Daa 45
45
Yosɛfu azĩa ɔlɔa a vĩiɔnɛ
1Yosɛfu i fɔ̃ a nɔ̀sɛ suumpà gbɛ̃́ pɔ ku weɔnɛ lɔo, ɔ̃ à pũ̀na à mɛ̀: Gbɛ̃́ pɔ ku laɔ, à bɔlɛ pii! Kɛ́ gbɛ̃e ku we lɔo, ɔ̃ à azĩa ɔlɔ̀ a vĩipiɔnɛ sa.#Zĩn 7.13 2Àlɛ ɔɔlɔ gbãugbãu e Egipiɔ mà, mɛ́ Falaɔ̃ bɛdeɔ a baomà. 3Ɔ̃ a ò a gbɛ̃́piɔnɛ: Mamɛ má Yosɛfu. Ma mae ku e tiaa? Ɔ̃ gili gɛ̃̀ńgu, aai fɔ̃ wèwào. 4Ɔ̃ Yosɛfu ònɛ́: À sɔ̃mazi. Kɛ́ aa sɔ̃̀aazi, ɔ̃ à mɛ̀: Mamɛ má á dãuna Yosɛfu pɔ á yìa, wà sùaanɔ Egipi la ũ. 5Tiasa ásu to á pɔ yao. Ásu to á nɔ̀sɛ ɔ̃ɔkpa ma yiaa yãmusuo, asa gbɛ̃́ɔ misia yãi ɔ̃ Lua ma dɔaaiɛ́ la. 6Imina kaa busuu la wɛ̃̀ plaaden kɛ. Wa e sapao, wa e pɔkɛkɛo e wɛ̃̀ sɔo. 7Lua tò ma dɔaaɛ́ kɛ́ wá bui e bɔ aafia busuu laɛ, mí á misi maamaa mà á suaba. 8I kɛ ámɛ a ma zĩ lao, Luaɛ. À ma dilɛ Falaɔ̃ lɛdamade ũ, aà bɛ ziia ũ, Egipi gupii gbɛ̃zɔ̃ɔ ũ. 9À kɛ kpakpa à gɛ à wá mae le, í oɛ̀ aà nɛ Yosɛfu mɛ̀ Lua a dilɛ Egipi busu gbãade ũ. Aà su ma kĩi la gɔ̃̀ɔ, 10iɔ kumanɔ kãi, i zɔ̃lɛ Gosɛ̃ busuu ń a nɛɔ ń a tɔũnaɔ ń a sãɔ ń a bleɔ ń a zuɔ ń pɔ pɔ a vĩɔ pii. 11Máɔ aà gwa la, asa imina aɔ ku e wɛ̃̀ sɔo lɔɛ. Tó màa no, aapi ń a bɛdeɔ ń pɔ pɔ a vĩɔ midɛ piiɛ. 12Apiɔ ń Bɛ̃yãmɛo, a wɛsìɛ kɛ́ mapi ma Yosɛfu mamɛ malɛ yã'oɛ́. 13À gawi pɔ má vĩ Egipi la yã'o ma maeɛ ń yã pɔ á èo pii, í gɛ à aà sɛ à suòmɛɛ la kpakpa. 14À vĩ̀ kùsi a dãuna Bɛ̃yãmɛwa, à ɔɔlɔ̀, ɔ̃ Bɛ̃yãmɛ ɔɔlɔ̀ aà kuɛ sɔ̃. 15Ɔ̃ à lɛpɛ̀pɛ a vĩiɔwa pii ń ɔɔlɔo. Bee gbɛa aà vĩiɔ lɛ́ faaiboaanɔ.
16Kɛ́ Yosɛfu vĩiɔ mɔa bao lì Falaɔ̃ bɛa, à kɛ̀ɛ̀ na ń a iwaɔ. 17Ɔ̃ a ò Yosɛfuɛ: O n vĩiɔnɛ aa ń aso ye ń zaa'ĩnaɔnɛ, aa fɛlɛ gɛ́ Kanaa, 18aa ń mae sɛ ń ń bɛdeɔ, aa suńnɔ ma kĩi la. Má Egipi busu gumaa kpamá, aaiɔ namableu. 19Onɛ́ lɔ aa Egipi zugoɔ sɛlɛ an nɛɔ ń ń nɔɛɔ yãi, aai ń mae sɛ aa suaanɔ. 20Aasu laasookɛ pɔ pɔ aa to weɔwao, asa Egipi gumaa a gɔ̃ an pɔ ũɛ.
