Daa 39
39
Yosɛfu ń Pɔtifaa nao
1Kɛ́ Isimaɛla buiɔ kà ń Yosɛfuo Egipi, ɔ̃ Egipi gbɛ̃́ Pɔtifaa aà lùmá. Falaɔ̃ iwaɔ doɛ, ɔ̃mɛ aà dɔaiɔ gbɛ̃zɔ̃ɔ ũ. 2Dii ku ń Yosɛfuo, ìɔ aà daɛ ń gomio. A ku a dii Egipi gbɛ̃́pi bɛ. 3Aà diipi è Dii kuaanɔ, ìɔ aà daɛ ń gomio yã pɔ ìɔ kɛ pii guu, 4ɔ̃ à aà wɛgwà, à aà dìlɛ a bɛ ziia ũ, à pɔ pɔ a vĩ pii nàɛ̀ a ɔzĩ. 5Za gɔɔ pɔ à aà dìlɛ a bɛ ziia ũ, Dii ɛfãaidà aà bɛu Yosɛfu yãi. Ɔ̃ Dii ɛfãaidà pɔ pɔ dɛ aà pɔ ũɔgu pii, bɛpɔɔn nò, buapɔɔn nò. 6Ɔ̃ Pɔtifaa a pɔpii nà Yosɛfuɛ a ɔzĩ. A yãe kã̀a vĩo, mɛ́ i kɛ blɛblea baasio. Yosɛfu sɔ̃ gɔ̃ kɛfɛnaɛ, mɛ́ aà zɛa maa.
7Zĩewa ɔ̃ Yosɛfu bĩi gɛ̃̀ a dii nagu, ɔ̃ a òɛ̀ à mɛ̀: Wulɛmanɔ. 8Ɔ̃ à gì à mɛ̀: Gwa, ma dii yãe kã̀a vĩ bɛ la lɔo, à pɔ pɔ a vĩɔ nàmɛɛ ma ɔzĩ piiɛ. 9Aà iko dɛmala ua lao, tó n baa gɛ̃̀, i gimɛɛ ń pɔeoo, kɛ́ ń dɛ aà nɔ ũ yãi. Má fɔ̃ mà yãvãi bee taa kɛ mà duunakɛ Luaɛe? 10Baa kɛ́ nɔɛpi ìɔ oɛ̀ gɔɔpii, i we wùlɛaanɔo, a ye àɔ kuaanɔ seo.
11Zĩewa kɛ́ Yosɛfu gɛ̃̀ kpɛ́u zĩkɛi, uazĩkɛnae ku weo. 12Ɔ̃ nɔɛpi aà kũ̀ a ulawa à mɛ̀: Wulɛmanɔ. Ɔ̃ Yosɛfu a ula tòɛ̀ we, à baalɛ̀ bɔ̀ bàasi. 13Kɛ́ nɔɛpi è, à a ula tòɛ à baalɛ̀ bɔ̀ bàasi, 14ɔ̃ à lɛzù uazĩkɛnaɔzi a ònɛ́: À gwa, wà mɔ̀wɛ̃ɛ ń Hɛbɛluo, ɔ̃ àlɛ dɔɛwanɔ. À gɛ̃̀mazi wulɛimanɔɛ, ɔ̃ ma wiidɔ̀wà. 15Kɛ́ a mà ma wiidɔ̀wa, ɔ̃ à a ula tò kalɛa ma saɛ, à baalɛ̀ bɔ̀ bàasi. 16Ɔ̃ nɔɛpi ulapi kàlɛ a saɛ. Kɛ́ Yosɛfu dii sù, 17ɔ̃ aà nɔpi òɛ̀ à mɛ̀: Hɛbɛlu zɔ pɔ n suòwɛ̃ɛ dɔɛmanɔ, à gɛ̃̀mazi. 18Kɛ́ ma wiidɔ̀wà, ɔ̃ à a ula tò kalɛa ma saɛ, à baalɛ̀ bɔ̀ bàasi. 19Kɛ́ nɔɛpi yãpi sìu a zã́ɛ à mɛ̀ lá n zɔ kɛ̀mɛɛn we, aà pɔ pà maamaa. 20Ɔ̃ à mɛ̀ wà Yosɛfu kũ wà da kpɛ́u, kpɛ́ pɔ kia dakpɛunaɔ kalɛu, ɔ̃ à gɔɔplakɛ̀ we.
21Ń beeo Dii kuaanɔ à gbɛ̃kɛkɛ̀ɛ̀, a tò aà yã kà dakpɛunaɔ dɔ̃anagu. 22Ɔ̃ gudɔ̃anapi dakpɛunaɔ nà Yosɛfuɛ a ɔzĩ pii, wìli yãe kɛ aà saio. 23Dakpɛunaɔ dɔ̃anapi líɔ yãe kã̀a vĩ Yosɛfu musuo, kɛ́ Dii kuaanɔ, mɛ́ ìɔ aà daɛ ń gomio yã pɔ ìɔ kɛ pii guu.
ទើបបានជ្រើសរើសហើយ៖
Daa 39: Boo2024
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Boko Bible © SIM International, 2024.