Maa 1
1
Zãa Da'ilɛna waasokɛa
(Mat 3.1-17; Luk 3.1-22; Zãa 1.19-28)
1Lua Nɛ Yesu Kilisi baon kɛ: 2À dàalɛ lá a ku ãnabi Isaia lá guuwaɛ à mɛ̀:
Má a zĩna zĩ aà dɔaanɛ,
i zɛkɛkɛnɛ.#Mal 3.1
3Ma! Wàlɛ kpawakɛ gbáau wàlɛ mɛ,
à zɛkɛkɛ Diiɛ,
à zɛwɛwɛnaɔ pooɛ̀ susu.#Isa 40.3
4Beewa ɔ̃ Zãa Da'ilɛna kuò gbáau, àlɛ waasokɛ, a ò gbɛ̃́ɔnɛ aa nɔsɛlilɛ aa da'ilɛkɛ, Lua i ń duuna kɛ̃má. 5Yude busudeɔ ń Yelusalɛũdeɔ gɛ̀ aà kĩi mpii, aa ń duunaɔ ò gupuau, ɔ̃ à ń da'ilɛkɛ̀ Yuudɛ̃i. 6Zãapi ìɔ ula pɔ wa tã̀ ń yiongo kão daa, báa sãntilii ɔ̃ ìɔ dɔa a pi.#2 Kia 1.8 Kwa ń zɔ'io mɛ́ aà pɔblea ũ. 7Ìɔ waasokɛ ì mɛ: Gbɛ̃e a mɔ ma gbɛa, aà iko dɛmala. Mi ka mà kulɛ mà aà sabala bɔbɔɛ̀o. 8Mi á da'ilɛkɛ ń íoɛ. Gbɛ̃́pi sɔ̃, ɔ̃mɛ a á da'ilɛkɛ ń Lua Nisĩnao.
9Gɔɔ bee Yesu bɔ̀ Nazalɛti, Galile busuu, à mɔ̀, ɔ̃ Zãa aà da'ilɛkɛ̀ Yuudɛ̃i. 10Kɛ́ Yesu bùa gɔ̃̀ɔ, a è luabɛ lɛ́ wɛ̃aa, Lua Nisĩna lɛ́ su lan felenawa, à dìɛ. 11Ɔ̃ à yã'o mà, à bɔ̀ luabɛ à mɛ̀: Ma Nɛn n ũ, má yenzi, ma pɔ kɛ̀ma na.#Soũ 2.7; Isa 42.1
12Zĩ́ bee Nisĩnapi nàɛwà à gɛ̀ gbáau, 13ɔ̃ a ku we ń sɛ̃anɔbɔɔ e gɔɔ bla, Setãu lɛ́ aà yɔ̃. Ɔ̃ malaikaɔ mɔ̀ dɔ̀aalɛ.
Yesu a iwa sɛ̃iaɔ sisia
(Mat 4.18-22; Luk 5.1-11)
14Zãa kũa gbɛa ɔ̃ Yesu tà Galile, àlɛ bao pɔ bɔ̀ Lua kĩi kpawakɛ 15à mɛ̀: A gɔɔ kà, kia pɔ Lua kpà ku kãi. À nɔsɛlilɛ, í aà bao sí.
16Kɛ́ Yesu lɛ́ dɔ Galile isidai, à kpɔwɛnaɔ è, Simɔ ń a dãuna Ãndeleo, aalɛ taaluzu isidapiu. 17Ɔ̃ Yesu ònɛ́: À tɛmazi, mí á kɛ gbɛ̃wɛɛlɛnaɔ ũ. 18Wegɔ̃ɔ aa ń taaluɔ tò we, aa bɔ̀ tɛ̀aazi. 19Kɛ́ à gɛ̀ aɛ yɔɔ, à Zebede nɛɔ è, Zaki ń a dãuna Zãao. Aa ku go'ilɛna guu, aalɛ ń taaluɔ kɛkɛ. 20Wegɔ̃ɔ à ń sisì, ɔ̃ aa ń mae Zebede ń zĩkɛnaɔ tò gó guu we, aa bɔ̀ tɛ̀aazi.
Yesu kua Kapɛnaũ
(Mat 8.14-17; Luk 4.31-44)
21Aa kà Kapɛnaũ. Kɛ́ kãmabogɔɔ kà, Yesu gɛ̀ luasisikpɛu, àlɛ yãdadanɛ́. 22Aà yãdaanɛ́ bɔ̀ ń saɛ, asa ì danɛ́ ń ikooɛ, ìli kɛ lan Mɔizi ikoyãdanɛdeɔwao.
