Say Ononan Libro na SARAY MACABEO 12
12
Akigampi si Jonatan ed Roma tan Esparta
1Nen anengneng nen Jonatan a pankaabigan toy nagagawa, amili na saray ibabaki to tan pinaonla to rad Roma a mamalet tan mamasimbalo na pikakaaro rad saray taga Roma. 2Angipawit met na saray sulat ya onman met so karga ra, diad Esparta tan arum a pasen. 3Linmad Roma ira may ibabaki, a diman naawat irad kuartoy Sinado, tan imbalita ra ya imbaki ra nen Jonatan a Pangulon Pari tan say bansa na saray Judio, pian napasimbalo ray gendat a pikakaaro tan pigagampi rad Roma. 4Initdan ira na saray taga Roma na saray sulat a para saray makaoley na balang bansa a dalanen da, pian ag da ra diwiten ed ipawil dad dalin na Judea.
5Saya so kopia na sulat nen Jonatan ed saray taga Esparta:
6Si Jonatan a Pangulon Pari, saray pangulo na bansa, saray papari, tan amin da ray arum a totood Judea so nanlapwan na sayan sulat a para saray agagi mid Esparta. Awat yo pay maliket a pabano mid sikayo. 7Nen saman a panaon sinulat na ari yon si Ario sa Pangulon Pari mi a si Onias, tan imbaga tod man a walay siglaotan na saray bansa tayo, onung na ipapanengneng na nitekep dian kopia na saman a sulat. 8Nagnap a panamagalang so impangawat nen Onias ed ibabaki yo tan binirbir toy impakaawat to na sulat yo, ya ibabaga toy panggagampi tan pankakaaro tayo. 9Et natan, anggaman ya ag mi la nakaukolan so pigampi yod sikami, bangta say panlalapwan na biskeg mi et saray masanton libro mi, 10nansulat kami a pamasimbalo na piaagi tan pikakaro mid sikayo. Ag mi labay a magmaliw kamin sangkaili ed sikayo, tan amayamay lan taon so apalabas nanlapu lad samay kaonuran ya impansulat yo. 11Legan na saraman a taon, ginawa miy anggaay nayarin mi a nunoten mi kayo no mangibagat kami tan no mampikasi kami, diad saray agew na pista mi tan diad saray agew a makana, onung ed manepeg a gawaen na sanaagi. 12Maliket kami met a nibantug kayo. 13Balet nantotombukan iray gunigon mi tan kinaukolan a mibakal kamin mabetbet, lapud naynay so idodogpad sikami na saray kaliber-liber a bansa. 14Legan na sayan panaon na bakal, ag mi nilabay a gunigonen kayo tan saray arum a kagampi tan kaaro mi, 15bangta walad sikami so pananulong na Katawan, ya analod saray kalaban mi tan angyagel ed sikamid. 16Kanyan pinili mi si Numenio a lakin anak nen Antioco tan si Antipater a lakin anak nen Jason, tan imbaki mi rad Roma a mamasimbalo na pikakaaro tan pigagampi mid saray tagad man. 17Ingganggan mi met iran onlad sikayo a mangipasabi na maliket a pabano mi tan mangiter ed sikayo na sayan sulat a nipaakar ed pamasimbalo na panaagi tayo. 18Et natan kekerewen mi ya ebatan yo pa yan sulat mid sikayo.
19Say onggendan et say kopia na samay sulat ya asalita:
20Nanlapud Ari Ario na Esparta yan sulat a para Onias a Pangulon Pari. Awat mo pay maliket a pabanok. 21Akalmo kami na sakey a kasulatan a mangibabaga a sankakanayon itayo tan si Abraham so sengeg na saray bansa tayo. 22Natan ta naamtaan tayo ya, ipangasi yon ibalitad sikami so kipapasen yo. 23Diad iyebat mi, mangipawit kamiy sulat ya ibaga miy bulos na linawa min manginagnag ed sikayo na saray kayamanan mi, pati saray ayayep tan saray kayaryan mi, no onya met so gawaen yo. Ingganggan mi ray ibabaki mi ya idalatdat day nipaakar ed sarayan bengatla.
