Daa 47
47
Isailiɔ zɔ̃lɛa Egipi
1Yosɛfu gɛ̀ yã'ò Falaɔ̃ɛ à mɛ̀: Ma vĩiɔ bɔ̀ Kanaa busuu ń ń sãɔ ń ń bleɔ ń ń zuɔ ń pɔ pɔ aa vĩɔ pii, aa mɔ̀ Gosɛ̃ busuu. 2Ɔ̃ à a vĩiɔ sɛ̀ gbɛ̃ɔn sɔo, à ń ɔlɔ̀ Falaɔ̃ɛ. 3Falaɔ̃ ń lá à mɛ̀: Bɔ́ zĩ i kɛi? Aa wèwà aa mɛ̀: Wapiɔ n zɔblenaɔ, sãdãnaɔn wá ũ lan wá deziɔwa. 4Ɔ̃ aa òɛ̀: Wa mɔ zɔ̃lɛi busu la gɔɔplaɛ, asa imina tɔ̃̀ Kanaa busuwaɛ, sɛ̃ ku kɛ́ wá sãɔ bleo. Wapiɔ n zɔblenaɔ, wá gba zɛ́ wà zɔ̃lɛ Gosɛ̃ busuu. 5Ɔ̃ Falaɔ̃ ò Yosɛfuɛ: Lá n mae ń n vĩiɔ sù n kĩiɛ, 6ǹ ń kalɛ Egipi gumaau. Aa zɔ̃lɛ Gosɛ̃ busuu. Tó laaideɔ ku ń guu, ní ma pɔɔ nanɛ́ ń ɔzĩ.
7Ɔ̃ Yosɛfu a mae Yakɔbu sɛ̀ gɛ̀, à aà ɔlɔ̀ Falaɔ̃ɛ. Ɔ̃ Yakɔbu samaa'òɛ̀. 8Falaɔ̃ aà là à mɛ̀: N ka wɛ̃ ũmai? 9A wèwà à mɛ̀: Ma kua dũniau lan nibɔwa wɛ̃̀ basoolokwin la. Ma wɛ̃ i ka ma deziɔ pɔwao mɛ́ a taasi vĩ. 10À samaa'ò Falaɔ̃ɛ lɔ, ɔ̃ à gò aà kĩi.
11Yosɛfu a mae ń a vĩiɔ kàlɛ Egipi busu gumaau, à ń gba busu pɔ Lamɛsɛ dɛ a mɛɛwia ũ, lá Falaɔ̃ òwa. 12Yosɛfu blɛ kpà a maewa ń a vĩiɔ ń a mae bɛdeɔ pii ua ń uao an dasilɛu.
Imina pãsĩkũa
13Imina pãsĩkũ̀, blɛ ku gueio. Egipiɔ ń Kanaaɔ yɛ̃ɛɛ làa. 14Lá wàlɛ pɔwɛna lú, Yosɛfu ɔ̃a pɔ ku Egipi ń Kanaao sì pii, à tàò Falaɔ̃ bɛ. 15Kɛ́ Egipiɔ ń Kanaaɔ ɔ̃a làa, Egipiɔ mɔ̀ Yosɛfu kĩi mpii aa mɛ̀: Ɔ̃a ku lɔo, wá gba pɔblea. Nsu to wà gaga n wáao. 16Yosɛfu mɛ̀: Lá á ɔ̃a vĩo, à mɔ ń á pɔtuoɔ, mí blɛ kpawá a musu. 17Ɔ̃ aa mɔ̀ Yosɛfuɛ ń pɔtuoɔ, ɔ̃ à pɔwɛna kpàmá sɔ̃́ɔ ń sãɔ ń bleɔ ń zuɔ ń zaa'ĩnaɔ musu. Wɛ̃ bee à pɔwɛna kpàmá ń pɔtuoɔ musuɛ.