23Zĩ́ bee gɔ̃ɛ tãadee ku kpɛ́piu. Aà tãa mɔ̀, ɔ̃ à pũ̀na à mɛ̀: 24Bɔ́ wá vĩ ń kɔ̃oi Yesu Nazalɛti? N mɔ wá kaalɛi yã? Má dɔ̃ gbɛ̃́ pɔ ń dɛ a ũ. Lua gbɛ̃́ pɔ a kua adoan n ũ. 25Ɔ̃ Yesu gì tãapiɛ à mɛ̀: Nilɛ! Go gbɛ̃́piwa. 26Ɔ̃ tãapi aà zĩ̀azĩa, à wii gbãa lɛ̀, ɔ̃ à gòwà. 27Gbɛ̃pii bilikɛ̀, aalɛ kɔ̃lala aalɛ mɛ: Bɔtaa bui yãn wei? Yã dafu daanɛ́ yã? Ì danɛ́ ń ikooɛ. Baa tãaɔ, tó à yãdìlɛnɛ́, aaì aà yãmaɛ. 28Ɔ̃ kãndo Yesu tɔ́ lì Galile busua pii.
29Kɛ́ Yesu bɔ̀ luasisikpɛu, ɔ̃ à tà Simɔ ń Ãndeleo bɛ gɔ̃̀ɔ ń Zakio ń Zãao. 30Simɔ nada lɛ́ sionakɛ wulɛa, ɔ̃ wà aà yã'ò Yesuɛ gɔ̃̀ɔ. 31À gɛ̀ aà kĩi, à aà kũ̀ a ɔwa à aà fɛ̀lɛ. Ɔ̃ aà sionapi wèewà, ɔ̃ à blɛkɛ̀nɛ́.
32Kɛ́ oosi kɛ̀, ĩatɛ̃ lɛ́ gɛ̃ kpɛ́u, wà mɔ̀ɛ̀ ń gyãeɔ ń tãadeɔ pii. 33Wɛ̃lɛdeɔ kã̀aa aà kpɛ́ kpɛɛlɛ pii. 34À ń gbãgbã̀ dasi ń ń gyã bui piio, à tãaɔ gònɛ́ lɔ dasi. Ìli tãaɔ gba zɛ́ aa yã'òo, asa aa dɔ̃ gbɛ̃́ pɔ a dɛ a ũɛ.
35Gufɛ̃nɛ káaukaau Yesu fɛ̀lɛ, à bɔ̀ gɛ̀ sɛ̃u gusaɛna, àlɛ wabikɛ we. 36Ɔ̃ Simɔ ń a gbɛ̃́ɔ pɛ̀lɛaazi. 37Kɛ́ aa bɔ̀wà, aa òɛ̀: Gbɛ̃pii lɛ́ n gbɛa. 38Ɔ̃ a ònɛ́: Wà gɛ́ gupãlei, wɛ̃lɛ pɔ ku wá saɛɔ guu, mí waasokɛ we lɔ, asa a yãi ma mɔi. 39Màa ìɔ bɛbɛ Galile busuu pii, ìɔ waasokɛ an luasisikpɛɔ guu, ìɔ tãaɔ gonɛ́.
40Ɔ̃ kusudee mɔ̀ aà kĩi, à kùlɛ à wabikɛ̀wà à mɛ̀: Tó ń yei, ńyɔ̃ fɔ̃ ǹ to mà gɔ̃ sãasai. 41À kɛ̀ Yesuɛ wɛ̃naũ, ɔ̃ à ɔbɔ̀ a nàwà à mɛ̀: Má yei, gɔ̃ sãasai. 42Wegɔ̃ɔ aà kusu làa, à gɔ̃̀ sãasai. 43Ɔ̃ Yesu aà gbàɛ gɔ̃̀ɔ, à gìɛ̀ à mɛ̀: 44Nsu o gbɛ̃e mao. Gɛ ǹ nzĩa ɔlɔ sa'onaɛ, ní sa pɔ Mɔizi dìlɛ o n gɔ̃a sãasai seela ũ gbɛ̃́ɔnɛ.#Lev 14.1-2 45Kɛ́ à bɔ̀, à gɛ̀ àlɛ yãpi o'onɛ́. Yãpi lì gua, ɔ̃ Yesu lí fɔ̃ gɛ̃̀ wɛ̃lɛu gupuau lɔo. Ìɔ ku sɛ̃u gusaɛnaɛ, ɔ̃ wìɔ bɔ gupiiu wàɔ mɔ aà kĩi.
ទើបបានជ្រើសរើសហើយ៖
Maa 1: Boo2024
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Boko Bible © SIM International, 2024.
