Bɔa 19
19
Sinai gbɛ saɛ
1Isailiɔ bɔa Egipi mɔ aaɔ̃de gɔɔ sɛ̃iazĩ 2aa fɛ̀lɛ Lefidiũ. Kɛ́ aa kà Sinai gbáau, ɔ̃ aa bookpà we Sinai gbɛ pɔlɛu. 3Mɔizi dɛ̀dɛ à gɛ̀ Lua kĩi gbɛpi musu, ɔ̃ Dii lɛzùaazi à mɛ̀: Yãɛ bee o Yakɔbu bui Isailiɔnɛ: 4Á è lá má kɛ̀ Egipiɔnɛ, lá ma á sɛ́ ma suánɔ ma kĩi, lan kúu ì a nɛ sɛ́ a gãsĩawawa. 5Tó a ma yãmà mɛ́ á ma baakuaánɔ yã kũa sa, áɔ dɛ ma gbɛ̃́ yenzideɔ ũ#Tit 2.14 bui pii guuɛ. Baa kɛ́ dũnia dɛ ma pɔ ũ pii, 6áɔ dɛmɛɛ kiaɔ ũ ma gbagbanaɔ ũɛ, ma gbɛ̃́ pɔ an kua ńdoaɔ ũ.#1 Piɛ 2.9; Zia 1.6, 5.10 Yã pɔ ńyɔ̃ o Isailiɔnɛn we.
7Mɔizi pìla à gbɛ̃zɔ̃ɔɔ sìsi, ɔ̃ à yã pɔ Dii òɛ dàu a sìunɛ́ pii. 8Aa wèwà mpii aa mɛ̀: Yã pɔ Dii òwɛ̃ɛ pii, wá kɛɛ. Ɔ̃ Mɔizi yã pɔ wa ò sɛ̀lɛ à gɛ̀ sìu Diiɛ. 9Dii òɛ̀: Má mɔ́ n kĩi suɛlɛ geele guu, kɛ́ gɔɔ pɔ malɛ yã'onɛ, aa e ma, aaiɔ n naai vĩ gɔɔpii. Ɔ̃ Mɔizi yã pɔ aa ò sɛ̀lɛ à sìu Diiɛ. 10Ɔ̃ Dii òɛ̀: Gɛ ǹ ń le, ní onɛ́ aa gbãbɔ ńzĩaɛ gbã ń ziao, aai ń pɔkasaɔ pí, 11aai sɔukɛ ziabaasi, asa a gɔɔ aaɔ̃dezĩ má pila mà zɛ Sinai gbɛ musu gbɛ̃pii wáaɛ. 12Kɔɔ danɛ́ gbɛpi pɔlɛu ǹ liai pii, ní onɛ́ aa laaika, aasu dɛdɛ gbɛpiwao, an gbɛ̃e su ɔkãwà seo. Gbɛ̃́ pɔ ɔkã̀wà, wà ade dɛ. 13Wasu ɔkã adewao, wà aà papa ń gbɛo ge wà aà zɔ̃zɔ̃ ń kao wà dɛ. Pɔtuon nò, gbɛ̃nazĩnan nò, à gàɛ. Tó aa mà wà kuupɛ̀ wà a bagà, aa sɔ̃ gbɛpizi.#Hɛb 12.18-20
14Mɔizi pìla gbɛpiwa, à mɔ̀ à ń lé, a ònɛ́ aa gbãbɔ ńzĩaɛ aa ń pɔkasaɔ pí. 15À ɛ̀a ònɛ́: À sɔukɛ gɔɔ aaɔ̃dezĩ yãmusu. Ásu wulɛ ń nɔɛoo. 16Kɛ́ gu dɔ̀ a gɔɔ aaɔ̃depizĩ, ɔ̃ lou lɛ́ pũna àlɛ pilɛpilɛ, mɛ́ lou sìsi gbɛ musu. Kɛ́ aa kuu ɔ́ gbãa mà, ɔ̃ vĩa gbɛ̃́ pɔ ku bòouɔ kũ̀ pii, aalɛ lualua.#Zia 4.5 17Mɔizi bɔ̀lɛńnɔ bòou, à gɛ̀ńnɔ Lua kĩi, ɔ̃ aa zɛ̀ zĩlɛ gbɛpi saɛ. 18Suɛlɛ kùlɛ Sinai gbɛwa kɛ́ Dii pìlawà ń tɛ́o yãi. Suɛlɛpi fɛ̀lɛ lan mua suɛlɛwa, mɛ́ gbɛpi lɛ́ lualua pii. 19Kuu ɔ́ gbãa lɛ́ kãfĩ. Kɛ́ Mɔizi yã'ò, ɔ̃ Lua wèwà loupũnaa guu.
20Dii pìla à zɛ̀ Sinai gbɛ̀ musu, à Mɔizi sìsi, ɔ̃ à dɛ̀dɛ à gɛ̀ we. 21Dii òɛ̀: Pila ǹ gbɛ̃́ɔ gba laai, aasu gu baa vĩ aa mɔ ma gwaio, kɛ́ aasu gaga dasio yãi. 22Baa sa'ona pɔ aaì sɔ̃maziɔ, aa gbãbɔ ńzĩaɛ, kɛ́ masu mà ń dɛdɛo yãi. 23Mɔizi ò Diiɛ: Aa dɛdɛo, asa n wá gbá laai n mɛ̀ wà kɔɔda gbɛpi pɔlɛu, i gɔ̃ n pɔ ũɛ. 24Ɔ̃ Dii òɛ̀: Pila ǹ Aalona sɛ ǹ mɔò, ãma sa'onaɔ ń gbɛ̃kĩniɔ su gu baa vĩ aa mɔ ma kĩio, kɛ́ masu mà ń dɛdɛo yãi. 25Ɔ̃ Mɔizi pìlamá à yãpi ònɛ́.
ទើបបានជ្រើសរើសហើយ៖
Bɔa 19: Boo2024
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Boko Bible © SIM International, 2024.