Saray Impibakal nen Jonatan tan si Simon
24Akabatan nen Jonatan a saray opisyal nen Demetrio et pinmawil iran ondogpad sikato, a kaiba ray sondalon dakerakel ni nen saray inmona. 25Ag nilabay nen Jonatan a nawalaan ira na pankanawnawan makaloob ed lugar to, kanyan tinmaynan ed Jerusalem tan nila to ran abeten ed Hamat. 26Angibakiy Jonatan na saray ispia ed kampo da ray kalaban, et imbalita rad sikato ya iplaplano na saray sondalon kalaban a dogpaan da ray Judio no labi. 27Diad kaselek na agew ingganggan nen Jonatan a manalwar iray sondalo to tan iparaan da ray armas da, pian makalaban ira ed anggan anton oras ya idogpa na saray kalaban legay labi. Angipasen met na saray guardia ed kaliber-liber na kampo. 28Nen akabatan na saray sondalon kalaban a si Jonatan tan saray totoo to et akaparaan iran mibakal, atalagnaw ira, batik ira, tan tinaynan dan mandarlang iray bunton na kiew a pinopoolan dad kawalaay kampo ra. 29Anengneng nen Jonatan tan saray totoo to ira may bunton na kiew a mandarlang ed kawalaay kampo, balet ag da naamtaan ya anggad kabwasan no antoy agawa. 30Insan inosilan ira nen Jonatan, balet ag to la ra naabot lapud abaliw da lay Ilog na Eleutero. 31Insan inmiwas si Jonatan tan dinogpaan toy sakey a tribu na saray Arabe a tatawagen iray Zabedeano. Tinalo to ra tan sinasamsam to ray kayaryan da. 32Insan tinaynan toy kampo to tan linmad Damasco, tan ninenengneng ton amin iray pasen a dinalan to.
33Legan to yan panaon, si Simon met et pinmaway a mibakal tan nakar toy anggad Ascalon tan saray asingger a tirinsira. Inmiwas ed Jope 34tan angipasen diman na saray sondalo to, lapud nadngelan ton saray totood man et nununoten dan ipalimad saray sondalo nen Demetrio so tirinsirad Jope.
35Nen pinmawil lay Jonatan, tinawag toy olup na saray pangulo na bansa tan implano da so pangipaalagey dad Judea na saray tirinsira, 36pamaatagey da na saray padir na Jerusalem, tan pangipaalagey day atagey a padir a mamasian na tirinsira tan say siudad. Sikato yay mangibiig ed tirinsira, kanyan ag nayarin makasaliw odino makalako na bengatla iray kalaban. 37Saray totoo nantutulongan iran amabiskeg na saray tirinsira na siudad, lapud nagba so sakey a kabyangan na nibokig a padir diad tonton na Patar na Kidron tan nakaukolan ya apigeren so kabyangan a tatawagey Cafenata. 38Pinasimbalo met nen Simon ya impaalagey so baley na Adida diad alusadsar na saray pokdul. Inggawaan toy tirinsira tan amaalagey na saray abalewetan a puirta.
Dinakep nen Trifo si Jonatan
39Insan angiplano si Trifo na komplut a sumpad Ari Antioco, pian sikatoy magmaliw ya ari na Siria. 40Balet antakot ompan ag ya abubonan nen Jonatan, et bakalen to pian napaer to. Kanyan imparaan nen Trifo iray sondalo to tan linmad Betsan ya iilaloan ton nadakep si Jonatan tan napatey to. 41Balet linma met ed Betsan si Jonatan a kaiba toy apataplon libon nipasapasal a sondalo to. 42Nen anengneng nen Trifo so ontan lan karakel na inawit nen Jonatan a sondalo to, antakot lan onggalaw. 43Kanyan ontan lay impamagalang tan impangawat tod sikato, imparontal tod amin a sumisimbawa to, initdan to na saray rigalo, tan ingganggan to ray sumisimbawa to tan saray sondalo to ya onuren day Jonatan a singa panangonur dad sikato. 44Tinepet tod kinen Jonatan, Akin et inabalam nin mapalalo ira yan sondalo anta ag ta met mankalaban? 45Pasempet mo la ra. Mamili ka na pigaran totoom a mangolup ed sika, ta onla ta ed Tolemaida. Ipalimak ed sikaiman a siudad tan saray arum a tirinsira, saray sondalo, tan amin da ray opisyal. Insan ak ompawil tan taynan ta ka. Say katwaan to et sikato yay makasengeg na inakaran ko dia. 46Sinisia nen Jonatan si Trifo, kanyan inonur toy simbawa to a papawilen to lad Judea iray sondalo to. 47Inawit toy talon libon lalaki, balet intilak tod Galilea so duan libo, tan sansanliboy akiolup ed sikato ya anggad laen to. 48Balet nen kaloob dad Tolemaida, insara na saray totoo iray puirta na siudad, inerel day Jonatan, tan pinatey dan amin ira may akilad sikato.
