Daa 38
38
Yuda ń Tamaao
1Zĩ́ bee Yuda bɔ̀ a gbɛ̃́ɔ guu, à gɛ̀ zɔ̃̀lɛ Adulaũ gbɛ̃́ pɔ wì mɛ Hila bɛ. 2Wekĩi ɔ̃ à kpàaũu ń Kanaa busu gbɛ̃́ pɔ wì mɛ Sua nɛnɔɛo, ɔ̃ à aà sɛ̀ nɔ ũ. 3À nɔsì, à nɛ'ì gɔ̃ɛ ũ, ɔ̃ à tɔkpàɛ̀ Ɛɛ. 4À ɛ̀a à nɔsì lɔ, à nɛgɔ̃ɛ ì, ɔ̃ à tɔkpàɛ̀ Onani. 5À ɛ̀a à nɛgɔ̃ɛ ì lɔ, ɔ̃ à tɔkpàɛ̀ Sela. Gɔɔ pɔ à nɛpi ì, a ku Kezibuɛ.
6Ɔ̃ Yuda nɔɛ pɔ wì mɛ Tamaa sɛ̀ a nɛgɔ̃ɛ sɛ̃ia Ɛɛɛ. 7Ɛɛ kɛ̀ Diiɛ gbɛ̃vãi ũ, ɔ̃ à aà dɛ̀. 8Ɔ̃ Yuda ò Onaniɛ: Ǹ n vĩi gyaa sɛ́, ní buikɛ n vĩiɛ lá wì kɛwa. 9Kɛ́ Onani dɔ̃ nɛ pɔ á i ń a vĩi gyaao aɔ dɛ a bui ũo, tó à wùlɛaanɔ, ì azĩa e bàasiɛ, kɛ́ asu buikɛ a vĩiɛo yãi. 10Yã pɔ àlɛ kɛpi kɛ̀ Diiɛ ĩi, ɔ̃ à aà dɛ̀ lɔ. 11Ɔ̃ Yuda ò a nɛ gyaa Tamaaɛ: Gɛ ǹyɔ̃ gyaable n mae bɛ e ma nɛ Sela zɔ̃ɔkũ. Asa àlɛ e Sela a ga lá a vĩiɔwaɛ. Ɔ̃ Tamaa gɛ̀ zɔ̃̀lɛ a mae bɛ.
12Kɛ́ a gɔɔ gɛ̃̀gɛ̃, ɔ̃ Yuda na gà. Kɛ́ aà nɔ̀sɛ nìni, à dà zɛ́u, àlɛ gɛ́ a sãkãkɛ̃ɛlɛnaɔ kĩi Timɛna ń a gbɛ̃na Adulaũ gbɛ̃́ Hilao. 13Ɔ̃ wà a baokpà Tamaaɛ wà mɛ̀: N zãde lɛ́ gɛ́ Timɛna a sãɔ kãkɛ̃ɛlɛi. 14Ɔ̃ à a gyaablepɔɔ wòlo, à pɔlɔgãu sɛ̀ a kù a wɛ́a, ɔ̃ à gɛ̀ zɔ̃̀lɛ Ɛnaiũ bɔlɛu Timɛna zɛ́u. Asa a è Sela gbãakũ̀ mɛ́ wi a kpawà nɔ ũo. 15Kɛ́ Yuda aà è, ɔ̃ à aà dìlɛ kaalua ũ, kɛ́ à pɔkù a wɛ́a yãi. 16Ɔ̃ à sɔ̃̀aazi zɛ́ saɛ à mɛ̀: To mà wulɛnnɔ. I aà dɔ̃ a nɛ gyaa ũo. Ɔ̃ nɔɛpi mɛ̀: Tó n wulɛmanɔ, bɔ́ ńyɔ̃ kpaai? 17A wèwà à mɛ̀: Má a blenɛɔ do kpãsãnɛ. Ɔ̃ à mɛ̀: Tɔɔma dilɛmɛɛ e ǹyɔ̃ gɛ́ kpãsãi. 18Ɔ̃ à aà là à mɛ̀: Bɔ́ tɔɔma mà dilɛnɛi? À mɛ̀: Ǹ n seelakɛbɔ ń a bao ń gopana pɔ ń kũao kpaa. Ɔ̃ a kpàwà, à wùlɛaanɔ, ɔ̃ à kɛ̀ nɔ ũ. 19Ɔ̃ nɔɛpi fɛ̀lɛ tà bɛ, à a pɔlɔgãu gò, à a gyaablepɔɔ dà.
20Yuda a gbɛ̃na Adulaũ gbɛ̃́ zĩ̀ ń blenɛo a tɔɔmaboi nɔɛpi kĩi. Kɛ́ à kà, i aà eo. 21Ɔ̃ à wekĩideɔ làla à mɛ̀: Kaalua pɔ ku Ɛnaiũ zɛ́ saɛ la yãa ku má ni? Aa wèwà aa mɛ̀: Kaalua ku lao fa! 22Ɔ̃ à ɛ̀a tà, a ò Yudaɛ: Mi aà eo. Wekĩideɔ mɛ̀ wa kaalua dɔ̃ we yãa seo. 23Ɔ̃ Yuda mɛ̀: Aàɔ pɔpiɔ kũa. Wásu wà to gbɛ̃́ɔ wá yaalɔo. Ma n zĩ ń blepio, ni aà eo.