Maa 1
1
Zãa Da'ilɛna waasokɛa
(Mat 3.1-17; Luk 3.1-22; Zãa 1.19-28)
1Lua Nɛ Yesu Kilisi baon kɛ: 2À dàalɛ lá a ku ãnabi Isaia lá guuwaɛ à mɛ̀:
Má a zĩna zĩ aà dɔaanɛ,
i zɛkɛkɛnɛ.#Mal 3.1
3Ma! Wàlɛ kpawakɛ gbáau wàlɛ mɛ,
à zɛkɛkɛ Diiɛ,
à zɛwɛwɛnaɔ pooɛ̀ susu.#Isa 40.3
4Beewa ɔ̃ Zãa Da'ilɛna kuò gbáau, àlɛ waasokɛ, a ò gbɛ̃́ɔnɛ aa nɔsɛlilɛ aa da'ilɛkɛ, Lua i ń duuna kɛ̃má. 5Yude busudeɔ ń Yelusalɛũdeɔ gɛ̀ aà kĩi mpii, aa ń duunaɔ ò gupuau, ɔ̃ à ń da'ilɛkɛ̀ Yuudɛ̃i. 6Zãapi ìɔ ula pɔ wa tã̀ ń yiongo kão daa, báa sãntilii ɔ̃ ìɔ dɔa a pi.#2 Kia 1.8 Kwa ń zɔ'io mɛ́ aà pɔblea ũ. 7Ìɔ waasokɛ ì mɛ: Gbɛ̃e a mɔ ma gbɛa, aà iko dɛmala. Mi ka mà kulɛ mà aà sabala bɔbɔɛ̀o. 8Mi á da'ilɛkɛ ń íoɛ. Gbɛ̃́pi sɔ̃, ɔ̃mɛ a á da'ilɛkɛ ń Lua Nisĩnao.
9Gɔɔ bee Yesu bɔ̀ Nazalɛti, Galile busuu, à mɔ̀, ɔ̃ Zãa aà da'ilɛkɛ̀ Yuudɛ̃i. 10Kɛ́ Yesu bùa gɔ̃̀ɔ, a è luabɛ lɛ́ wɛ̃aa, Lua Nisĩna lɛ́ su lan felenawa, à dìɛ. 11Ɔ̃ à yã'o mà, à bɔ̀ luabɛ à mɛ̀: Ma Nɛn n ũ, má yenzi, ma pɔ kɛ̀ma na.#Soũ 2.7; Isa 42.1
12Zĩ́ bee Nisĩnapi nàɛwà à gɛ̀ gbáau, 13ɔ̃ a ku we ń sɛ̃anɔbɔɔ e gɔɔ bla, Setãu lɛ́ aà yɔ̃. Ɔ̃ malaikaɔ mɔ̀ dɔ̀aalɛ.
Yesu a iwa sɛ̃iaɔ sisia
(Mat 4.18-22; Luk 5.1-11)
14Zãa kũa gbɛa ɔ̃ Yesu tà Galile, àlɛ bao pɔ bɔ̀ Lua kĩi kpawakɛ 15à mɛ̀: A gɔɔ kà, kia pɔ Lua kpà ku kãi. À nɔsɛlilɛ, í aà bao sí.
16Kɛ́ Yesu lɛ́ dɔ Galile isidai, à kpɔwɛnaɔ è, Simɔ ń a dãuna Ãndeleo, aalɛ taaluzu isidapiu. 17Ɔ̃ Yesu ònɛ́: À tɛmazi, mí á kɛ gbɛ̃wɛɛlɛnaɔ ũ. 18Wegɔ̃ɔ aa ń taaluɔ tò we, aa bɔ̀ tɛ̀aazi. 19Kɛ́ à gɛ̀ aɛ yɔɔ, à Zebede nɛɔ è, Zaki ń a dãuna Zãao. Aa ku go'ilɛna guu, aalɛ ń taaluɔ kɛkɛ. 20Wegɔ̃ɔ à ń sisì, ɔ̃ aa ń mae Zebede ń zĩkɛnaɔ tò gó guu we, aa bɔ̀ tɛ̀aazi.
Yesu kua Kapɛnaũ
(Mat 8.14-17; Luk 4.31-44)
21Aa kà Kapɛnaũ. Kɛ́ kãmabogɔɔ kà, Yesu gɛ̀ luasisikpɛu, àlɛ yãdadanɛ́. 22Aà yãdaanɛ́ bɔ̀ ń saɛ, asa ì danɛ́ ń ikooɛ, ìli kɛ lan Mɔizi ikoyãdanɛdeɔwao.