49Si Trifo angibakid Galilea tan diad Patar na Jezreel na saray sondalo ton akaran tan saray akakabayo, ta pateyen da ra may arum a sondalo nen Jonatan. 50Abaloan na saramay Judion sondalo ya adakep si Jonatan tan apatey, a kaiba to ra may angolup ed sikato, kanyan nampapabiskegan iray linawa tan sinmulong iran mibakal. 51Nen saramay onaasingger a sondalon kalaban et anengneng dan akaparaan iray Judion mibakal a mangyagel na bilay da, pinmoliktar ira. 52Insan pinmawil ed Jerusalem ira may sondalon Judio ya anggapoy maoges ya agawad sikara, balet mapalaloy katatakot da. Mapalaloy impanermen na intiron bansa, ta ipapasen dan apatey lay Jonatan tan amin a totoo to. 53Amin natan a kaliber-liber a bansa et sinali da ran deralen. Abaloan dan anggapo lay pangulo na saray Judio tan saray kagampi ra, kanyan sikato la yay pankakawnawa ran mamaandipat ed sikara tan mangerep na awaran da.
ទើបបានជ្រើសរើសហើយ៖
Say Ononan Libro na SARAY MACABEO 12: PnPV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Philippine Bible Society New Testament © 1977, Bible © 1983
Say Ononan Libro na SARAY MACABEO 12
12
Akigampi si Jonatan ed Roma tan Esparta
1Nen anengneng nen Jonatan a pankaabigan toy nagagawa, amili na saray ibabaki to tan pinaonla to rad Roma a mamalet tan mamasimbalo na pikakaaro rad saray taga Roma. 2Angipawit met na saray sulat ya onman met so karga ra, diad Esparta tan arum a pasen. 3Linmad Roma ira may ibabaki, a diman naawat irad kuartoy Sinado, tan imbalita ra ya imbaki ra nen Jonatan a Pangulon Pari tan say bansa na saray Judio, pian napasimbalo ray gendat a pikakaaro tan pigagampi rad Roma. 4Initdan ira na saray taga Roma na saray sulat a para saray makaoley na balang bansa a dalanen da, pian ag da ra diwiten ed ipawil dad dalin na Judea.