24Mɔ aaɔ̃ gbɛa wà mɔ̀ wa ò Yudaɛ wà mɛ̀: N nɛ gyaa Tamaa kaaluakà, ɔ̃ à nɔsì a kaaluakaapiu. Yuda mɛ̀: À bɔaanɔ, wi tɛsɔ̃wà. 25Kɛ́ wàlɛ bɔaanɔ bàasi, à lɛkpãsãkɛ̀ a zãdeɛ à mɛ̀: Gbɛ̃́ pɔ pɔɛ beeɔ vĩ mɛ́ nɔdɔ̀magu. Seelakɛbɔ ń a bao ń gopanaɛ beeo gwa, tó ń a de dɔ̃. 26Yuda pɔpiɔ dɔ̃̀, ɔ̃ à mɛ̀: Nɔɛpi yã na dɛmala, asa mi aà kpa ma nɛ Selawao. Yuda i wulɛaanɔ lɔo. 27Kɛ́ à kà nɛ'ia, sìaɔ mɛ́ ku aà gbɛɛu. 28Gɔɔ pɔ àlɛ nɛ'i, a gbɛ̃do ɔbɔ̀, ɔ̃ nɔɛ nɛ'ina wɔ̃ɔtɛ̃na dɔ̀wà à mɛ̀: Nɛɛ bee mɛ́ bɔ̀ káau. 29Kɛ́ nɛpi a ɔ sɔ̀aa, ɔ̃ nɛ plaade bɔ̀, ɔ̃ nɔɛpi mɛ̀: N bɔ bùiɛ fa! Ɔ̃ wà tɔkpàɛ̀ Pɛlɛzi.#38.29 Bee mɛ̀ à bɔ̀ bùi 30Bee gbɛa kɛ́ aà gbɛ̃do pɔ wà wɔ̃ɔtɛ̃na dɔ̀ aà ɔwapi bɔ̀, ɔ̃ wà tɔkpàɛ̀ Zela.#38.30 Bee mɛ̀ tɛ̃n zoizoi
ទើបបានជ្រើសរើសហើយ៖
Daa 38: Boo2024
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Boko Bible © SIM International, 2024.
Daa 38
38
Yuda ń Tamaao
1Zĩ́ bee Yuda bɔ̀ a gbɛ̃́ɔ guu, à gɛ̀ zɔ̃̀lɛ Adulaũ gbɛ̃́ pɔ wì mɛ Hila bɛ. 2Wekĩi ɔ̃ à kpàaũu ń Kanaa busu gbɛ̃́ pɔ wì mɛ Sua nɛnɔɛo, ɔ̃ à aà sɛ̀ nɔ ũ. 3À nɔsì, à nɛ'ì gɔ̃ɛ ũ, ɔ̃ à tɔkpàɛ̀ Ɛɛ. 4À ɛ̀a à nɔsì lɔ, à nɛgɔ̃ɛ ì, ɔ̃ à tɔkpàɛ̀ Onani. 5À ɛ̀a à nɛgɔ̃ɛ ì lɔ, ɔ̃ à tɔkpàɛ̀ Sela. Gɔɔ pɔ à nɛpi ì, a ku Kezibuɛ.
6Ɔ̃ Yuda nɔɛ pɔ wì mɛ Tamaa sɛ̀ a nɛgɔ̃ɛ sɛ̃ia Ɛɛɛ. 7Ɛɛ kɛ̀ Diiɛ gbɛ̃vãi ũ, ɔ̃ à aà dɛ̀. 8Ɔ̃ Yuda ò Onaniɛ: Ǹ n vĩi gyaa sɛ́, ní buikɛ n vĩiɛ lá wì kɛwa. 9Kɛ́ Onani dɔ̃ nɛ pɔ á i ń a vĩi gyaao aɔ dɛ a bui ũo, tó à wùlɛaanɔ, ì azĩa e bàasiɛ, kɛ́ asu buikɛ a vĩiɛo yãi. 10Yã pɔ àlɛ kɛpi kɛ̀ Diiɛ ĩi, ɔ̃ à aà dɛ̀ lɔ. 11Ɔ̃ Yuda ò a nɛ gyaa Tamaaɛ: Gɛ ǹyɔ̃ gyaable n mae bɛ e ma nɛ Sela zɔ̃ɔkũ. Asa àlɛ e Sela a ga lá a vĩiɔwaɛ. Ɔ̃ Tamaa gɛ̀ zɔ̃̀lɛ a mae bɛ.