23Zĩ́ bee gɔ̃ɛ tãadee ku kpɛ́piu. Aà tãa mɔ̀, ɔ̃ à pũ̀na à mɛ̀: 24Bɔ́ wá vĩ ń kɔ̃oi Yesu Nazalɛti? N mɔ wá kaalɛi yã? Má dɔ̃ gbɛ̃́ pɔ ń dɛ a ũ. Lua gbɛ̃́ pɔ a kua adoan n ũ. 25Ɔ̃ Yesu gì tãapiɛ à mɛ̀: Nilɛ! Go gbɛ̃́piwa. 26Ɔ̃ tãapi aà zĩ̀azĩa, à wii gbãa lɛ̀, ɔ̃ à gòwà. 27Gbɛ̃pii bilikɛ̀, aalɛ kɔ̃lala aalɛ mɛ: Bɔtaa bui yãn wei? Yã dafu daanɛ́ yã? Ì danɛ́ ń ikooɛ. Baa tãaɔ, tó à yãdìlɛnɛ́, aaì aà yãmaɛ. 28Ɔ̃ kãndo Yesu tɔ́ lì Galile busua pii.
29Kɛ́ Yesu bɔ̀ luasisikpɛu, ɔ̃ à tà Simɔ ń Ãndeleo bɛ gɔ̃̀ɔ ń Zakio ń Zãao. 30Simɔ nada lɛ́ sionakɛ wulɛa, ɔ̃ wà aà yã'ò Yesuɛ gɔ̃̀ɔ. 31À gɛ̀ aà kĩi, à aà kũ̀ a ɔwa à aà fɛ̀lɛ. Ɔ̃ aà sionapi wèewà, ɔ̃ à blɛkɛ̀nɛ́.
32Kɛ́ oosi kɛ̀, ĩatɛ̃ lɛ́ gɛ̃ kpɛ́u, wà mɔ̀ɛ̀ ń gyãeɔ ń tãadeɔ pii. 33Wɛ̃lɛdeɔ kã̀aa aà kpɛ́ kpɛɛlɛ pii. 34À ń gbãgbã̀ dasi ń ń gyã bui piio, à tãaɔ gònɛ́ lɔ dasi. Ìli tãaɔ gba zɛ́ aa yã'òo, asa aa dɔ̃ gbɛ̃́ pɔ a dɛ a ũɛ.
35Gufɛ̃nɛ káaukaau Yesu fɛ̀lɛ, à bɔ̀ gɛ̀ sɛ̃u gusaɛna, àlɛ wabikɛ we. 36Ɔ̃ Simɔ ń a gbɛ̃́ɔ pɛ̀lɛaazi. 37Kɛ́ aa bɔ̀wà, aa òɛ̀: Gbɛ̃pii lɛ́ n gbɛa. 38Ɔ̃ a ònɛ́: Wà gɛ́ gupãlei, wɛ̃lɛ pɔ ku wá saɛɔ guu, mí waasokɛ we lɔ, asa a yãi ma mɔi. 39Màa ìɔ bɛbɛ Galile busuu pii, ìɔ waasokɛ an luasisikpɛɔ guu, ìɔ tãaɔ gonɛ́.
40Ɔ̃ kusudee mɔ̀ aà kĩi, à kùlɛ à wabikɛ̀wà à mɛ̀: Tó ń yei, ńyɔ̃ fɔ̃ ǹ to mà gɔ̃ sãasai. 41À kɛ̀ Yesuɛ wɛ̃naũ, ɔ̃ à ɔbɔ̀ a nàwà à mɛ̀: Má yei, gɔ̃ sãasai. 42Wegɔ̃ɔ aà kusu làa, à gɔ̃̀ sãasai. 43Ɔ̃ Yesu aà gbàɛ gɔ̃̀ɔ, à gìɛ̀ à mɛ̀: 44Nsu o gbɛ̃e mao. Gɛ ǹ nzĩa ɔlɔ sa'onaɛ, ní sa pɔ Mɔizi dìlɛ o n gɔ̃a sãasai seela ũ gbɛ̃́ɔnɛ.#Lev 14.1-2 45Kɛ́ à bɔ̀, à gɛ̀ àlɛ yãpi o'onɛ́. Yãpi lì gua, ɔ̃ Yesu lí fɔ̃ gɛ̃̀ wɛ̃lɛu gupuau lɔo. Ìɔ ku sɛ̃u gusaɛnaɛ, ɔ̃ wìɔ bɔ gupiiu wàɔ mɔ aà kĩi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Boko Bible © SIM International, 2024.