5Saya so kopia na sulat nen Jonatan ed saray taga Esparta:
6Si Jonatan a Pangulon Pari, saray pangulo na bansa, saray papari, tan amin da ray arum a totood Judea so nanlapwan na sayan sulat a para saray agagi mid Esparta. Awat yo pay maliket a pabano mid sikayo. 7Nen saman a panaon sinulat na ari yon si Ario sa Pangulon Pari mi a si Onias, tan imbaga tod man a walay siglaotan na saray bansa tayo, onung na ipapanengneng na nitekep dian kopia na saman a sulat. 8Nagnap a panamagalang so impangawat nen Onias ed ibabaki yo tan binirbir toy impakaawat to na sulat yo, ya ibabaga toy panggagampi tan pankakaaro tayo. 9Et natan, anggaman ya ag mi la nakaukolan so pigampi yod sikami, bangta say panlalapwan na biskeg mi et saray masanton libro mi, 10nansulat kami a pamasimbalo na piaagi tan pikakaro mid sikayo. Ag mi labay a magmaliw kamin sangkaili ed sikayo, tan amayamay lan taon so apalabas nanlapu lad samay kaonuran ya impansulat yo. 11Legan na saraman a taon, ginawa miy anggaay nayarin mi a nunoten mi kayo no mangibagat kami tan no mampikasi kami, diad saray agew na pista mi tan diad saray agew a makana, onung ed manepeg a gawaen na sanaagi. 12Maliket kami met a nibantug kayo. 13Balet nantotombukan iray gunigon mi tan kinaukolan a mibakal kamin mabetbet, lapud naynay so idodogpad sikami na saray kaliber-liber a bansa. 14Legan na sayan panaon na bakal, ag mi nilabay a gunigonen kayo tan saray arum a kagampi tan kaaro mi, 15bangta walad sikami so pananulong na Katawan, ya analod saray kalaban mi tan angyagel ed sikamid. 16Kanyan pinili mi si Numenio a lakin anak nen Antioco tan si Antipater a lakin anak nen Jason, tan imbaki mi rad Roma a mamasimbalo na pikakaaro tan pigagampi mid saray tagad man. 17Ingganggan mi met iran onlad sikayo a mangipasabi na maliket a pabano mi tan mangiter ed sikayo na sayan sulat a nipaakar ed pamasimbalo na panaagi tayo. 18Et natan kekerewen mi ya ebatan yo pa yan sulat mid sikayo.
19Say onggendan et say kopia na samay sulat ya asalita:
20Nanlapud Ari Ario na Esparta yan sulat a para Onias a Pangulon Pari. Awat mo pay maliket a pabanok. 21Akalmo kami na sakey a kasulatan a mangibabaga a sankakanayon itayo tan si Abraham so sengeg na saray bansa tayo. 22Natan ta naamtaan tayo ya, ipangasi yon ibalitad sikami so kipapasen yo. 23Diad iyebat mi, mangipawit kamiy sulat ya ibaga miy bulos na linawa min manginagnag ed sikayo na saray kayamanan mi, pati saray ayayep tan saray kayaryan mi, no onya met so gawaen yo. Ingganggan mi ray ibabaki mi ya idalatdat day nipaakar ed sarayan bengatla.
Saray Impibakal nen Jonatan tan si Simon
24Akabatan nen Jonatan a saray opisyal nen Demetrio et pinmawil iran ondogpad sikato, a kaiba ray sondalon dakerakel ni nen saray inmona. 25Ag nilabay nen Jonatan a nawalaan ira na pankanawnawan makaloob ed lugar to, kanyan tinmaynan ed Jerusalem tan nila to ran abeten ed Hamat. 26Angibakiy Jonatan na saray ispia ed kampo da ray kalaban, et imbalita rad sikato ya iplaplano na saray sondalon kalaban a dogpaan da ray Judio no labi. 27Diad kaselek na agew ingganggan nen Jonatan a manalwar iray sondalo to tan iparaan da ray armas da, pian makalaban ira ed anggan anton oras ya idogpa na saray kalaban legay labi. Angipasen met na saray guardia ed kaliber-liber na kampo. 28Nen akabatan na saray sondalon kalaban a si Jonatan tan saray totoo to et akaparaan iran mibakal, atalagnaw ira, batik ira, tan tinaynan dan mandarlang iray bunton na kiew a pinopoolan dad kawalaay kampo ra. 29Anengneng nen Jonatan tan saray totoo to ira may bunton na kiew a mandarlang ed kawalaay kampo, balet ag da naamtaan ya anggad kabwasan no antoy agawa. 30Insan inosilan ira nen Jonatan, balet ag to la ra naabot lapud abaliw da lay Ilog na Eleutero. 31Insan inmiwas si Jonatan tan dinogpaan toy sakey a tribu na saray Arabe a tatawagen iray Zabedeano. Tinalo to ra tan sinasamsam to ray kayaryan da. 32Insan tinaynan toy kampo to tan linmad Damasco, tan ninenengneng ton amin iray pasen a dinalan to.
33Legan to yan panaon, si Simon met et pinmaway a mibakal tan nakar toy anggad Ascalon tan saray asingger a tirinsira. Inmiwas ed Jope 34tan angipasen diman na saray sondalo to, lapud nadngelan ton saray totood man et nununoten dan ipalimad saray sondalo nen Demetrio so tirinsirad Jope.