21Ɔ̃ Isaili nɛpiɔ kɛ̀ màa. Yosɛfu zugoɔ kpàmá lá Falaɔ̃ òwa. À zɛ́ kũsũa kɛ̀nɛ́ lɔ. 22À ń gbá uladaɔ mpii, mɛ́ à Bɛ̃yãmɛ gbà ãnusu ɔwatɛ̃ ɔaa do ń basɔoo ń uladao mɛn sɔo. 23À Egipi pɔmaaɔ kpã̀sã a maeɛ zaa'ĩn aso kwi ń pɔwɛnao ń blɛo zaa'ĩn aso kwi a mae zɛ́ kũsũa ũ. 24Kɛ́ àlɛ ń gbáɛ à mɛ̀: Ásu lɛkpaakɛ zɛ́uo! Ɔ̃ aa tà.
25Aa bɔ̀ Egipi, ɔ̃ aa kà Kanaa busuu ń mae Yakɔbu kĩi. 26Aa òɛ̀: Yosɛfu bɛ̃́ɛ e tia, ɔ̃mɛ Egipi busu gbɛ̃zɔ̃ɔ ũ. Ɔ̃ maepi kɛ̀ sãii, i sio. 27Ɔ̃ aa yã pɔ Yosɛfu ònɛ́ òɛ̀ pii. Kɛ́ Isaili zugo pɔ Yosɛfu gbàɛ a sɛiɔ è, ɔ̃ aà laasoo dà doũ sa, 28ɔ̃ à mɛ̀: Kɛ́ bee mɔ̀! Ma nɛ Yosɛfu bɛ̃́ɛ e tia. Má gɛ mà wɛsiaalɛ e màɔ gaɛ.
ទើបបានជ្រើសរើសហើយ៖
Daa 45: Boo2024
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Boko Bible © SIM International, 2024.
Daa 45
45
Yosɛfu azĩa ɔlɔa a vĩiɔnɛ
1Yosɛfu i fɔ̃ a nɔ̀sɛ suumpà gbɛ̃́ pɔ ku weɔnɛ lɔo, ɔ̃ à pũ̀na à mɛ̀: Gbɛ̃́ pɔ ku laɔ, à bɔlɛ pii! Kɛ́ gbɛ̃e ku we lɔo, ɔ̃ à azĩa ɔlɔ̀ a vĩipiɔnɛ sa.#Zĩn 7.13 2Àlɛ ɔɔlɔ gbãugbãu e Egipiɔ mà, mɛ́ Falaɔ̃ bɛdeɔ a baomà. 3Ɔ̃ a ò a gbɛ̃́piɔnɛ: Mamɛ má Yosɛfu. Ma mae ku e tiaa? Ɔ̃ gili gɛ̃̀ńgu, aai fɔ̃ wèwào. 4Ɔ̃ Yosɛfu ònɛ́: À sɔ̃mazi. Kɛ́ aa sɔ̃̀aazi, ɔ̃ à mɛ̀: Mamɛ má á dãuna Yosɛfu pɔ á yìa, wà sùaanɔ Egipi la ũ. 5Tiasa ásu to á pɔ yao. Ásu to á nɔ̀sɛ ɔ̃ɔkpa ma yiaa yãmusuo, asa gbɛ̃́ɔ misia yãi ɔ̃ Lua ma dɔaaiɛ́ la. 6Imina kaa busuu la wɛ̃̀ plaaden kɛ. Wa e sapao, wa e pɔkɛkɛo e wɛ̃̀ sɔo. 7Lua tò ma dɔaaɛ́ kɛ́ wá bui e bɔ aafia busuu laɛ, mí á misi maamaa mà á suaba. 