Daa 44
44
Ãnusu imibɔ daa sakiliu
1Yosɛfu ò a bɛ ziiaɛ: Pɔwɛna kakanɛ́ an sakiliɔ paipai, lá aa fɔ̃ sɛ lɛu. Baade ɔ̃a daɛ̀ a pɔwɛnaa sakiliu, 2ní ma ãnusu imibɔ sɛ ǹ da an dãuna sakiliu ń aà pɔwɛna ɔ̃ao. Ɔ̃ a kɛ̀ lá Yosɛfu òɛwa. 3Kɛ́ gu dɔ̀ gɔ̃̀ɔ, wà ń gbaɛ ń ń zaa'ĩnaɔ. 4E aaɔ gɛ́ kai zã̀, ɔ̃ Yosɛfu ò a ziiaɛ: Fɛlɛ ǹ pɛlɛńzi. Tó n ń lé, ǹ ń la bɔyãi aa maa fĩabò ń vãioi? 5Bɔyãi aa ma ta pɔ mi imiò, mi masokɛò sɛ̀ kpãii? Onɛ́ aa taaekɛ̀.
6Kɛ́ à ń lé, à yãpi ònɛ́, 7ɔ̃ aa wèwà aa mɛ̀: Mae, akɛa ń ò màai? Kuku! Wapiɔ n zɔblenaɔ, wá yã bee taa kɛo. 8Ɔ̃a pɔ wá è yãa wá sakiliɔ guu, wi ɛa wa suònɛ bɔa za Kanaao le? Ɔ̃ wá ãnusu ge vua sɛ kpãi n dii bɛa? 9Mae, wá gbɛ̃́ pɔ ń èwà, ade gàɛ, wapii wí gɔ̃ n zɔɔ ũ. 10À mɛ̀: Tɔɔ, aà kɛ lá á òwa. Gbɛ̃́ pɔ wa èwà, a gɔ̃ ma zɔ ũɛ, á gbɛ̃kĩniɔ í gɔ̃ taaesai. 11Ɔ̃ an baade a sakili pìla a pòlo gɔ̃̀ɔ. 12Ɔ̃ ziiapi lɛ́ sakiliɔ yɔɛyɔɛ. A dàalɛ an vĩi pɔwaɛ e à gɛ̀ kàò an dãuna pɔwa, ɔ̃ à imibɔpi è Bɛ̃yãmɛ pɔ guu. 13Aa ń ulaɔ gà wa kɛ̃̀kɛ̃, ɔ̃ an baade a aso yè a zaa'ĩnaɛ, aa ɛ̀a gɛ̃̀ wɛ̃lɛu. 14Kɛ́ Yuda ń a gbɛ̃́ɔ kà Yosɛfu bɛ, aa aà lè we, ɔ̃ aa wùlɛ tɔɔlɛ aà aɛ. 15A ònɛ́: Bɔyãi á kɛ̀ màai? Á dɔ̃ kɛ́ ma taa lí masokɛo le? 16Yuda wèwà à mɛ̀: Baa, wá onɛ kpelewa ni? Wá yãe oa vĩo. Kpelewa wá o wà bɔ yãui? Lua wá dɔ̃ taaedeɔ ũɛ. Baa, wa gɔ̃ n zɔɔ ũ sa wapiiɛ, i kɛ gbɛ̃́ pɔ wà imibɔpi èwà ado no. 17Ɔ̃ Yosɛfu mɛ̀: Kai! Má bee kɛo. Gbɛ̃́ pɔ wà imibɔpi èwà mɛ́ a gɔ̃ ma zɔ ũ, á gbɛ̃kĩniɔ í tá á maewa aafia.
Yuda wabikɛa Yosɛfuwa Bɛ̃yãmɛ yãmusu
18Ɔ̃ Yuda sɔ̃̀aazi à mɛ̀: N yã na Baa! To mapi n zɔblena mà yã'onɛ. Nsu to n pɔ pamazio Baa, asa ń sáa ń Falaɔ̃oɛ. 19Baa, n wá lá yãa tó wá mae ge dãuna vĩ. 20Ɔ̃ wa mɛ̀ wá mae zikũ̀, mɛ́ wá dãuna vĩ lɔ, wá mae aà ì a zikũ guuɛ. Nɛpi vĩi dadoũde gà, ɔ̃mɛ gɔ̃̀ ado, mɛ́ wá maepi yeaazi maamaaɛ. 21Ń ò wapiɔ n zɔblenaɔnɛ wà aà sɛ wà mɔònɛ, kɛ́ ǹ e ǹ wɛsiaalɛ. 22Baa, wá ònɛ nɛpi a e go a maewao. Tó à gòwà, maepi a gaɛ. 23Ɔ̃ ń òwɛ̃ɛ, tó wá dãunapi i mɔwanɔo, wásu to wá wɛ́ kɛ siiɔ̃o. 24Kɛ́ wa ta wá maewa, wa n yã'òɛ̀. 25Ɔ̃ wá maepi mɛ̀ wà ɛa gɛ́ blɛ lui yɔɔ lɔ. 26Wa mɛ̀, mɛ́ i kɛ wá dãuna kuwanɔ baasio, wá gɛ́o, asa tó a kuwanɔo, wá wɛ́ a kɛ siiɔ̃o. 27Ɔ̃ wá maepi òwɛ̃ɛ, wá dɔ̃ kɛ́ a napi nɛ'ì mɛn plaɛ. 28Kɛ́ ado bɔ̀ a bɛ, i aà e lɔo e gbã. À mɛ̀ wài mɛ́ aà sò. 29À mɛ̀, tó wà a nɛ mɛndoɛ bee sìwa sa mɛ́ yãvãi sù aà lè, lá a zikũ̀, wá tó à ta miau ń pɔsiaoɛ. 30Tiasa, tó ma ta ma maewa, mɛ́ aà nɛpi kuwanɔo, maepi a gaɛ, asa aà pɔ dɔ nɛpiwaɛ. 31Tó i nɛpi e wá guuo, wá maepi a ta miau a zikũ guu ń pɔsiaoɛ. 32Ma azĩa kpà ma maewa nɛpi gɛ̃ɛ ũɛ, ma mɛ̀ tó mi suɛ̀aanɔo, má gɔ̃ aà taaede ũɛ. 33Baa, n yã na! To mà gɔ̃ n zɔ ũ nɛpi gɛ̃ɛ ũ, i ta ń a vĩiɔ, 34asa tó nɛpi kumanɔo, má fɔ̃ mà ta ma maewao. Má fɔ̃ mà wɛ̃na pɔ a kɛ aà yãmusu gwao.
ទើបបានជ្រើសរើសហើយ៖
Daa 44: Boo2024
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Boko Bible © SIM International, 2024.