18Kɛ́ wɛ̃ bee gɛ̃̀, ɔ̃ aa mɔ̀ aà kĩi a wɛ̃̀ sìa aa òɛ̀: Baa, wá fɔ̃ yãe ulɛnɛo. Ɔ̃a làa mɛ́ wá pɔtuoɔ gɔ̃̀ n pɔ ũ. Pɔe i gɔ̃ wà kpamao, wapiɔ ń wá búaɔ baasio. 19Nsu to wà gaga n wáa ń wá búaɔo. Wá lulu ń wá búaɔ, ní fĩabo ń blɛo, wí gɔ̃ Falaɔ̃ zɔɔ ũ, wapiɔ ń wá búaɔ. Wá gba pɔbui kɛ́ wásu gagao, wíɔ ku, mɛ́ wá búaɔ su gɔ̃ tàaa ũo. 20Ɔ̃ Yosɛfu Egipi búaɔ lùlu Falaɔ̃ɛ pii, asa Egipiɔ baade a búa yìa, kɛ́ nɔana ń kṹ gbãa yãiɛ, ɔ̃ busu gɔ̃̀ Falaɔ̃ pɔ ũ. 21Yosɛfu Egipiɔ sì zɔɔ ũ pii za ń busu lɛla ń a lɛleo. 22Ãma i sa'onaɔ búaɔ luo, asa Falaɔ̃ dìlɛ aàɔ blɛ kpamá gɔɔpiiɛ. Lá aa ku ń blɛ pɔ Falaɔ̃ ì kpamáo, aai ń búaɔ yiao.
23Ɔ̃ Yosɛfu ònɛ́: Ma á lulù ń á búaɔ sa, a gɔ̃ Falaɔ̃ pɔ ũɛ. Pɔbui kɛ, à gɛ́ tɔ̃́i. 24Pɔkɛkɛgɔɔ àliɔ a lɛɛ sɔode kpa Falaɔ̃wa, a lɛɛ siiɔ̃ kĩni i gɔ̃ɛ́ pɔbui ń blɛo ũ. Àliɔ bee ble ń á nɛɔ ń á bɛdeɔ pii. 25Ɔ̃ aa mɛ̀: N wá misìɛ. To wàɔ nannɔ Baa, wí gɔ̃ Falaɔ̃ zɔɔ ũ. 26Ɔ̃ Yosɛfu yãdìlɛ Egipi à mɛ̀, buapɔ lɛɛ sɔode aliɔ dɛ Falaɔ̃ pɔ ũɛ. Yãpi ku e ń a gbão. Búaɔ gɔ̃̀ Falaɔ̃ pɔ ũ pii, sa'onaɔ pɔ baasi.
Yakɔbu lɛdilɛa a nɛɔnɛ
27Isailiɔ ku Gosɛ̃ busuu Egipi. Aa ńzĩa tɔɔlɛ vĩ we, ɔ̃ aa nɛ'ì'i aa kã̀fĩ maamaa. 28Yakɔbu kɛ̀ wɛ̃̀ gɛ̃o ń plao Egipi, aà wɛ̃ pii basoplasɔo ń plaoɛ. 29Kɛ́ à kà gaa, ɔ̃ à a nɛ Yosɛfu sìsi a òɛ̀: N yã na! Ma wɛ̃nagwa! Ǹ n ɔ da ma gbala taau, ní gbɛ̃kɛ ń naaio yã kɛmɛɛ. Nsu ma vĩ Egipio. 30Tó ma zu ma deziɔ guu, ma gɛ sɛ ǹ bɔò Egipi la, ní ma vĩ ma dezipiɔ mia'ɛu. Ɔ̃ a òɛ̀: Má yã pɔ ń ò kɛnɛ. 31Ɔ̃ Yakɔbu mɛ̀: Lɛgbɛ̃mɛɛ. Kɛ́ à lɛgbɛ̃̀ɛ̀, ɔ̃ Yakɔbu kùlɛ Luaɛ a wulɛbɔ mizĩ.
ទើបបានជ្រើសរើសហើយ៖
Daa 47: Boo2024
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Boko Bible © SIM International, 2024.