35Nen pinmawil lay Jonatan, tinawag toy olup na saray pangulo na bansa tan implano da so pangipaalagey dad Judea na saray tirinsira, 36pamaatagey da na saray padir na Jerusalem, tan pangipaalagey day atagey a padir a mamasian na tirinsira tan say siudad. Sikato yay mangibiig ed tirinsira, kanyan ag nayarin makasaliw odino makalako na bengatla iray kalaban. 37Saray totoo nantutulongan iran amabiskeg na saray tirinsira na siudad, lapud nagba so sakey a kabyangan na nibokig a padir diad tonton na Patar na Kidron tan nakaukolan ya apigeren so kabyangan a tatawagey Cafenata. 38Pinasimbalo met nen Simon ya impaalagey so baley na Adida diad alusadsar na saray pokdul. Inggawaan toy tirinsira tan amaalagey na saray abalewetan a puirta.
Dinakep nen Trifo si Jonatan
39Insan angiplano si Trifo na komplut a sumpad Ari Antioco, pian sikatoy magmaliw ya ari na Siria. 40Balet antakot ompan ag ya abubonan nen Jonatan, et bakalen to pian napaer to. Kanyan imparaan nen Trifo iray sondalo to tan linmad Betsan ya iilaloan ton nadakep si Jonatan tan napatey to. 41Balet linma met ed Betsan si Jonatan a kaiba toy apataplon libon nipasapasal a sondalo to. 42Nen anengneng nen Trifo so ontan lan karakel na inawit nen Jonatan a sondalo to, antakot lan onggalaw. 43Kanyan ontan lay impamagalang tan impangawat tod sikato, imparontal tod amin a sumisimbawa to, initdan to na saray rigalo, tan ingganggan to ray sumisimbawa to tan saray sondalo to ya onuren day Jonatan a singa panangonur dad sikato. 44Tinepet tod kinen Jonatan, Akin et inabalam nin mapalalo ira yan sondalo anta ag ta met mankalaban? 45Pasempet mo la ra. Mamili ka na pigaran totoom a mangolup ed sika, ta onla ta ed Tolemaida. Ipalimak ed sikaiman a siudad tan saray arum a tirinsira, saray sondalo, tan amin da ray opisyal. Insan ak ompawil tan taynan ta ka. Say katwaan to et sikato yay makasengeg na inakaran ko dia. 46Sinisia nen Jonatan si Trifo, kanyan inonur toy simbawa to a papawilen to lad Judea iray sondalo to. 47Inawit toy talon libon lalaki, balet intilak tod Galilea so duan libo, tan sansanliboy akiolup ed sikato ya anggad laen to. 48Balet nen kaloob dad Tolemaida, insara na saray totoo iray puirta na siudad, inerel day Jonatan, tan pinatey dan amin ira may akilad sikato.
49Si Trifo angibakid Galilea tan diad Patar na Jezreel na saray sondalo ton akaran tan saray akakabayo, ta pateyen da ra may arum a sondalo nen Jonatan. 50Abaloan na saramay Judion sondalo ya adakep si Jonatan tan apatey, a kaiba to ra may angolup ed sikato, kanyan nampapabiskegan iray linawa tan sinmulong iran mibakal. 51Nen saramay onaasingger a sondalon kalaban et anengneng dan akaparaan iray Judion mibakal a mangyagel na bilay da, pinmoliktar ira. 52Insan pinmawil ed Jerusalem ira may sondalon Judio ya anggapoy maoges ya agawad sikara, balet mapalaloy katatakot da. Mapalaloy impanermen na intiron bansa, ta ipapasen dan apatey lay Jonatan tan amin a totoo to. 53Amin natan a kaliber-liber a bansa et sinali da ran deralen. Abaloan dan anggapo lay pangulo na saray Judio tan saray kagampi ra, kanyan sikato la yay pankakawnawa ran mamaandipat ed sikara tan mangerep na awaran da.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Philippine Bible Society New Testament © 1977, Bible © 1983