Daa 50
50
1Yosɛfu kùsi a maewa, àlɛ aà gaa ɔɔlɔ, àlɛ lɛpɛpɛwà. 2Ɔ̃ a ò a zĩkɛna ɛsɛdeɔnɛ aa ɛsɛ ń nisio dɔɔ a mae gɛwa. Ɔ̃ aa kɛ̀ Isaili gɛɛ màa 3e gɔɔ bla, kɛ́ asu yaikɛo yãi, asa màa Egipiɔ ì kɛ, ɔ̃ aa aà gɛ'ĩanabɔ̀ gɔɔ baaɔ̃kwi. 4Kɛ́ gɛ'ɔɔlɔ làa, Yosɛfu ò Falaɔ̃ bɛdeɔnɛ: À gaafaakɛmɛɛ! À yãɛ bee omɛɛ Falaɔ̃ɛ: 5Kɛ́ ma mae è á ye gai, a tò ma lɛgbɛ̃̀ɛ à mɛ̀ mà a vĩ mia'ɛ pɔ a lù azĩa pɔ ũ Kanaa busuuɛ.#Daa 47.30-31 Má ye mà gɛ mà a mae vĩ we sa, mí ɛa mà su. 6Ɔ̃ Falaɔ̃ òɛ̀: Gɛ ǹ n mae vĩ lá n a lɛgbɛ̃̀ɛ̀wa.
7Kɛ́ Yosɛfu lɛ́ gɛ́ a mae vĩi, Falaɔ̃ iwaɔ ń a bɛ gbɛ̃zɔ̃ɔɔ ń Egipi busu gbãadeɔ gɛ̀aanɔ piiɛ. 8Yosɛfu bɛdeɔ ń aà vĩiɔ ń aà de bɛdeɔ gɛ̀ pii lɔɛ. An nɛfɛ̃nɛnaɔ ń ń sãɔ ń ń bleɔ ń ń zuɔ mɛ́ gɔ̃̀ Gosɛ̃ busuu ntɛ̃ɛ. 9Sɔ̃goɔ ń sɔ̃deɔ ku lɔ. Wa dasi maamaaɛ. 10Kɛ́ aa kà Atada pɔwɛngbɛ̃zɛa Yuudɛ̃ baale, ɔ̃ aa nà gɛwiiwa gbãugbãu, ɔ̃ Yosɛfu a mae gɛ'ĩanabɔ̀ we gɔɔ sopla. 11Kɛ́ Kanaa busudeɔ è lá wà gɛ'ĩanabɔ̀ Atada pɔwɛngbɛ̃zɛa, ɔ̃ aa mɛ̀: Egipiɔ ì gɛ'ĩanabɔ zɔ̃ɔ, ɔ̃ wà tɔkpà Yuudɛ̃ baale gupiɛ Abɛli Egipi.#50.11 Bee mɛ̀ Egipiɔ gɛ'ĩanabɔa
12Beewa Yakɔbu nɛɔ kɛ̀, lá a ònɛ́wa. 13Aa aà gɛ sɛ̀ tàò Kanaa busuu, ɔ̃ aa aà vĩ̀ Mapela búa gbɛ'ɛ pɔ Ablahaũ lù Iti bui Ɛfɔ̃nɔwa mia'ɛ ũ guu Mamale gukpɛ oi.#Zĩn 7.16 14Kɛ́ Yosɛfu a mae vĩ̀ a làa, à ɛ̀a tà Egipi ń a vĩiɔ ń gbɛ̃́ pɔ gɛ̀aanɔ aà mae vĩiɔ pii.
Yosɛfu a vĩiɔ gbaa sɔ̃
15Kɛ́ Yosɛfu vĩiɔ è ń mae gà, aa òkɔ̃ɛ: Tó Yosɛfu fɛ̀lɛwanɔ, mɛ́ a ye vãi pɔ wá kɛ̀ɛ pii fĩabowɛ̃ɛ sɔ̃ bɛ? 16Ɔ̃ aa lɛkpãsãkɛ̀ɛ̀ aa mɛ̀: E n mae àɔ gɛ́ gai, à mɛ̀ 17wà onɛ ǹ suuukɛwanɔ ń wá taaeo ń wá duunao, asa wa vãikɛ̀nɛɛ. N yã na! Suuukɛwanɔ ń wá tàaeɔ. N mae Lua zɔblenaɔn wá ũ. Kɛ́ Yosɛfu yãpi mà, à ɔɔlɔ̀. 18Ɔ̃ aà vĩiɔ mɔ̀ aà kĩi, aa kùlɛɛ̀ aa mɛ̀: N zɔɔn wá ũ. 19Ɔ̃ Yosɛfu ònɛ́: Ásu to vĩa á kṹo. Luan ma ũa? 20Á ye à yãvãikɛmɛɛ yãaɛ, ɔ̃ Lua tò à lìlɛ yãmaa ũ, kɛ́ à e gbɛ̃́ɔ misi dasi yãi, lá àlɛ kɛ tiaɛwa. 21Ásu to vĩa á kṹo. Má á gwa ń á nɛɔ. Màa à yãna'ònɛ́ à ń gbáò sɔ̃̀.
Yosɛfu gaa
22Yosɛfu ku Egipi ń a de bɛdeɔ e wɛ̃̀ basɔokwi. 23À wɛsì Ɛflaiũ sĩwɛnaɔlɛ, mɛ́ à wɛsì Manase nɛ Makii nɛɔlɛ lɔ. 24Ɔ̃ Yosɛfu ò a gbɛ̃́ɔnɛ: Ma gaa zã̀o. Lua mɛ́ a mɔ dɔálɛ, i bɔánɔ busuu la, i gɛ́ánɔ busu pɔ à a lɛgbɛ̃̀ Ablahaũ ń Izaakio ń Yakɔbuoɔnɛ guu. 25Ɔ̃ à lɛdìlɛ Isailiɔnɛ à mɛ̀: Tó Lua mɔ̀ á gwai, à ta ń ma gɛwao we.#Bɔa 13.19; Yoz 24.32; Hɛb 11.22 26Yosɛfu wɛ̃̀ basɔokwideu ɔ̃ à gà. Ɔ̃ wà ɛsɛ ń nisio dɔɔ aà gɛwa, wa dà kpagolo guu Egipi.
ទើបបានជ្រើសរើសហើយ៖
Daa 50: Boo2024
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Boko Bible © SIM International, 2024.