Daa 47
47
Isailiɔ zɔ̃lɛa Egipi
1Yosɛfu gɛ̀ yã'ò Falaɔ̃ɛ à mɛ̀: Ma vĩiɔ bɔ̀ Kanaa busuu ń ń sãɔ ń ń bleɔ ń ń zuɔ ń pɔ pɔ aa vĩɔ pii, aa mɔ̀ Gosɛ̃ busuu. 2Ɔ̃ à a vĩiɔ sɛ̀ gbɛ̃ɔn sɔo, à ń ɔlɔ̀ Falaɔ̃ɛ. 3Falaɔ̃ ń lá à mɛ̀: Bɔ́ zĩ i kɛi? Aa wèwà aa mɛ̀: Wapiɔ n zɔblenaɔ, sãdãnaɔn wá ũ lan wá deziɔwa. 4Ɔ̃ aa òɛ̀: Wa mɔ zɔ̃lɛi busu la gɔɔplaɛ, asa imina tɔ̃̀ Kanaa busuwaɛ, sɛ̃ ku kɛ́ wá sãɔ bleo. Wapiɔ n zɔblenaɔ, wá gba zɛ́ wà zɔ̃lɛ Gosɛ̃ busuu. 5Ɔ̃ Falaɔ̃ ò Yosɛfuɛ: Lá n mae ń n vĩiɔ sù n kĩiɛ, 6ǹ ń kalɛ Egipi gumaau. Aa zɔ̃lɛ Gosɛ̃ busuu. Tó laaideɔ ku ń guu, ní ma pɔɔ nanɛ́ ń ɔzĩ.
7Ɔ̃ Yosɛfu a mae Yakɔbu sɛ̀ gɛ̀, à aà ɔlɔ̀ Falaɔ̃ɛ. Ɔ̃ Yakɔbu samaa'òɛ̀. 8Falaɔ̃ aà là à mɛ̀: N ka wɛ̃ ũmai? 9A wèwà à mɛ̀: Ma kua dũniau lan nibɔwa wɛ̃̀ basoolokwin la. Ma wɛ̃ i ka ma deziɔ pɔwao mɛ́ a taasi vĩ. 10À samaa'ò Falaɔ̃ɛ lɔ, ɔ̃ à gò aà kĩi.
11Yosɛfu a mae ń a vĩiɔ kàlɛ Egipi busu gumaau, à ń gba busu pɔ Lamɛsɛ dɛ a mɛɛwia ũ, lá Falaɔ̃ òwa. 12Yosɛfu blɛ kpà a maewa ń a vĩiɔ ń a mae bɛdeɔ pii ua ń uao an dasilɛu.
Imina pãsĩkũa
13Imina pãsĩkũ̀, blɛ ku gueio. Egipiɔ ń Kanaaɔ yɛ̃ɛɛ làa. 14Lá wàlɛ pɔwɛna lú, Yosɛfu ɔ̃a pɔ ku Egipi ń Kanaao sì pii, à tàò Falaɔ̃ bɛ. 15Kɛ́ Egipiɔ ń Kanaaɔ ɔ̃a làa, Egipiɔ mɔ̀ Yosɛfu kĩi mpii aa mɛ̀: Ɔ̃a ku lɔo, wá gba pɔblea. Nsu to wà gaga n wáao. 16Yosɛfu mɛ̀: Lá á ɔ̃a vĩo, à mɔ ń á pɔtuoɔ, mí blɛ kpawá a musu. 17Ɔ̃ aa mɔ̀ Yosɛfuɛ ń pɔtuoɔ, ɔ̃ à pɔwɛna kpàmá sɔ̃́ɔ ń sãɔ ń bleɔ ń zuɔ ń zaa'ĩnaɔ musu. Wɛ̃ bee à pɔwɛna kpàmá ń pɔtuoɔ musuɛ.