12Kɛ́ a gɔɔ gɛ̃̀gɛ̃, ɔ̃ Yuda na gà. Kɛ́ aà nɔ̀sɛ nìni, à dà zɛ́u, àlɛ gɛ́ a sãkãkɛ̃ɛlɛnaɔ kĩi Timɛna ń a gbɛ̃na Adulaũ gbɛ̃́ Hilao. 13Ɔ̃ wà a baokpà Tamaaɛ wà mɛ̀: N zãde lɛ́ gɛ́ Timɛna a sãɔ kãkɛ̃ɛlɛi. 14Ɔ̃ à a gyaablepɔɔ wòlo, à pɔlɔgãu sɛ̀ a kù a wɛ́a, ɔ̃ à gɛ̀ zɔ̃̀lɛ Ɛnaiũ bɔlɛu Timɛna zɛ́u. Asa a è Sela gbãakũ̀ mɛ́ wi a kpawà nɔ ũo. 15Kɛ́ Yuda aà è, ɔ̃ à aà dìlɛ kaalua ũ, kɛ́ à pɔkù a wɛ́a yãi. 16Ɔ̃ à sɔ̃̀aazi zɛ́ saɛ à mɛ̀: To mà wulɛnnɔ. I aà dɔ̃ a nɛ gyaa ũo. Ɔ̃ nɔɛpi mɛ̀: Tó n wulɛmanɔ, bɔ́ ńyɔ̃ kpaai? 17A wèwà à mɛ̀: Má a blenɛɔ do kpãsãnɛ. Ɔ̃ à mɛ̀: Tɔɔma dilɛmɛɛ e ǹyɔ̃ gɛ́ kpãsãi. 18Ɔ̃ à aà là à mɛ̀: Bɔ́ tɔɔma mà dilɛnɛi? À mɛ̀: Ǹ n seelakɛbɔ ń a bao ń gopana pɔ ń kũao kpaa. Ɔ̃ a kpàwà, à wùlɛaanɔ, ɔ̃ à kɛ̀ nɔ ũ. 19Ɔ̃ nɔɛpi fɛ̀lɛ tà bɛ, à a pɔlɔgãu gò, à a gyaablepɔɔ dà.
20Yuda a gbɛ̃na Adulaũ gbɛ̃́ zĩ̀ ń blenɛo a tɔɔmaboi nɔɛpi kĩi. Kɛ́ à kà, i aà eo. 21Ɔ̃ à wekĩideɔ làla à mɛ̀: Kaalua pɔ ku Ɛnaiũ zɛ́ saɛ la yãa ku má ni? Aa wèwà aa mɛ̀: Kaalua ku lao fa! 22Ɔ̃ à ɛ̀a tà, a ò Yudaɛ: Mi aà eo. Wekĩideɔ mɛ̀ wa kaalua dɔ̃ we yãa seo. 23Ɔ̃ Yuda mɛ̀: Aàɔ pɔpiɔ kũa. Wásu wà to gbɛ̃́ɔ wá yaalɔo. Ma n zĩ ń blepio, ni aà eo.
24Mɔ aaɔ̃ gbɛa wà mɔ̀ wa ò Yudaɛ wà mɛ̀: N nɛ gyaa Tamaa kaaluakà, ɔ̃ à nɔsì a kaaluakaapiu. Yuda mɛ̀: À bɔaanɔ, wi tɛsɔ̃wà. 25Kɛ́ wàlɛ bɔaanɔ bàasi, à lɛkpãsãkɛ̀ a zãdeɛ à mɛ̀: Gbɛ̃́ pɔ pɔɛ beeɔ vĩ mɛ́ nɔdɔ̀magu. Seelakɛbɔ ń a bao ń gopanaɛ beeo gwa, tó ń a de dɔ̃. 26Yuda pɔpiɔ dɔ̃̀, ɔ̃ à mɛ̀: Nɔɛpi yã na dɛmala, asa mi aà kpa ma nɛ Selawao. Yuda i wulɛaanɔ lɔo. 27Kɛ́ à kà nɛ'ia, sìaɔ mɛ́ ku aà gbɛɛu. 28Gɔɔ pɔ àlɛ nɛ'i, a gbɛ̃do ɔbɔ̀, ɔ̃ nɔɛ nɛ'ina wɔ̃ɔtɛ̃na dɔ̀wà à mɛ̀: Nɛɛ bee mɛ́ bɔ̀ káau. 29Kɛ́ nɛpi a ɔ sɔ̀aa, ɔ̃ nɛ plaade bɔ̀, ɔ̃ nɔɛpi mɛ̀: N bɔ bùiɛ fa! Ɔ̃ wà tɔkpàɛ̀ Pɛlɛzi.#38.29 Bee mɛ̀ à bɔ̀ bùi 30Bee gbɛa kɛ́ aà gbɛ̃do pɔ wà wɔ̃ɔtɛ̃na dɔ̀ aà ɔwapi bɔ̀, ɔ̃ wà tɔkpàɛ̀ Zela.#38.30 Bee mɛ̀ tɛ̃n zoizoi
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Boko Bible © SIM International, 2024.