosia. 38Tinoro nen Ari Antioco si Cendebeo a pangulo na saray sondalo ed saray pasen ya asingger ed dayat, initdan to na saray sondalon akaran tan saray sondalon akakabayo, 39tan ingganggan ton bakalen toy Judea. Ingganggan to met a pasimbaloen ton ipaalagey so baley na Kidron tan paletan to ray puirta to, pian labanan to ray Judio. Intuloy na ari ya inosilan si Trifo.
40Insan akasabid Jabnia si Cendebeo tan ginapwan ton tinataktakot iray Judio diad inloob tod Judea, impandakep tod saray totoo, tan impanpatey tod sikara. 41Pinasimbalo ton impaalagey so Kidron tan angipasen diman na saray sondalon akakabayo tan saray sondalon akaran, pian nadogpaan toy Judea tan naguardiaan to ray dalan, onung na ingganggan ed sikato na ari.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Philippine Bible Society New Testament © 1977, Bible © 1983