18Kɛ́ wɛ̃ bee gɛ̃̀, ɔ̃ aa mɔ̀ aà kĩi a wɛ̃̀ sìa aa òɛ̀: Baa, wá fɔ̃ yãe ulɛnɛo. Ɔ̃a làa mɛ́ wá pɔtuoɔ gɔ̃̀ n pɔ ũ. Pɔe i gɔ̃ wà kpamao, wapiɔ ń wá búaɔ baasio. 19Nsu to wà gaga n wáa ń wá búaɔo. Wá lulu ń wá búaɔ, ní fĩabo ń blɛo, wí gɔ̃ Falaɔ̃ zɔɔ ũ, wapiɔ ń wá búaɔ. Wá gba pɔbui kɛ́ wásu gagao, wíɔ ku, mɛ́ wá búaɔ su gɔ̃ tàaa ũo. 20Ɔ̃ Yosɛfu Egipi búaɔ lùlu Falaɔ̃ɛ pii, asa Egipiɔ baade a búa yìa, kɛ́ nɔana ń kṹ gbãa yãiɛ, ɔ̃ busu gɔ̃̀ Falaɔ̃ pɔ ũ. 21Yosɛfu Egipiɔ sì zɔɔ ũ pii za ń busu lɛla ń a lɛleo. 22Ãma i sa'onaɔ búaɔ luo, asa Falaɔ̃ dìlɛ aàɔ blɛ kpamá gɔɔpiiɛ. Lá aa ku ń blɛ pɔ Falaɔ̃ ì kpamáo, aai ń búaɔ yiao.
23Ɔ̃ Yosɛfu ònɛ́: Ma á lulù ń á búaɔ sa, a gɔ̃ Falaɔ̃ pɔ ũɛ. Pɔbui kɛ, à gɛ́ tɔ̃́i. 24Pɔkɛkɛgɔɔ àliɔ a lɛɛ sɔode kpa Falaɔ̃wa, a lɛɛ siiɔ̃ kĩni i gɔ̃ɛ́ pɔbui ń blɛo ũ. Àliɔ bee ble ń á nɛɔ ń á bɛdeɔ pii. 25Ɔ̃ aa mɛ̀: N wá misìɛ. To wàɔ nannɔ Baa, wí gɔ̃ Falaɔ̃ zɔɔ ũ. 26Ɔ̃ Yosɛfu yãdìlɛ Egipi à mɛ̀, buapɔ lɛɛ sɔode aliɔ dɛ Falaɔ̃ pɔ ũɛ. Yãpi ku e ń a gbão. Búaɔ gɔ̃̀ Falaɔ̃ pɔ ũ pii, sa'onaɔ pɔ baasi.
Yakɔbu lɛdilɛa a nɛɔnɛ
27Isailiɔ ku Gosɛ̃ busuu Egipi. Aa ńzĩa tɔɔlɛ vĩ we, ɔ̃ aa nɛ'ì'i aa kã̀fĩ maamaa. 28Yakɔbu kɛ̀ wɛ̃̀ gɛ̃o ń plao Egipi, aà wɛ̃ pii basoplasɔo ń plaoɛ. 29Kɛ́ à kà gaa, ɔ̃ à a nɛ Yosɛfu sìsi a òɛ̀: N yã na! Ma wɛ̃nagwa! Ǹ n ɔ da ma gbala taau, ní gbɛ̃kɛ ń naaio yã kɛmɛɛ. Nsu ma vĩ Egipio. 30Tó ma zu ma deziɔ guu, ma gɛ sɛ ǹ bɔò Egipi la, ní ma vĩ ma dezipiɔ mia'ɛu. Ɔ̃ a òɛ̀: Má yã pɔ ń ò kɛnɛ. 31Ɔ̃ Yakɔbu mɛ̀: Lɛgbɛ̃mɛɛ. Kɛ́ à lɛgbɛ̃̀ɛ̀, ɔ̃ Yakɔbu kùlɛ Luaɛ a wulɛbɔ mizĩ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Boko Bible © SIM International, 2024.