8I kɛ ámɛ a ma zĩ lao, Luaɛ. À ma dilɛ Falaɔ̃ lɛdamade ũ, aà bɛ ziia ũ, Egipi gupii gbɛ̃zɔ̃ɔ ũ. 9À kɛ kpakpa à gɛ à wá mae le, í oɛ̀ aà nɛ Yosɛfu mɛ̀ Lua a dilɛ Egipi busu gbãade ũ. Aà su ma kĩi la gɔ̃̀ɔ, 10iɔ kumanɔ kãi, i zɔ̃lɛ Gosɛ̃ busuu ń a nɛɔ ń a tɔũnaɔ ń a sãɔ ń a bleɔ ń a zuɔ ń pɔ pɔ a vĩɔ pii. 11Máɔ aà gwa la, asa imina aɔ ku e wɛ̃̀ sɔo lɔɛ. Tó màa no, aapi ń a bɛdeɔ ń pɔ pɔ a vĩɔ midɛ piiɛ. 12Apiɔ ń Bɛ̃yãmɛo, a wɛsìɛ kɛ́ mapi ma Yosɛfu mamɛ malɛ yã'oɛ́. 13À gawi pɔ má vĩ Egipi la yã'o ma maeɛ ń yã pɔ á èo pii, í gɛ à aà sɛ à suòmɛɛ la kpakpa. 14À vĩ̀ kùsi a dãuna Bɛ̃yãmɛwa, à ɔɔlɔ̀, ɔ̃ Bɛ̃yãmɛ ɔɔlɔ̀ aà kuɛ sɔ̃. 15Ɔ̃ à lɛpɛ̀pɛ a vĩiɔwa pii ń ɔɔlɔo. Bee gbɛa aà vĩiɔ lɛ́ faaiboaanɔ.
16Kɛ́ Yosɛfu vĩiɔ mɔa bao lì Falaɔ̃ bɛa, à kɛ̀ɛ̀ na ń a iwaɔ. 17Ɔ̃ a ò Yosɛfuɛ: O n vĩiɔnɛ aa ń aso ye ń zaa'ĩnaɔnɛ, aa fɛlɛ gɛ́ Kanaa, 18aa ń mae sɛ ń ń bɛdeɔ, aa suńnɔ ma kĩi la. Má Egipi busu gumaa kpamá, aaiɔ namableu. 19Onɛ́ lɔ aa Egipi zugoɔ sɛlɛ an nɛɔ ń ń nɔɛɔ yãi, aai ń mae sɛ aa suaanɔ. 20Aasu laasookɛ pɔ pɔ aa to weɔwao, asa Egipi gumaa a gɔ̃ an pɔ ũɛ.
21Ɔ̃ Isaili nɛpiɔ kɛ̀ màa. Yosɛfu zugoɔ kpàmá lá Falaɔ̃ òwa. À zɛ́ kũsũa kɛ̀nɛ́ lɔ. 22À ń gbá uladaɔ mpii, mɛ́ à Bɛ̃yãmɛ gbà ãnusu ɔwatɛ̃ ɔaa do ń basɔoo ń uladao mɛn sɔo. 23À Egipi pɔmaaɔ kpã̀sã a maeɛ zaa'ĩn aso kwi ń pɔwɛnao ń blɛo zaa'ĩn aso kwi a mae zɛ́ kũsũa ũ. 24Kɛ́ àlɛ ń gbáɛ à mɛ̀: Ásu lɛkpaakɛ zɛ́uo! Ɔ̃ aa tà.
25Aa bɔ̀ Egipi, ɔ̃ aa kà Kanaa busuu ń mae Yakɔbu kĩi. 26Aa òɛ̀: Yosɛfu bɛ̃́ɛ e tia, ɔ̃mɛ Egipi busu gbɛ̃zɔ̃ɔ ũ. Ɔ̃ maepi kɛ̀ sãii, i sio. 27Ɔ̃ aa yã pɔ Yosɛfu ònɛ́ òɛ̀ pii. Kɛ́ Isaili zugo pɔ Yosɛfu gbàɛ a sɛiɔ è, ɔ̃ aà laasoo dà doũ sa, 28ɔ̃ à mɛ̀: Kɛ́ bee mɔ̀! Ma nɛ Yosɛfu bɛ̃́ɛ e tia. Má gɛ mà wɛsiaalɛ e màɔ gaɛ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Boko Bible © SIM International, 2024.